【戰略局】《病港II》(40)
上一頁
第 14 頁
下一頁
柯屎夾著脷
2021-9-24 22:40:58
推
Ads
中二m
2021-9-24 22:47:33
Push
椒鹽蝦米
2021-9-24 23:58:11
推
墮入羅莽
2021-9-25 00:00:55
每日一推
無為有
2021-9-25 00:22:36
推下先
無為有
2021-9-25 00:22:48
好耐無推post
傻豬黎既
2021-9-25 00:42:02
月光在上
工業用革命口罩
2021-9-25 00:50:04
無文休息
IT狗等投胎
2021-9-25 00:51:58
推呀!
宮淨巫師
2021-9-25 00:52:39
月光在上
知道自己不知道
2021-9-25 00:53:28
「月光在上!」港豬再喊。
Ads
牧羊記
2021-9-25 00:57:49
眾:「冇文休息!」
羽清.
2021-9-25 01:07:31
瞓醒有文?
:^(
點解咁既
2021-9-25 01:26:39
月光在上
:^(
點解咁既
2021-9-25 01:27:26
好想快啲睇到艾康慘敗求饒個柒樣
:^(
伊藤計劃
2021-9-25 01:29:45
可以試吓課金睇快啲
mambabewithus
2021-9-25 01:38:47
艾匡
:^(
陽光寧蒙芖
2021-9-25 01:43:03
草生不息
:^(
裝胸作細
2021-9-25 02:04:02
推
墨說
2021-9-25 02:04:07
「我哋今次主要分咗三隊人馬。」港豬坐下來,撕條鳥腿吃:「少佐帶領嘅大本營突擊隊、明雲嘅後勤隊,我帶領嘅反皇派主部隊,艾匡就夾雜喺我哋中間,一齊推上艾寶琳皇宮!」
「你確定可以輕易推進?一人多陣腳就會亂,而且對方倖存區有城牆、皇宮有大閘,未計唔同區域都應該有城門……」韓湘低頭靜思,舉起姆指、再舉食指:「你一係有人裡應外合,一係有大量炸藥。」
「嘿嘿,呢層我一早有預計過,好歹我都係計劃大師。」港豬拍拍手,瞧向總工程師:「嗰份「暴徒」設計圖,拎出嚟睇睇。」
「係係係……」喝著魚湯的總工程師急忙翻找口袋,拿出一張載具設計圖:「設計圖喺到,係用D9T大型推土機改裝嘅。」
「究竟咩嚟……」韓湘仔細查閱。
「一部原型係推土機,但俾我哋改裝到坦克咁嘅破壞神器,無論圍牆、鐵閘、城門咩都好……」沾沾自喜的港豬,誇下大口:「喺我哋面前都係垃圾!」
「好厲害咁。」韓湘看得入神。
「要唔要睇下實物?我哋花咗大半年改裝,可謂傾盡三個倖存區嘅力量,但幫助得最多嘅當然係康城倖存區,嗰到嘅工程師真係唔話得。」港豬不禁讚揚同盟。
「等你哋食完再睇。」韓湘淺笑。
一頓飽滿的餐點下肚後,港豬帶著韓湘過去單車館場內的地下改裝室,這裡原本是給比賽用的單車進行改裝,但現在停泊著一輛龐大的巨獸,名為「暴徒」,真的很貼切它的用途。
大型推土機如同平日所見,全是黃色的塗身,不同的是引擎及駕駛座等位置,都有一層厚厚的鋼板和水泥,把整輛推土機保護得妥妥當當。
食指如荑的韓湘抵著下唇彎腰打量,總工程師則喋喋不休地介紹:「我哋用咗堅固嘅材料保護引擎同駕駛員,確保「暴徒」唔會停止,核心係C18 ACERT工業用柴油引擎,飛輪功率有306 kW……」
「駕駛者係邊位?」韓湘插口一句。
「應該就係練道仁師傅,佢熟識呢部猛獸點樣運作。」
「好……」韓湘點點頭,腦內構思著計劃。
「韓小姐,到時候會上場嘅同志名單,你睇下點安排點分配。」港豬交出一本手寫的名冊。
「得,我用一晚時間諗諗。」韓湘接過名冊,隨手一掀每頁滿佈名字。
「仲有包咖啡粉送俾你,覺得攰嘅就拎去煮煮。」港豬贈送東西真不手軟。
韓湘審閱大量資料後,托顎獨自想了半晚的戰略,最終跟少佐、明雲、賴桑和港豬和各區幹部級人物提出一個大致行動流程。
墨說
2021-9-25 02:04:18
首先利用改裝推土機撞穿倖存區圍牆,其後讓人數較多的反皇派成員迅速包圍整座皇宮外圍,包括主要的欣景路和貿業路,防止艾康逃脫。
由於艾康徵兵制關係,到時候敵人數量肯定極多,外頭的同伴需要持有槍械,才能有足夠的威嚇性,壓制住那些蠢蠢欲動的士兵。如順利按照計劃進行,推土機則再撞穿地鐵站的鐵閘,再撞倒城門,餘下的人衝進去把皇宮內把反抗的人員殺個片甲不留,直至殺上艾康所在。
接下來他們還討論行動更多的細節,例如分配多少人控制皇宮外頭的敵人,槍枝該分配給什麼人,什麼時候開槍才正確等……
他們幾十人聊到差不多天光,才結束是次會議,但總括來說也是場容易打贏的戰爭,畢竟掌有槍械的一方是反皇派。
「今日就到此為止?養足精神,聽日打場好仗,最好就零流血衝突,呢樣係艾匡公主最想。」港豬打個呵欠。
「各位晚安……」少佐瞧了眼會議帳篷外的曙光,不禁一笑:「應該係話,各位早晨。」
「再確認一次中午十二點正?洗唔洗預早啲時間,講我哋行動詳情。」明雲查看手上的錶。
「預一個鐘講解就夠,免得消息走漏,通常突發嘅軍事行動,都係臨出發嗰下先知道。」韓湘說。
「係,咁到時候單車館外面公園草地上集合。」港豬伸手放到中間凌空:「雖然知大家有啲攰,我都係一樣,但嚟次合作嘅手勢先……今次係我哋三區聯合,好有歷史意義。」
略有倦色的少佐和明雲都伸手到中間,搭著對方的手背,然後是其他反皇派各部。直至韓湘伸手到最上,搭住某人的手背,大家身子立即一震一縮,整個人精神起來!
「滋」她又忘了脫掉電擊手套。
「唔好意思……」韓湘試著忍住不笑,但太難了。
「哈,真係個令我哋清醒嘅方法。」明雲笑道。
大家笑完一輪,快快回去休個息,準備迎接那神聖的日子。
Ads
墨說
2021-9-25 02:04:29
翌日。
中午十二時。
嚴寒裡最和暖的時間。
聯合倖存區中的反皇派,都一一集合在大草地上等候港豬的指示。
港豬形象一如既往,西裝、豬頭套和雪茄,他真正身份是什麼人,已經不要緊,因為他就是「反皇派」的象徵,每一個人都可以是他。
「各位……」港豬站到台上,沒打算再說一番激昂陳言論:「今日係個好日子,係個返去艾寶琳嘅好日子。廢話我就唔多講,單車館嗰批艾寶琳叛軍,一陣你哋跟韓小姐行,其他人都跟住我!」
「好!!!!!」大家聲若洪鐘。
「我喺艾寶琳開咗間健身室,艾康鎖國同沒收我資產無分別……我見到佢嘅話一定會打殘佢!」大舊握緊雙拳,高高舉起:「將軍澳人反抗!」
「拎起你哋嘅武器!我哋依家就去搵艾康算帳……」港豬掏出滅音槍,指向了天。
韓湘走到那群艾寶琳叛軍前頭,對他們做出敬禮。這群本應一輩勞碌的艾寶琳叛軍,頓時回想起當初韓湘給他們早上訓話步操的點滴,一起重修公園圍欄的時光,共同迎戰摩西的生死場面,眾人思念一遍,馬上給韓湘回個敬禮。
「韓小姐好!」艾寶琳士兵齊聲地喊。
「好耐無見,希望你哋仲記得點樣行軍,一陣我需要你哋維持治安。」
韓湘不介意負責衝進皇宮的反皇派不懂行軍,但會首先進入城內負責包圍工作的艾寶琳叛軍必須要懂,才能夠震懾敵人。
最後,艾匡行上台:「我宣佈……奪國戰爭正式開始!」她抽出鞘中的劍,指向天上。
邊度有咁筍
2021-9-25 02:06:17
lucky time!!!
:^(
用腳推人
2021-9-25 02:14:18
Lucky time
珠珍茶奶
2021-9-25 02:24:57
有文
上一頁
第 14 頁
下一頁