墨說 2021-10-4 21:12:20 大本營守衛很快落到鐵門下，包圍在葉青茶的左右，防止他生出什麼壞念頭。

「嘿，你個人渣，有冇後悔企錯邊，你哋真係狗！一隻喪家犬！」前去影棚時，大本營守衛忍不住大罵。

瑜小六怕會觸動對方神經，而稍稍轉頭一瞧葉青茶的表情，畢竟現在有事求他，說話太過火會不歡而散。然而，葉青茶臉上卻沒什麼情緒，默默跟在自己身後，對於大本營守衛的冷嘲熱諷和指桑罵槐，都左耳入，右耳出。

影棚距離鐵門僅僅幾十步遠，瑜小六打開門前，六名大本營守衛已經各有共識地，戴上粗製的面巾，擋住那股濃烈的腐臭味。

地下影棚中衛生不佳，對大家來說早已不是什麼新鮮事，每每有守衛偷懶、遲到、不敬等等，都會被大舊派去定期清潔，算是大本營最苦的活。除了病奴堆積如山的排泄物，還有摩西常常分泌的唾液，兩者組合起來可謂臭氣沖天。

「摩西就喺入面。」瑜小六讓個位，給葉青茶行入。

黑暗中，葉青茶接過瑜小六的提燈，慢慢靠近那陣野獸的呼息。

「嗚吼……」摩西不悅的聲音，從喉嚨深處發出。

大本營守衛一個個不是靠在牆壁就是站在門口，不敢再多行幾步入去。

當幽幽的提燈光芒照亮到摩西側臉的輪廓一刻，葉青茶馬上急退數步，像發現了什麼。

「佢認咗主……」葉青茶說。

「摩西有咗主人，會有咩影響。」

「狗一旦認定某個人係主人，就好難分離佢哋。」

「即係話，你都無辦法馴服到佢？」

「唔係完全無。」葉青茶望向她：「但會麻煩好多，會有額外步驟。」

「都要試下，如果唔係都無其他方法……」

「咁要先製作摩西最鐘意嘅食物。」葉青茶放下提燈，看向其他守衛。

「你咩意思啊……」守衛們緊張起來，個個舉起武器。

「我想你哋一齊去外面搵搵病者，最好係活生生，摩西會食得更高興。」葉青茶說出方法。

「餵佢食病者？」瑜小六不太理解。

葉青茶試著解釋：「依家嘅情況……除咗佢主人外，無論係咩人接觸摩西，佢都會極力反抗，延續無止盡嘅怒火，如果有啲「點心」都仲可以同佢溝通下。」

「所以我哋要俾食物佢示好？」

「無錯，雖然佢係隻特殊病犬，但都係有靈性，我哋犬學派研究咗佢好耐……最啱佢胃口嘅係大眼，然後都無咩分別，希望你哋會準備到。」葉青茶一本正經，不似說謊。

「Oscar！」瑜小六轉頭向他。

墨說 2021-10-4 21:12:30 「呃，小六，你自己同佢癲喇……我就唔會冒險出去幫你哋搵病者餵狗嘅。」大本營守衛表明拒絕Oscar。

「我要你去大樓入面，搵阿公仔過嚟。」瑜小六另有人選。

「你都知佢係個好人，一定會應承呢，得啦得啦，我依家就去。」Oscar寧願當小跑腿，都不想留在影棚呼吸嗅味。

「之後呢？」瑜小六續問。

「第二步……」葉青茶拉起手袖，一副躍躍欲試的樣子：「調教，亦可以話係同佢玩，但同得摩西玩就要預咗無命……每個人都有唔同調教方法，我傾向於騎牛牛。」

話畢，葉青茶把提燈掛到腰上，然後快步衝向摩西面前，一腳踏住牠的嘴，再跳上背部抓住皮毛，不讓自己跌下。

「嗚嘎！！」摩西把頭轉到後背，往葉青茶怒瞪：「吼嗚！！！」

震怒的摩西馬上扭擺身子，像沾到水點的狗隻一樣。

接下來的畫面就像玩騎牛機，葉青茶緊緊抓住皮毛，防止自己被甩出去，摩西會持續地傾擺小跳，葉青茶除了不能手滑外，更要判斷到摩西的傾擺的重心，以免被拋出去。

葉青茶成為了摩西的蚤子，任牠怎樣翻滾搖擺，都甩不出煩人的他。

瑜小六和大本營守衛都看極為投入，前者擔心他會被甩出，後者則期待他何時被甩出，一直到Oscar帶著公仔過來影棚。

「小六，搵我……有事？」公仔進來不到兩秒，目光就被眼前的騎狗畫面吸引住。

瑜小六拍一拍他膊頭：「我需要幾隻活生生嘅病者，交俾你。」她問都不問，就把任務交給公仔。

「實驗用途？」公仔至少需要個原因。

臨行前，公仔多再問一次：「一定要活嘅？」

「係，新鮮啲。」

「咁唔可以揀大鼻……佢會釋放毒氣。」公仔喃喃自說，然後問問守衛們：「你哋有冇人可以幫下我手？」

「公仔兄，我嚟幫你！」、「我都加入啊。」、「等埋等埋……」、「公仔出到去睇住我啊！」

大伙兒爭著出去，餘下瑜小六一人監守調教的摩西的事情。

公仔和守衛開門離去，影棚內繼續傳出金屬碰撞的聲響和野獸憤怒的咆哮。

「噫！」騎狗遊戲持續十多分鐘後，葉青茶終於迎來第一次失手。

墨說 2021-10-4 21:12:40 情況是他抓得緊，使得摩西的一束毛髮給拔掉了，他自然亦滾落到身側下。

「汪嘎！！」摩西把握機會將自己右側身體躺向地面。

如果葉青茶逃不掉的話，會被壓得喘不過氣！

葉青茶反方向一滾，避過摩西的壓擊，其肚皮露在面前。

「呼！」摩西又使出尾巴鞭擊，揮向葉青茶頭上。

「小心！」瑜小六喊。

給瑜小六提醒，葉青茶立即舉手格擋，使手袖馬上破碎，在摩西收尾前葉青茶把牠尾巴捉緊，跟它一起挪回摩西的後方。

「吼……」摩西看見尾巴被別人捉住，更傻傻地追著尾巴跑，想要咬掉他。

轉眼間，這遊戲玩超過半個小時了。

葉青茶過程中跌倒、撞到、擦傷，變得傷痕累累，可是他卻露出了笑容，是平日不怎麼顯露的……

「阿葉生……你頂唔頂得住……」瑜小六不禁開口問。

「可以……嗄！」葉青茶捉住摩西一雙耳朵。

與此同時，韓湘洗完澡回來了。

「瑜小姐，佢喺到……」韓湘掩著耳朵進來，呆呆看著前方。

「調教緊摩西，我哋喺到等結果就得。」瑜小六坐到桌子上。

墨說 2021-10-4 21:12:51 補上po1000正評

寂寞的都市人 2021-10-4 21:21:27 早文

:^(

:^(

:^(

沙治·羅拔圖 2021-10-4 21:28:48 一次過課左一年
冇得好似你咁玩

:^(

好似真係幾爽咁

:^(

但認同你last呢句
之後一野追左100篇左右

:^(

而家課金live好撚吊引

:^(

湘B 2021-10-4 21:45:00 早文

:^(

工業用革命口罩 2021-10-4 21:46:40 麥霸時間

:^(

:^(

靈異生物 2021-10-4 21:50:55 早文祝福

:^(

:^(

墮入羅莽 2021-10-4 21:53:58 墨巴健康

:^(

:^(

白色的雲 2021-10-4 22:10:33 剩翻5版爆post，仲補緊上個po的文

:^(

:^(

弱水叁千只取一瓢 2021-10-4 22:20:14 麥霸時間

弟壹圓恥 2021-10-4 22:21:59 有元帥個仔睇住 邊個夠膽食

:^(

牧羊記 2021-10-4 22:27:06 永續

:^(

珠珍茶奶 2021-10-4 22:37:43 好野有文

扮工谷帝皇 2021-10-4 22:50:28 月光在上 早文休息

:^(

:^(

約翰_泰利⚽ 2021-10-4 22:59:43 咁到時摩西會唔會唔認得M

:^(

知道自己不知道 2021-10-4 23:09:24 Oscar都出返黎

:^(

:^(

:^(

小松 2021-10-4 23:42:33 完全唔記得邊個嚟

:^(

知道自己不知道 2021-10-4 23:46:01 無記錯係出發去靈實果個小隊揸釘槍果個少爺兵

:^(

滿天的貝果 2021-10-5 00:07:04 去靈實嗰個唔係chris咩

:^(

CYP2D6 2021-10-5 00:09:40 明明韓湘身上應該充滿住M嘅氣味先係㗎

:^(

:^(

知道自己不知道 2021-10-5 00:16:59 好似total有4個？
我要重睇祝福啦睇黎

:^(

滿天的貝果 2021-10-5 00:18:39 M 公仔 娃娃 瑜小六 奧迪 阿文 chris
之後見到滿天

:^(

知道自己不知道 2021-10-5 00:20:07 強大的貝果

:^(

:^(

死啦咁oscar邊個黎架

:^(