Ads
Sarah仲有冇戲份:^(
Sarah仲有冇戲份:^( 會出場,但唔多
Sarah仲有冇戲份:^( 會出場,但唔多 仲以為會做左反派添:^(
人呢
又有個靚女出現~
又有個靚女出現~ 長期有靚女係我身邊
又有個靚女出現~ 長期有靚女係我身邊 :^(
巴打take care
「我已經幫你搵左兩個幫手啦。」
「果兩個人我識唔識架?」Brain把牛油平均地塗在烘烤好的多士上。
「你可能會聽過佢地既名,不過睇返記錄我就無見過你地合作,負責護衛同偵察既分別係荒眼同小丁。」我勉強地把茄汁豆放進口裡。
「你竟然請得到佢地黎幫手,咁我而家就放心啦。」
「報酬方面我已經同佢地講清楚,今日黎主要係想同你傾作戰計劃,我希望你將自己知既所有情報話我聽。」我拿出筆記本準備摘下重點。
「好。其實主要都同我上次講既差唔多,我係受國際刑警既委托,暗殺罪大滔天的墨西哥毒梟,但連佢匿藏係邊都未知道,淨係知佢比毒蛇心眼保護緊,同埋下星期三就會偷渡走。」
「其實你有無線人,呢條情報既準確性究竟有幾高,會唔會係陷阱黎?」
第一次會面時我還沒搞清楚狀況,很多重點都錯過了,這次一定要問得清清楚楚。
「其實所有情報都係國際刑警果邊比我,資料一向都好準,而且一般都會有埋地點比我,係今次比較特別,可能係因為毒蛇既保秘工作做得好好。」
毒蛇可止保密做得好,他們連調教背叛者也很在行呢,一想到Braco那可惡的嘴臉,就想把他切成眼前的雞肉腸。
「咁不如你繼續同果邊聯絡,有咩新情報就再話我知。其實查唔到佢住邊都唔緊要,最緊要確認到佢偷渡既時間地點,果時行動就最方便。」
「我都係咁諗,如果出到公海先落手,毒蛇都無追究我地既理由。」Brain點頭說道。
「除非佢地有派保鏢跟實佢啦。另外你話收到恐嚇信,收信之前你有無做過啲乜驚動到毒蛇?」