阿7 2021-9-22 14:46:51

:^(

靜少少啦 2021-9-23 00:37:53 樓主等緊你

:^(

368已覆機 2021-9-23 01:16:10 啊！live咗啦

:^(

:^(

:^(

香橙綠茶少冰半糖 2021-9-23 01:45:51 芯怡都走堂，樓豬走文就基本啦

:^(

葉娜 2021-9-23 01:46:55 樓豬只有遲唔會走

:^(

香橙綠茶少冰半糖 2021-9-23 01:50:25 釣到你啦

:^(

加速

:^(

蝦佳（無面見人） 2021-9-23 02:17:10 此回覆已被刪除

小國小民 2021-9-23 03:41:38 遲到要記過

:^(

葉娜 2021-9-23 04:02:39 Stage 4，272分。我瞄向葉天朗的，386分。

葉天朗拍了拍搵上的灰塵，心滿意足地望向我：「係咪乜都得？」

＝＝＝＝＝＝＝＝＝＝＝＝＝＝＝

我裝作不情願的說：「得喇得喇，你話點就點啦。」
葉天朗立即眉飛色舞，笑得像個孩子般：「我諗到再話你聽。」

按照這個劇情發展下去，他會要我做他女朋友嗎？還是要我跟再次約會？雖然連日來的了解和相處確實令我對他有那麼一點好感，但、才真正認識幾天，仍與喜歡有段距離吧？ 葉天朗的「願望」在我腦裡留下了神秘的種子，不斷在滋長發酵，我不由得去幻想這個願望和我們的未來有關的，至少是這樣。

「係喎，就快開場喇，行快啲啦。」葉天朗突然拍我的肩。

漆黑的戲院一向是曖昧中的男女醞釀戀愛種子的好地方，我和葉天朗並肩坐著，比我高出整整一個頭的他坐下來後，肩膀剛好在我眼睛的水平線上。我偷偷計算過，這是個恰到好處的距離。

然而整套電影我也忘了在演些甚麼，只記得是我倆都喜歡的血腥Cult片，我不由自主地想，要是有嚇人的Jump Scare畫面，我也大可以借機靠向葉天朗的懷裡。然而，現實不是我沒有膽量，而是我根本沒被嚇倒，我可沒那麼不害臊地裝模作樣。

「你今晚返Hall？」草草在商場餐廳吃過晚飯後，葉天朗問我。
「係呀。」
「不如去行下。」他提議。
「呢個就係你個願望？」我打趣道。
「唔係，想行下消化下啫。」他噗哧一聲笑了。

我們走到一個屋邨樓下的公園，滑梯上被塗改液畫上大小不一、字體潦草的塗鴉，看得出年代久遠。

友誼永固 FrIEnDShiP ForEveR =]
By Carmen Christy Codi 2011

「唔知寫呢句嘢嗰班人而家點呢？」我摸著凹凹凸凸的字跡，自言自語。

葉天朗熟練地拿出火機和煙，我才想起，一整天都沒看過他抽煙。

「咁後生就開始食煙，幾時食到老？」我不禁問他。
「無嘢做呀嘛。」葉天朗只是答非所問。

我一笑，並沒有追問，只是拿出手機，點播了My Little Airport 的〈九龍公園游泳池〉。

我喜歡九龍公園游泳池
那裡我不再執著一些往事
我原是世間其中的粒子
如何衝擊我都可以

我輕聲哼著。

「係喎，你都鍾意MLA，佢地11月有Show喎，有無興趣？」我問葉天朗。
「梗係有啦！都唔知搶唔搶到飛。」他輕嘆。
「一齊睇囉？我都無咩Friend鍾意聽。」
「都可以呀，搶到先算啦。」
「都係嘅。」我應聲道。

葉天朗沒有給我一個確實的回答，也是，畢竟個多月後的事太多變數，即使今天他可以答應與我一同看演唱會，一個月後他身邊也可以有更重要的事，更何況我們只是認識一、兩星期。

我們天南地北般聊天，有時候誰也沒有說話，他只是靜靜地吞雲吐霧，一圈圈煙霧籠罩著我倆，好讓我可以像偷偷隔著薄紗，看清楚他側臉的輪廓。他沒有染髮，細軟的一縷髮絲垂落在他耳際，鼻樑挺直，上面架著副眼鏡，嘴唇抿得薄薄的，唇上還有些未剃乾淨的鬍渣。

「係呢，啱啱我贏咗你，你係咪可以應承我啲嘢？」半响，葉天朗吞吞吐吐地說。
「點呀？有咩幫到你？」我收起目光，答。

我隻手環抱自己膝蓋，裝作漫不經心地在腿上畫著圈，掩飾著自己緊張得幾乎手心冒汗。該怎樣說？我既希望他肯定對我的感覺，也卻不想他太快把心意道破，最要命的是，交友App的關係速戰速決，要是我不答應，他也大可找另一對像。

「我想你⋯⋯」
「我想你幫我問下Nicole有無男朋友，或者有無對像。」葉天朗搔頭，尷尬地說。

也許葉天朗的話和我預計的有太大落差，我怔了好幾秒，停下了手中畫圈的動作。

葉天朗見我沒答話，便說：「Sor呀，我係咪好奇怪？其實我大O嗰陣見到佢已經對佢有興趣……」

不，如果葉天朗大O時已經對Nicole有意思，為何還要玩交友App？我將心裡的疑問道出，他悻悻然地說，因為Nicole沒接受他IG的交友邀請，所以想找人抒發些情緒。

而我就成了他那個打發時間的人。

我沒辦法接受這刻的難堪。坦白說，我並沒有很喜歡葉天朗，只是他將我從濃濃的陰霾中拯救了出來，說我並不差、告訴我我是可以被愛的，然後才說他一直心向另一女子？他把我鋒利的保護殼溫柔地脫下，然後遺下我赤裸地留在自己編織的美夢中，腦海中的幻想泡沫被狠狠戳破，如此難堪，如此殘忍。

「你鍾意Nicole啲咩？因為佢靚？」我沒察覺我的聲音有點顫抖。
「唔完全係嘅，我覺得佢好charm，好吸引。」也許葉天朗感覺到了我的不對勁，他並沒有再多說。
「乜，外表真係咁重要咩？」

我不管我的語氣變得咄咄逼人，我真的好想知道，我們那些相互接通的頻道、那些靜靜在彼此身邊流淌的時光，是不是都敵不過美麗動人的皮囊？

手機的Playlist循環播放，又回到了那首〈九龍公園游泳池〉。

二百年後這裡什麼也都不是
宇宙裡有什麼不是暫時？

宇宙裡沒有永恆，就連友誼也不是永固，我又為何會奢想交友App認識的人會陪我看一個未來的音樂會？

我敷衍地回應了葉天朗，留下了他不知所措地看著我離去。

葉天朗一手把我推進幻想中的漩渦，差點泥足深陷，但無論我陷得多深，也走不到他心裡頭。

葉娜 2021-9-23 04:09:07 是日完了

:^(

終於寫到芯怡面對呢一刻了

:^(

因為想盡量舖排芯怡嘅人物設定
所以前面故事發展會比較慢
唔知會唔會悶呢

:^(

留言話俾我知你地點睇

:^(

p.s 樓豬作息開始混亂

:^(

照樣都會每日更新但係應該會好夜出(有遲無欠)

:^(

所以每朝起身扮工睇文就啱晒

:^(

葉娜 2021-9-23 04:13:51 來，請鞭打樓豬

:^(

:^(

葉娜 2021-9-23 04:14:21 已經成屋都係

:^(

:^(

真係蠢唔係扮架喎 2021-9-23 07:54:16 原來樓豬係之前約左仔仔睇mla

:^(

:^(

:^(

寂寞的都市人 2021-9-23 09:22:39

:^(

:^(

:^(

DVD_ROM 2021-9-23 09:35:48 想知之後芯怡點對子樂，係咪好似葉天朗對佢咁

:^(

蘇眉難求 2021-9-23 11:05:05 講真 雖然講真不嬲都係好仆街架啦
芯怡諗多咗咋喎

:^(

:^(

午前二時 2021-9-23 12:20:55 天朗又唔係真係有心釣佢

:^(

葉娜 2021-9-23 13:02:38 好開心 居然有得記得子樂個名

:^(

葉娜 2021-9-23 13:03:06 不過是浪漫的想像作致

:^(

:^(

蘇眉難求 2021-9-23 16:56:39 人會失望都係因為成日都俾太大期望
唔期望就唔會失望

:^(

:^(

當悲傷逆流成河 2021-9-23 17:35:06 Live 咗

:^(

樓主加速！！

Capoo 2021-9-23 18:36:24 lm

我還喜歡我嗎 2021-9-23 18:43:23 此回覆已被刪除

通形Million 2021-9-23 19:13:30 中大人睇到好有feel

:^(

仲要我咁岩又識一個讀中大既Nicole

:^(

:^(

葉娜 2021-9-23 20:51:58 今晚會早啲出！！
終於唔係深夜凌晨更

:^(

:^(

如無意外再多1、2篇就結局了

:^(