【戰略局】《病港II》(40)
上一頁
第 27 頁
下一頁
不專業樹打手
2021-10-1 00:42:21
大大力推呀
:^(
Ads
西門廿一九
2021-10-1 01:15:50
第一千個正皮
:^(
墨說
2021-10-1 01:46:48
「只希望佢嘅級別仲係我哋處理到,連奎斯都差啲死喺佢手上。」賴桑握住椅柄,眉頭不展:「班病獵仲喺上面挖掘緊,搵佢壓住咗喺邊。」
「咁無咗皇宮落腳,艾匡公主同少佐佢哋喺邊?」瑜小六問其他事情。
「寶翠公園嗰到,好似話進行緊軍訓,你有興趣可以去睇下。」賴桑笑一笑,提醒瑜小六:「同埋艾匡唔再係公主,佢依家係女皇。」
「時間過得真係快……」瑜小六感慨。
替大本營來收集情報的瑜小六,打開攜身帶備的一本記事簿並在上面草草繪畫出,艾寶琳皇宮倒塌的圖畫。
紀錄好後,轉向西面而行,來到寶翠公園外頭。好奇的不單止她一個,周遭市民鄰里全都圍在公園外面,觀看裡頭發生的事。
幸好瑜小六個子夠高,探頭一望便看見內裡情況。
身穿艾寶琳皇家軍服的舊制士兵正站在草地球場上,被反皇派中的叛軍監察著。
群眾對艾寶琳士兵鄙夷不屑,外加球場上幾盞高光燈,直接照射著他們,使得士兵臉上全是不安、焦慮、疲倦,儘管年年月月下已習慣站崗工作,還是敵不過台上講者的疲勞轟炸。
台上的講者,自然是韓湘。
「艾匡女皇善良,唔代表你哋無罪。」韓湘一如既往,對軍人洗腦:「你哋遵循艾康嘅命令,去殘害同國嘅人民,就係與民為敵,今日被批判都係理所當然。」
「我只係唔想死……我只係唔想死……」一名艾寶琳老兵滿是委屈,忍不住說出口:「違反艾康命令係會死嫁!我哋都唔想咁做……」
「將佢帶走。」韓湘不容忍他人插嘴。
「等、等陣呀,去邊呀!?唔好啊!對唔住啊……」那位艾寶琳老兵被強行帶走,某個不知明的地方。
其他艾寶琳士兵見狀,都自動變成啞巴。
「我哋你當中有部份人,當初都係唔願意咁聽從艾康命令,但既然你哋做出咗選擇,就要承擔接下落嚟嘅後果,依個唔係推卸責任嘅藉口。」韓湘望一望台下的少佐,兩人互相點個頭:「我要你哋參與一場戰爭,嚟為自己贖罪。」
一說到戰爭,大家表情都產生訝異。
墨說
2021-10-1 01:46:58
「唔願意嘅人,可以舉手。」韓湘罕有微笑,讓人不寒而慄:「俾一分鐘時間你哋考慮。」
整整一分鐘,艾寶琳士兵們互相偷望,想用眼神交流決定。
神奇地,最後沒有一名軍人舉手。
意味著,這裡上百名艾寶琳士兵,都願意參戰。
「好,你哋已經做出咗決定,決定洗去自己犯下嘅罪。」韓湘轉身向草地球場大門,拍掌示意開門:「咁我都俾番少少仁慈你哋。」
叛軍把門打開後,這群艾寶琳士兵的家屬隨即走入場內,尋找自己家人。部份人擁抱哭泣,說些生死離別的話,珍惜見對方最後一面。
驀地,有個八歲出頭的小女孩,跑到去講台前:「姐姐……可唔可以唔好帶走我爸爸啊……」
韓湘瞟了小女孩一眼,不作理會繼續望著前方。
韓湘給予家屬他們三十分鐘的相處時間,然後便讓他們離開。此一舉動除了在他們潛意識定下賞與罰的規矩外,更是堅定艾寶琳士兵參戰後回來的決心。
去到這裡,初步軍訓算是完成。
韓湘再往後說,都是港島戰爭的相關事情,最基本如槍械的使用、運用什麼戰術、如何報位等等……
幸運是,這群艾寶琳都接受過一定程度的軍事訓練,對他們來說並不是完全零概念,只需速成惡補一下。
任用艾寶琳士兵的原因,是經過跟港豬和少佐的討論。
一來,這群艾寶琳士兵追隨艾康皇朝,確實有罪。
二來,數量很多,一部份士兵戰死可減低威脅。
三來,不用派出反皇派忠心的成員。
如無意外的話,他們明天中午左右會出發。
為防他們逃避戰爭,韓湘都把他們困在草地足球場中。
韓湘處理的是軍事方面,港豬處理的則是政事方面。
艾康倒台後,行政上甚為困難,畢竟最具代表性的艾寶琳皇宮都倒塌了,一切國家政策檔案、國庫帳簿、法律文件,都被埋在塵土下,很難有效率地運作一個國家。
因此,港豬當晚宣佈把犬學派的基地叠翠軒,變成臨時的內閣。
「原先班犬學派呢?」反皇派打理大樓內,不見有任何人的蹤影。
「聽聞一早逃離咗艾寶琳,我諗佢哋都知,俾艾康利用落去都係死路一條。」港豬取下口中的雪茄,兩指彈到草叢中:「有冇人知艾匡公主去咗邊?」
「好似話去探一個人,聽朝會返嚟。」反皇派幹部說。
「好!各位幹部要員過一過嚟先,好老實講,我需要一個人暫時出席內閣首相呢個位,嚟應付君主立憲呢個過渡期,因為我唔會露真樣,公信力可能唔夠,施政有難度,第二皇政府留低大量債務問題我唔想孭上身,第三我咁樣空降依個職位,應該會成為唔少潛藏保皇派眼中釘……我唔想革命成功無幾耐就俾人暗殺。」港豬雙手插腰,仰望天上的月亮:「仲未計我要管理聯合倖存區,唔會太得閒時時插手艾寶琳,要有條友經常坐鎮,我最多做幕後政府、智囊團、顧問之類嘅角色……」
「所以,白月草先生你想喺我哋之中,揀一個人做內閣首相?」
「無錯,但其實都係門面嘢,形象夠好就得,最好本身喺艾寶琳係有一定知名度,大家一望都鐘意佢,而且份人心思又唔邪惡,無咩野心。」港豬一邊說,一邊觀察眾人:「你哋有邊個,覺得自己可以勝任?」
「白月草先生,唔好聽都要講一句,我哋差唔多都係艾寶琳低下階層出生……好難有呢啲領導人形象。」
「咁嘅話……」港豬抱手苦惱時,一名路過叠翠軒的微胖男子進入他眼中。
「嗰條友係……」港豬看著他,卻像看到希望。
「點解我會聽到有人叫我個名?」走來參觀反皇派內閣成員的貴華,望向港豬的方向。
墨說
2021-10-1 01:47:08
「呢位先生你係點入嚟?」其他反皇派的幹部,對於這位奇怪人士的出現都大感詫異。
貴華不失禮貌地微笑:「世上係無艾幣做唔到嘅事,我係特登嚟參觀下你哋反皇派嘅小基地,唔需要當我存在。」本來叠翠軒橋上擔當守衛的兩名反皇派,正忙著在地上撿錢。
港豬好好打量貴華一番,喃喃自說:「完全符合我理想中內閣首相嘅形象……」
「喂!呢到唔係講玩,請你立即離開呢到!」反皇派幹部都立即趕他離開。
只有港豬一人,恭迎他到來:「你一定係大名鼎鼎嘅貴華先生。」其他反皇派見白月草這麼客氣,都馬上收了聲。
「呢位先生係?」貴華抱拳。
「我叫白月草。」港豬介紹自己。
「白月草先生你嘅名字真係優雅。」
「貴華先生,實不相瞞,其實我留意咗你好耐,不時覺得你係個治國嘅人才,唔知你有冇意,擔當內閣首相呢個職位?」港豬誠意邀請。
「我?真係得咩……」貴華神情一呆,自己都不敢相信:「想問白月草先生你係睇中我邊一點?」
「聽聞……閣下財技十分了得。」
聽見別人讚賞的貴華,不禁沾沾自喜:「呵呵,玩弄艾幣我確實有一手。」
形象上來說,貴華於倖存區內經常行善的舉動,的確為他帶來了良好的聲譽,儘管他揮灑金錢只因空虛與寂寞。
「雖然有啲唐突,但如果貴華先生你願意嘅話,我哋可以立即草擬具法律效力嘅文件,任命你成為第三任艾寶琳皇朝嘅內閣首相。」
「我諗諗下!忽然好讚同你哋反皇派一直以嚟嘅崇高嘅理念!如果你哋真係無任何一個人才及得上我嘅話,我就唯有擔當呢個重要嘅職位。」貴華沉重地說。
「嚟人,即刻拎紙同筆寫返合約!」港豬喊。
反皇派律師旋即根據港豬所說的內容而起稿,一些正正常常的款項如職責範圍,任期只在君主立憲的過渡期間等等,港豬會朗聲閱讀讓律師寫下,順便讓貴華聆聽,直到以下一條款項,港豬刻意把閱讀聲量收至蚊蠅般細:
「本人願意獨自承擔一切前任皇政府留下的債務問題,即使離任後亦無法獲得責任上豁免。」
閱讀和寫上條款後,貴華沒有任何反應,仍在幻想自己擔當內閣首相後的無限風光。
港豬在頭套中揚上嘴角,心中吐出三隻字:「計劃通。」
習武保衛地球
2021-10-1 01:51:42
又撚鳩貴華
:^(
:^(
湘B
2021-10-1 01:54:42
貴華
:^(
:^(
:^(
:^(
講感情傷感情
2021-10-1 01:58:00
貴華又比人撚
:^(
上連登勿相認
2021-10-1 01:59:29
水中魚
:^(
小松
2021-10-1 02:03:15
果然是國家級水魚
我係死毒撚111
2021-10-1 02:12:09
貴華好慘
:^(
:^(
Ads
森林大火鳥
2021-10-1 02:15:52
見到貴華出場即刻笑左
逆插玫瑰
2021-10-1 02:30:01
貴華
:^(
:^(
:^(
屌我覺得佢形象好似何遠東肥仔
:^(
頌讚亦有夢醒時刻
2021-10-1 02:33:32
一見到貴華就知又有好野益佢
:^(
點解咁既
2021-10-1 02:43:33
水中魚果然係與別不同
:^(
荒漠多蜥蜴
2021-10-1 02:53:24
笑撚死
:^(
:^(
譚玉英個仔
2021-10-1 07:44:59
:^(
貴華應該係咁既樣!!
傻豬黎既
2021-10-1 08:21:29
貴華黑化
:^(
:^(
惡過碼頭咕哩
2021-10-1 08:22:20
特登俾錢入嚟俾人水
:^(
:^(
萬言
2021-10-1 08:41:16
好耐無見貴華
:^(
利賓納好味
2021-10-1 09:18:24
推
:^(
Ads
mambabewithus
2021-10-1 09:25:54
:^(
諸葛蘋果
2021-10-1 09:25:55
好擔心m
:^(
:^(
阿墳
2021-10-1 09:29:52
幾時先救得返佢出嚟
:^(
會飛的榴槤
2021-10-1 09:30:20
果然是貴華 又俾人水了
上一頁
第 27 頁
下一頁