布鷗
2022-3-12 00:06:28
學霸個本好耐之前睇，唔係記得太清楚了，但好似唔算特別吹捧中國掛。
我記得入面描寫起外國求學做研究個陣係勁自由，學術界啲人又真心互助，argue 都係鬥氣多，成個 tone 係陽光明媚，充滿希望咁，後來一翻中國學術界就即刻陷入人事鬥爭，爭 funding 爭上位一大堆麻煩嘢，描寫到成個泥潭咁。
不過後尾主角的確係留起中國發展（如果冇回流到就真係神書啦，不過人地寫書搵食點敢咁樣寫），但講真呢類黑科技文，尤其是係路線偏學術圈嘅，都好難唔牽扯到國家層面，始終研究要有 funding又要有support ，除非走商業路線，但又會多咗商業斤斤計較啲銅臭味。而學霸個本書嘅優點我覺得就係嗰浸學術氛圍營造得比較好，成本書入面大量公式穿插其中，寫到似層層，學術研討會之類又真係有學術討論嘅內容畀到你睇，有文有路得嚟印象中都幾詳細，由一開始啲數學競賽到後面做咗教授攻克世界數學難題再到後期探索星空之類嘅劇情，重心都一直係起科研學術上面，而且仲係 keep 住有紮實科學論據支持，講真唔係易寫，唔似一啲黑科技文寫下寫下冇嘢寫就偏咗個重心去各種賺錢出風頭打飛機自 high 上面。
作者人品嘅話我評論唔到，畢竟我冇入過啲咩VIP群睇過作者講嘢。其實呢個作者我都淨係睇過學霸，你講嘅嗰個情況我唔太清楚。不過從學霸本書嚟睇，我覺得佢之所以會紅，都主要歸功於作者夠勤力，本書入面有大量唔做過一定程度嘅資料搜集同消化都幾難寫得出嘅內容 which is 大量起點作者都唔會做或者根本做唔到嘅事。換言之佢係靠內容取勝，而起人物描寫，對話上面其實未必真係頂級，所以換到去末世背景啲比較着重描寫人性嘅位個陣會出事都唔係唔可以理解。
全職藝術家嗰本係文娛類抄地球作品嘅爽文入面我覺得寫得比較 ok 嘅，最主要原因係佢節奏嘅把控幾好，真係每隔幾章就可以營造到一個爽點畀你，等你爽完唞吓冇耐又俾個新爽點你，然後起呢個循環到無限loop。基本上一口氣睇落去係會 keep 住爽甚至爽到有啲疲勞，同 multiple orgasm 差唔多。btw，全職藝術家個背景唔係地球嚟，而且主要講世界大同，無謂咁對號入坐啦，爽文啫，笑下咪算。