《同居女孩》(完結篇)
上一頁
第 4 頁
下一頁
綠嶺
2021-10-16 23:20:32
晏啲
Ads
JM
2021-10-16 23:48:10
萬言已經出左名
:^(
綠嶺
2021-10-17 00:00:07
回家嘅路上燈光閃閃,海傍一對又一對嘅愛侶,而我哋就好似成為其中之一咁喺路上慢慢走著。
「送畀你。」返到屋企之後,倩兒將一條圓筒遞畀我。
「咩嚟?」
「聖誕禮物。」
「多謝。」
「只係咁啱聖誕節,我又咁啱整多咗。」
我會心微笑一下後就遞出我準備畀倩兒嘅禮物:「送畀你?」
「利是?」我送畀倩兒嘅禮物係一個信封。
「係文具店嘅現金卷,因為我唔知仲可以買咩畫具畀你,買嘅話又驚買錯,所以送現金卷畀你自己揀好似最安全。」
「好無心思呀你!」
「⋯⋯好難揀㗎⋯⋯同埋之前我咪送咗部Mac畀你,都好貴㗎啦。」
「我唔係咁嘅意思⋯⋯總之,多謝⋯⋯多謝你送禮物畀我,我好開心。」倩兒笑顏逐開。
「我都係,多謝你。無論呢份禮物係乜我都會鐘意。」
「口花花!唔理你啦,我返房!」倩兒講完就返咗房休息。
留喺廳嘅我就打開圓筒嘅頂部,再喺筒內拎出一幅畫。
一張呢間屋嘅素描,一個係廚房煮嘅嘢食嘅女仔嘅背影,一個男仔坐喺沙發打緊機。
「點樣咁啱整多咗一幅畫出嚟呀佢⋯⋯」把口咁講,但係我個心卻因為呢份禮物而感到溫暖。
【第五十一話 完】
綠嶺
2021-10-17 00:03:30
【第五十二話 被告白】
「你約我出街我真係好開心呀兒兒!」周璇興奮地講。
「約朋友行街唔係好普通嘅事嚟嘅咩?」倩兒反問。
「係!所以你要多啲約我出街!」周璇抱實倩兒咁講。
倩兒推開周璇後講:「行啦。」
喺坑口地鐵站出發嘅二人走咗去小巴站坐車入西貢,然後上船出海。
船搖晃著,倩兒邊欣賞西貢外島邊問:「小璇,你有冇拍過拖?」
「有呀。」
「咁鐘意人嘅感覺係點?」
「做咩咁問呀?」
「你講先啦。」
「好難喎,總之就係你好想同嗰個人一齊,好想成日見到佢,有咩事都想同佢分享咁。」
「咁我應該鐘意咗人。」
「個打靶仔!?」
「⋯⋯係佢。」倩兒估到倩兒想講邊個。
「都估到啦。」
「好明顯咩?」
「都幾㗎,你哋咁close。」
「⋯⋯咁呀⋯⋯」
「怕羞?臉都紅晒。」
「有啲。小璇你唔會因為咁就唔同我做朋友?」
「點會!我一直都會係你朋友。」周璇答完後攬實倩兒。
陳家樂好快樂
2021-10-17 00:05:21
「好無心思呀你!」
嘴佢好過啦,仲開心過收禮券
綠嶺
2021-10-17 00:06:20
下次變消費卷
綠嶺
2021-10-17 00:11:14
Penana 420 likes加更
:^(
:^(
:^(
:^(
:^(
:^(
:^(
:^(
:^(
「多謝你。」倩兒今次無推開周璇,仲輕輕捉實佢掌心。
「咁你會唔會同佢表白呀?」周璇問。
「點解要表白呀?」倩兒反問。
「咁你話鐘意佢呀嘛。」
「鐘意就要話畀人知?」
「唔一定嘅。咁正常都係表白之後一齊咁樣嘅。」
「咁即係我都應該表白?」
「你想唔想同佢一齊先?」
「咩叫一齊?」
「即係畀個名份咁。」
「我都係唔太明白。點解鐘意就要表白,點解表白之後又要一齊?」
「你當係一個儀式。表白後確認雙方嘅心意之後成為情侶,呢個時候就係畀咗對方一個承諾,話會成為陪伴對方嘅人,然後慢慢磨合再成為對方生活嘅一部分。」
「咁點解你分手?」倩兒神經大條咁問。
皇天激殺
2021-10-17 00:16:25
「⋯⋯係佢。」
周璇
估到倩兒想講邊個。
皇天激殺
2021-10-17 00:17:50
「⋯⋯係佢。」倩兒估到
周璇
想講邊個。
:^(
香港口交部
2021-10-17 00:56:48
好尷尬
:^(
黃紙(燦笑歪頭
2021-10-17 01:12:10
:^(
:^(
:^(
送張八達窿俾佢
Ads
山區兒童窩巴
2021-10-17 03:23:01
推推
山區兒童窩巴
2021-10-17 03:26:23
推推
白三黑警
2021-10-17 04:44:04
:^(
魔法掃把
2021-10-17 06:37:21
此回覆已被刪除
九龍城巴菲特
2021-10-17 07:12:20
:^(
小野田阪道
2021-10-17 10:34:15
希望唔好咁快完🥲 好好睇
綠嶺
2021-10-17 12:33:47
「⋯⋯你咁直接⋯⋯我就分過兩次手,一次就係對方出軌,另一次就係同對方夾唔到。」
「咁你仲想唔想拍拖。」
「想呀,我都想有人愛我同陪伴我。」
「失敗過兩次都重咁有信心?」
「我都唔知呀,但係女仔都想搵個好男仔陪自己嘅。」
「拍拖就係要另一個人承諾留係自己身邊?」
「可以咁講嘅。」
「咁樣就係愛?」
「或者我咁問,你有開心事嘅時候第一時間想同邊個講?」
「媽媽。」
「咁第二呢?」
「阿衡。」
「你唔開心嘅時候,你會唔會想阿衡喺你身邊?」
「想。」
「你怕唔怕佢會突然之間有一日會消失喺你嘅生活,之後你以後都見唔到佢?」
「怕。」
「咁你同佢表白啦,你係鐘意佢。」
「我之前咪咁講。」倩兒無奈地講。
逃離巨根森林
2021-10-17 12:40:55
一起身就有文
:^(
:^(
:^(
感謝樓主
:^(
:^(
:^(
綠嶺
2021-10-17 14:32:50
「你想生活入面有佢存在,咁樣已經係一個表白嘅好理由。」周璇講。
「咁就係愛情?」
「我哋依家先讀緊中學,唔洗諗咁多嘢。鐘意咪去做,唔洗深究乜嘢係愛情住,只要有想同對方一齊嘅心就足夠。我支持你同佢表白。」
「佢唔接受我咁點?」
「唔會!個鹹濕仔對你一定有意思。」
「都係有啲驚。」
「唔急嘅,可能佢會同你表白先呢!」
「真係會咩?」
「邊個知?」
「承諾真係咁重要?」倩兒問。
「都幾㗎。雖然呢個世代好多人都會出軌,視諾言為無物,但係我唔覺得呢樣係好事。諾言對我嚟講係安全感嘅來源,所以就算其他人唔重視,我都會重視。」
「我都係咁諗。」
「總之!你鐘意個仆街仔就試下畀你暗示佢,等佢有所行動啦。」
「我錫過佢佢都無反應。」
「咩話!」周璇大叫後船上其他乘客都投來責怪嘅目光。
「Sorry,Sorry!」周璇向四周嘅人道歉,然後再講:「你哋未一齊就kiss咗!?」
「係呀⋯⋯當時氣氛好好⋯⋯我忍唔住就錫咗落去⋯⋯」倩兒怕怕羞羞咁講。
「頂!錫咗都唔一齊!個仆街仔係咪性無能㗎!仲要女仔主動!」
「咁又唔關性別事⋯⋯」
「我無眼睇你哋!快啲表白之後一齊啦!唔會失敗㗎!唔好猶豫!人生無咁多時間畀你演內心戲!」
「好啦,過多排我就表白啦。」倩兒如此決定。
與此同時,陳浩然喺我屋企同我對打緊fifa。
「我鐘意倩兒。」
「話撚咗啦。一齊咗之後要同我講。」
「咁過多排啱feel我就表白啦。」
「就咁啦。」
「Goal!!!!」入波嘅我大叫。
「我報咗個Hackathon,一齊參加?贏咗有獎金。」陳浩然問。
「好呀。我呢排都有打下code,贏咗我就同倩兒表白。」
「咁贏撚硬啦屌。」陳浩然總結。
【第五十二話】
皇天激殺
2021-10-17 16:12:48
主角真係…..仲等乜鳩呀🤦🏻♂️
Ads
禾是小妹(有鳩)
2021-10-17 17:02:28
留名
:^(
:^(
綠嶺
2021-10-17 17:19:39
仲有兩、三日就完
九龍城巴菲特
2021-10-17 17:28:28
:^(
有冇番外
想睇其他角色故事
eg浩然
皇天激殺
2021-10-17 17:31:59
加油呀樓豬,埋好個尾💪🏻
上一頁
第 4 頁
下一頁