我和鄰居大姐姐的故事(12)
上一頁
第 25 頁
下一頁
葉開葉開
2021-9-29 19:49:27
多謝
:^(
:^(
:^(
Ads
葉開葉開
2021-9-29 19:49:39
暈雲巴
:^(
葉開葉開
2021-9-29 19:49:58
係
:^(
:^(
:^(
相對既
:^(
葉開葉開
2021-9-29 19:51:25
二百六十九
鄭穎琳惡狠狠咁望住我。
但我唔得閒理佢,因為我要去阻止Jonathan邀請秋兒姐姐跳舞!
我要做秋兒姐姐舞伴!
但就響我越過鄭穎琳,諗住行過去秋兒姐姐度既時候,我比一隻好柔順嫩滑既小手拉住。
「你去邊!」係鄭穎琳拉住我!
頂!妳咪阻撚住晒!
「點呀妳!」
但啱啱咁比條友一阻,我已經見到秋兒姐姐微笑點頭,而家Jonathan仲要準備拖起秋兒姐姐隻手!
「你同我一齊返落去!」鄭穎琳惡狠狠地道。
「乜料呀!」我轉頭望住鄭穎琳不滿地道。
「你都係工作人員!」鄭穎琳怒道:「唔好諗住偷懶同搵人跳舞!工作人員吖嘛,你自己話既!」
佢用返我話佢個原因黎話返我,我登時語塞。
呢個時候音樂都響起。
我再望向秋兒姐姐同Jonathan,見佢地已經開始跳緊舞……
比鄭穎琳咁樣一搞……
太遲喇……
佢地真係已經開始左跳舞。
「妖。」我任由鄭穎琳氣沖沖咁拉我落返學校lobby既Reception。
講堅,我已經咩心情都冇晒。
一落到去,就見到阿必自己一條友戇鳩鳩咁響度好似的波咁響度的一張揸埋一舊既垃圾紙,坐響學校真正Reception既校工冬叔一副饒有趣味既樣望住佢。
「你響度搞乜鬼?」我皺埋眉頭望住阿必。
「而家呢個時間都唔會有人黎架喇,咪當熱下身輕鬆下囉!」阿必轉過頭望住我地,然後誇張咁大嗌:「嘩,你地搞乜鬼搞到去廁所去到拖晒手仔咁架!」
我同鄭穎琳對望左一眼,幾乎係同一時間大叫:「嘩,你/妳做咩呀!?」
「球星,你信唔信我話比淇淇知吖?」阿必瞇埋雙眼望實我。
「淇淇?哦,原來個傳聞係真既?」鄭穎琳突然又好似好有興趣咁。
死港女。
「係呀穎琳bb~珍珠都冇咁真呀!」阿必答道。
傳聞?
咩傳聞?
但我冇撚興趣知。
諗起上面秋兒姐姐同Jonathan跳緊舞,我真係乜野既興趣都冇晒。
「夠喇。」我唔理呢兩條仆街,行返埋Receiption坐左響度。
我自己就百無聊賴咁坐響度,心入面非常冇癮。
反而阿必條戇鳩仔就企響度表演的垃圾,氹到鄭穎琳格格聲咁笑。
坐多陣有個男學生會幹事由樓梯行落黎,佢一見到阿必響度的垃圾就皺眉道:「同學,呢度唔准踢波架喎。」
阿必笑笑口咁繼續的波一邊回答:「我知道呀!」
學生會幹事不滿地道:「咁你仲的?」
「下?但你話唔好的波咋嘛?」阿必驚奇地道:「但我的緊呢舊係垃圾喎!」
學生幹事一時語塞,過左一陣先再答佢:「總之響呢度玩就唔得!」
阿必好認真咁回答:「我唔係玩。」
佢一路講緊野既時候,對腳其實冇停過仲係的緊舊垃圾。
「我響度練習緊神聖既足球。」阿必一本認真咁講。
但佢咁樣認真講既樣好戇鳩。
所謂既「一本正經講屁話」應該就係呢啲。
坐響我隔離既鄭穎琳比呢段好無聊但又好認真既對話氹到格格聲嬌笑。
「咁都唔係玩?」學生會幹事又再反問。
「夠喇。你黎搵我地究竟咩事?」我打斷左佢地既對話。
如果唔係比林必才繼續纏上左既話,真係比佢講戇鳩野帶住講到舞會完都未講完。
「嗱你咪再踢喇。」學生會幹事拎完個尾彩,先再向我開口:「我黎係想講,你地坐多十五分鐘可以收野架喇,之後你地可以走先。」
其實學生會幹事只係想講呢句說話……
但纏上左戇鳩必,搞到東拉西扯一輪先進入正題……
「我可唔可以上去會場度睇架?」鄭穎琳雙眼發光咁問。
我諗佢黎Christmas Ball做義工既目的,應該係黎識啲名校男仔……
「係喎,我地可以去睇靚姐姐呀!球星!」呢邊既阿必都顯得非常興奮……
呢兩條友都唔係黎幫手既……
呃…
雖然我自己都另有目的……
「唔…冇問題既…我地都準備左啲小食,你地餓既可以上去食小小野先再睇。」學生會幹事轉頭再鄙視咁望住阿必:「不過要記住你地係工作人員,唔好落去跳舞呀,比老師見到會好麻煩架。」
佢講完就轉身離開。
(待續)
山區兒童窩巴
2021-9-29 20:05:58
推推
:^(
即是咁
2021-9-29 20:12:53
我又推推
:^(
:^(
葉開葉開
2021-9-29 20:21:16
又推山區巴
:^(
:^(
山區兒童窩巴
2021-9-29 20:59:24
:^(
:^(
:^(
:^(
power_off
2021-9-29 21:08:30
愛聞魚籽
2021-9-29 21:11:46
睇到有文唔睇住,推左先
:^(
:^(
萬言
2021-9-29 21:37:10
有文睇
先至係一個完美嘅夜晚
:^(
Ads
李逍遙
2021-9-29 23:08:22
「淇淇?哦,原來個傳聞係真既?」鄭穎琳突然又好似好有興趣咁。
全世界都知
得佢唔知
:^(
綠茶綠茶
2021-9-29 23:28:57
推推
傪過番印度
2021-9-30 14:36:52
好似太早返黎
:^(
樓主慢慢寫
唔好停更就得
:^(
:^(
啫喱
2021-9-30 20:33:36
推
愛聞魚籽
2021-9-30 23:10:50
:^(
:^(
:^(
佛都無火
2021-10-1 15:51:30
:^(
:^(
綠茶綠茶
2021-10-1 22:51:40
Push
山區兒童窩巴
2021-10-2 01:35:57
推推
葉開葉開
2021-10-2 13:00:37
有時間會寫快啲
不過呢排好忙係真
:^(
葉開葉開
2021-10-2 13:01:28
佢太摺又太自我中心
都冇理過其他人對佢既評價流言etc
:^(
Ads
葉開葉開
2021-10-2 13:02:10
多謝咁多位得閒推下post
:^(
而家更新
:^(
:^(
:^(
葉開葉開
2021-10-2 13:03:18
二百七十
個學生會幹事一走,鄭穎琳即刻對住我地(嚴格黎講係同阿必)道別:「咁呢度交比你喇,阿必,你啱啱去廁所去左咁耐~幫下手喇~」
都唔等阿必答應,鄭穎琳就自顧自咁好雀躍咁跳左上樓梯,剩低我同阿必,仲有笑笑口咁望住呢一幕既校工冬叔。
屌吖,學生會條友話要我地坐多十五分鐘先好執野走架喎。
「好呀穎琳bb~我會幫妳搞掂晒架喇~」阿必對住鄭穎琳既背影大大力咁揮手。
我兜巴打落阿必後腦度,怒道:「你真係狗公黎架喎,咁我都唔做喇,你自己搞埋佢喇!」
「野~熙熙bb,你等埋我先走喇~」死人林必才撟住我手臂唔比我走!
「妖,死開!」
「唔死!」
「死開!」
「唔死!」
「死開!」
*
同戇鳩必糾纏既結果,就係將原本十五分鐘可以做好既事,夾硬拖長到三十分鐘。
結果我同阿必比原本預定既時間更加遲先至收拾好個大堂reception。
「嗱,你啱啱乖乖地同我一齊執咪唔駛搞咁耐囉!」阿必語重心長咁搭住我膊頭說道。
「妖!死開喇撚樣。」我撥鳩開阿必隻手。
「嗚嗚嗚…熙熙bb唔要小必子喇…」條撚樣又扮女人……
定太監……?
就係因為同阿必響度拉拉扯扯,佢又扮女人又扮宮女又扮狗仲扮太監(而且佢個樣樂在其中),搞到我地真係三十分鐘之後先至可以上去禮堂。
題外話,冬叔真係全程都好似食花生咁笑笑口睇住我地場戲。
我同阿必一齊行入燈光柔弱既禮堂,耳入面又傳來一啲好似好優雅既音樂聲,眼前見到一對又一對既同學響禮堂中心翩翩起舞。
「嘩,你睇下!球星!」阿必又流晒口水了:「你見唔見呀,有好多靚姐姐呀!」
我冇應佢。
我既視線其實都係響禮堂入面遊走,但係只係為左尋找一個人既蹤影。
秋兒姐姐。
可惡,呢度既燈光實在太昏暗,而且參加舞會既人數實在唔少,我搵黎搵去都搵唔到秋兒姐姐。
「喂,球星你睇下果個姐姐靚唔靚呀。」阿必倒係周圍手指指好興奮咁大叫。
而且都真係幾大聲。
我其實見到周圍既人開始向阿必同我望過黎……
btw其實會場咁暗,阿必係咪真係睇到啲女仔靚唔靚架?
只好相信阿必對眼真係咁鳩勁了。
「你自己睇住先,我去個廁所……」借尿遁先……
我唔識隔離條友架……
「咁我自己下女先……」
我都未等阿必講完,已經轉身離去……
「哎呀,靚姐姐,你好呀…」走果陣仲聽到不知羞恥既阿必似乎真係走上前搭訕……
唉。
我百無聊賴咁響會場行黎行去,一邊繼續尋找秋兒姐姐既身影,一邊拎個電話出黎睇。
唉。
得淇淇send過黎既messages。
唉。
梗係喇。
秋兒姐姐都話過佢擺開左個電話嘛。
不過又有啲奇怪,連Jonathan都唔見埋既。
*
我行到攰攰地,我索性搵左張靠住道牆既凳坐低休息下算。
中間試過有幾條女黎諗住搵我傾計跳舞,我都係就咁唔出聲指一指自己心口個工作人員名牌就算,然後佢地就好冇癮咁離開。
呢啲女一定唔係我地學校既同學,因為我地學校既人都實知我出晒名唔理啲三唔識七既人。
哈,又估唔到個工作人員牌都幾撚好用喎。
隨住音樂響起又落幕、響舞池既人潮來又去,我依然係搵唔到秋兒姐姐同Jonathan既身影。
佢地兩個同一時間失去踪影更加令引起我無限既聯想...
Jonathan唔會係捉左秋兒姐姐去左會場入面啲暗角幽會吖嘛?
Jonathan唔會對秋兒姐姐毛手毛腳吖嘛?
秋兒姐姐應該又唔會對Jonathan有好感呱?
我就咁漫無目的咁坐左響度,等緊時間一分一秒咁過去……
音樂停左。
舞台上面既燈光突然亮起。
一個司儀走出黎,笑:「大家今晚係咪好盡興?而家我地會有今晚壓軸既環節,就係聖誕大抽獎喇!」
下,乜聖誕舞會都興搞呢啲野架咩?
「咁我地就請三位學生會既主席黎幫我地抽獎先喇!之後我地就有請葉校長出黎為我地頒獎既。你地記住要留意自己入場券號碼呀!」司儀講完呢句之後就做左個有請既動作出黎。
然後三個學生會主席就由後台步出。
我終於見到秋兒姐姐了。
(待續)
理論物理精研
2021-10-2 13:29:51
有文出即推!
:^(
多謝葉開熙嘅文陪左我過成個DSE呀
:^(
希望U Grad前完到啦
:^(
瑞士山區肺(有花)
2021-10-2 14:18:58
壓軸大抽獎
:^(
搵無敵風火輪碌死個狗公啦
:^(
上一頁
第 25 頁
下一頁