【戰略局】《病港ＩＩ》（４０）
上一頁
第 11 頁
下一頁
夜行傘
2021-9-23 19:39:43
王達尼 雲梨 滿天 少佐 艾匡 港豬
:^(
Ads
滿天的貝果
2021-9-23 20:07:34
:^(
:^(
:^(
:^(
:^(
:^(
:^(
:^(
果然是滿天
到底滿天是有多帥
能帥到取代少佐
:^(
寂寞的都市人
2021-9-23 20:17:17
:^(
:^(
:^(
靈異生物
2021-9-23 21:00:43
畫得好靚
:^(
，不過我覺得拎住棒球棍搭喺膊頭企喺度無表情會比較貼合滿天性格
:^(
滿天的貝果
2021-9-23 21:07:18
謝
:^(
我純粹係跟返篇文拎ak47同埋一個少佐應該有嘅表情 冇諗過滿天
:^(
:^(
:^(
小松
2021-9-23 22:36:25
每日一殺嘅普通人
:^(
利賓納好味
2021-9-23 22:59:56
推
:^(
中二m
2021-9-23 23:27:15
Push
墨說
2021-9-24 00:25:56
「唔緊要，艾寶琳士兵仲用緊冷兵器，真係搞革命嘅話，我哋有槍喺手好快完事。」韓湘反倒不怎麼憂心，目光放在大本營內：「點都好，搵到少佐再講。」
兩人穿越天橋來到大本營內部，聽到連串哭哭啼啼的聲音。
原來港島北的難民孩子全都聚集廣場上，因政策上的安排他們暫時被迫與父母分離，年紀尚小的他們自然哭過不停。
「各位，唔好再喊啦。」灰髮藍眸的娃娃，挽著個麵包籃子：「呢到有小貝果，喊嘅人無得食嫁。」
「嗚……」小孩嗅見香噴噴的貝果，慢慢收住淚水。
一塊塊巴掌大的小貝果，全給娃娃分發到孩子手中，他們大口大口地吃下，並逐漸眉開眼笑，臉上掛住幸福洋溢的笑意。
「無見咁耐，你都淨係識整貝果……都幾神奇。」滿天行過去廣場，淡默一笑：「娃娃。」
「師傅！」娃娃眼睛發亮。
「我唔喺到個陣，無咩大問題？」
「無。」在滿天面前，娃娃變成那些小孩子一樣。
「公仔呢？」
「阿哥佢去咗參加革命。」娃娃說。
「推反艾康？」滿天留意到大本營一些柱子牆壁上，都貼有推反艾康的政治文宣。
「嗯！港豬先生召集咗唔少人，只要係有戰鬥能力嘅人，不分男女都去咗參加……佢哋應該喺聯合倖存區到。」
「唔知趕唔趕得上呢場派對。」韓湘抱著手，望向滿天：「滿天，我哋喺到解散，我負責聯絡少佐，你返去拎嗰部儀器。」
「我拎完會自己一個返去鰂魚涌先。」
「好。」
滿天本來想直接回去靈實醫院，可是行不到幾步，禁不住詢問娃娃：「娃娃，瓦禮喺到？」
「瓦禮小姐就喺樓上工坊！製作緊臨時床鋪俾啲難民，應該都幾忙下。」娃娃指住C幢大樓。
滿天點個頭，礙於時間關係，打消了上去工坊的念頭。
韓湘拍他一拍：「想見就去見，用唔到你幾多時間。」
經韓湘提醒，滿天轉向工坊而去。
緊接著，韓湘在大本營內補充些水份，坐一會消除疲累，便再向將軍澳運動場的聯合倖存區出發。
聯合倖存區可謂十分熱鬧，來自五湖四海不同倖存區的人士，都在場內聚首一堂。
大家到來只有一個目的──推倒艾康。
晚冬氣溫最為冷冽，可是人們熾熱的意志卻不願屈服於殘暴的帝制下，他們寧願挺身反抗，也不甘成為艾康腳下的玩具。
由於韓湘曾協助聯合倖存區反抗艾寶琳進攻，當她行到門口的停車場時候，已經有數名守衛上前迎接她。
「韓小姐！」
墨說
2021-9-24 00:26:13
比起多個月前開荒日子的愁眉苦臉，如今反皇派成員眼裡多了份盼望。
「我就知！」一名反皇派男士王大剛高呼，興奮不已：「哈哈哈！！！你就知咁重要嘅日子，你一定會返嚟！」
「大家幾好？」韓湘打個招呼。
「好極！我哋已經準備好隨時攻入艾寶琳，推反艾康！」手握鐵鎚子的老人，練道仁咬牙切齒。
「入去再講，外面有啲凍。」另一位不知為何加入了反皇派的女子貪鼠，請韓湘進去運動場內。
進去後，韓湘受到反皇派全員的擁戴，一個二個歡迎她回來，像真的同伴和家人一樣，使得韓湘體會與西城薈更大的差別。
「韓小姐你好，我帶你去見見港豬先生本人？」一位半身不遂的反皇派幹部，讓手下推著輪椅上前迎接：「我係反皇派幹部，叫賴桑，我一早有聽聞你喺守護聯合倖存區中嘅英勇表現。」
韓湘點個頭：「麻煩你。」心裡想著賴桑此名字，好像哪裡聽說過。
如是者，在該名幹部的帶領下，他們便前去鄰近的單車館去。
一路上韓湘留意到只是短短幾個月，聯合倖存區變化可大。
除了運動場中央的草地依然是農田外，其他地方的規模和規劃都完善許多，單車體育館內原本一間名為「牧羊少年咖啡館」餐廳，變成名為「金有裘酒吧」的娛樂酒館。
場內也增設了維修和租借單車等服務，單車彷彿成為反皇派的座騎，被大量地使用。
當初那上百名自願投降的艾寶琳士兵，也成了反皇派不可或缺的一員，他們駐守在單車館外的大公園，每當韓湘經過都會呼喊其名字。
賴桑把韓湘帶到單車館的賽場，是個橢圓形的室內單車賽道，最外圍是觀眾席，坐滿來自不同地方的人，可此刻他們都是反皇派。
場道的正中央搭建了高台，吊式火焰燈高高掛在天花，無形中凝聚了一股吸引力。
台上站著艾匡、港豬、少佐、明雲等人，他們都是將軍澳區各佔一方的人士，如今集結一起，作一次演講。
但演講似乎已經到尾聲階段，因為韓湘進來時，觀眾席上的眾人已經「艾匡！艾匡！艾匡！艾匡！」這般喊著，情緒甚為高漲。
「睇嚟佢哋都差唔多完，我一陣後台搵佢哋。」韓湘跟賴桑說。
眼利的港豬看見忽然進場的韓湘，二話不說高聲地邀請她到台上講話：「今日仲有一位特別嘉賓，就係幫過我哋防守廣場天橋嘅……韓湘小姐！」話畢，大家目光紛紛投向韓湘。
「我？」韓湘一呆。
「睇嚟你點都要上台講一兩句。」賴桑小聲說。
無奈之下，韓湘只好上台。
「估唔到你嚟得咁及時，馬克先生都喺到？」港豬伸手扶她上台，用正常的聲線問。
「得我一個。」韓湘捉住港豬的手，踏到台上。
接著，韓湘跟少佐、明雲、艾匡和反皇派核心成員握手，包括艾寶琳貴族最大贊助人、聯合倖存區總工頭、聯合倖存區規劃設計總工程師、反皇派宣傳主任等等……
「韓小姐！你係咪特登返嚟幫我哋嫁！？」台下一名反皇派成員，高興呼喊。
本來想要尋求支援的韓湘，都不好意思說明此行目的，眼下將軍澳區大戰在即，都無法向聯合倖存區借出援軍，唯有順一順他們的意思。
「嗯，咁仲洗問。」嘴角微翹的韓湘環視眾人眼睛，淡淡一笑：「當然係嚟幫你哋。」
韓湘的說話，再讓反皇派士氣大增！
現場歡呼聲不絕！
江東小霸王
2021-9-24 00:26:36
幸運時間！
Ads
墨說
2021-9-24 00:26:37
「解放艾寶琳！！！」港豬舉手。
「解放艾寶琳！！」台下反皇派都高舉拳頭。
「月光在上！」港豬再喊。
「草生不息！！！」大家再和應。
最終，台上的重要人士在一片高昂的氣氛中，伴隨反皇派的口號回到後台去。
後台擺著張白色的餐桌，上面放著兩盤美食佳餚，顯然是港豬為各領導人準備。
「辛苦各位嚟站台演講，我哋好需要勇氣去激勵佢哋，呢到有燉魚湯同烤鳥肉，希望各位鐘意。」港豬揚手邀請來賓享用，順便介紹一下韓湘：「呢位係韓湘小姐，我諗你哋都認識，就唔需要介紹得太深入。」
「嗯，我哋識。」少佐上前，跟韓湘問好：「好耐無見，Trista。」
「叫番我中文名就得，少佐。」只有不太相熟的外人，韓湘才會讓對方叫英文。
「見過兩次，你隻船仲泊緊喺康城。」明雲也跟韓湘握手。
「之後呢位，你可能唔太認識，未見過，亦或只聽過佢個名，但容許我介紹一下……」港豬行到艾匡旁邊，對她做出介紹產品的手勢：「我哋尊貴嘅艾匡公主。」
「你好，韓湘小姐。」艾匡跟韓湘握手，不像以前害害羞羞的：「我已經聽港豬佢哋講過，你同鳥嘴先生好熟。」
「熟到兩粒糯米糍咁，行到邊都見佢哋企埋一齊。」港豬掏出一根雪茄，叼入豬頭面具的嘴中：「但今次居然唔見馬克佢，定係佢又拍緊《不可能任務》做緊啲非人想像嘅行動……」
「M佢無返將軍澳？」少佐都問。
「事情講起上嚟，都有啲長……」韓湘望向各位，說個概括：「簡單嚟講，佢捲入咗港島區嘅大型戰爭。」
「有幾大型？」行動不便的賴桑都來到後台。
「戰鬥規模上千人，用熱兵器對戰，對方仲有唔少大殺傷力裝備。」韓湘說。
「果然有佢嘅地方，就有戰爭存在。」少佐這一句，算是揶揄M。
韓湘放空的瞳孔，一副若有所思：「基本上佢都無得唔參手，基於好多原因……」包括他家人，還有王達尼的安危。
「咁即係呢場戰爭，M應該唔會幫到我哋。」明雲說。
「相反，佢可能需要你哋幫……」
「係？」大家冒出問號。
「依家嗰到局勢有啲惡劣，敵人叫「西城薈」，佢哋入侵咗倖存區。佢朋友王達尼就組成咗一支叫「臨時政府」嘅勢力，由各區管理人、黨派同各區士兵組成，但始終雙方實力太懸殊關係，佢哋俾對方壓制住喺港島東中心入面，M想要戰局有突破，就去咗西城薈總部到暗殺一堆高級嘅軍官……」
「以佢暗殺技巧，應該無難度？」港豬很熟識馬克的實力。
「講就係咁講，但單兵一個面對住咁龐大嘅人數相差，都係無辦法贏到對方……殺嗰啲軍官最多拖延到進攻時間一陣。」
「咁你特登返嚟將軍澳，就係想請我哋幫忙？」少佐問。
「係。其實西城薈軍人本身都因為傳染病嘅問題，好多人都已經命不久矣，如果有一外援可以協助死守鰂魚涌嘅話，時間一到，對方軍人死得七七八八，大局就塵埃落定……」韓湘深呼吸，說出另一個可能性：「但如果守唔住「臨時政府」嘅總部，即係港島東中心，咁成個抵抗勢力就會立即瓦解，往後都好難再聯合到任何人反抗。」
「咁點解佢哋要守住？除非好有戰略價值。」港豬一直用心聆聽，都忘記要吐煙：「咳咳咳……」
「對M嚟講，港島嗰到有病獵協會，係佢想組建病獵大軍嘅場地。對佢朋友王生嚟講，就係極富商業價值嘅倖存區，嗰到有大量珍貴設施同人才，資源係將軍澳無得比。」
墨說
2021-9-24 00:26:47
「原來係咁。」賴桑點點頭，抿一抿嘴：「可惜嘅係，我哋都有場戰爭，聽日就要展開，都唔知要打幾耐。」
「但如果你哋打完嘅話，可以嚟幫手？」韓湘說。
「當然可以，對上一次守護聯合倖存區嘅戰爭，如果唔係馬克幫過我哋，吹雞叫埋嗰位秦指揮官到嚟……我哋都死嘅死、散嘅散，但依家我唔代表住反皇派，始終都要問返艾匡公主。」港豬望向艾匡她。
「咁當然要幫鳥嘴先生，但我哋都必須喺完結呢場戰爭之後，否則會自亂陣腳。」艾匡理性地說。
「咁你兩位？」韓湘望向另外兩位領導人。
「我無問題。」少佐答。
明雲猶豫一下，也首肯答應：「作為後援，我哋都可以。」
「係咁嘅話，呢場戰爭就要速戰速決。」賴桑把輪椅推到桌子前，放下一卷寶琳區地圖：「我聽奎斯講，艾康佢強制徵兵，差唔多區內所有男丁都入咗伍，一樣係有住人數嘅優勢。」
「但我哋有槍，黑鼠呢段日子都陸陸續續送咗批槍嚟。」港豬說。
「係就係咁講，但每把槍計埋子彈，優勢都唔係話好壓倒勝，但保護住艾康嘅秘密士兵，唔係拎劍嘅騎士，而係拎槍嘅人，都有唔少風險，如果太快用槍對付前排嗰堆雜魚，到時就可能唔夠火力同佢嘅秘密士兵鬥，一直留到最後用嘅話，又可能已經死咗唔少反皇派嘅人，要拎到個平衡。」賴桑以手比劃。
「或者，你都需要一個軍官……」韓湘雙手撐著桌子，悠悠的看向眾人：「快速了結呢場戰事？」
「韓小姐你……」港豬望向她。
「佢係個職業軍人。」少佐早有聽聞。
「我可以幫你哋帶軍入城。」韓湘直說。
港豬見大家不說話，便開口問：「各位有冇異議？我自己就無問題嘅，韓小姐上次向我展示咗咩叫魔法，佢可以令到一批貪生怕死嘅艾寶琳士兵，不顧一切咁衝向嗰隻癲狗到將佢綁住，雖然最後都係由馬克搞掂……」
「論經驗嘅話，我應該就係最資深。」韓湘自己都無可否認。
「咁好，韓小姐，你到時會係反皇派嘅指揮官。」艾匡授權韓湘，並說好之後的事：「拎返艾寶琳皇位之後，我就會派人去港島區幫手。」
「非常好。」韓湘合上雙手：「我需要你哋戰鬥人員嘅名單，而且你哋有冇佈陣、行軍嘅訓練？」
「吓，行軍？我哋反皇派嗰堆人……」港豬半笑半說的，不得不把雪茄拿下：「最多都係叫做民兵。」
「要令對手感到畏懼，覺得我哋唔係一班純粹入城生事嘅反政府暴徒，你就必須假扮得有紀律咁行軍，呢種形象可以展示出一股團結嘅力量。」韓湘解釋。
墨說
2021-9-24 00:27:00
補上po750正評
江東小霸王
2021-9-24 00:32:18
月光在上！！
有文休息！！
Kingsmen
2021-9-24 00:34:06
時間上將軍澳呢場戰爭打左幾日就解決
:^(
巨浪大戰薯條
2021-9-24 00:41:15
人唔多有槍差唔多啦
椒鹽蝦米
2021-9-24 00:41:58
有文
:^(
陽光寧蒙芖
2021-9-24 00:43:38
文
:^(
森林大火鳥
2021-9-24 00:45:22
月光在上!!!!!!!!!!!
傻豬黎既
2021-9-24 00:46:16
月光在上，有文休息
Ads
Vaterland
2021-9-24 00:50:08
:^(
點解咁既
2021-9-24 00:55:34
兩粒糯米糍
:^(
甜到漏
裝胸作細
2021-9-24 00:59:04
推啊啊啊啊啊
工業用革命口罩
2021-9-24 01:05:33
早啲休息！！
上一頁
第 11 頁
下一頁