Cron 2021-9-9 22:51:26 拉

熊大bb 2021-9-10 09:05:15 樓主出故未
已經唔想知你表唔表白，我只想睇故

:^(

不推文

森之精靈 2021-9-10 09:37:17 樓主嘅人品令我故都唔想睇

DVD_ROM 2021-9-10 10:32:36 《是咁的，我同女神做咗鄰居，但我根本唔鍾意佢》

人一個 2021-9-11 00:29:34 今日番到學校，樓主愛人有冇關心你?

文呢?

風雨中抱緊豉油 2021-9-11 02:06:42 終於到了她家附近，心裏苦思著究竟應不應該表白，可就是下不了決心。

我隨便說著笑話緩和著氣氛，她一如既往地笑著，即使我的笑話再冷也好。

未待我決定，便已經到了樓下。

「Bye。」她拋下這一句便轉身離去，留下仍在思考中的我。

「Bye...」我看著她的背影，心中有股莫名的衝動想向她大喊。

一步...兩步...三步...她距離大堂越來越近，我心就越急。

「喂阿童！」我不知哪來的勇氣，衝口向她大喊。

「做咩阿？」她轉身望向我。

「我...」幾隻字哽在我喉嚨間，想說卻依舊吐不出來。

「你唔係諗住講啲咩我中意你個啲on9嘢下嘛？」她甜笑了一下問道。

「係...係呀！我係中意你阿周樂童！」語畢之際，心口竟有點舒暢。

阿童笑逐顏開，邁步向我跑來，緊緊的在我胸前抱緊了我。
隨後她又伏在我身上漸漸哽咽起來，我能清清楚楚地感受到她的體溫。

她緩緩抬頭望向我，「我等咗...你呢句好耐啦...」淚水還在眼框中打轉說道。

-----
樓主比大家都屌到攰架啦我諗
就算點樣再威逼都冇用
樓主見點阿

:^(

你係想要呢個劇情就去馬啦驚乜阿
人哋都等你咁耐啦

大埋 2021-9-11 07:41:34 此回覆已被刪除

我愛小芸芸 2021-9-11 08:04:49 屌樓主老母我冇睇你故一個月
依家條女都仲未溝到

:^(

你有冇賓周架

:^(

萬言 2021-9-11 08:18:23 最後三天，嚴格來說是兩天半，因為今天已經過了大半。

看著眼著這個(穿著熱褲)的女孩，心中的不捨，

比整個暑假的有過之而無不及，

看到她臉上的笑容，她那種樂觀，

那抹因為美食當前而發出的微笑，

心裏面倍感可惜，

不能與她一起努力為DSE奮鬥，簡直是我人生的一大遺憾。

她有能力把一件不開心的事變為令我享受其中，

如今溫書再次成為我的惡夢。

屌。

「唉。」想到這裏，我不禁嘆了口氣。

「做咩呀你，唉聲嘆氣咁？」

「咁都要問！？咪...」

「咪住先，你揀咗食咩先再慢慢解釋，你都知啦，時間好寶貴，我仲有好多嘢都想做㗎。」啊童把餐牌往我面前一遞。

「咪又係食返呢個豬骨湯拉麵。」

「最後一次食，唔挑戰多次激辣拉麵呀？」

「唉是但啦食啦食啦。」

啊童聞言立即大喜，仿佛奸計得逞似的，

臉上的奸笑已經出賣了她內心的想法。

「好喇，你講得喇。」

「無呀，咪又係諗起你仲有兩日就要走有啲唔捨得咋嘛，所以先嘆咗一口氣。」

「吓！你剩係有啲唔捨得我咋！？我真係對你好失望。」

「唔係唔係唔係，我係好唔捨得你，同你一齊硬係特別開心，總之...唉我都唔識形容，呢種感覺係我係遇到你之前都無經歷過嘅，係得你先俾到我，而家你走咗，你叫我點算好喎，都有嘅，聽日返去搵肥強攬下囉，佢夠肥好攬呀，又有得揸下佢對肥仔波。」我苦笑著說。

「我都係呀...」她哭著說，

「得你先咁on9明明唔食得辣都肯同我一齊食辣拉麵。」她旋即轉了另一個樣子，笑著對我說。

看見她表情轉變如此大，實在是不知好嬲定好笑。

「嚟喇嚟喇，今鋪你仲唔仆街？」她看著眼前的兩碗拉麵興奮地說。

常言道，睇人仆街最開心，

如今我就係我女朋友身上深深咁感受到呢個道理。

「我屌...」我聞了一聞，濃濃的辣味從湯中傳出。

「我地嚟玩樣嘢吖，一陣我地唔準飲水同講個辣字，頂唔順就咗去飲水或者講咗個辣字個個就要請食心太軟。」

究竟這女子能想到多少鬼點子...又試圖用這些方法去合理化自己不付錢這個行為。

我深深吸了口氣，正當我鼓起勇氣想反對時，

她卻像猜透了我想說的話一樣，

「你唔會驚唔參加㗎可~」她微笑著說。

「緊係唔會啦，嚟咪嚟囉，驚你呀？」

「咁就最好啦，仲以為我臨走你都唔肯陪我玩下呢個遊戲添。」

「點會呢？唔俾飲水同講個辣字吖嘛係咪呀？」我確認多次。

「係呀，輸咗請食甜品喎。」

「得啦。」我說。





跪求大家Follow我既IG: MaanYin05
係度想先交待下近況先，點解會變咗唔係日間又或者無準時出到文呢？
我知自己曾經應承過大家，但係呢排真係有啲忙
估唔到我都有咁嘅一日，呢排開咗學，上咗中五，無咗朝早打文嘅時間。
呢個都算。
另外就係呢排又鍾意返彈琴(由暑假開始左右？多謝周國賢令我彈返琴btw，新歌塵世美好好聽，聽第一次不能作準，第二次你先會欣賞到佢嘅好聽。
咁日日係度彈琴，每首歌都彈下自然又無咗啲時間。
最開心同好彩係，由開學個日開始，就有個好靚女嘅人日日都唔怕辛苦鏟上我屋企打GTA睇netflix，仲肯留到六點先走。
咁好明顯我就係唔會有時間打文啦，除咗夜晚呢段時間，無計我要溫書做功課，所以呢輪我係平均兩日先打到一千字，真失敗。
嚟緊我當然希望可以keep到一日一更啦，但係好大可能都係唔得，所以希望大家見諒啦。
個故就都差唔多完，十月前會完咗佢，所以唔會棄！放心！

萬言 2021-9-11 08:18:35 「唔該，一支可樂吖。」我向她確認過規則後便立即舉手叫一支可樂。

哈，好彩我都唔蠢，剩係話唔準飲水，又無唔準飲其他飲品，

反正我原本都打算要叫支可樂飲，

水又唔解辣又唔夠可樂凍，我真聰明。

「喂呀！」她聽到後立即大力踢了我一腳。

「做咩呀？」我裝傻地問。

「你奸茅嘅！」她扁著嘴說。

「邊有啫，頭先又係你自己話咩剩係唔準飲水咋嘛，咁可樂唔係水咪即係飲得囉，有咩問題呀？」

「你食屎啦！汽水唔係水呀而家？汽水都有水嘅成份㗎喎。」她靈機一動想到如何反駁我。

「你都打橫嚟講嘅，你不如話啲湯都有水嘅成份吖，邊個掂到啲湯先就邊個輸？」

「算！本小姐當讓吓你，就俾你飲汽~水。」她刻意用力說出那個水字。

「咩讓下啫，本身就飲得㗎囉好唔好。」我拿起那支可樂喝了一口。

「哼。」她說完便沒有再理會我，自顧自的吃起麵來。

我於是便也跟著她開始吃那碗辣得要死的拉麵，

幸好有汽水相助，不然我應該早已倒斃在店中。

玩這個遊戲另一個秘訣是不要出聲不要說話，

不然一不小心說了個辣字就會前功盡廢了。

一時之間我們二人互不出聲，只餘下不絕的吃麵聲，

我抬頭看了看啊童， 只見她面不改容地吃著拉麵，

絲亳沒有要放下餐具稍作休息又或是喝水的意思，

相反我每吃一兩口就要吸一大口氣抹一下鼻涕及眼淚，失敗！

可樂帶來的冰涼感以及其甜味，

有效的舒緩著舌頭帶給我的痛楚，

可每當我再次起動吃麵時，刺痛感就又會向我襲來，

累得我未能好好咀嚼便要吞下去，

不然麵條及湯汁在我口中停留得越久，

我就會感受到以幾何速度增長的辣度。

「呼...呼...呼。」我停下手上的動作，大力呼吸幾口氣。

「做咩呀？覺得辣呀？覺得辣就唔好...」啊童話未說完便已自知不妙。

「哈！有人講咗個『啦』字喎，睇嚟一陣間心太軟有人請喇。」我鬆了一口氣，伸了伸懶腰，決定直接放棄不再吃眼前這碗可怕的麵。

「唔得呀！唔算數呀咁樣！我係諗住好心提下你咋！」啊童哭鬧著不肯接受現實。

「小姐真係唔好意思呀，有時好心係無好報㗎，一係咁，作為補償，我俾個機會你一陣請我食心太軟吖，反正食咗成年都無一次係你請。」

「食屎啦你！一陣邊個話食心太軟呀，我而家辣到胃痛唔舒服唔可以再食嘢喇，唉呀。」

「唔緊要，聽日食都一樣㗎啫，反正你都要用埋啲港紙去㗎啦，帶去英國都無用，無謂放返入銀行咁麻煩啦係咪。」





跪求大家Follow我既IG: MaanYin05
我是唔會棄故的，最多耐啲一更，一定唔棄。
心情唔好，打出嚟嘅嘢都唔會好，我保證，我整理好情緒之後就會出返密啲。
手頭上仲有六篇到，會分開啲出。
希望大家體諒一下。

萬言 2021-9-11 08:20:58 「妖。」她又是一記旋風腿，大力踢在我的小腿上。

「唉呀，好痛呀！個懲罰就你自己諗嘅，自己on9怪得邊個啫。」

「唉算啦不如，嗱我都就快走啦，做咩仲要咁樣鬥嚟鬥去啫係咪，大家又唔開心，我地就唔好再做呢啲無謂嘅鬥爭啦好無？」她一臉誠懇地說。

「唔好。」我模仿著她的表情及語氣回應她。

「是但啦唉，食埋去就過去食啦下，當係臨走前請下你食嘢。」她最終還是作出妥協。

「咁唔食luuu，你食完就過去啦。」既然已經贏了比賽，那就再沒有堅持下去的理由了。

啊童聽罷便繼續吃，反正她又不覺得辣，

而我則打算之後肚餓才再找東西吃吧。

吃完後我們便去了甜品鋪，本人表示十分感動因為啊童終於肯付錢，

不知道是不是出於這個原因，

好像今天的心太軟特別好吃，哈。

「咦今日你俾錢呀？」啊童付錢時文姨略帶驚訝地問。

「係囉，點解今日我俾錢㗎呢可？」她看著我問。

「哦，佢話咩見同我食咗咁多次都無試過請我食，於是今次咪話臨走前點都要請返我食一次囉。」 她聞言舉起左手作勢要打我，早已被訓練到反應變得極快的我立即跑開幾米。

她看到後開心地笑了笑，像是惡作劇成功了般，

大概是自豪著自己有這個特殊技能。

「之後去邊呀？」她出來後問。

「你鍾意啦，走個個係你，你今日想去邊我都陪你去。」

「咁呀，我想上一次太平山，你係咪陪我去呀？」她的語氣就像是挑戰著我剛才那番話。

「去咪去囉，驚咩啫。」 於是一場即興的太平山之旅便開始了。

我們好不容易從家中去到了金鐘站，怎料當我們抵達時，

電車站前面竟大打蛇餅，

在這又熱又焗的天氣下，我可不想與如此多人一同困在此等地方，

正當我打算向啊童提出打道回府的建議時，啊童卻提出了另一個方案。

「一係我地行上去？」她問。

「你...你知唔知而家幾熱呀？」我愕然地問。

「唔係好熱之嘛，唔緊要啦，定係你怕攰唔想行咋。」

「唔係話怕攰，我邊有話自己怕攰啫，只係而家天氣咁熱，我驚中暑啫。」

「邊有咁易中暑吖，你有帶水㗎嘛，行啦行啦。」

「唉是但啦，陪你行喇唉。」

「哈你話㗎嗱，一陣唔好嗌攰同辛苦呀。」

「得啦，唔會呀，話晒都係羽毛球校隊，體能點會差同怕個少少熱。」

「咁行啦。」啊童說。

就這樣，我們臨時改變行程，

變成了行山活動。

先不說現在溫度高達三十多度，

而且還是正午，我在陽光的暴曬下，

足足走了一個多小時。 看著眼前無窮無盡的路，

還有永遠轉不遠的彎，我唯一的慰藉，

就是偶然看到欄杆外的維港景色，以及啊童(的長腿)。





跪求大家Follow我既IG: MaanYin05

破產中 2021-9-11 08:23:08 樓豬有冇發現少咗好多人睇呢

:^(

萬言 2021-9-11 08:24:50 正常啦

:^(

原本諗住表完先再返嚟貼

:^(

Hahayip 2021-9-11 09:12:46 有乜計劃你

森之精靈 2021-9-11 10:29:23 有個好靚女嘅人日日都唔怕辛苦鏟上我屋企打GTA睇netflix，仲肯留到六點先走。
人地對你咁好結果樓主連白都唔敢表

森之精靈 2021-9-11 10:37:14 睇黎你都冇諗住呢段時間表白㗎啦

我知道無論我地講幾多次都好你個仆街都係會話我真係好愛佢,但係你自己諗啦,由暑假結束前去到依家你拖咗幾耐,你係真係愛佢嘅就一早表咗白啦,不如你放過我地同條女,再開個新故算啦

DVD_ROM 2021-9-11 10:57:39 我估一早拖哂手攬埋，應該就確認咗架啦
樓主撚狗啫

DVD_ROM 2021-9-11 11:01:06 樓豬如果係腎仔fans，買套一秒拳王睇，睇完你就會知時間好寶貴

定係個女仔對你嚟講唔寶貴

:^(

對你冷淡又驚柒
對你熱情又唔珍惜

萬言 2021-9-11 11:31:51 琴日佢問我周樂童係唔係真有其人，我答佢你同周樂童都幾似，或者應該話有啲係跟你嚟寫，打羽毛球勁/鍾意食甜嘢

然後佢話佢無睇過日落同日出
所以我諗住搵日同佢去睇日落

萬言 2021-9-11 11:33:11 原本個version唔係咁
係之後佢睇完嬲咗
於是我改做咁樣，外加係紙言出咗篇道歉文
即係呢篇

本人於241章最後一段之聲明為失實及不正確
正確的版本乃是本人十分樂意每日都比Hiutung上嚟玩GTA睇Netflix玩overcooked煮野食
每次睇熄燈睇恐怖片我都覺得十分之開心以及Enjoy，絕非被迫。
每日傾電話包括而家呢一刻我都好開心，期待咗全日。
每朝起身睜開眼第一件事諗起就係今日又有得見Hiutung，成為我落床之動力。
所以絕不存在本人嫌你煩之說。
對唔住之前求其寫唔好當真，最多聽日買個榴槤返嚟跪
唔好嬲我

RosieBB 2021-9-11 12:15:16 樓主垃圾 咁耐都唔表白

春嬌和景明 2021-9-11 12:28:12 三日live咗lm

:^(

寫得好好
諗返起以前初戀
萬浩然同童童做嘅嘢好多都有做過
支持

:^(

:^(

:^(

:^(

沙治·羅拔圖 2021-9-11 12:30:05 咁即係點
喺紙言打左呢篇野就當表左白？
屌 表白梗係要面對面講

:^(

萬言 2021-9-11 12:30:22

:^(

萬言 2021-9-11 12:30:43 吓唔係呀
呢篇道歉咋嘛