與我同屋嘅女同學打到帽我嘅ex躺平//《同居女孩》
上一頁
第 34 頁
下一頁
G史奶蓋
2021-9-30 11:41:13
此回覆已被刪除
Ads
九龍城巴菲特
2021-9-30 12:21:28
冇文
:^(
綠嶺
2021-9-30 18:22:37
【第四十三話 萬聖節】
十月尾,我同倩兒去咗海洋公園,時間正值萬聖節前後,所以有好多鬼怪相關嘅設施同裝飾。
我同倩兒著住校服去玩。
點解要校服?因為呢個係我嘅夢想之一,我好想同女仔著住校服喺主題樂園玩一日。
「啲人個個都化咗妝。」倩兒四處張望,呢到嘅一切對佢嚟講都太新奇。
「應節呀嘛。」我答。
「我哋係咪都要化個妝?」倩兒問。
「唔洗啦,每個人都有自己嘅玩法。」
「咁我信你啦。」
我同倩兒首先去咗睇動物。
「嘩!」倩兒見到熊貓嘅時候忍唔住叫咗出聲,下一秒佢就咳兩聲,再講:「唔好意思。」
「你好鐘意熊貓?」
「唔係話特別鐘意,只係佢毛絨絨咁好可愛。」
「咁即係鐘意啦。」
「唔係。不過你鐘意話我鐘意,你就當係啦。」倩兒講完就好專心咁觀察嗰隻唔想扑嘢嘅熊貓。
「幫你同佢影張相?」
「可以影相?」倩兒好開心咁反問。
「如果你鐘意呢隻嘢嘅話,我可以幫你哋合照。」
「我唔鐘意呢隻嘢㗎,不過機會難得,我想同佢影一張合照,所以可唔可以麻煩你?」倩兒道。
「係嘅係嘅。」
幫倩兒同隻熊貓影完相之後,有個女職員行過嚟問:「洗唔洗幫你同女朋友一齊影呀?」
「佢唔係我女朋友。」我答。
「唔緊要啦,我可以照幫你哋兩個影張相,留念都好呀嘛。」女職員邊講邊推我去倩兒身邊。
「影囉?」我問倩兒。
「好呀。」
「你哋兩個企埋啲。」女職員講完,我同倩兒就肩並肩企。
「咁樣得嗎?」我問。
「男仔試下搭佢膊頭。」女職員講。
「可以嗎?」我問倩兒。
「OK。」
我將手君子地放喺倩兒嘅膊頭,再輕輕將佢拉近我。
「一二三,影完!」女職員影完相之後就將我部電話畀返我,再細細聲同我講聲加油,然後就走咗去。
綠嶺
2021-9-30 18:23:35
我一睇張相,頂佢個肺呀,都影唔到隻熊貓。
之後我同倩兒就去咗海洋館到行,水族館入面嘅氛圍幾浪漫,但都係個句,呢到嘅一切對於倩兒嚟講都好新奇,所以佢好認真、非常好奇地去觀察一切。
「啲魚得唔得意呀?」我問。
「唔太,但係我覺得呢到好犀厲。世界各地嘅海洋生物都匯聚係呢一到。」倩兒環視周邊嘅一切、震撼住佢嘅一切。
「咁你有冇乜嘢想睇?動物我睇夠啦,可以同你玩下機動遊戲或者鬼屋。」倩兒問。
「錦鯉係魚。」
「吓?」
「錦鯉係魚。」
「好爛。」
「哈,我哋坐纜車上山睇下企鵝先啦!」我book咗「企鵝全接觸」呢個活動,我直覺話我聽倩兒會鐘意摸下企鵝。
可能因為係朝早,海洋公園無乜人,我同倩兒好快就上咗纜車。
「我第一次坐,會唔會跌落去?」係纜車上嘅倩兒驚恐地問我。
「無事嘅,邊會咁易出事。」
「但係好恐怖⋯⋯」又知道一樣呢條女驚嘢。
「你畏高?」
「少少啦。」倩兒講完就捉實中間條柱。
纜車向下嘅時候有啲顛簸,我哋個車箱搖咗一下。
「呀!」發自內心地驚嘅倩兒叫咗出聲,然後最成個人挨落我到。
我輕輕撫摸佢個頭,安慰佢道:「無事㗎,只係上一上斜。」
「真係?」倩兒眼泛淚光咁問。
「係。」
預計到車箱會再次搖晃起嚟嘅我,輕輕抱住倩兒再講:「無事㗎,我會睇住你。」
「嗯。」
然後,我哋就無再對話。
纜車緩緩上升,只有二人嘅靜默空間,波浪嘅聲音,柔和嘅陽光,微風嘅穿梭。
不知不覺間,我哋就上到山。
落車時粘著嘅我哋先慢慢分開。
之後嘅氣氛有啲曖昧,但係我哋都繼續並肩走去冰極天地。
綠嶺
2021-9-30 18:25:27
補琴日
:^(
:^(
:^(
去到企鵝館,做好登記後,我同倩兒就換上保暖衣物、護目鏡同水鞋,之後就聯同其他參加者行入去企鵝嘅屋企。
「我哋呢到有國王企鵝、南跳岩企鵝、巴布亞企鵝⋯⋯」解說員細心咁同我哋講解每隻企鵝嘅分別,但係我無留心聽,因為我嘅心思都投放咗喺倩兒身上。
我係到諗,到底倩兒對我嚟講係咩?
諗諗下,有個籃放咗喺我手上,入面全部都係魚。
「咩事?」我問。
「呢箱魚係用嚟餵企鵝㗎,你頭先咁唔專心,唔聽解說員講嘢!」倩兒痛斥我一番。
「Sorry。」
「唔理你啦!」倩兒講完就喺籃入面拎咗條魚出嚟,剎那間,企鵝們蜂擁而至,有啲仲用佢哋嘅嘴篤倩兒。
「乖啦,好痕呀,哈哈。」倩兒邊笑邊拎魚去餵呢班企鵝仔。
「衡仔你睇下,佢哋肥嘟嘟真係好可愛。佢哋好似好遲鈍咁,真係超級cute!」倩兒玩得好開心,咁樣就夠啦。
啲企鵝食飽之後就唔該都無聲就走咗去,呢班嚼完鬆嘅臭貨到底有咩咁可愛?
雖然我唔明,但係倩兒玩得開心就可以。
好想影低佢餵企鵝嘅一幕,但係好可惜呢到唔可以拎手機出嚟影相,我只能夠用我雙眼去紀錄呢一切。
「好滿足呀!多謝你帶我嚟!」換返行街衫之後,倩兒向我道謝。
「唔洗客氣。」佢咁坦率咁表達謝意,我都好滿足。
呢條女開心嘅時候,把口都會無咁惡。呢個時候嘅佢,係最可愛,有如太陽般耀眼。
綠嶺
2021-9-30 18:26:58
之後,我哋玩咗海盜船、超速旋風、動感快車等等唔太會因為畏高而唔敢玩嘅機動遊戲,每次玩完倩兒都笑到見牙唔見眼。
「我哋去玩鬼屋囉?」我提議。
「吓⋯⋯唔係太好⋯⋯」倩兒眼神閃縮地答。
「應下節都好呀嘛!」
「邊有人會無啦啦走去搵人嚇自己㗎!」
「唔通你驚?」
「我⋯⋯我點會驚呀!鬼屋假㗎嘛!我點會驚啲假嘢!」倩兒聲都震晒。
「咁要試一試先知喎。一齊去試下啦!」
「唔⋯⋯」
「除非你驚啦,唔係就跟我去啦!」我拉住倩兒去排隊。
「我⋯⋯我都唔驚!」
「咁睇下陣間點。」
「都話我真係唔驚!」只淨低嘴硬嘅倩兒大聲叫道。
入到鬼屋,倩兒就比平日靠近得我多好多。
掂到。
佢雙乳掂到我呀!!!!
好彩鬼屋入面黑到唔係好睇到嘢,如果唔係嘅話一定見到我紅都臉晒。
「呀!!!」
「呀!!!」
我已經唔知道係倩兒叫先定係突然跳出嚟嚇我哋嘅「鬼」叫先,總之兩把尖叫聲喺我耳邊徘徊,嘈到我有啲頭暈。
綠嶺
2021-9-30 18:27:39
同時倩兒好用力咁捉實我隻手臂,返到屋企我應該有抓痕。
「呀!!!」
因為疼痛,我都叫埋一份。
「都⋯⋯都話我驚⋯⋯」倩兒故作鎮定咁講,但係佢聲線都震晒。
「我知你驚呀。」
「唔係⋯⋯我係話唔驚!呀!!!!」呢一秒講完唔驚,下一秒倩兒又畀係轉角位企係到嘅「鬼」嚇親。
「哈!」我大大聲笑咗出嚟,本身我就唔係怕鬼屋嘅人,所以我怕倩兒多過怕鬼。
「喂呀!」倩兒用力咁打我手臂一下。
「你真係唔驚喎。」我笑倩兒。
「係!我真係唔驚,只係嚇親!」倩兒又逞強。
「繼續行啦。」我由得倩兒對波貼住我手臂咁繼續行鬼屋。
「呀!!」
「呀!!」
我嘅慘叫係因為痛,倩兒嘅慘叫係因為怕。
幾經辛苦,我哋終於行到出鬼屋,但係倩兒仲係好用力咁捉實我隻手臂。
「無事啦,出到嚟啦。」我安撫倩兒。
倩兒聽到先慢慢放開手,然後嘆口氣講:「都⋯⋯都話咗我唔驚鬼屋㗎啦!」
「呀!」我擺出一個鬼臉去扮喺鬼屋尖叫嘅倩兒。
「衰人!」之後倩兒開始追打我,而我就開始逃跑。
我哋兩個就喺海洋公園追逐著。
九龍城巴菲特
2021-9-30 19:04:36
推
:^(
即是咁
2021-9-30 19:18:38
好sweet呀
:^(
:^(
浮游生物
2021-9-30 22:08:30
好青澀
:^(
:^(
嗚呀
牧羊記
2021-9-30 22:27:04
樓上唔識規矩
:^(
Ads
三J萬能俠
2021-10-1 00:51:48
係青春啊
:^(
山區兒童窩巴
2021-10-1 01:04:36
推推
山區兒童窩巴
2021-10-1 01:27:30
quote文狗死全家
:^(
:^(
又block多隻quote文狗
:^(
:^(
橙頭神經刀
2021-10-1 05:51:40
gchi
:^(
一分十九秒
2021-10-1 22:39:48
推!
綠嶺
2021-10-1 23:24:14
累了就停落嚟,喺不知不覺之間,我哋就拖住手離開樂園,坐巴士返屋企。
搖晃嘅巴士,漸入夢鄉嘅二人,窗戶拆射霓虹燈光。
依靠喺我肩膊上休息嘅倩兒,眼簾累得早已垂落嚟嘅我,二人喺回家嘅路上昏睡過去。
返到屋企之後,我就攤咗落沙發,倩兒就坐咗喺我頭頂嗰邊。
倩兒拍拍自己大髀然後講:「瞓上嚟。」
「吓?」
「你今日嚇親。」
「驚嗰個好似係你喎。」我仰望住倩兒講。
「⋯⋯無呀!」倩兒大聲吼叫,然後開始篤我肚腩。
「喂也!」怕吱嘅我即刻彈咗起身,但係倩兒乘勝追擊,而我就不斷向後退。
最後,我背脊撻咗落沙發,然後倩兒都失平衡瞓咗落我到。
好近。
只有我哋兩個嘅屋內,二人嘅臉頰只要幾厘米嘅差距,鼻尖貼著鼻尖。
眼眸與眼眸嘅對視,目不轉睛。
「⋯⋯做咩呀⋯⋯」我問。
「⋯⋯無呀⋯⋯」倩兒望實我講。
沉默。
「喂。」倩兒突然呼喝我。
大概,我同倩兒都紅都臉晒。
「我今日好開心。」倩兒講。
「我都係。」我講,倩兒仲壓緊喺我身上。
「喂。」倩兒再呼喝我。
「點⋯⋯」我未講完就有一鼓暖流透過嘴唇傳過嚟,輕輕觸碰後再分開。
「呀⋯⋯」我輕吟。
「當⋯⋯當係獎勵你。」倩兒講。
「⋯⋯多謝晒⋯⋯」我盯實倩兒講。
「⋯⋯唔洗客氣⋯⋯」倩兒都望實我講。
「⋯⋯我想要多一次。」
「唔得呀!」倩兒推開我然後起身。
「下次你表現好我再考慮下!」倩兒講完後就急急腳跑返房。
留喺原地嘅我就用指尖撫摸著自己嘅熱燙嘅嘴唇。
只係同居嘅關係,她吻下來。
係唔係一個Signal?
浸醉喺輕吻嘅我無再思考落去。
【第四十三話 完】
即是咁
2021-10-1 23:33:46
比晒signal都唔去馬 想點
:^(
又一個萬言
:^(
全盛費托
2021-10-1 23:41:11
鬼屋同溜冰真係以前中學溝女必做
:^(
而家唔知仲係咪
黃紙(燦笑歪頭
2021-10-1 23:46:38
睇到一半,好甜,好開心
睇到最尾兩句,嘴埋都要諗??????
駛唔駛生埋仔先??????
唔好變萬言呀
:^(
:^(
:^(
:^(
破產中
2021-10-2 00:31:44
主角同萬言有得fight
:^(
Ads
我就是高達
2021-10-2 00:47:33
真係萬言2.0
:^(
wtfcfw1030
2021-10-2 01:59:57
度度都見到萬言
:^(
三J萬能俠
2021-10-2 02:01:35
下個po 名:[已成感情台]
追風箏的傻小子
2021-10-2 03:01:13
萬言
:^(
:^(
:^(
上一頁
第 34 頁
下一頁