召喚lihkg所有學神/P牌巴絲(91)
第 1 頁
下一頁
ADHD豬鞭
2021-9-2 11:29:39
上個post
召喚lihkg所有學神/P牌巴絲(90)
https://lih.kg/2637548
好壞師傅list (只供參考，其實師傅都係人夾人嘅啫)
https://docs.google.com/spreadsheets/d/1P3ULTCnAeMVaZBseRkVgEQCKMRTTjUfzIxwtNeA69Hk/edit?usp=sharing
Q/A
問題1）
學咩車，幾錢先叫平，幾錢先叫貴，我報邊間學校或者駕駛學院好？
答案1）
首先要搞清楚，你想學邊款車，有2大分類，自動波及棍波。2款車，私家車(1仔牌)及輕型貨車(2仔牌)(以下簡稱貨van)。
問題2）
咁學邊款最著數?
答案2）
根據運輸署規則，考貨van牌係送埋私家車牌，考棍波係送埋自動波牌，換然之，學棍波貨van最合乎經濟原則，因為考1個牌就送埋其餘3個牌比你，即是Buy 1 get 3 free。
問題3）
我手腳唔協調架，學棍波實撞車！咁自動波應該學私家車定貨Van?
答案3）
你可以選擇自動波貨van或自動波私家車，同樣地，你考自動波貨van係會送埋自動波私家車牌比你。亦有人話，其實我只要自動波私家車牌就夠，少個牌對我冇影響，咁你可以只報1個自動波私家車牌。
棍波私家車，我唔建議大家去報考，一來師傅少，二來係4款車當中係最難學識。最易學邊款車，我認為最易學一定係自動波貨van，原因有3個：
第1，泊位會比私家車容易，因為考試個泊位其實係設計比大小小既車泊，例如貨van，而且貨van有後鏡可以睇到車尾入唔入到考泊車時既黃格，呢個絕對係優勢；
第2，貨van車頭有魚眼鏡，對考車既人仕要做3手軚掉頭極有幫助；
第3，貨van兩邊側鏡可以望到既範圍係比私家車為大，車身亦較高，盲點亦都比較少，而私家車有車頭部分，新手係比較難掌握與車頭距離，相反貨van司機已經坐到全車最前部份，只係需要掌握車尾距離感，所以我會建議新手學貨van。
問題4）
考試場地係點架？
答案4）
香港考車，主要分2大區-香港島區，九龍及新界區。以上我地都比較鍾意統稱叫考街。先講下九龍及新界區，考貨van，不論自動波或棍波，有5個試場，運輸署會隨機抽1個比你，分別有天光道，忠義街，油塘，澤安，永孝街。至於私家車，不論自動波或棍波，有3個試場，運輸署亦會隨機抽1個比你，分別係培正道，石蔭，忠義街。
香港島區方面就比較簡單，只有2個考場，分別係掃桿埔只考貨van及跑馬地只考私家車。
有人會問，李健或者鏗鏘果D係點玩法，嗱，我地要搞清楚，我地統稱呢D叫駕駛學校，駕駛學校係冇私家場，佢地只係幫你排街外場，亦即係你去跟私人師傅學車一樣，駕駛學校會幫你報名考以上幾個場地，再幫你安排師傅，而佢地比較有規模，可以隨時去投訴換師傅。
至於香港駕駛學院，佢係有自己既私家場，分別位於元朗，沙田及鴨脷洲。
有人會問，咦，我住元朗喎，可唔可以報元朗駕駛學院考，但用私人師傅或者去跟駕駛學校應考架，得唔得架，答案係NO，不可以。唔好問我點解，要問就問返駕駛學院點解政府會比咗個咁古怪既條例出黎。
仲有間新觀塘駕駛學校，佢哋觀塘嘅私家場係只考乙部，丙部去翻上面個油塘考。
問題5）
邊個場最難，邊個場最易？
答案5）
只要控制好部車，冇話邊個特別容易，邊個特別難。如果真係要揀一間，鴨脷洲駕駛學院，呢個絕對係全港最易試場。但要留意返，考官每日穿梭不同考場，昨日可能係天光道，今日可能係澤安，明日可能係元朗，後日可能係沙田，鴨脷洲係全港出名最易既試場，問題係考官去到鴨脷洲，覺得條考試路線咁易，自然會將心中把尺提高返，考生想合格都要合符返一定水平。
Ads
ADHD豬鞭
2021-9-2 11:30:15
問題6）
報名流程係點架？
答案6）
建議先去運輸署親自報名，記得要帶3個月內住址證明，報完名大約等個幾月就要考筆試，筆試只係考20條交通選擇題，需要答啱16條或以上，答啱15條既，請麻煩報名再考過。筆試內容會係報名果時，運輸署會送一本藍色（以前係黃色）小冊子比你，你亦可以自己上網搵練習，網上有大量筆試練習提供，最重要係免費，真係做到你唔想做，考完筆試，運輸署會即場隨機抽1條考試路線比你，如果你係報香港島區考，當然只會抽到掃桿埔(貨van)或者跑馬地(私家車)，如果你報既係九龍及新界區，咁就會出現抽獎情況，大獎係獎你幾個月後去上面提及既試場考路試。
要注意既係，如果你報名報九龍及新界區，萬一考路試肥佬，你又要再申請多次考路試，運輸署係會隨機再抽過新既考試場地比你，又或者你好不幸，可能會再次抽返你既傷心地再考多次。
本人親身經驗，我自己係親自去運輸署報名，考完筆試之後抽到油塘，本人覺得太遠所以轉咗去元朗駕駛學院應考，最重要既係，駕駛學院冇收我額外費用，所以我建議考生們，先自行報名考筆試，抽到既場地唔合心意，可以轉去駕駛學院。但要注意，如果我抽到油塘，想轉去澤安考喎，得唔得呀，答案係NO，不可以，你只可以缺席是次路試，等重新抽獎，注意，你只得1/5機會抽到澤安，亦有1/5機會抽到油塘喎。
問題7）
考試流程係點架？
答案7）
不論貨van或私家車，都分為乙部試及丙部試。一般都係同時間進行哂兩部份，亦有少部份既駕駛學校係分開兩部份黎考，先考好乙部試，再等幾個月後考丙部試。我個人意見係，其實乙部試都幾悶，如果考乙部試之前既練習，你只可以不停做場內動作，又唔可以出街，重重覆覆咁做，你唔厭我都覺得悶啦。
乙部試: 乙部試係考泊車，3手軚掉頭同斜路起步，只要有任何1個項目肥佬，就整個乙部試都肥佬。先講泊車，顧名思義，就係泊好架車囉。即係成功用1次機會泊入1個S位泊位或L位泊位，視乎考試場地要求。3手軚掉頭就係2條行車線，考生只用2次向前，1次向後機會，成功將部車180度掉頭，中途唔准掂兩邊石壆，千祈唔好睇輕呢個動作，呢個動作考你用手扭軚速度，用腳控制車速。最後就係斜路起步，成功將部車停係斜路，再成功係斜路起步，起步果刻唔可以溜後，溜後即肥。以上都係乙部試內容。駕駛學院就有呢到優勢，因為練習地方正正係你考試地方，只要好好地做，要合格唔太難，相對上，考街既考生就會比較麻煩，因為你練習地方未必係考試地方，有可能師傅未能提供，亦有可能場地所限。所以考駕駛學院相對上係有優勢。
丙部試: 每個考試場地都會有3-4條考試路線，考生需要自行駕駛車輛，途中考官會示意考生需要行駛既方向，考生係唔會事先知道考邊一條路線。不論考街既考生定係駕駛學院考生，都需要出街行一個圈返去，所以有人話駕駛學院係易考D，我係唔認同，因為丙部試大家都係同等條件，唯一唔同條件既只係乙部試。丙部試所涵蓋範圍非常廣泛，考官會留意考生有冇做足每個預備動作，每一個動作有冇做足同做好，例如望鏡，望盲區。首先我地細分車內環境同車外環境因數，車內環境係指你車內動作有冇做好。
例如：每次開車前有冇望鏡，軚盤運用流唔流暢，油門運用流唔流暢，離合器運用流唔流暢，腳掣運用流唔流暢，手掣有冇拉好或開車前放好，轉線有冇擰頭望，轉線前有冇打指揮燈，落雨識開水潑或大燈等等等...
以上動作，有D可以容許你犯錯一到兩次，有啲係未必容許你有一次犯錯。車外環境就比較複雜，絕大部分都唔容許有1次犯錯，例如停車時觸及前方或左右兩方行車線，行駛時觸及左右兩方行車線，影響其他駕駛者，沒有注意交通情況不論開車或行駛途中，太接近其他物體，在物體後急速扭軚駛出或物體前急速扭軚切入，不利用先行權利，不讓路予有先行權利之車輛等等...車外環境變數實在太多，怨未能盡錄。
ADHD豬鞭
2021-9-2 11:30:42
問題8）
宜家報名考試要等幾耐？
答案8)
可以上運吉個網睇
https://eapps2.td.gov.hk/repoes/td-es-app517/WaitingTimeExtPreview.do?language=zh
問題9）
Pass完甲乙丙部後，最快幾時可以拎P牌？
答案9)
官方答案係7個工作天
但根據經驗，3個工作天就應該得。
當然，唔擔保一定得。
問題10）
應該學幾多堂先去考車？
答案10)
所有人資質唔同，有人20節已經舞到架車好輕鬆，有人40節學車都仲要提住提住，咁你點考試呢
巴絲們，睇返自己能力啦，唔好帶住仲應該點樣處理邊個位既諗法去考試，咁樣好哂錢，不如補多幾堂操熟先考
問題11)
我4月考車，應該幾時上堂？
答案11)
大約1月底2月開始學，早返2~3個月就最好
最緊要唔好谷埋一次過，搞到自己好急住學，搞到補唔到鐘
多啲上網睇考果條路既影片吸收下
問題12)
左盲區洗唔洗擰頭望?
有師傅話要，有師傅話唔洗
答案12)
根據運輸署第9頁指引
https://bit.ly/2XyfDm5
超越（扒頭）
考生在「扒頭」前，應充份利用駕駛鏡，留心尾隨車輛，或／及反方向車輛，發出適當訊號，更應在扭軚駛出前，察看駕駛鏡，及必須回頭察看後方盲點（輕型貨車因為載貨部份阻礙視線，引致不能察看左後盲點，故考生只須使用左駕駛鏡），以確保安全。在「扒頭」的過程中，亦應留意與前面物體的距離和適當控制本身車輛的速度。「扒頭」後，於交通情況許可時，應盡快駛回原來行車線，但不可強行切入。
嗱運輸署就話唔洗睇，但係你考試果陣，係建議你睇埋
一黎比考官睇到你都有安全意識，二黎事實上，第時你自己有車，你出到黎都係一樣要睇
倒不如盡早係學車考車果陣培養好駕駛態度
問題13)
視力測試係咪真係23米？
答案13)
正常23米外嘅車牌係幾清楚，你可以背定考場釘喺度嗰幾個，但係考官可以叫你讀現場其他車嘅車牌
如果23米都睇唔到，強烈建議你戴翻副眼鏡
問題14)
想問下自私，係咪等候就要N波？拉手制D波等得唔得？
答案14)
要同唔要都有人合格，跟翻你師傅啦
問題15)
Pass左想問下點去counter拎P牌？預約得唔得？
答案15)
你填份TD590其實有寫：
( 甲 ) 郵寄至東九龍郵政信箱 68115 號，運輸署觀塘牌照事務處⋯⋯
( 乙 ) 親自或由代理人交回下列地點⋯⋯（自己睇份表啦，都係嗰四度啫）
一係 walk in，一係寄，冇得預約運吉改咗，搞咩牌都可以預約
問題16)
TD590車輛類別係填1,2定2就得？
答案16)
冇所謂，最後都係畀晒 1、2
問題17)
想問下去counter申請P牌係咪即日有得拎？同埋大概要等幾耐？
答案17)
排隊、交表、即刻碌 EPS 或者等叫名交現金，等叫名拎駕駛執照（去counter申請駕駛考試所需時間都係差唔多）
唔計排隊，最快應該十分鐘搞掂，不過排隊多人起上嚟半個鐘/一個鐘都有機會，btw 有巴絲話預約埋五分鐘搞掂
問題18)
邊度有得買對p字牌？
答案18)
文具舖通常都有，深水埗有啲汽車舖都有賣
問題19)
想問下，我p牌8號到期，我應該9號先去得，定可以8號去？
答案19)
一定要完成整個P牌先拎得正式牌呀，8號辦公時間都未完P牌
如果真係有需要完P後未拎正式牌前揸車，可以考慮畀$45續半年，咁樣拎正式牌之前就可以照用P牌揸住先
問題20)
考牌官無踩停你但唔知自己肥咩？
答案20)
唔使估估下，打電話比駕駛事務組就得
調查報告10工作日就有，仲要唔駛錢添
仲諗？打電話去27146164駕駛事務組問啦
quote from 商用車學神：
拎考試報告有重大風險影響其後重考過程及成績
請各考生自行承擔所有後果及風險。
nomoney
2021-9-2 12:24:13
想問下大家第一次買2手車既洗程同埋有咩要注意既地方。。。。
究竟應該租到停車場先定睇車先。。。
:^(
何杲
2021-9-2 12:30:06
此回覆已被刪除
點擊以查看更多
2021-9-2 12:57:39
留名
銀河無盡的黑暗
2021-9-2 15:18:25
有無買2手車既流程？
一．一
2021-9-2 15:57:03
:^(
ADHD豬鞭
2021-9-2 16:29:08
睇車出保險過戶
nomoney
2021-9-2 18:33:34
大家搵2手車 係咪都係28car 多?
Pomme_de_terre
2021-9-2 19:38:34
P牌公路行緊中線
前面快線滙入
行緊果條中線變咗快線
咁算唔算犯法
:^(
Ads
源安街霸
2021-9-2 19:46:26
屯公？
在有三條或以上行車線的快速公路上，不得使用最右線
要搞你一秒都捉得
除非你行東區走廊要係最右線出
Pomme_de_terre
2021-9-2 19:51:50
咁都幾伏
:^(
源安街霸
2021-9-2 19:55:22
有幾伏
:^(
跟住巴士行就無錯啦
一定唔會俾人捉
:^(
Passwordforgot
2021-9-2 20:05:25
黎緊重考 有冇巴打代抽快期 留tg thx
:^(
蓮實克蕾兒
2021-9-2 20:54:12
新post留名
土木日
2021-9-2 21:44:49
抽咩先
:^(
Passwordforgot
2021-9-2 21:45:33
抽棍van路試
:^(
土木日
2021-9-2 21:48:34
港島定九龍先
:^(
Passwordforgot
2021-9-2 21:49:12
九龍
:^(
土木日
2021-9-2 22:04:41
此回覆已被刪除
Ads
Passwordforgot
2021-9-2 22:06:11
:^(
舊人新境
2021-9-2 23:24:13
問題15)
Pass左想問下點去counter拎P牌？預約得唔得？
答案15)
你填份TD590其實有寫：
( 甲 ) 郵寄至東九龍郵政信箱 68115 號，運輸署觀塘牌照事務處⋯⋯
( 乙 ) 親自或由代理人交回下列地點⋯⋯（自己睇份表啦，都係嗰四度啫）
一係 walk in，一係寄，冇得預約
運吉改咗，搞咩牌都可以預約
嗰陣唔知邊個傻仔就咁 copy 整走我條刪除線
:^(
:^(
:^(
樓豬可唔可以 pin 一 pin，下個 post 一係直接唔要嗰句
ADHD豬鞭
2021-9-2 23:25:20
梳
:^(
回憶總是美好的
2021-9-3 10:54:41
from大車師傅
葵青區繼續嚴打學禁，考永考街嘅巴絲自求多福
:^(
第 1 頁
下一頁
召喚lihkg所有學神/P牌巴絲(90)
https://lih.kg/2637548
好壞師傅list (只供參考，其實師傅都係人夾人嘅啫)
https://docs.google.com/spreadsheets/d/1P3ULTCnAeMVaZBseRkVgEQCKMRTTjUfzIxwtNeA69Hk/edit?usp=sharing
Q/A
問題1）
學咩車，幾錢先叫平，幾錢先叫貴，我報邊間學校或者駕駛學院好？
答案1）
首先要搞清楚，你想學邊款車，有2大分類，自動波及棍波。2款車，私家車(1仔牌)及輕型貨車(2仔牌)(以下簡稱貨van)。
問題2）
咁學邊款最著數?
答案2）
根據運輸署規則，考貨van牌係送埋私家車牌，考棍波係送埋自動波牌，換然之，學棍波貨van最合乎經濟原則，因為考1個牌就送埋其餘3個牌比你，即是Buy 1 get 3 free。
問題3）
我手腳唔協調架，學棍波實撞車！咁自動波應該學私家車定貨Van?
答案3）
你可以選擇自動波貨van或自動波私家車，同樣地，你考自動波貨van係會送埋自動波私家車牌比你。亦有人話，其實我只要自動波私家車牌就夠，少個牌對我冇影響，咁你可以只報1個自動波私家車牌。
棍波私家車，我唔建議大家去報考，一來師傅少，二來係4款車當中係最難學識。最易學邊款車，我認為最易學一定係自動波貨van，原因有3個：
第1，泊位會比私家車容易，因為考試個泊位其實係設計比大小小既車泊，例如貨van，而且貨van有後鏡可以睇到車尾入唔入到考泊車時既黃格，呢個絕對係優勢；
第2，貨van車頭有魚眼鏡，對考車既人仕要做3手軚掉頭極有幫助；
第3，貨van兩邊側鏡可以望到既範圍係比私家車為大，車身亦較高，盲點亦都比較少，而私家車有車頭部分，新手係比較難掌握與車頭距離，相反貨van司機已經坐到全車最前部份，只係需要掌握車尾距離感，所以我會建議新手學貨van。
問題4）
考試場地係點架？
答案4）
香港考車，主要分2大區-香港島區，九龍及新界區。以上我地都比較鍾意統稱叫考街。先講下九龍及新界區，考貨van，不論自動波或棍波，有5個試場，運輸署會隨機抽1個比你，分別有天光道，忠義街，油塘，澤安，永孝街。至於私家車，不論自動波或棍波，有3個試場，運輸署亦會隨機抽1個比你，分別係培正道，石蔭，忠義街。
香港島區方面就比較簡單，只有2個考場，分別係掃桿埔只考貨van及跑馬地只考私家車。
有人會問，李健或者鏗鏘果D係點玩法，嗱，我地要搞清楚，我地統稱呢D叫駕駛學校，駕駛學校係冇私家場，佢地只係幫你排街外場，亦即係你去跟私人師傅學車一樣，駕駛學校會幫你報名考以上幾個場地，再幫你安排師傅，而佢地比較有規模，可以隨時去投訴換師傅。
至於香港駕駛學院，佢係有自己既私家場，分別位於元朗，沙田及鴨脷洲。
有人會問，咦，我住元朗喎，可唔可以報元朗駕駛學院考，但用私人師傅或者去跟駕駛學校應考架，得唔得架，答案係NO，不可以。唔好問我點解，要問就問返駕駛學院點解政府會比咗個咁古怪既條例出黎。
仲有間新觀塘駕駛學校，佢哋觀塘嘅私家場係只考乙部，丙部去翻上面個油塘考。
問題5）
邊個場最難，邊個場最易？
答案5）
只要控制好部車，冇話邊個特別容易，邊個特別難。如果真係要揀一間，鴨脷洲駕駛學院，呢個絕對係全港最易試場。但要留意返，考官每日穿梭不同考場，昨日可能係天光道，今日可能係澤安，明日可能係元朗，後日可能係沙田，鴨脷洲係全港出名最易既試場，問題係考官去到鴨脷洲，覺得條考試路線咁易，自然會將心中把尺提高返，考生想合格都要合符返一定水平。