與我同屋嘅女同學打到帽我嘅ex躺平//《同居女孩》
上一頁
第 27 頁
下一頁
綠嶺
2021-9-19 00:14:23
閂門前，倩兒突然踢咗我一腳。
「見到你咁得戚我就好唔爽！」倩兒踢完就推咗我出去再閂門。
落到樓下，行到Donki門口，我就見到換咗便服嘅周璇。
「班長未到咩？」我寒暄式問道。
「你見到佢咩？」周璇反問。
「我以為佢匿埋咗咋。」
「無你咁好氣。」
「話說，你食Pizza加唔加菠蘿？」我求其搵啲嘢講下。
「無所謂，好食咪加。」
「咁珍珠奶茶味Pizza你得唔得？」我又問。
「一聽就知唔得啦！」周璇激動咁答。
「都係，哈。」我打算end topic。
「點解你仲係穿校服，你唔係住樓上咋咩？」到周璇搵嘢講。
「懶呀嘛。講開又講，你咁穿又幾靚女，我會畀9分呀！」
「100分滿分呀？」
「10分呀！」
「乜嘢10分？」唔知幾時出現嘅男班長。
「班長，你咁遲㗎！」我無視班長嘅問題，再向佢抱怨。
「約5點，依家先4點59分，仲有一分鐘。」男班長解釋。
「差一個人姐。」周璇講。
「倩兒就到啦。」我講。
「你同阮倩兒好熟？我見到你又特登要坐去佢隔離，又直接叫佢個名。你係咪想溝人呀？」周璇問。
「唔係啦，我只係同佢比較熟同friend底。」
「你話係就係啦。」
我哋終結呢個話題嘅時候，倩兒就啱啱好趕到。
Ads
G史奶蓋
2021-9-19 00:31:48
此回覆已被刪除
三J萬能俠
2021-9-19 01:01:26
其實倩兒比人咁串法暗爽緊
山區兒童窩巴
2021-9-19 02:51:03
推推
雷光一閃
2021-9-19 11:02:45
推
綠嶺
2021-9-19 18:51:56
「唔好意思，遲到。」倩兒有啲笨拙咁講。
「阮倩兒同學，你仲大家欠一句對唔住。呢樣係基本禮貌。」正經八百嘅男班長講。
「唔洗啦，好小事。倩兒又唔係有心，同埋真係只係遲少少。」我講。
「係囉。班長你份人唔好咁死板啦！你咁樣無女仔鐘意㗎！」
聽到周璇嘅話，男班長就好似畀子彈射中。佢㩒住心口講：「但係⋯⋯但係⋯⋯唉，唔係，不過⋯⋯都係無嘢⋯⋯阮倩兒同學，下次⋯⋯唔好⋯⋯我唔介意。」
男班長心不甘情不願咁講。
「咁入去掃貨啦！」周璇講完我哋就去Donki買燒烤嘢食。
炭、燒烤叉、火槍、炭精、燒烤網都會由老師準備，所以我哋只係買食物就可以。
周璇將唔同嘅肉類、丸類都掃晒入我哋嘅手推車到。
「呢啲牛扒醃好咗㗎喎！阮倩兒你覺得買呢盒好唔好？」周璇問倩兒。
「幾好呀，方便。」倩兒簡單地回應。
「咁就呢盒啦！呢包日本芝心丸又好唔好呀？呢包芝士腸又好唔好呀？」周璇馬不停蹄咁問倩兒意見，但就完全無諗過問我。
「都好呀。」
「咁全部都要啦！」周璇將啲嘢食放晒入手推車。
男班長則一個人走開，去咗搜羅唔同嘅蔬菜，蕃薯、金菇、茄子之類。而我、倩兒同周璇揀完肉就去咗零食區。
「睇緊咩？」我問倩兒。
倩兒拎住一盒寵物小精靈嘅食玩，目不轉睛咁盯住。
「我想知道入面係咪會有糖？」倩兒問。
「會有。」答完我就將佢盒食玩放返原位，點知倩兒又即刻拎返起佢。
「你想要隻比卡超咩？」我問。
「我只係想知入面有冇糖。」
「咪話咗有。」講完我又想重施故技，但係今次倩兒捉得好實。
「唔好搶⋯⋯」倩兒講。
「我擺返好佢咋，我哋要買燒烤食物。」
忽然，有第三隻手伸出嚟搶咗盒食玩。
「買囉！」周璇將盒食玩扔落手推車再講。
倩兒望住周璇個樣就好似望住救世主咁，充滿住熱誠同尊敬。
「多謝你，周同學！」
倩兒拎起一包綿花糖：「我想要埋呢個。」
「無問題！」周璇又將綿花糖放入手推車。
「我想要埋薯片。」
「可以！」
結果，倩兒想食嘅每一種零食都喺周璇同意下放入手推車。
G史奶蓋
2021-9-19 19:16:54
此回覆已被刪除
綠嶺
2021-9-19 19:57:20
推
綠嶺
2021-9-19 20:25:57
原來未甩到p
:^(
綠嶺
2021-9-19 20:28:13
「唔該晒你呀周同學！」心滿意足嘅倩兒講。
「客咩氣！同埋叫我小璇就得啦！」周璇講。
「er⋯⋯小璇。」倩兒有啲怕羞咁講。
「洗乜怕羞喎！兒兒！」周璇突然伸手翹住倩兒。
「兒兒？」倩兒同時試圖掙脫，但唔成功。
「你咪兒兒囉！」周璇更用力咁捉晒倩兒。
「小璇，你放開倩兒先。」我講。
「邊個畀你叫我小璇㗎！叫返我周同學唔該！同埋人哋兒兒唔想同我翹手咩？」
「有小小唔想。」倩兒細細聲講。
「咁陣間先再翹！」周璇講完就鬆開手。
我哋之後又繼續行，期間周璇成日偷偷地撞向倩兒。
男班長同我哋會合，見到成車都係唔太關燒烤事嘅零食就講：「點可以買咁多唔關事嘅零食！」
「有咩所謂姐。」我講。
「係囉！啲食物未燒好嘅時候都可以有啲嘢咬下呀嘛！」周璇同我企係同一陣線。
「有道理嘅。但係無需要買咁多！」男班長再宣示立場。
「我拎返走一啲。」倩兒傷心咁拎起幾包零食，我同周璇同時㩒住佢。
「唔洗！男班長呀！你睇清楚啦！呢啲零食都可以燒㗎！」周璇講。
「你當我傻？」
「棉花糖唔可以燒？」
「可以。但係點解要買咁多果汁糖？」男班長拎起一包果汁糖問。
「近排燒糖係女仔之間好流行。」周璇一本正經咁胡說八道。
「咁多筒薯片又係咩食法？」
「揸碎之後可以沾喺燒好嘅肉上面增加口感！」我已經分唔清周璇係真心定假膠。
「咁呢盒比卡超食玩呢！」男班長臉上掛住勝利嘅笑容，反之倩兒就露出絕望嘅神情。
我想移民
2021-9-19 20:41:35
Pushhh
Ads
全盛費托
2021-9-19 20:55:09
les
G史奶蓋
2021-9-19 21:21:57
此回覆已被刪除
卜三力
2021-9-19 22:12:20
小璇
:^(
馬鞍山鄺俊宇
2021-9-19 22:19:20
又係小璇
:^(
破產中
2021-9-19 22:21:20
男班長好似毒撚
:^(
陳家樂好快樂
2021-9-19 23:41:36
等緊呀敏出場
牧羊記
2021-9-19 23:56:43
新讀者LM
夜凪景
2021-9-20 00:11:41
鍾培生
破產中
2021-9-20 00:33:44
佢都冇錢
:^(
那紀念屬我
2021-9-20 01:36:55
正皮留名推
:^(
:^(
Ads
山區兒童窩巴
2021-9-20 01:47:49
出多啲文就甩到
:^(
山區兒童窩巴
2021-9-20 01:48:45
推推
wtfcfw1030
2021-9-20 02:51:27
男班長係做乜鳩
:^(
:^(
三J萬能俠
2021-9-20 02:58:17
一本正經嘅死毒撚男班長
:^(
上一頁
第 27 頁
下一頁
「見到你咁得戚我就好唔爽！」倩兒踢完就推咗我出去再閂門。
落到樓下，行到Donki門口，我就見到換咗便服嘅周璇。
「班長未到咩？」我寒暄式問道。
「你見到佢咩？」周璇反問。
「我以為佢匿埋咗咋。」
「無你咁好氣。」
「話說，你食Pizza加唔加菠蘿？」我求其搵啲嘢講下。
「無所謂，好食咪加。」
「咁珍珠奶茶味Pizza你得唔得？」我又問。
「一聽就知唔得啦！」周璇激動咁答。
「都係，哈。」我打算end topic。
「點解你仲係穿校服，你唔係住樓上咋咩？」到周璇搵嘢講。
「懶呀嘛。講開又講，你咁穿又幾靚女，我會畀9分呀！」
「100分滿分呀？」
「10分呀！」
「乜嘢10分？」唔知幾時出現嘅男班長。
「班長，你咁遲㗎！」我無視班長嘅問題，再向佢抱怨。
「約5點，依家先4點59分，仲有一分鐘。」男班長解釋。
「差一個人姐。」周璇講。
「倩兒就到啦。」我講。
「你同阮倩兒好熟？我見到你又特登要坐去佢隔離，又直接叫佢個名。你係咪想溝人呀？」周璇問。
「唔係啦，我只係同佢比較熟同friend底。」
「你話係就係啦。」
我哋終結呢個話題嘅時候，倩兒就啱啱好趕到。