午前二時 2021-9-21 19:29:02 當你用成個心做籌碼

:^(

熊大bb 2021-9-21 20:02:01 我等緊文啊

:^(

真係蠢唔係扮架喎 2021-9-21 20:17:11 收嗲啦柒頭皮，唔好同我爭樓主

葉娜 2021-9-21 21:42:38 「未起身？我到咗你樓下喇。」

12時整，不遲也不早，電話螢幕亮起了葉天朗的訊息。

我一大早起床洗頭、研究室友借我用的化妝品、在鏡子前東拼西湊，還是沒有很滿意自己一身打扮。眼前的女生架著副厚重的眼鏡、大腿不夠纖細、腰間更有些贅肉，眼尾的絲絲細紋令我有著大學三年級不該有的成熟感，我頹然地看著約定時間一點一滴地逼近。

罷了，還是做自己最自在。我深吸一口氣，甫踏出升降機門，便看見葉天朗和Nicole在寒喧。

「乜你地識㗎？」Nicole看著我和葉天朗打招呼，詫異地問。
「呃……係呀，Friend個Friend囉。」葉天朗像是在掩飾甚麼似的。
「噢……遲啲再傾。拜拜！」Nicole爽快地向我們擺擺手，我卻用眼角的餘光，瞥見了她嘴角那、耐人尋味的笑容。

我和葉天朗並肩地向巴士站走去，期間，他不時在手機鍵盤上輸入些甚麼。

「你都識Nicole？」我忍不住問。
「哦，佢係我大O個Friend嘅組女嚟，大O女神喎，點會唔識。」葉天朗若無其事地道。

也對，像Nicole那樣漂亮可人的女生，性格更是爽朗外向，有誰會不喜歡？

葉天朗見我默不作聲，便開口提議到市區某屋邨附近的冬菇亭喝茶。

「好喎！好耐都無飲過茶。」我不禁興奮起來。
「不過冬菇亭而家都變晒Lu。」

冬菇亭原本有著幾家幾十年歷史的大排檔，見證香港興衰，可惜在不久前宣佈不敵財團加租，光榮結業，到最近才有經翻新的食店進駐。

「係呀，翻新過嘅嘢點都同原本嘅無得比。」我輕嘆。
「舊嗰陣啲人又嫌佢污糟，到佢裝晒修翻新完，又話佢失去原本味道，好難服侍。」葉天朗語氣倒是淡然。
「咁人係鍾意包裝㗎啦，外表唔達標嘅，邊個咁得閒欣賞你內心。」
「又唔好咁Sad，可能有呢。」
「咩呀……我講緊冬菇亭呀。」
「知喇，行啦。」

那舊屋邨景物依然，裡頭的街市和大排檔卻有著新式裝條和冷氣，說不上格格不入，但我確實更喜歡香港獨有的舊式建築，牆壁斑駁落漆、侍應粗聲粗氣，我最愛坐在一角觀看行人百態，彷彿在營營役役的人群中看到了自己。

食物滿桌，我和葉天朗在爭辯著誰點得比較多，誰就要負責把那籠點心清光，我說，點菜也有問責制嗎，他又說，問責制買少見少。

「呢排好似見你開朗咗。」
「係咩？多得你囉。」
「又關我事？」
「你開解咗我好多。」
「咁有無咩報答我？」
「⋯⋯」
「講笑咋。」
「係呢，你今日化咗妝？」
「都算係嘅⋯⋯」
「幾好睇呀。」
「唔係呀……唔好笑我啦。」
「你應該話，多謝。」

我愣住半响，才吐出一句「多謝」。

而我沒有對葉天朗說出口的是，我的確有點希望他不是開玩笑，這句有點親暱得近乎調情的話，不自覺地在我心裡輕輕撩撥著，泛起了絲絲如海紋般的漣漪，似風般輕，卻久久不散。

葉娜 2021-9-21 21:42:51 未完，晏啲仲有

:^(

葉娜 2021-9-21 21:43:16 唔記得講，應該都要好夜

:^(

:^(

:^(

真係蠢唔係扮架喎 2021-9-21 21:43:45 又出去威

憑誰解花語 2021-9-22 01:14:08 中秋即刻無哂人追文

:^(

g持 等你岀本日第二篇

香橙綠茶少冰半糖 2021-9-22 02:14:45 都估到你啦

:^(

不過咁早出咗一篇先 樓豬都抵讚

:^(

913鮮奶 2021-9-22 02:34:18 又睇到live咗好彩睇到晏啲仲有

:^(

:^(

btw樓主中秋節快樂

:^(

:^(

913鮮奶 2021-9-22 02:34:35 頂又撳咗不推文

:^(

:^(

salto7 2021-9-22 02:58:19 Nicole 之前出現過？

葉娜 2021-9-22 03:28:31 翻新過的屋邨商場著實沒有甚麼吸引力，我沒問葉天朗要帶我去哪，反正他每次總能像變戲法一樣，令我走進一個未知的新世界。

「睇場戲？」他提議。

對於葉天朗說的話，我一向沒有拒絕的理由。

立即在手機App查看電影場次，但是想看的都起碼要二小時以後。

「咁點啊？鳩fing兩個鐘？」我可不想這天的約會就這樣到此為止。
「唔⋯⋯有計！去打陣機先！」
「打機？」
「跟我嚟啦。」葉天朗掩蓋不了臉上興奮的神情，半拉扯著我的手向前走著。

步出商場那一刻，我們彼此觸碰著的手幾乎在同一秒分開，若無其事般，但、他手心的溫度和觸感卻悄悄地留下溫度。

走了約莫十分鐘，葉天朗帶我來的，居然是另一個屋邨商場，我不禁被他弄得頭暈轉向，正想張口問他，他卻將手指向一家遊戲機中心。

「機舖？」
「我之前成日嚟㗎，入嚟啦。」

我對於機舖的印象還停留在煙霧瀰漫、金毛飛隨時會走來收保護費那種。

「喂楊芯怡，你真係，好搞笑。」葉天朗被我的擔心笑得人仰馬翻。
「再笑吖嗱！」我大力拍打著他的背。
「灣岸、頭D、街霸、跳舞機⋯⋯呃，睇你都唔識跳舞㗎喇，玩賽車先？」

葉天朗說出那些遊戲名稱，就像另一個國家語言般陌生，但我還是坐上了賽車遊戲的座椅。

「我真係唔識玩㗎，你要讓我。」我提醒他。
「得啦。」

在收銀處兌換了一堆代幣，「咇」的一聲，一場場虛擬賽事開始。

「喂，過彎要轉左呀。」葉天朗大喊。
「我咪轉咗左囉！」我同樣大叫著回應。
「你嗰個係右⋯⋯」
「開慢啲，唔好一味衝，煞少少車先過。」
「我煞咗㗎喇！」
「你啱啱踩咗油⋯⋯」

機舖裡人聲嘈吵，伴隨著遊戲音樂，隨著多個回合的激鬥，盤裡的遊戲幣也逐漸變少。

「喂，你條友真係唔識㗎喎。」葉天朗沒好氣地瞧著我。

聽著他的取笑，我的心情卻無比輕盈，像踏在一朵朵飄在半空中的雲，從前那個彷似被一群烏雲籠罩著的楊芯怡，她的影子好像越來越淡，取而代之的，是眼前那個心臟會強烈跳動的我。

「玩第二樣。」我逕自走著。
「不如睇下你有啲咩識玩。」葉天朗不忘嘲諷我一番。

我走到一台機器面前。

「籃球機？」葉天朗一臉狐疑地看著我。
「驚呀？」我不服氣。
「驚呀⋯⋯驚你輸得太慘。」他又在止不住地笑，真可惡。
「如果我贏咗點先？」我拋下一句。
「你贏咗，我乜都得呀。」他自信滿滿。

好勝心一旦被激起，便覆水難收，說甚麼也要讓葉天朗看到我也有他不知道的一面。說罷，還再兌換了更多代幣。

雖說從前在學校的體育課向來是個邊緣人，但身型並不纖細的我可是有著比普通女生更大的力量，所以每次看見那些嬌滴滴的女孩說甚麼扭不開樽蓋，我總是在心底裡反了無數個白眼。

「開始喇喎，洗唔洗我讓你30秒先？」葉天朗壞壞地笑著。
「哼，唔洗。一陣我要你輸到叫媽咪！」我氣壞了。

60秒倒數。

我深吸一口氣，瞄準了籃框，俐落地向前投了一球。

落空。

不急，還有時間。我重覆向上投球，接近半分鐘過去，分數欄上還是只有可憐的2、30分。

Stage 1，39分，Game Over。

「喂，唔掂喎大佬，Stage 1都唔過，點玩呀。」葉天朗幾乎笑得沒把一句完整的話說完。
「都係俾我練一舖先。」我還是向他示弱了。
「唔係咁射㗎，唔洗咁大力，你熟咗個軌跡先。」他看不過眼，捉著我的手做了個拋物線的動作。

「比賽」再次開始，汲取了上一局的教訓、和葉天朗的教學，我居然幸運地過了第一關、第二關。

「勁咗好多喎。」葉天朗向我投了個不明的微笑。

我不搭理他，只顧揉著手臂，準備第三關。

距離完結還有半分鐘，葉天朗的分數已經早就拋離得遠遠的，我著急地拉著他的手，阻止他再把球投進框裡。

「喂，咁奸㗎。」葉天朗沒生氣，只是在孩子氣地笑。

同時我也不服輸，不斷在拿起球，再投。

還有8秒，要多得10分才能進最後一關。只見葉天朗一把拿起我跟前的球，一拋、一放，漂亮地連續投進了4個三分球，取得12分。

我呆滯地望向他，說「做咩讓我？」
「一陣你Stage 4都玩唔到，得我自己射，好on9㗎嘛。」葉天朗輕鬆地說。

我沒說話，卻被他的舉動撥亂了心神，像錯調的弦，回音在我心裡縈繞了好久。

「咪發呆啦，又話要贏我。」葉天朗說。

我只好稍稍整理思緒，準備好投球的手勢。

Stage 4，272分。我瞄向葉天朗的，386分。

葉天朗拍了拍心上的灰塵，心滿意足地望向我：「係咪乜都得？」

葉娜 2021-9-22 03:29:27 樓豬唔會走數

:^(

(有遲無欠

:^(

)

葉娜 2021-9-22 03:30:07 Nicole係之前講過芯怡hall o嘅組mate

:^(

葉娜 2021-9-22 03:30:33 睇落去就知

:^(

葉娜 2021-9-22 03:31:06 過獎

:^(

我會繼續努力

:^(

葉娜 2021-9-22 03:31:33 欲知後事如何，請看下回分解

:^(

葉娜 2021-9-22 03:32:27 我愛大家

:^(

:^(

葉娜 2021-9-22 03:35:26 是日完了

:^(

中秋人月兩團圓就寫得sweet啲俾大家甜下啦

:^(

:^(

中秋節快樂

:^(

:^(

聽日見

:^(

:^(

樓豬要正皮呀呀呀呀呀呀

:^(

:^(

葉娜 2021-9-22 03:37:06

葉天朗拍了拍手上的灰塵，心滿意足地望向我：「係咪乜都得？」

屌 打錯

:^(

:^(

葉娜 2021-9-22 03:42:51 真心唔知

:^(

:^(

我淨係知可圈可點呢個詞語都係好多人用錯
但以前上堂有個老師講過，語言係約定俗成嘅，如果堅持用已經無乜人知嘅本義嚟表達
就失去咗語言用嚟達意嘅意義，睇你點睇

:^(

Airiel 2021-9-22 07:19:23 講得幾好

:^(

我都冇咁諗過

:^(

有車有樓有番狗 2021-9-22 10:05:48 好青春嘅走堂生活

:^(

紅色channel 2021-9-22 11:38:37 一開始無樣咁你哋傾咗幾耐先出嚟見真身