綠嶺 2022-2-10 00:20:14 我都唔知點解我要跑，但係我身體好自然就動起嚟。

「再見啦！小心呀！」尾隨Audi A5嘅我大叫。

「再見啦！」太陽都一同奔向陳浩然。

「再會啦！」Anson都加入追車團。

然後，轉咗兩個彎後，陳浩然就離開咗我哋，喘晒大氣嘅大哋緩緩行返hall繼續我哋餘下嘅hall life。

選舉過後，一切又回到原狀。

同男班長分手後，女班長就同咗新莊嘅P一齊，之後嘅事我都無打探落去。

由一開始就無得贏，但選擇玉石俱焚。

唔理解，但呢種精神我敬佩。

鐘國朱溫 2022-2-10 05:44:52 此回覆已被刪除

每天都要打邊爐 2022-2-10 11:47:50

:^(

山區兒童窩巴 2022-2-10 23:57:57 推推

綠嶺 2022-2-11 00:37:55 過埋禮拜六出文

:^(

CC達人 2022-2-11 13:27:53 未有3P，有幾瘋狂

K85666 2022-2-11 15:38:09 樓主點解用浸中做 story setting

:^(

時代的眼屎 2022-2-11 21:17:30 因為樓主都係讀浸中

:^(

住過浸中hall就會知呢啲嘢

K85666 2022-2-12 17:09:36 雖然樓主浸中，但係佢青頭都成功flirt到個淫女好勁
我應該會勁淆之後咩都唔做

時代的眼屎 2022-2-12 20:28:27 都真 特別係Renee呢啲住2 3年hall就換幾條仔嘅女 身為一個hall fresh一定唔敢埋呢啲女身 不過樓主角度咩都唔知又本身識都冇計

山區兒童窩巴 2022-2-13 03:09:53 推推

綠嶺 2022-2-13 14:15:44 呢個係一個好短、好短嘅故事，我連女主角嘅名都未知道嘅情況下我哋嘅故事就結束咗。成件事好無理頭，起承轉合姑且都叫有，但係轉折就好奇怪，完全唔合常理，但又係我嘅個人經歷。

同Renee分手之後，我就開始咗食煙。平時我都會同層友一齊食，但係今晚失眠，所以凌晨4點我就自己落hall樓下，再行去學校門口嘅垃圾桶附近抽煙。

抽煙係一種放鬆同解放，每一口煙都會令我菊花同身體放鬆，吐煙嘅時候就會將傷心噴走。

Renee出軌嘅傷害比我想像大，被分手後我陷入咗怨天尤人嘅漩渦，不停叫春。

明明只係幾個月貨仔，但係我就好上心。

或者咁樣就係中學情意結，我對過去嘅事物有種情意結，以為終於到手，但最後失去咗。而且失去嘅原因唔係我做錯嘢，而係一個交配app。

你諗下，幾年前拎唔到手嘅嘢，幾年後突然落入你心中，喺你滿心歡喜嘅時候又失去。

真係屌那星。

我吐出一縷臭煙，煙喺空中飛舞，我嘅視線隨煙霧向上望。

「搞咩呀你？扮悲劇男主角？」一把特如其來嘅女聲將我嘅視線拉過去。

水平望，無人。

向下望，發覺有個背心短褲嘅女仔坐咗喺樓梯到食煙。一把啡紅色嘅中長髮，可愛type嘅女仔，同小薯茄嘅童童有幾分相似，但佢右手食指同中指卻夾住一支同佢型像唔夾嘅煙。

無啦啦仲乜撩鳩我？條女癲㗎？

「關你撚事？」心情已情差到癲嘅我唔想理佢，彈一彈支煙，等煙頭嘅灰燼弄落喺條女身前。

「你無嘢呀？唔開心大曬？」條女不滿地道，之後佢就企起身對住我塊面噴煙。

呢條女真係癡線咁，明明係佢撩鳩我先，依家發乜鳩脾氣？啲女人都傻㗎。

「屌你！你癲㗎八婆！」我一邊以手作扇撥煙，一邊問候佢。

綠嶺 2022-2-13 14:17:44 「你叫咩名？」條女突然轉移話題。

「關你撚事咩癲雞。」煙霧已散，但心頭之恨還在。

「睇嚟你真係失戀。」條女行去我身邊，將支煙插落垃圾桶頂整熄佢，再講：「我啱啱都畀人飛。」

「關我鳩事咩！我警告你，你唔好再煩住我。」我無心情去理其他人，特別係呢條女啱啱搞鳩完我。

「你彈煙灰落我到先。」佢惡人先告狀。

「喂，係你無啦啦撩鳩我先，同埋都冇彈到你。」我反駁。

「咁你係咪都係失戀？」條女又問。

呢條女太跳，完全唔知佢想點。點解我要同個陌生人講愛情故事？

我決定唔理佢，將支煙插垃圾桶頂就轉身走，點知條癲雞拉住我。

「大佬，當係我唔啱，畀我走好唔好？」我放棄再屌佢，只希望盡快返房休息，或者同Ashley做愛。

「你知唔知唔可以一直當自己係失戀故事嘅主角，咁樣走唔到去下一步。」條女痴線㗎，無啦啦講經，痴撚線。

「明白，咁我可以走未？」我甩開佢隻手想走，但佢又好快捉住我。

條女繼續自說自話：「有時候，愛情故事真係唔一定係自己做錯事，要分手嘅時候就分手。根本唔到我哋選擇。我哋唯一能夠做嘅就係盡快放低過去。」

乜鳩呀條女，但自己拍緊青春偶像劇？大佬呀，使唔使dramtic？好撚莫名其妙。又鳩呀，雖然我真係失戀，但洗唔洗咁啱有條女喺到講經？

「你要演內心戲係你嘅事，唔好搞鳩我。死撚開！」容忍度達極限嘅我打算大聲屌鳩佢。

下一秒，映入眼簾嘅係滿面淚水嘅女人，我嘅怒火就係咁被撲滅。月光灑落喺佢頭上為佢添加幾分悲情。

綠嶺 2022-2-13 17:35:55 「唉。」我嘆口氣，拎兩支煙出嚟：「我哋過去食多支，慢慢講。」

「嗯。」條女含住淚水拎起支煙，再坐落樓梯到，點煙。我都坐去佢側邊點煙。

「藍莓嚟，識食。」佢講。

「你個樣唔似會食煙。」

「我個樣都唔似會無啦啦拉住個陌生人發癲嘅女人。」佢笑道。

「邊個會估到一個靚女咁癲。」冷靜落嚟嘅我可以好好對話。

「對唔住，我都唔知點解我會撩你講嘢。」條女講。

「等等，我都估到九成。應該係你近排都分手，而你嘅前男友就出軌，或者佢主動提出分手，雖然你唔捨得，但係對方又堅持要分手。所以你而家好唔開心，好想走悲傷，但係就係做唔到。係呢個時候，你就見到扮做悲劇男主角係我喺度食煙，你就當咗我係你自己，你頭先講嘅說話其實係講比自己聽，係唔係？」老老豆豆，我講完都覺得自己可以做編劇。不過我諗我嘅推測都唔會錯得去邊，以我睇咁多電視劇來講，冇八成都九成。

「唉，好柒呀！」佢突然大叫，再講：「聽你咁樣講，我就覺得自己好尷尬。我好似無啦啦做咗啲愛情電視劇嘅女主角，無啦啦捉住陌生男仔發癲。呀！好柒呀！啲內心戲演晒出嚟，真係好中二病。」條女掩住臉搖頭。

意識到自己上咗場大龍鳳嘅佢紅都面晒咁係咁搖頭。

「唔使尷尬住啦，快啲講完，快啲放我返上去瞓覺啦。」我想盡快擺脫呢到，想快啲返房休息。

綠嶺 2022-2-13 17:36:08 「你中八成啦。首先，同我分手嘅係我女朋友。第二，無第二啦。我真係無啦啦發癲，唉，好柒救命。我真係當咗自己係電視劇女主角，對唔住呀搞到你。」條癲雞無啦啦又道歉，佢幾分鐘內嘅心理變化快到我跟唔切。

「你知就好啦。咁你點解分手？」我問。

「佢識咗第二個。」佢吐煙。

「我嗰個都係。」我講。

「咁啱都有。點解個個都鐘意出軌？」

「講真，就算拍緊拖，如果三上悠亞喺我面前，我一定會出軌。」我講，我呢排覺得出軌某程度係人嘅本能，有個靚女喺我面前話可以做愛，我一定唔會理我有冇另一半，食咗再算。

「都啱嘅。」條女答。

「總之就係咁樣。祝你早日擺脫失戀，煙我就食完，你嘅事我都聽咗啦，我走先。bye。」為咗快啲擺脫佢，我馬上抽完煙再起身打算走。點知條八婆又拉住我。

「大佬，你仲想點呀，我已經聽完你講啦。求吓你畀我走啦。」我求饒。

「你唔會覺得寂寞咩？」佢抬頭，用水汪汪、楚楚可憐嘅眼神望實我。

「會呀。」

「我都係。無咗佢之後，我好迷失。」

「咁我祝你早日康復，有咩唔開心就搵你嘅朋友講啦，同我呢個陌生人講無用㗎。我走先。」我甩開佢隻手再一個箭步逃走。

「等等！」佢大叫，但係我冇理佢繼續行。

「我可唔可以去你度一齊睇戲？」佢呢一句先係真正嘅等等，我聽到之後即刻停喺度，已經扯扯地。

呢個同明示要扑嘢無分別。

成件事好唔合理，好跳躍，同時又欠缺鋪排，所有嘢都係突然爆出嚟。

矢久保美緒 2022-2-13 19:42:45

:^(

:^(

呢個最癲

木屋小偶 2022-2-14 00:32:34 加速 加速

山區兒童窩巴 2022-2-14 02:18:55 推推

山區兒童窩巴 2022-2-14 02:22:19 磨牙磨牙

:^(

:^(

白三黑警 2022-2-14 04:56:09 已經估到會扑，估唔到既係我除埋褲先停！？

新手初心者 2022-2-14 09:40:05 點知返到去真係睇完套戲佢就走左...... 完

CC達人 2022-2-14 11:16:35 係咪屌童童喇

每天都要打邊爐 2022-2-14 12:56:46

:^(

:^(

綠嶺 2022-2-14 23:58:54 總之成件事就係，我食食下煙，突然有條女話可以上床，仲要係佢主動提出，唔通係仙人跳？我踩咗呢個陷阱嘅話我仲可唔可以係hall生存？揚咗出去會唔會畀人恥笑？

「你真係想睇？去我間房？」我問。去我間房可以確認啲人無咁易爆入嚟，同時只要喺房返途中確保佢唔玩電話，聯絡唔到其他人，我就可以放心食佢。

「嗯。因為我都會寂寞。」佢若有所思地道，然後就牽起我手，我有如回敬佢咁拖實佢。

「但係你之前嗰個係女朋友？」我問。屌咗佢嘅話即係屌TB？可能佢只係一時寂寞先想同男人做愛，佢之後可能會後悔。但係點解我要關心人？我同佢朋友都唔係，有得食嘅點解我要猶豫？根本唔洗關心同擔心條女點諗。我比較擔心如果佢做完後悔會告我老強。

「男人我都OK。」佢誘人地撥一撥頭髮再脷一脷上唇。

「你連我個名都唔知。」我講。

「重要咩？兩個失戀嘅人，兩個寂寞嘅人，兩個食煙嘅人。」風吹過，然後佢嘅頭髮飄逸起嚟，弱小嘅感覺令人想攬實佢。

「你唔好後悔呀，我真係乜都做得出。」可能因為心情唔好，我講嘢而家好露骨。只要有愛做，呢個屈悶嘅心情大概可以得到抒發。雖然話我有Ashley，但係試下唔同嘅女都係一種樂趣。

「我覺得咁樣做我先可以走出個漩渦。」佢講。

「咁你都去搵其他男人，點解要係我？」我都唔知自己點解要講一句，明明閪在面前，我唔問嘅話明明可以任我玩，問咗反而可能無得玩。可能因為啱啱戴咗綠帽，我有少少道德潔癖。但係我明明有繼續同Ashley做愛，我都唔知自己諗乜。

「只係咁啱係呢個時間點，我遇到咁啱失戀嘅你。同埋，我都送到上門，你就唔好再拒絕我。」條女將手掌放到我胸前，再輕輕打轉。

「OK，嚟啦。我依家無roommate。」講完我就拖埋佢另一隻手，唔畀佢拎手機出嚟聯絡人。我哋拖住手行到hall，hall嘅閉路電視影到我哋拖手嘅話，就算佢之後想句我老強都無咁易。

然後，我就帶咗呢個名都唔知嘅女煙友返房。一上到房我就叫佢去廁所用漱口水浪口，唔去咗陣煙味真係做唔到愛。然後我就偷偷地將佢電話放到九丈遠，等佢唔可以反悔。

跟住嘅流程就好教科書，首先我哋兩個平排咁坐喺床度睇Netflix，電腦放喺腿上，至於睇咩我已經唔記得。我哋一邊睇一邊撫摸對方嘅身體，然後就開始接吻，跟住開始摸對方嘅性器官，再慢慢將衣服一件一件除落嚟。

「做愛？」我問。

咁問雖然好怪，但我要一個confirmation。我事前已經打開咗電話嘅錄音功能，只要錄低佢嘅話可以做愛，我就唔洗再擔心畀人告老強。

山區兒童窩巴 2022-2-15 00:23:25 推推