黑色熱浪 2021-12-16 18:18:34 文呢

:^(

良月良月 2021-12-16 21:53:10

:^(

:^(

:^(

近日公事繁忙
繁忙到自己甩咗P都唔知
文又未寫好
又唔得閒上來
要聽日先有文

:^(

:^(

:^(

賤人一個 2021-12-16 21:56:35 推一下

良月良月 2021-12-16 22:26:15 哈哈
你哋唔講我都冇為意

:^(

良月良月 2021-12-17 14:21:03 番外篇 - 感受三十七度的體溫 (11)

Edan看見呼喚他的人，是Natalie。

Natalie︰「你做咩喺度飲到咁醉呀？」

Edan︰「我……我唔係醉呀，我係……我係有啲唔舒……」

Edan未講完，嘔吐物隨即噴射出來，差點弄污Natalie的褲子。

嘔吐過後，Edan舒服了一點。

他望著Natalie，很有喜出望外的感覺。莫非早上那個唱歌少女，說的話真的應驗？Natalie真是他的真命天女？重遇Natalie真的是他會遇到的好事？

Natalie拿出紙巾，幫Edan抹掉嘴角上的嘔吐物。

Edan確是一個很容易受感動的人。從小到大，他都是照顧者，一直兄兼母職去照顧Elise，母親又不理會他們，所以他很少被人照顧。直到第一次拍拖，女友有公主病，Edan拍拖就像湊女一樣，從來都未被女友照顧過。

一有人對他作出關心，他就會很容易受感動，就像上次生病時得到Rachel的照顧一樣。

Natalie將手放在Edan額前。

Natalie︰「你發燒呀！你就係咁㗎喇，淨係識得照顧人但又唔識得照顧自己！你行唔行到呀？帶你去睇醫生啦！」

Edan︰「行到！」

在Natalie的攙扶和帶領之下，Edan終於在附近診所看了醫生。

離開診所後，Edan打算繼續坐在海傍的長椅上度日。

Edan︰「Natalie，多謝你呀！我唔想再阻住你喇，但你臨走前可唔可以幫我買一排方包，我自己會食藥㗎喇！」

Natalie︰「你打算繼續坐喺呢度？食住西北風食藥？」

Edan︰「係呀！」

Natalie︰「唉，我唔知你咩原因攪成咁，不過我唔會𨂽低你唔理！上嚟我屋企坐啦！」

聽到Natalie說她不會拋下自己，霎時間，在Edan眼中，Natalie頭上就像多了一個光環，Edan眼眶也滲出眼淚，心裡十分感激Natalie。

於是，Edan跟隨Natalie到她的家。

**********

Natalie母親：「Edan？做乜攪成咁呀你？快啲坐低先啦！」

Edan以前曾經來過Natalie家作客，Natalie的母親早早就認識他。

Edan︰「我已經兩日冇沖涼喇，我唔想坐污糟你張梳化。」

Natalie母親︰「咁你快啲拿拿臨去沖涼啦！芊蕊，你攞你阿哥啲衫褲俾Edan換啦！」

Edan終於洗了澡，刷了牙，身上怪味得以消除。之後再吃了一點東西，也吃了藥，現在終於做回一個正常人。

Natalie母親：「我落去買餸喇，Edan你食咗藥就瞓陣先啦，你可以入去芊蕊阿哥間房瞓一陣㗎，佢阿哥已經幾晚冇返嚟瞓㗎喇，今日都應該唔會返，你自便啦！」

Edan︰「真係好多謝你呀伯母，好多謝你！」

Natalie的母親離開後，他們二人坐在客廳的沙發上，整整三分鐘沒有交談。

「好多謝你呀Natalie，多謝你肯收留我！」Edan打破沉默。

Natalie︰「唔使再講多謝喇，收留你嗰個係我阿媽，唔係我。相對於你以前幫我做過嘅嘢，呢啲只係小事。」

Edan︰「Natalie，你……你冇嘢吖嘛！」

Natalie︰「你覺得我有咩嘢？」

Edan所提及的，當然是Justin和Natalie分手一事。

Edan︰「三個禮拜前，我見到你終於同Justin喺埋一齊，我真係真心戥你開心㗎，但係……」

Natalie︰「我冇嘢喎，有啲嘢要試過先知work唔work。」

Edan︰「Justin真係一個人渣，佢究竟要再傷害幾多個女仔嘅心先肯收手！」

Natalie︰「做乜無端端話你個好兄弟係人渣呀？」

Edan︰「我唔會再同佢做兄弟，我依家見到佢，只係想打鑊佢！」

Natalie︰「我唔知你同佢之間發生咗啲咩事，但係我識咗你哋兩個已經兩年喇，我好清楚你哋為人。Justin佢雖然係花弗啲，但佢對你呢個兄弟真係好好！」

Edan︰「佢對我好好？哼，講笑搵第二樣啦！」

Edan感到難以置信。為何認識Justin的女生，就算被Justin傷害過，也會像著了魔一樣，不斷為Justin講好說話？明明Justin就是那萬中無一的賤種，仍然有那麼多人為他辯護，還對他死心塌地？

Mia是，Elise是，現在Natalie也是！

霎時間，Edan感到頭痛欲裂。

Natalie︰「唔講佢喇咁，你不如休息吓先啦！」

Edan聽從Natalie吩咐，到Natalie兄長的房間休息。

一睡，便睡了四小時……

***********

「Rachel！」

「Edan，你醒喇？你好啲未呀？」

「好返啲喇。你，一直坐咗喺床邊陪住我？」

「係呀，你病吖嘛，我梗係會陪住你啦！」

Rachel用毛巾輕輕抹去Edan額上的汗。

「我煲咗粥呀，依家潷俾你食吖！」

Edan捉實Rachel的手，將她拉回自己身邊，並緊緊的擁抱著她。

「Rachel，我真係好鍾意你呀！」

「……」

「Rachel！」

Edan放開Rachel後，竟發現眼前的人不是她。

「Natalie！Sorry呀，我無心㗎！」

Edan原來一直在做夢，夢見之前生病時跟Rachel一起時的畫面。他誤將Natalie當作Rachel，更將她一抱入懷。

Natalie︰「唔使sorry喎，一睇你就知你同女朋友嗌交啦！原來你係一啲一同女友嗌交、轉頭就會攬住其他女仔嘅人！」

Edan︰「你講咩呀，我……我同佢分咗手喇！我攬邊個都唔關佢事！」

Natalie︰「咁，你依家當我係咩呀？當我係公仔咁攬完就算？」

Natalie跟Edan互相對望。

Edan對住這個自己曾經喜歡過的女生，心裡有些悸動。

這次偶然重遇Natalie，她熱心地收留自己，細心照顧周到。現在她更深情地望著自己，更問自己「你當我是誰」之類的問題。究竟她為何會有這些舉動？

莫非Natalie喜歡自己？

但這又與他何干？Edan原本也以為自己今日能跟Natalie相遇，是上天賜給他的緣分，但他剛才發夢時只夢見Rachel，証明自己根本放不下Rachel，他又怎能立刻跟另一位女生開始新的戀情呢？

更何況，Natalie根本沒可能喜歡自己。她喜歡的是Justin，這點是毫無疑問的。

現在被Justin拋棄了只有三個星期，如果她轉頭就表示對自己有愛意，這也不似Natalie的性格，Edan也會看不起她。

Edan︰「當你係我嘅朋友，一個喺我最倒霉嘅時候幫助我、俾我攬住都毫無怨言嘅朋友囉！」

Natalie聽到Edan的回答之後，向Edan報以一個微笑。

Natalie︰「你瞓多陣啦，你尋晚成晚都冇瞓！」

Edan︰「瞓唔返喇！」

Natalie︰「既然你瞓唔返，咁你可唔可以同我講返你最近究竟發生咗啲咩事呢？做乜無家可歸呢？」

Edan向Natalie簡單講出自己最近發生過的事，包括懷疑女朋友並不喜歡自己、跟家人鬧翻，以及Justin可能跟自己女朋友私會一事。

Natalie︰「我唔係想同你唱反調，但你講嘅嘢全部都係你估出嚟，根本冇真憑實據！就好似粒鈕，你有冇確定過真係你女朋友跌？就算係你女朋友跌，但你係喺Justin嘅錄音室搵到，並唔係喺Justin屋企張床上面搵到。Justin嘅錄音室，我同佢拍拖之前都入過幾次啦，有乜咁出奇呀！」

Edan︰「佢哋兩個根本就唔熟，Rachel做乜要無端端上去Justin嘅錄音室喎，仲要咁橋漏低咗粒鈕！就算佢哋冇嘢，佢哋都係有嘢瞞住我，瞞住我私底下有聯絡！」

Natalie︰「咁你女朋友同Justin仲有冇其他共同朋友㗎？」

Natalie這樣一問，Edan立即想起Elise。Elise是二人的共同朋友，Rachel有可能是因Elise的關係而到過Justin的錄音室，猶其是最近Elise要幫忙做音樂節的事，經常到Justin的studio。

Edan︰「有，我個妹。」

Natalie︰「你問下你個妹先啦！仲有呀，你無厘啦更鬧爆你個妹，又唔講咩原因唔准佢去Justin嗰度幫手，係我都嬲啦！」

Edan︰「我明喇！近排有太多唔開心嘅嘢發生，好彩有你聽我呻！好多謝你呀！」

Natalie︰「夠喇，當我係朋友就唔好再咁客氣喇，多謝到我都覺得有啲煩。」

此時，Edan再次跟Natalie對望。Edan一聽到「朋友」一詞，隨即再次想起往事……

良月良月 2021-12-17 14:21:24 (續)

自從Edan﹑Justin和Natalie在西貢海傍互相結識之後，三人迅速成為朋友。Natalie在Justin的studio裡學結他，時常叫Edan一同前來，
三人經常在studio裡渡過，相處一直很好。而Edan和Natalie二人，在Justin的輔助之下，關係也進展不少，二人共同嗜好也多，有時他們也不避嫌地結伴外出，但一直維持朋友關係。

Natalie︰「喂，過嚟俾我度一度見衫先啦！」

Edan︰「吓，你買衫俾邊個？」

Natalie︰「咪你囉，仲要問！想買啲實用嘅嘢俾你做聖誕禮物嘛！呢件好唔好睇呀？你鍾唔鍾意呀？」

Edan對於Natalie主動送衣服給自己當聖誕禮物的行徑，感到喜出望外。

Edan︰「OK呀，我鍾意呀！」

Natalie︰「咁你試上身先啦！」

Edan將衫試上身，覺得很合身，Natalie也覺得非常好看，於是決定買這件衫給Edan。

Natalie︰「可唔可以試埋呢件呀？」

Edan︰「吓，你想送多一件俾我？」

Natalie︰「唔係呀，我想送埋俾Justin呀，你同佢身型差唔多，所以想你幫手試埋喳嘛！」

當Edan知道Natalie也送相似的聖誕禮物給Justin時，心裡有些酸溜溜的感覺。當然，Edan也甘願做Natalie的人肉試身公仔。

買完衣服後，Edan跟Natalie一起前往小巴站。

這已是二人第五次單獨外出。每次跟Natalie一起，Edan都會感到很幸福，很滿足。可能習慣了這種感覺，他遲遲沒有打算跟Natalie再行前一步。

他知道Natalie並不討厭自己，也不抗拒跟自己單獨外出，但他一直看不透對方的心思。

今晚，他突然心血來潮，想跟這個他喜歡已久的對象表白。

Edan︰「Natalie，我有嘢想同你講！」

Natalie︰「咩事呀？」

Edan︰「我……Natalie，其實我鍾意咗你好耐㗎喇，你……可唔可以同我一齊呀？」

面對Edan突如其來的表白，Natalie顯得有點不知所措，遲遲未能回答Edan。

看見神情迷惘的Natalie，Edan也知自己機會渺茫，但他仍未想放棄。

Edan捉緊Natalie雙手，說：「喺呢幾個月以嚟，我同你一齊嘅時候真係好開心，我亦都感覺到你對我好好。你可唔可以俾機會我，喺以後嘅日子對返你好，可以好好咁照顧你呀？」

Natalie放開了Edan的手。

「Edan，我哋可唔可以繼續做朋友呀？」

紅fight黃 2021-12-17 14:37:50 都估到仆街樓主想煮死毒撚架啦

良月良月 2021-12-17 19:18:59 都冇煮死
講返啲之前發生過嘅嘢者

:^(

紅fight黃 2021-12-17 20:44:21 真係比兄弟你估到囡哽安咁廢

夜凪景 2021-12-17 23:29:49 你真係對Edan好恨

:^(

綠茶綠茶 2021-12-18 01:43:14 Edan

:^(

良月良月 2021-12-18 08:31:44 點解我睇唔明你呢句

:^(

良月良月 2021-12-18 08:32:21 劇情需要

:^(

良月良月 2021-12-18 08:35:16

:^(

:^(

:^(

DVD_ROM 2021-12-18 08:46:46 Edan點解會幻想自己有幸福

:^(

又窮又毒又無才華

:^(

Rachel 應該只係中意佢似阿康啫。

DVD_ROM 2021-12-18 08:52:00 Edan毒到，睇人busking 2個月

:^(

講句你好熟口面就沉船

:^(

Justin 咁charm 又識音樂，中哂Natalie口味，Edan又以為自己唔係比人借嚟過橋嗰下好笑

:^(

毒撚就摺埋一邊等死啦

:^(

良月良月 2021-12-18 09:34:44 Edan雖然毒啲但佢都有優點嘅
你都唔好咁灰

:^(

杜蘭朵 2021-12-19 16:07:39 無文無心機投票

:^(

:^(

書寫少年 2021-12-19 20:10:48 樓主啲故連番外篇都咁好睇 搞唔掂喎！

JM 2021-12-20 14:13:18 Push

扣多你五十分 2021-12-21 07:42:37 lm

戲子 2021-12-22 22:25:33 聖誕有無

書寫少年 2021-12-22 23:23:35 樓主幾時出新一集

良月良月 2021-12-23 12:09:32 番外篇 - 感受三十七度的體溫 (12)

「Edan，我哋可唔可以繼續做朋友呀？」

聽到Natalie的答覆，Edan心情跌至谷底。

Edan︰「Natalie，我哋……我哋係咪已經太熟，令到你冇咗愛情嘅感覺？」

Natalie︰「唔……唔係呀，我同上一個boyfriend未拍拖之前都係好friend，我……」

「係咪Justin呀？」Edan插咀問道。

Natalie︰「你講咩Justin呀？」

Edan︰「你係咪鍾意Justin？」

Natalie聽到Edan的疑問，感到有點驚訝。她已在三人相處的時候盡量保持低調，從來沒有表達過自己對Justin有任何意思。

Natalie︰「你諗多咗喇，我冇鍾意Justin，你唔好亂諗。我好珍惜同你哋之間嘅友誼，對你同Justin都冇愛情嘅感覺。」

Edan︰「我問你吖，點解Justin第一次入嚟西貢聽你唱歌嗰日，你會主動同我講嘢？」

Natalie︰「吓，要有原因嘅咩？我嗰陣咪講咗我認得你，你已經嚟聽我busking有兩個幾月，我就想主動同你say個hi，當係答謝你嘅支持囉！」

Edan︰「唔係一個月，唔係兩個月，而係兩個幾月先過嚟答謝我，點會咁橋呀！」

Natalie︰「你究竟想要點樣嘅答案呀？咁我都會怕醜㗎嘛，我見你哋有兩個人，氣氛冇咁尷尬，咪趁機同你打招呼囉！」

Edan︰「我只係想要真正嘅答案！我係feel到你對Justin係有啲嘢，你就當係等我死咗條心啦！」

Natalie聽到Edan想自己講真話，她也不想再作隱瞞。

Natalie︰「Edan，由始至終，我鍾意嘅都係Justin。由我第一眼見到佢，已經俾佢嘅氣質吸引到。我見佢係同你一齊，所以就主動過嚟同你傾偈。呢個答案你滿意未？」

雖然是Edan迫Natalie講出心聲，但從Natalie口中親自說出，Edan只有默默承受這個殘酷的事實。

Edan︰「滿意，多謝你肯講真說話！你放心，我唔係嗰啲死纏爛打嘅人，我唔會再煩住你。我走先啦，好多謝你份聖誕禮物，我好鍾意呀！拜拜！」

說罷，Edan立即轉身，用最快速度跑離現場。他不想Natalie看到自己哭。

Edan奔跑了幾個街口，終於停下來。他背靠牆壁，垂下頭來，開始飲泣。

其實Edan一早已心裡有數。

由Natalie第一次主動和他打招呼，他就知道，Natalie的目標根本不是自己。

他一直不敢相信這個事實，覺得Natalie還是有機會喜歡自己，猶其她不避嫌地跟自己單獨約會。

他早就應該知道，Natalie只是借他的身份去結識Justin。他和Justin的質素確實相距甚遠，Justin家境富裕，又有自己的studio，才華洋溢，樣子俊俏，為人又風趣幽默。

相反Edan只是一個普通男生，沒有獨特長處，說話又沉悶。當初他面對自己喜歡的人，只懂默默去做一些徒勞無功的事，每星期去西貢聽對方唱歌，又不主動去結識對方，性格比較懦弱。

Edan在Justin面前，顯得格外自悲。

現在Edan跟Natalie表了白，Edan相信，三人的關係一定會出現變化，再也回不了頭。

**********

沒料到，就在跟Natalie表白後的翌日，Natalie主動到Edan公司樓下，等他下班。

Edan︰「你……你嚟搵我做咩呀？」

Natalie︰「Edan，我之前利用咗你去識Justin，令到你有誤會，係我唔啱。我尋晚問嗰句係真心㗎，我哋仲可唔可以繼續做朋友呀？」

面對Natalie這樣的要求，Edan覺得很驚訝。他剛被對方拒絕，對方又喜歡了自己的好友，而他深知自己根本改變不了現況，他原本只想疏遠對方，直至忘記對方，他便可重新出發。沒料到對方真的要求跟自己繼續做朋友。

Edan︰「你面對住我同Justin嘅時候，你唔會覺得尷尬咩？」

Natalie︰「唔會，因為短時間內，我都唔想跟你哋嘅關係有任何改變。」

Edan︰「你唔想同Justin一齊咩？」

Natalie︰「唔係我唔想，係我知道Justin根本唔會鍾意我！」

Natalie解釋，她愈熟識Justin，愈覺得自己不會是Justin心目中的女生。她覺得現在跟Edan和Justin做朋友，感覺很舒服，感情事只想順其自然。

明明可以放棄跟Natalie繼續來往，但Edan面對Natalie的示好，他根本不懂拒絕。他現在很喜歡Natalie，可以繼續跟她做朋友，待在她身邊，陪伴著她，這些都是無法拒絕的誘因。

Edan︰「林芊蕊，答應我一個要求！如果你答應，我哋之後都會係朋友！」

Natalie︰「你講啦！」

「可唔可以俾我攬住你？」Edan伸出手臂，作狀想跟Natalie擁抱。

Natalie︰「你認為我會俾你攬咩？我唔想俾假希望你！」

Edan︰「友誼嘅擁抱都唔俾，點同我做friend呀！」

Edan的語氣雖有點輕挑，但表情相當友善，並沒有要佔人便宜的模樣。

Natalie走前一步，將手放在Edan腰間，Edan也將Natalie一抱入懷。

這個生疏的擁抱，Edan完全感受不到任何愛情的感覺。

擁抱過後，Edan望著Natalie，笑說：「啱啱做咗好友認證喇，你可以做返我朋友喇！」

Natalie︰「唔好低B啦丁俊森，成日做埋啲低能嘢！」

Edan︰「對住咁低能嘅你，點可以唔做低能嘢！」

Edan跟Natalie這對男女，在男方向女方表白之後，終能維持好友關係。

Edan清楚知道，他很喜歡Natalie，Natalie也很喜歡Justin。相反，Justin並不喜歡Natalie，Natalie也不喜歡自己，而這狀況在短期內都不會有任何改變。他想深一層，不希望因為一些改變不了的固有事情，而失去三人之間珍貴的友誼。

現在，他借故跟Natalie擁抱，目的只想確認一件事：他跟Natalie一定不會擦出任何火花，而Natalie也不會喜歡自己。他要將這種感覺銘記於心，不可再對Natalie有非分之想！

良月良月 2021-12-23 12:09:49 (續)

往後的三個月，三人關係真的一直沒變。Edan不知Natalie和Justin之間有否發生特別事，不知Natalie有沒有跟Justin表白過，也不知Justin的取態。

Edan已多次跟Justin說自己從來都沒喜歡過Natalie，並說自己覺得Natalie喜歡他，著他好好看待這件事情，奈何每次Justin聽到Edan提及Natalie，他也不願多談。

Edan確是真心想成全Justin和Natalie二人！而這段時間，Edan也開始慢慢放下Natalie，並沒有像以前那麼喜歡她。

直至一個晚上，Edan在凌晨時分收到Natalie的來電。

「E……Edan！」電話中Natalie的聲線，有點沙啞。

一聽到Natalie凌晨來電，更是哭泣著，Edan便聯想到跟Justin有關。他覺得二人談及感情事，Justin可能做了傷害Natalie的事。

Edan︰「Natalie，咩事呀，你係咪喊緊呀？」

Natalie︰「唔……唔係！」

Edan︰「仲扮嘢！係咪Justin條仆街做咗啲hurt你嘅嘢！」

Natalie︰「點解……你會覺得我喊係同Justin有關？」

Edan︰「Justin個底好花，我知你好鍾意佢，但佢未必同樣真心對你，所以我驚……」

Natalie︰「唔關佢事呀，係我外婆今晚啱啱走咗，有啲唔開心，想搵人傾吓偈。」

Edan︰「你喺邊呀？我過嚟搵你！」

Natalie︰「將軍澳醫院。」

Edan知道Natalie需要朋友支持，就算已是凌晨時分，也外出陪伴著她。

Natalie一見到Edan，立即擁抱著他。

這，是他們之間的第二個擁抱。

這個突如其來的擁抱，Edan很有感覺，因為Natalie身上的一股暖流，直接衝進Edan的心坎裡。這種感覺是第一次擁抱所沒有的。

Natalie停止不了哭泣，Edan一直緊抱著她，希望能穩定她的情緒。

一分鐘後，Natalie終於能開口講話。

「多謝你真係出嚟搵我呀，我原本只係想喺電話同你傾！」

「我哋搵個地方坐低慢慢傾啦！」

二人選擇坐在醫院附近公園的長椅上。Natalie跟Edan訴說她與外婆之間的感情，因Natalie從小到大都由外婆照顧，所以二人感情要好，外婆的離去對Natalie打擊很大。

幸好，經過Edan的細心聆聽，Natalie的心情已平復下來。

Edan︰「你，做乜唔搵Justin傾嘅？」

Natalie︰「你知佢最近飛咗去日本交流，好忙，我唔想佢分心！」

Edan︰「你要俾佢知道你唔開心㗎！Justin佢忙極都唔會冇時間理你㗎！」

Natalie︰「知道喇！我聽日再打俾佢啦！」

Edan︰「你外婆走咗，呢段時間你屋企人應該好忙，我有啲咩可以幫到你手！」

Natalie︰「你陪我跟裝修啲嘢吖！」

Natalie的父母工作很忙，剛巧他們買了新屋，正在裝修新居。剛才家中有長輩過身，要處理身後事，她的父母未能兼顧，要求Natalie和兄長跟進裝修進度。但她的兄長又愛理不理，不聞不問，於是Natalie找來Edan幫手處理。

這兩個星期，Edan一收工便跟Natalie外出挑選裝修材料，甚至請假幫手。二人不懂裝修的事，又一起搜集資料，想辦法解決當中問題。他們二人每天都會見面，形影不離，比一般情侶更親密。

Edan搞不清二人之間的關係。曾幾何時，他以為自己已經放下Natalie，但他發覺自己仍未對Natalie完全死心。

「Natalie！」

今晚，Justin終於從日本回來，並在西貢海傍找到他們。

Justin主動和Natalie擁抱，給她一點鼓勵。看見二人相擁，Edan雖未至於呷醋，但心裡感覺並不好受。

不好受還不好受，但始終還要接受現實。Edan深信，Justin和Natalie將會是一對，拍拖只是時間問題。

**********

「究竟你同Natalie係點㗎？」Edan在Justin的錄音室裡，向Justin提出質問。

Justin︰「有咩點者，都係朋友囉！」

Edan︰「如果你唔鍾意人，你就直接同人講啦，唔好拖住人。係鍾意嘅話就快啲去馬啦！」

Justin︰「係喇森伯！你仲煩過阿伯！」

Edan︰「咁你可唔可以話俾我聽，究竟你係鍾意定唔鍾意？」

Justin︰「有好感但未係好鍾意，呢個答案O唔OK！」

Edan︰「屌，敷衍我！」

Justin︰「你放心啦，我唔會hurt到Natalie，咁樣得未？」

Edan︰「你係至好講！」

往後的一兩個月，三人之間的關係一直維持不變，唯獨是Edan的取態有所不同。他有意無意之間疏遠了Natalie，意思不是完全不理會她，而是覆信息會覆遲一點，或是對她的事沒有以前那麼上心，亦不會隨意再跟她單獨外出。

Edan相信，終有一日，他不會再喜歡Natalie。

直到一個原本很平凡的晚上，Edan被妹妹Elise要求幫她去尖沙咀拿回修改好的褲子。已回家的Edan雖感無奈，但仍然外出幫Elise辦妥。

Elise︰「哥，我就喺尖沙咀食緊嘢，你可唔可以過嚟拎俾我呀！」

Edan︰「妖，你喺尖沙咀又要我特登出嚟幫你攞嘢，有冇攪錯呀！」

Elise︰「我同朋友食緊嘢嘛，行唔開！」

Edan︰「我唔過嚟喇，我返屋企喇，我擺喺你張床度啦！」

Elise︰「你拎過嚟啦，其實條褲唔係我㗎，係我個friend㗎，你過嚟就可以直接俾佢。嚟啦，至多今晚請你一齊食飯喇！」

Edan︰「唉，冇你符！好啦，你喺邊度食嘢呀？」

Edan照著Elise的指示，抵達餐廳。原本他打算放下褲子便離開，但他一望見Elise的朋友，便一直離不開她的視線。

Rachel︰「Hi，Elise嘅哥哥！唔好意思呀，我頭先同Elise坐低冇幾耐，先記得要拎條褲，間鋪頭又離呢度好遠，原本諗住遲啲再攞，依家好彩有你幫我拎咋，唔該晒你呀！」

Elise說的朋友，其實是Rachel。她向Edan道謝後，向Edan展示一個甜美的笑容。

這個笑容，跟Natalie第一次向Edan展示的笑容，幾乎一模一樣，都是極度甜美。

Edan一直呆住，未能作出任何反應。

Elise︰「阿哥，你冇事吖嘛，我個friend同你講緊嘢呀！」

Edan︰「吓！係呀係呀！唔使……唔使唔該，只係一件好簡單嘅事，哈哈！唔阻你哋食飯喇，我……我返屋企先喇！」

聽到Edan的回覆後，Rachel的表情就像剛才Edan的一樣，就是呆著給不了反應。

Elise︰「咩事呀，你哋輪流發呆！阿哥，我咪講咗今晚請你食飯囉，坐低一齊食啦！」

Rachel︰「係……係呀，我請啦，你幫我攞嘢咁辛苦！」

Edan最終和他們一起吃晚飯。

由於Edan每次跟初相識的女生見面，都不懂得打開話題，所以很少主動說話，通常都由Elise帶出話題，Edan就搭嘴說一兩句。Edan的視線，一直離不開Rachel。

「假使世界原來不像你預期 仍懷著一顆謙卑……」Rachel的手機響起。她所用的手機鈴聲，剛巧就是Edan那首最喜愛的歌。