QQ🐱🐱 2017-8-3 11:17:18 臭g

:^(

Republiue 2017-8-3 19:03:02 all g

:^(

小魚兒 2017-8-3 21:29:40 今日無文

:^(

無音響子 2017-8-3 22:55:27 我仲係公司 shit. 忙到pk

小魚兒 2017-8-4 00:25:29

我仲係公司 shit. 忙到pk

加油

:^(

聽日補返

:^(

三家丁 2017-8-4 00:51:29

我仲係公司 shit. 忙到pk

加油呀

無音響子 2017-8-4 14:57:58 阿儀篇（第二十四篇）
--------------------------------
「阿儀… 起身!」 係阿媽叫我，佢中午收工返黎休息，但佢見到我訓左係床上又開始問我做咩唔返工。


「我冇做啦。」 我終於將事實話比佢知，我唔想再日日扮出衙返工，以前就話可以去SAM度，但E家我真係唔想再上去。


「有冇搞錯啊? 你真係唔做野? 你死女包冇用架… 咳…咳…. 你冇用啊衰女，做死你老母我你就開心…咳…….」 阿媽發起嬲黎，不停係度咳….


見住佢病得咁利害但我冇問候佢「你好煩啊!!!! 唔好成日叫我返工好唔好? 我都好累架。 日日要我返工，你係唔係真係咁需要錢啊? 你比我係屋企訓下啦。


「咳… 你真係冇用啊。 你正一死仆街，激我啊。 我做到病你仲要激我! 咳咳咳…. 我咁撚辛苦養大你，你同你老豆一撚樣唔體諒我。 仆街。」 「巴….」 阿嫖一巴打左落黎。


「你打我???? 」 我冇諗過佢會打我。 點解我咁慘??? 識左阿SAM佢又玩玩下，阿媽又打我。


我流下一滴淚。 「你做咩要打我? 唔返工姐，洗唔洗打我????? 你做咩啊… 痴左啊你。」


「咳….打你咪打你… 我生得你出就可以打死你。 」 阿媽同阿爸從來冇打過我，但今日阿媽竟然打我，仲係連打我幾巴掌。 「巴…巴…巴…..」


「啊…」 我用手按住面額。 「你打我??」 我一巴打返佢。 「巴….」


阿媽竟然受唔住我一巴掌，跌倒地上。「嘩…. 咳咳…你個打把死女包，你打阿媽。 我早知唔撚養你咳咳….. 你好野，你去死啦….我早知好似你個仆街老豆咁走撚左去。 咳咳…咳咳…….」 阿媽倒在地上，手臂撐住地面。


「你鬧啦你鬧啦…你鬧死我啦。 你眼中只有錢，你冇理過我感受，你只係日日返工冇陪過我冇關心我。 係啊你最巴閉，得你一個最辛苦! 我返學唔辛苦我做M記又好輕鬆!!! 你知道我係M記做野做成點咩? 有幾慘比人蝦你又有冇問過我???」 見到阿媽被我打到跌倒地上，為左令自己好過一D我一口氣將自己內心既感受爆出黎。


「你成日話爸爸同人走唔理我地，你唔諗下你有幾衰激左老豆? 你日日煩住佢要錢自己唔返工仲成日約人去玩。 你自己唔知你有幾衰!!! 阿爸唔要我地係你一手做成架!!! 你感覺養我辛苦咪唔好養! 我自己有手有腳我自己會生活!!! 以後你都唔洗咁辛苦!!!」


說擺我拎起袋執走幾件衫銀包就走。


「阿儀….你咳….你咪走…..啊….」阿媽係後面打算追上我。


但係我冇理會，越跑越快。 「阿女….」 阿媽既聲音越來越遠…. 直到完全隱末。
-----------------------------
提住一大包衣服，走著走著我不期然走到阿SAM住所。

MattBellamy 2017-8-4 15:42:22 文仔驅鬼嗰時有冇相認返

:^(

:^(

無音響子 2017-8-4 18:54:03 阿儀篇（第二十五篇）
---------------------------------
到底點解突然有咁多唔開心事會發生? SAM玩我，阿媽又打我…. 我真係好唔開心。 行行下我不自覺地去到SAM既住所之下，我正猶疑應唔應該上去。


剛岩先同SAM嘈左一輪，過左幾個鐘就黎搵佢，變到自己好似好CHEAP咁。 但係我真係唔知可以去邊度… 我唯一只可以投靠SAM! 又或者，自己真係放唔底SAM，佢此終都係最愛既人雖然佢對我唔好但應該都肯收留我吧!?


進入升降機大堂，看更望左我兩眼，我同佢打左個招呼。 E個幾星期我不時出入SAM住所，看更都認得我沒有阻止我進出。


等待升降機期間，我聽到了阿SAM的聲音由大廈大閘傳來。


「哈哈… 有冇買手信比我阿爸阿媽先?」


「梗係有啦BB~~」 一把嬌媚既女聲回答。


「乖女啦~抵錫。 你去左半個月旅行有冇掛住我先?」 SAM再問女士，同時打開門。


一切我亦看到了。 SAM拖住一個HELLO KITTY 行李單手開門，讓身邊一位清麗而斯文大方既女性先進入大堂。


我呆望住她和他，手拖住手進入大廈內…我崩潰了。


SAM看到我先係停了步，那位拖住SAM的女性回望SAM 「做咩事啊你?」


「啊。 我唔記得左買野，不如你返上去先。」 SAM別個頭行出大門。


那名女性拖行一個大行李行到LIFT門前，向住呆望佢既我點頭入LIFT「你唔入LIFT?」 佢問我。


我冇理會佢，跑出大廈。


「阿SAM~~~~」 SAM就在對面馬路站著看過來。 我怒氣沖沖地跑到對面。


「你呃我!」


「你聽我解釋先…」


「解釋? 我見到晒。 你有咩好講?」


「唔係咁架。 我同佢已經冇感情。」


「冇感情???? 咁你問人有冇買手信比你家人? 」


「我同佢冇野，只係佢冇地方搬先仲住係我度!」


「咁姐係你有女朋友啦，仲一齊住TIM!!! 你唔同我講?」


附近途人在睇熱鬧!


「我地去第二度傾好冇? 」SAM壓低聲音。


「有咩係度講，你係冇野做咩唔係度傾清楚????」 我發起脾氣來。


SAM拖住我手帶住我離開。


……SAM終於肯係街上同我拖手，不過卻係咁既情況之下…SAM同我急步行向某個人比較少既街。


「你放手啊。」大力一縮，我將SAM鬆開。「你有咩好解釋?」


SAM見到冇咩人，叫我冷靜下來。「阿儀…你唔好咁，聽我講。」


「好。你講囉。」


「佢係我前女朋友，但我同佢冇FEEL，不過我地一齊住左一段時間，佢冇地方搬，所以仲住係我度。 你唔好諗多。」


「…….」


「阿儀….」SAM見我沒有反應。


我係度諗，唔怪得第一次去SAM屋企煮野食佢好似唔知道D調味料放係邊。 而且我連佢既房我都冇入過，每次上到去佢都係同我係梳化上…


「你呃夠我未….」 兩行眼淚如泉水般湧出。「你根本冇打算同我一齊，你玩梗我….次次都係同我搞野。 」


「……..唔係啊…..」 SAM攬實我，係一個人煙罕至既街上。「我係鐘意你架….」


「鐘意我D咩? 」我等待SAM回應我。 佢沒有回應，如我所料。 「你鐘意我既身體，你鐘意搞我姐….」 我說出了事實。


「唔係啊…我會同佢分手啊。」


「分手之後又點? 你唔係話我讀梗書唔可以同你一齊咩? 下?? 答我。」


SAM冇回應。


「做咩唔答我? 定係你根本仲打算呃我? 我咩都比晒你啦…. 你仲咩要呃我做咩要咁對我…..嗚………..」 我雙腳攤軟跪係地上痛哭。


「阿儀，唔好咁…」SAM蹲下「你唔好喊啦…」


「想我唔喊你又咁對我，做咩要呃我啊……你仲要呃我到幾時????」 VIVIAN講得岩….SAM真係一個衰人。


「好啊，你講你鐘意我唔鐘意果個女人嘛，咁你E家同我一齊返去講比個女人知我係你女朋友啊。」


「……」SAM表情非常難堪「阿儀…你唔好迫我啦….」


「迫你? 咁你姐係仲鐘意佢啦。 你好野…. 我E家比阿媽趕左出黎，本來打算去你度住，諗住乖乖同你一齊生活。 估唔到比我見到晒你同你女朋友D野…. 我咩都冇晒放棄晒，你就一味呃我，仲拎左我第一次…..你好野。」


我企起身逃跑….我唔想見到SAM依個人。 SAM從後叫:「阿儀….」


同一情況一日內再次發生，不同既係第二次我只係聽左有人叫我兩聲但冇追上來；第一次走我仲有落腳點仲有希望，第二次走已經咩都冇晒…

THN匠 2017-8-4 21:16:15

:^(

:^(

:^(

Jas_s 2017-8-5 00:43:13 墜落既前奏

:^(

:^(

:^(

蠢蠢肉洞 2017-8-5 03:22:32

:^(

Republiue 2017-8-5 23:53:19

:^(

小魚兒 2017-8-6 03:50:40

墜落既前奏

:^(

:^(

:^(

:^(

:^(

:^(

小魚兒 2017-8-6 15:49:16

:^(

無音響子 2017-8-6 17:55:25 阿儀篇（第二十六篇）
---------------------------------
下起大雨來，雨水打在我面上正好為淚流滿面既我提供一個遮掩既機會。


提著我的行李包漫無目的地係街上流連著，腦海不停想起SAM同佢女朋友既事，回憶起同SAM第一次係醫療室交談，第一次因為係街上相遇一齊共進晚餐，第一次上男仔屋企，第一次… 女仔最保貴既一次…..都比左佢。


仲有係第一次被男人呃玩弄… 我憎死佢!!! 同時我亦想起自己同媽媽嘈交仲推倒佢係地上… 我真係好衰…. 我冇面目返屋企。


依一刻唯一可以幫到我既係 – VIVIAN。 依個時間佢已經返左工，所以我就出左去佢公司附近等佢收工。 一等就等左5個鐘。


我企係便利店裹等，對面就係VIVIAN既公司。 係一間叫Lady Club既夜場，為於尖東附近一條橫街之內既商業大廈之上。


我呆呆的係便利店食住野望住對面，發現久唔久會有一D打扮性感既女性進入該處。同時會有D西裝骨骨既成熟男士單獨一人或三五成群嘻嘻哈哈的光顧該處。


直至深夜時份，開始少左人進入大廈，反而變成有男有女的離開大廈，他們都係狀什親暱地攬住離開。 此時我留意到原來大廈門附近有個代客泊車，會有人幫係大廈出黎既人揸車黎比返客人。 或者係會代客人CALL的士黎。


之後就D男女就一對一對咁上車走左。至於去邊度同做D咩，唔需要跟住我都知道吧。


就係食個時間，我見到VIVIAN係大廈行出黎。 見到佢我十分開心，終於，我可以將今日所有唔開心既事同人分享。 我開口由對面馬路大叫:「VIVIAN~」


VIVIAN抬頭一望先係一陣驚訝，之後一轉個頭同佢身後一個中年叔叔傾左兩句，就行過黎。


「CARRIE, 你做咩事會黎左既? 冇事下話…」


「我比SAM呃左…. 今晚冇地方住啦….同媽媽又嘈完…. 嗚…..」 見到VIVIAN，我就失控了，一個我有可信賴同了解我既朋友。


「乖乖….CARRIE…. 唔好喊…. 唔…. 你今晚去我屋企住啦。」


「好啊…..多謝你啊VIVIAN」我好感動有VIVIAN依個咁好既朋友，係我最失意最痛苦既時間肯收留我。


「唔….不過…. 我仲未收到工住…….啊…..」 VIVIAN提一提手臂同手指公指向身後。


對面街企住果個同VIVIAN一齊出黎既中年男人，正係度望住我地。


「我要…同個客出一出去先，唔…. 你係度等我好冇? 我好快就可以返到黎，大約半個鐘左右。 OK?!」


「OK…」 反正都等左咁耐，都係得多半個鐘姐。


「啊…但你一個女仔係依條街夜麻麻等我好似好危險，因為依度好多醉酒佬….。 唔…. 咁啦，你跟我黎。」 VIVIAN拖住我走過對面。


「阿龍哥…. 」


「點啊GIGI~~~」 眼前一位叫龍哥既人，叫VIVIAN做GIGI!?!?


VIVIAN知道我諗咩，係我耳邊細聲講「GIGI係我返工用既名。」


「冇啊龍哥，我朋友佢等我收工，不過我怕佢有危機啊，你幫我睇住佢啦唔該，一陣我返黎先接佢走。」


「下….我返既工架。唔得啊。 而且你朋友咁細個，一陣比差佬逗好大件事，分分鐘影響到公司架….我諗你好明白架啦。」 龍哥望一望我，之後望住VIVIAN。


VIVIAN俊手合上作一個請求狀，化上妝穿上性感衣服既VIVIAN擺出一個請求樣，真係好難令男人拒絕。 「龍哥…我知道你怕出事，但你幫我一次啦….」


「唉…. 好啦好啦，你叫你朋友去對面便利店等，唔好係依面等啊。 仲有，你快D上車同客人走，收到風街口有差佬行梗黎。」


VIVIAN扮一個跨張既驚慌樣「下… 咁可怕。 唉啊~~~ HENRY我地快D走啦。」 VIVAN撓住身後比我地冷落既客人上左的士絕塵而去。


只剩下我同龍哥對望。 龍哥望上去應該有三十多歲，身材比SAM更結實同高度大約有1米7多一點。左手手臂上有條龍既紋身，只見龍身及尾部份既紋身係左臂上，龍既上半身及頭部應該延伸到佢身體之中。 看上去龍哥五觀粗獷不怒自威既感覺。
{{>>>> https://lihkg.com/thread/215255/page/4 龍哥就係阿儀老公啦，佢既外表我參考返之前 羅大舟 P4作返，大家有時間可以返去回味一下

:^(

}}


「啊….唔該晒你啊…. 龍哥。」


「唔洗客氣!!! 不過你要快D過去便利店等，一陣有差佬黎見到你係度會以為我地公司有未成年少女工作，會好大獲! 你快D走先。」 (講到自己公司好似冇犯規咁，VIVIAN已經係未成年啦。 我心入面係咁諗。)


龍哥雖然惡型惡相，但同我講野都好客氣。我回答:「知道….我去對面啦。」

糖蓮子 2017-8-6 22:41:04 樓主終於交功課

:^(

小魚兒 2017-8-6 22:53:16 星期日有文

:^(

Republiue 2017-8-6 23:30:42

:^(

Jas_s 2017-8-6 23:41:24 真係完全唔記得阿儀有響你之前篇文出現過

:^(

:^(

無音響子 2017-8-6 23:45:08

真係完全唔記得阿儀有響你之前篇文出現過

:^(

:^(

:^(

:^(

:^(

最受歡迎女角之一你竟然唔記得！我罰你由頭睇一次！

豐乳童露 2017-8-6 23:56:20

真係完全唔記得阿儀有響你之前篇文出現過

:^(

:^(

:^(

:^(

:^(

最受歡迎女角之一你竟然唔記得！我罰你由頭睇一次！

鄰家少婦...

蠢蠢肉洞 2017-8-7 11:16:30

真係完全唔記得阿儀有響你之前篇文出現過

:^(

:^(

:^(

:^(

:^(

最受歡迎女角之一你竟然唔記得！我罰你由頭睇一次！

不如你直接講無睇過正傳咪算

:^(

蠢蠢肉洞 2017-8-7 11:16:44 陳生終於出場啦

小喬昨夜又流水 2017-8-7 15:07:17

真係完全唔記得阿儀有響你之前篇文出現過

:^(

:^(

你係咪由外傳睇起呀？
呀儀係最正