與我同屋嘅女同學打到帽我嘅ex躺平//《同居女孩》
上一頁
第 22 頁
下一頁
黃紙
2021-9-11 06:27:49
:^(
加更加更
Ads
九龍城巴菲特
2021-9-11 07:21:59
:^(
綠嶺
2021-9-11 19:49:35
【第三十二話 禮物】
沖完涼出返廳,我見到倩兒畫緊畫。
太陽、通天大樹、小屋、兩個人。
為咗唔好騷擾到佢同埋唔好畀佢發現我偷睇,我就放輕腳步行返房。
不如畀返禮物當係鼓勵下佢。
喺呢個想法驅使下,我上網買咗部Mac Book Pro返嚟,之後會再安裝Photoshop、AI同In design等等嘅app畀佢畫嘢。
我想佢繼續畫畫。
頭先嗰一幅畫已經無咗以前嘅黑暗。
倩兒已經改變緊。
我今次會好好咁支持佢。
翌日,返學嘅時候,倩兒有啲緊張咁坐返埋位。
其他同學都有啲驚訝同愕然咁不時偷望倩兒。
一到小息,陳浩然就大大聲咁講:「阮倩兒,你靚咗咁多嘅!全班同學頭先係咁偷望你呀!」
全班同學嘅「偷偷地」畀陳浩然一下子踢爆。
「多謝你,哈哈。」倩兒生硬地回答。
睇嚟佢想保持一下好口模式。
我都加把口:「倩兒你真係好靚!」
倩兒聽到之後就紅住臉咁打我:「你做乜呀!」
「讚你又唔得?」我反問。
「哼!」
「哈哈!」有一位女同學雛菊聽到我哋對話就笑咗出聲。
「原來阮倩兒同學都識講嘢!」有一位男同學講,我都唔知係唔係曲線。
「阮倩兒,我叫周璇呀。你做咩突然剪頭髮嘅?你依家真係好好睇呀!」周璇主動上前同倩兒傾偈。
「係唔係拍拖呀?」另一個女同學一心又加入對話。
「以前阮同學嘅氣場太惡,生人勿近四隻字好似牌匾嘅掛係佢頭上,我以前一直都唔敢同佢講嘢架!」又有一個女同學允行插嘴。
「係囉!原來阮同學都唔係咁惡!」周璇講。
然後,倩兒就畀女同學們圍住問東問西,而過住欺負過倩兒嘅女同學就喺無人關注下離開班房。
倩兒,恭喜恭喜。
陳家樂好快樂
2021-9-11 19:51:00
推
綠嶺
2021-9-11 19:55:42
順帶一提,雅妍在內嘅臭雞三人組仲未返學。
過咗幾日,我將電腦交畀倩兒嘅時候。
「你有咩企圖?」倩兒,你又話改變,點解對我仲係咁惡?
「禮物呀。」
「咁貴嘅禮物,你想我同咩同你交換?你果然係想得到我肉體嘅變態佬。」倩兒非常警誡。
「唔係呀!之前扔低咗你真係好對唔住,呢份係我個賠禮。同埋,我想支持你,所有事都想支持你。所以我都想支持畫畫嘅你。呢部電腦有晒啲畫畫程式,另外仲有電子畫板,你差電就可以畫畫,以後唔洗偷用課室。」
「但係呢部電腦有啲貴⋯⋯」倩兒唔太好意思受咁厚禮。
「你當係煮飯畀我食嘅報酬啦。」
「咁樣都好似太多。」
「收咗佢,如果唔係我同陳浩然就唔同你做朋友。」
我出大絕。
「唔⋯⋯咁好啦。多謝你。」
呢個女人,我只要使出朋友呢招就可以搞掂佢。
「要好好畫畫呀!」
「真係好多謝你。」倩兒抱緊電腦,再講:「我有啲感動,好耐無試過有人對我咁好。」
「咁你要好好珍惜啦。」
「知道。」倩兒真係比以前笑多咗好多。
我知道,佢已經無好似以前咁鎖起自己嘅心。
「叮。」
電話響起,我收到一個訊息。
雅妍傳了一個訊息給你。
螢幕如此顯示。
【第三十二話 完】
綠嶺
2021-9-11 19:56:50
夜啲補 penana 240likes加更
G史奶蓋
2021-9-11 19:59:33
此回覆已被刪除
魚蛋粉加蛋
2021-9-11 22:34:46
「咁貴嘅禮物,你想我
同
咩同你交換?你果然係想得到我肉體嘅變態佬。」倩兒非常警誡
樓主加更?
九龍城巴菲特
2021-9-11 23:01:24
幾時先扑
:^(
綠嶺
2021-9-11 23:47:22
penana 240likes加更
:^(
:^(
:^(
【第三十三話 前女友】
今日,我應雅妍之約同佢去咗牧羊少年食嘢。
雅妍罕有地早到,而且一早就拎咗位。
雅妍一身長衫長褲,將佢身上嘅傷痕完全遮蓋。
點解我會同前女朋友食飯?
點解我會同欺凌我朋友嘅人出街?
我嘅心其實好矛盾。
我知道雅妍係個大仆街,佢亦都傷害過我。
但係佢係我初戀。
我好多對愛情嘅憧憬同投射都喺佢身上。
即使佢傷害過我,我嘅心或者喺我唔為意嘅時候,有一種想同佢喺返埋一齊嘅期望。
簡單啲講就係我對佢仲有啲感覺。
未必係愛情,可能只係對初戀嘅留戀。
「你坐呀。」雅妍道。
我以為見到佢嘅時候我會好嬲,但係唔係,我好平淡。平淡到好似我哋兩個之間乜事都無發生過咁。
「你無事呀嘛?」我問。
「要啲時間去痊愈,但係整體嚟講都無乜事。」雅妍虛弱地答。
「點解約我出嚟?」我無安慰雅妍,直接將話題拉入今日嘅正題。
「因為你嗰陣時企咗出嚟保護我,所以我想講聲多謝。」去到依家我先發現,雅妍無咗以前嘅氣焰,雖然未到謙卑,但係佢嘅氣場收斂咗好多。
「我只係一時衝動。」
「其實你仲鐘意我係咪?」
雅妍伸手去捉住我放係檯上嘅雙手。
我縮開。
「小小。」我坦白。
應該仲有一啲,雖然唔知係愛情定留戀。
「咁我哋可唔可以重新開始?」
「你綠過我。」
「我知錯。我需要一個機會。畀你保護嘅時候,我先發現我仲鐘意你。」
「可能只係吊橋效應。同埋我無可能同綠過我嘅人再一齊。」
「對唔住。對於傷害過你,我真係好對唔住。」雅妍誠心地致歉。
「我無可能原諒你。」
「即使係咁,我真係好對唔住。」雅妍真係唔同咗。
九龍城巴菲特
2021-9-12 00:38:59
做sp撚鳩佢啦
Ads
破產中
2021-9-12 01:00:11
如果係咁,只會沉船
:^(
魚蛋粉加蛋
2021-9-12 01:03:15
主角咁容易鍾意人唔適合有sp
三J萬能俠
2021-9-12 01:12:53
八婆又想點
:^(
:^(
山區兒童窩巴
2021-9-12 02:38:11
推推
中場大師(黃洋)
2021-9-12 02:44:53
此回覆已被刪除
三J萬能俠
2021-9-12 03:08:40
捉條八婆去做肉便器
:^(
:^(
紺
2021-9-12 03:18:14
作為男豬咁樣嘅毒撚 係唔識跟遊戲規則玩 最後一定又沉ex船
:^(
:^(
蕭後欄
2021-9-12 05:07:41
男豬唔好心軟呀
綠嶺
2021-9-12 11:09:48
啪啦。
心中某個重擔爆開。
我當下就知道,我已經放低咗雅妍。
我唔會再因為佢而傷心。
我唔會再因為佢而開心。
我唔會再因為佢而動怒。
我對佢已經無感覺,連憎恨都無。
但係可以嘅話,我唔想再見到佢。
「你好似變咗。」我無可能會再同雅妍一齊。
「畀人打咗一鑊之後,我嘅諗法都有啲改變。我反思過好多,我做錯過好多。阮倩兒打得我好啱,我罪有應得。」
「等等。關阮倩兒咩事?」
「唔洗扮啦。我知道打我哋嗰個係阮倩兒。」
「你想點?」
「唔洗咁緊張,我唔會篤佢出嚟,得我知道嗰個人係阮倩兒。好似我頭先咁講,我罪有應得。」
「我點樣信你?」
呢個背叛過我嘅女人,好難相信。
「你唔信我都正常,但係我真係唔會講。就算我講真相出嚟,我諗都無人會幫到我。」雅妍呷一口咖啡再望住我。
學校全力隱瞞呢間事,課室又無閉路電視,我同陳浩然唔講嘅話,真相永遠都唔會有人知。
雅妍再講:「我再問多次,我哋可唔可以係返畀一齊?」
「我對你已經無感覺。」
「因為阮倩兒?」
「點解又關佢事?」
「你同佢咩關係?」
「關你咩事?我同佢只係朋友。」
「原來係咁。我明白啦,咁樣我哋就做返陌生人啦。」
我唔明佢明白啲乜,但係做返陌生人呢個係我想要嘅結果,所以我哋嘅事就係到結束。
呢餐就係我同雅妍嘅告別宴。
食過窩夫同飲過咖啡後,我同雅妍正式成為兩條平行線。
返到屋企,煮緊飯嘅倩兒熱情地迎接我。
「梁諾衡,你可唔可以做我男朋友?」
聽到倩兒嘅請求,我呆咗咁企係原地。
【第三十三話 完】
G史奶蓋
2021-9-12 11:11:43
此回覆已被刪除
Ads
一分十九秒
2021-9-12 12:17:24
好進擊
覺得樓主會扭橋
魚蛋粉加蛋
2021-9-12 13:01:47
可以!
:^(
:^(
:^(
破產中
2021-9-12 13:24:17
會唔會有伏
:^(
三J萬能俠
2021-9-12 13:41:03
放開男主!等我嚟!
上一頁
第 22 頁
下一頁