與我同屋嘅女同學打到帽我嘅ex躺平//《同居女孩》
上一頁
第 7 頁
下一頁
悠
2021-8-22 03:44:06
好似係我掉 唔好喊啦
Ads
三J萬能俠
2021-8-22 03:55:27
唔通你係佢現任
:^(
:^(
綠嶺
2021-8-22 09:51:50
樓主仲病病地,好返補畀大家
:^(
破產中
2021-8-22 10:02:17
個肛用得太多啦,俾個肛休息下啦
:^(
綠嶺
2021-8-22 11:50:42
欠三加更
兩校錯一penana 60likes
Ozil67
2021-8-22 11:54:33
此回覆已被刪除
三J萬能俠
2021-8-22 12:43:29
搵任達華買肝美健
:^(
綠嶺
2021-8-22 17:20:42
再加120正評
共4加更
藍色卡比
2021-8-22 17:30:11
加油樓主
:^(
:^(
馬鞍山鄺俊宇
2021-8-22 17:40:13
極度懷疑樓豬m底
:^(
新手巴
2021-8-22 17:49:02
此回覆已被刪除
Ads
綠嶺
2021-8-22 19:35:46
為咗拯救自己,有以下改動
每30正評或penana每30 like都會加更
:^(
每10校錯都加更
:^(
Penana:
https://www.penana.com/story/84900
破產中
2021-8-22 19:38:02
10校錯
:^(
咁樓主專登寫錯多啲啦
:^(
山區兒童窩巴
2021-8-22 20:18:08
推推
綠嶺
2021-8-22 21:32:05
加更1
:^(
:^(
:^(
:^(
:^(
:^(
:^(
【第十一話 小插曲】
買完玩具之後,我同倩兒去富康歡記快餐小食買糖水,老細個仔不幸坐緊冤獄,我哋呢啲尚有自由嘅人幫得就幫。
「呢到嘅腐竹蛋糖水好好食!我記得你鐘意食?」其實我唔知,只係佢上次買腐竹蛋糖水做外賣,所以我估佢鐘意。
「鐘意。」佢好簡略咁答。
「咁就好啦。」食完之後我哋就沿海傍嘅單車徑行返天晉。
沿途嘅海風好舒服。
我哋兩個肩並肩咁行,因為佢唔係多嘢講嘅類型,所以我都唔特登搵話題,慢慢享受下海風算。
突然,有個踩住黑色公路單車,同時用喇叭大大聲播歌嘅死mk仔喺行人路踩單車,佢迎面向住我哋衝嚟,而且絲毫無減速嘅意欲。
我一手攬住阮倩兒膊頭再將佢拉過嚟我身邊,啱啱好避過咗撞過嚟嘅單車。
下一秒個死mk仔已經轉彎走人,尾燈都見唔到。
「我屌你老母呀單車撚!」我向住個死mk離開嘅方向嗌。
明明有單車徑,點解要上行人路踩?
我真係唔明將軍澳啲單車撚係咩心態。
屌佢老母。
我由上而下望向懷內嘅阮倩兒,我第一次咁近同咁清楚咁望佢雙眼。
深邃嘅紫色、雙眼皮、炯炯有神,好靚。
唔止佢雙眼,佢個人都係,好靚。
我係佢眼眸中見到自己嘅倒影,我哋唔知對望咗幾耐,我先慢慢、輕輕咁放開手。
阮倩兒,黑髮紫眼嘅女仔。
「你有無受傷呀?」我問。
「除咗畀你攬住之外都無。」我受傷啦。
原來畀我攬住會有創傷。
綠嶺
2021-8-22 21:37:21
加更2
:^(
:^(
:^(
:^(
:^(
:^(
:^(
:^(
「你唔鐘意嘅話早啲講呀嘛,我可以早啲放手,哈哈。」我用笑去包裹我受傷嘅弱小心靈。
「又唔係唔鐘意。」紅住耳仔嘅阮倩兒用一隻手指𢯎一下泛紅嘅臉頰再講:「無特別唔鐘意。」
佢講完我就有啲小鹿亂撞,佢咁講我可能會誤會佢對我有意思。
青春期嘅男仔好容易因為女仔嘅一兩句說話就誤會對方對自己有意思。
呢啲就係青春期嘅自我意識過剩,呢個時期嘅男仔都會覺得自己係世界嘅中心,女仔同自己講多句嘢都會覺得對方鐘意自己。
「因為我哋係朋友。」佢放輕聲量咁講。
睇嚟係我諗多咗。
柒撚咗。
「但係我真係無鐘意。」阮倩兒出奇地多嘢講,雖然講嘅內容好重覆。
我真係唔太理解女人嘅內心。
「同埋你隻眼好靚。」點解佢今日講咁多嘢?佢又紅都臉曬,我好難唔誤會。但係佢話我係佢第一個朋友,所以佢嘅怕羞可能係因為第一次同朋友相處而嚟。
「多謝。」
經過呢場小插曲,我哋又慢慢繼續沿海傍行返屋企。
【第十一話 完】
三J萬能俠
2021-8-22 21:43:27
推
:^(
:^(
綠嶺
2021-8-22 21:45:37
加更3
:^(
:^(
:^(
:^(
:^(
:^(
【第十二話 開學前】
開學前嘅一個晚上,屋企嘅客廳。
「聽日開學啦喎,期唔期待?興唔興奮?」我食緊飯嘅時候問阮倩兒。
「唔想返學。」倩兒答。
「點解呀?我以為你呢啲讀書叻嘅學生會好鐘意返學。」我見佢成績咁好仲以為佢好鐘意讀書同返學。
「讀書同返學係兩回事。」阮倩兒反駁。
「又係嘅。」駁唔到。
「不過我都係會返學。唔返學嘅話我會無錢。」
「唔返學點會無錢呀,玩我咩。」我覺得佢講笑。
「我拎獎學金入學,走堂可能會畀人扣錢。」阮倩兒講出啲幾震驚我嘅說話。
「你咁聰明架咩!?」我覺得有啲難以置信,佢睇落唔係咁醒。
「我只係好努力。」雖然佢無認同自己係聰明,但佢都開心到耳仔郁郁。
「咁都已經好犀利。」我再吹奏佢。
「畀你呢啲人讚,我係唔會開心。」佢無啦啦攻擊我,但佢耳仔郁得好勁。佢係咪有啲開心?
「係嘅係嘅。我哋之後一齊返學?」我提議。
「唔好。我唔想畀人見到我哋一齊行。」佢反對。
你明明無朋友,你怕乜畀邊個見到?
雖然想咁問,但係失禮嘅問題我就吞落肚由佢。
「都好嘅。」我附和佢。
「畀人見到你同我一齊,你可能會受傷。」
「咩意思?」
阮倩兒無解釋,只係默默地去咗洗碗。
綠嶺
2021-8-22 21:49:39
加更4
:^(
:^(
:^(
:^(
:^(
佢唔想講嘅我就無謂再問,只係我有啲在意佢真正想表達嘅係乜。
不過一男一女嘅中學生,畀人見到係同一間屋一齊出嚟,又真係唔係咁好,所以一齊返學呢件事就擱置。
我突然醒起老豆前幾日交帶落嘅嘢,我即刻走入房拎個信封出嚟。
「畀你,兩千蚊零用錢。」我將個信封遞畀佢,老豆琴日無啦啦過數畀我,叫我畀啲現金倩兒,本來想扣起一千畀自己用,但係太仆街,所以我無咁做。
「你畀錢我係想點?你睇中咗我嘅肉體?果然你係變態咸濕佬。」阮倩兒好有戒心咁講。
「唔係呀!我老豆叫我畀你。」我慌忙解釋。
阮倩兒有啲唔相信咁望住我再講:「你真係唔係用嚟買我嘅身體?」
「唔係呀!」我強調。
「但係我唔好意思要你哋嘅錢。」佢好似相信我嘅目標唔係佢嘅肉體。
「我老豆同你阿媽以前係好朋友,佢話當係互相幫助,仲叫我一定要將啲錢送到你手。」
「咁好啦,多謝。幫我同世伯講聲多謝。」阮倩兒終於伸手去拎信封。
「我會!By the way,聽日有PE堂,記得拎體育衫。」我提醒佢。
我哋學校有個奇怪嘅傳統,高中嘅同學係開學嘅第一日就會有體育堂,啲老師話係用嚟喚醒我哋懶咗幾個月嘅身體去準備上堂。
「哦。」條女收完錢就冷淡返,早知扣起佢一千蚊。
八婆!
【第十二話 完】
綠嶺
2021-8-22 21:56:57
【第十三話 朋友與自我】
翌日,我瞓醒嘅時候阮倩兒已經出咗門口,但係佢係飯檯到留咗份早餐畀我。
一份炒蛋配多士,再有一杯仲暖嘅咖啡,佢好細心咁將所有食物都用保鮮紙包好。雖然呢條女把口唔係咁好,但係其實佢好細心。
我心存感激地享受呢份女同學為我準備嘅早餐。
喺行返學校嗰段路我緊張到個心就嚟跳出嚟,我有啲擔心朋友係點樣看待我,明明出門口之前都未有呢個感覺。
啲「朋友」其實係咪只係當我係提款機?儘管我已走出失戀,但我仲好擔心呢樣嘢。
「喂,屌你!」講嘢嘅人拍咗我屎忽一下,我擰頭望過去,係陳浩然。我由中一開始就同佢一齊玩,望到佢嗰一刻我莫名奇妙地有啲心虛。
陳浩然見我無應佢就,佢就再講:「死仔,成個暑假都唔見人,搞乜呀?」
我想同佢講我失戀,但係我開唔到聲。
我緊張到心跳不斷加速,仲係咁流汗。
我好驚,我驚我哋唔係朋友,我怕我一直當係朋友嘅人只係當我係工具。
「你搞乜撚呀?啞咗?你成頭汗喎,有冇咁熱呀?」陳浩然連珠發炮咁問。
「無嘢。」我腦海不停運轉,就好似一部電腦就嚟chur爆佢個CPU咁。
突然,有一句說話係我腦海中彈咗出嚟。
//有啲嘢只要你踏出一步,你就會發覺唔係太困難。//
館長同我咁講。
我深呼吸一口,再講:「陳浩然,對你嚟講,我算係乜嘢?」
陳浩然呆咗咁望住我,佢個口擘到大一大。
綠嶺
2021-8-22 21:57:12
今日完,早抖
:^(
Ads
三J萬能俠
2021-8-22 22:02:01
聽日繼續
:^(
:^(
G史奶蓋
2021-8-22 22:04:25
此回覆已被刪除
黃紙
2021-8-23 00:00:47
浩然聽到我疑問,對眼碌到勁大,眼神開始閃縮,面頗開始變紅,兩隻食指圍住對方轉圈👉🏻👈🏻,佢有啲怕羞咁話:「我其實都冇諗住咁快表白…但既然你發現咗就冇計啦…」
破產中
2021-8-23 00:42:12
唔通倩兒係主角老豆個女
:^(
上一頁
第 7 頁
下一頁