與我同屋嘅女同學打到帽我嘅ex躺平//《同居女孩》
上一頁
第 19 頁
下一頁
綠嶺
2021-9-6 17:52:02
【第二十七話 保護】
將軍澳地鐵站落車之後,我就拔足狂奔返屋企。
但係跑到一半我又覺得唔可以就咁返屋企,於是我就走咗去富康買碗腐竹蛋糖水畀倩兒食。
雖然唔貴重,但係我想同佢講,我唔會再背棄佢,我會好好咁支持佢。
我已經抹去緊道德潔癖,我會支持你去到最後一刻。
明明話過會支持佢、話過會同佢齊上齊落嘅係我,我點可以因為少少嘅道德潔癖而離棄佢?
喺路上全速奔跑嘅我滿腦子都係倩兒,我欠佢一個道歉。
買完糖水嘅我就租咗㗎藍色共享單車再踩返屋企。
我想盡快見到倩兒。
我想畀佢知道我係支持佢。
我好似一個癲佬咁係單車徑疾走,好快我就返到屋企。
一入屋,仲喘緊氣嘅我就敲倩兒房門:「我⋯⋯我⋯⋯買咗⋯⋯糖水⋯⋯一齊食。」
倩兒隔住門回應:「我唔餓,同埋想休息下。」
「腐竹蛋糖水喎。」我知佢鐘意食。
下一秒,房門微微打開,有一隻手係入面伸咗出嚟。
「你畀我,我係房食。」
「點解唔同我一齊食?」
「因為你對我反感。」
「我無呀。」係時候要講清楚,我續道:「對唔住,明明之前話過會支持你,但係我竟然係事後質疑你。真係十萬個對唔住。我已經諗清楚,未來無論咩事我都會係你身邊,支持你同陪伴你,我唔會再令你孤身一人。雖然我唔能夠明白你嘅痛苦,但係我會一直都做你嘅後援去支持你。」
倩兒嘅復仇係無可能受到法律同社會道德嘅認可,但係即使如此都唔代表佢係錯。
倩兒都知到呢一點,所以佢嘅心理壓力好多,如果畀人揭發佢係兇手,真係監都有機會要坐。
所以佢一定係好不安。
倩兒無回應,所以我再講:「我知道你可能好不安,你知道你做過嘅嘢係有風險,但係絕對唔會係錯事。我知道你好需要有人係精神上支持你,我想話畀你知我係非常樂意做呢個人。我會喺你身邊成為你嘅支柱,所以你已經唔再係自己一個人。」
我要掃走倩兒嘅不安。
無論再多困難我都會陪佢走過。因為呢個女仔需要一個咁嘅人。
門慢慢被推開,紅都臉晒嘅倩兒眼泛淚光。
佢突然攬實我,抱咗十秒到再推開我。
「蠢材!」
倩兒講完就一手搶咗碗糖水返房食。
而呆咗咁企係原地嘅我就紅都臉晒。
【第二十七話 完】
Ads
綠嶺
2021-9-6 17:54:35
【第二十八話 接上學】
過咗個周末,又到咗返學日。
我起身嘅時候倩兒已經出咗門口,而我就畀陳浩然打嚟嘅電話嘈醒。
「乜料呀你,晨早流流嘈生晒。」睡眼惺忪嘅我想問候佢娘親,但係都係因為怕得罪朋友所以我收聲算。
「一齊返學啦。我係你樓下啦。」雖然陳浩然住尚德,但行過嚟天晉都要十分鐘,佢搞乜呀。
「我唔係gay架。」
「屌你。五分鐘後落嚟啦。」
「十分鐘。」掛斷電話之後我就簡單地梳洗一下,再食埋倩兒整畀我嘅早餐,15分鐘後先落到樓下。
陳浩然一見到我嘅身影就邊行過嚟邊嗌:「嘩嘩嘩嘩嘩!又話十分鐘。」
「四捨五入rounding down咪一樣。唔好講呢啲廢話,你今日做乜咁好死嚟搵我。」
「咪關於上個禮拜單嘢。」
我面色一沉,道:「洗耳恭聽。」
「打人咁大單嘢,老師今日一定會查,為咗甩身,我已經幫倩兒同你準備定不在場證據。」
「你竟然……」估唔到陳浩然會咁努力幫手。
「你聽我講先。嗰日倩兒咪一個人走,留低你一個人on99咁喺班房嘅。我當時即刻追上去搵倩兒,之後就拉咗佢去食下午茶,再迫佢同我合照。」陳浩然道。
「咁又點?」
「應該可以當係不在場證據?始終老師唔會知道準確嘅事發時間,只要我堅持佢同我一放學就行街嘅話,老師應該都入唔到佢罪。」陳浩然意外地諗得多。
「你鐘意倩兒?」咁用心去幫一個唔熟嘅人,點會唔係嗒糖?
「緊係唔係!我見到溝佢我先想幫阿嫂咋!」陳浩然連忙否認。
「等等先。我無鐘意佢。」我都否認。
「一世人兩兄弟,扮乜!你唔係想溝佢嘅話你又點會咁關心佢?阮倩兒一直都無朋友,今年一開學你就突然同人咁親近,你嘅意圖好明顯啦!」陳浩然講到似層層咁。
「唔係呀。講畀你知都得,但係你可唔可以守秘密?」
「得。一世人兩兄弟有你有我。」陳浩然拍晒心口咁承諾。
三J萬能俠
2021-9-6 19:12:47
推
:^(
:^(
好兄弟啊
陳家樂好快樂
2021-9-6 19:38:41
「緊係唔係!我見到
你想
溝佢我先想幫阿嫂咋!」陳浩然連忙否認。
:^(
:^(
G史奶蓋
2021-9-6 22:06:07
此回覆已被刪除
破產中
2021-9-6 23:43:54
三篇文
:^(
山區兒童窩巴
2021-9-7 01:15:17
推推推推推推推
中場大師(巴爾拿)
2021-9-7 01:36:29
此回覆已被刪除
第九代JoJo
2021-9-7 10:55:53
現實情況下
我諗警狗實拉到倩兒
綠嶺
2021-9-7 11:44:34
比主角更有用嘅男人
G史奶蓋
2021-9-7 15:55:00
此回覆已被刪除
Ads
陳家樂好快樂
2021-9-7 16:47:59
push
九龍城巴菲特
2021-9-7 17:06:21
有冇監獄篇
:^(
綠嶺
2021-9-7 17:08:13
Penana 180 likes加更
:^(
:^(
:^(
:^(
:^(
:^(
:^(
「我同倩兒同居緊。」我同倩兒嘅秘密。
「咁咋,同居咋!小事⋯⋯等等!你哋同居!?」陳浩然捉住我雙肩不停將我前後咁搖。
「係呀。」
「同一張床?瘋狂做愛?你哋已經拍緊拖?屌你!」陳浩然嘅語速快到好似用5倍睇Youtube咁。
「你冷靜啲先。佢老母係我老豆啲friend,佢因為屋企有事,我老豆先話要借間房畀佢暫住。」我簡略地解釋我同倩兒同居嘅原因。
「一男一女喎。你唔想同佢一齊?」
「我啱啱先失戀咋。」
「海錦體唔會係失戀嘅時候。」
「唉我屌你。唔好講呢樣啦,講返正經嘢。如果陣間老師真係懷疑倩兒嘅話,係咪我哋話嗰段時間出咗去玩呀?」
「你就唔好啦,雅妍見到你出現過,你都好大機會會畀人盤問下。」
「我話我路過咪得。」
「你唔好穿崩就得啦。總之唔好畀人知道係倩兒做就得。」
「不過我諗何老師會懷疑倩兒,因為佢知道倩兒畀嗰三隻臭雞欺凌過,但隻教畜一直都唔做嘢。」
「又係一隻死教畜。」
「總之我哋做定最壞打算,何老師會懷疑倩兒,到時候就靠你去做人證保護佢啦。」
「就咁啦!」
做咗「點樣保護倩兒」嘅決定之後,我同陳浩然就連環擊拳。
「我想知你係咪鐘意人㗎?」陳浩然突然又問起呢個問題。
「無呀。只係有少少在意佢,同埋我只係想保護佢。」
我真係無鐘意倩兒,我只係唔忍心見到我嘅朋友畀人欺凌。
「得啦得啦!你話咩就咩啦。」陳浩然拍拍我膊頭,然後我哋就繼續行返學。
【第二十八話 完】
綠嶺
2021-9-7 17:10:28
【第二十九話 教畜】
返到班房,我開始有啲緊張,到底件事會唔會畀老師知道?老師知嘅話又會點處理?
隻死教畜佢敢搞倩兒嘅話我就同佢死過!
班會,雅妍同佢嘅朋友們都無返學。
「各位,學校上星期五發生疑似打鬥事件。」班主任何老師講到呢到就停一停再望向倩兒,又講:「有冇同學目擊到,或者知道發生咩事?」
果然,單嘢黃咗。
都係嘅,難啲唔知。
何老師懷疑倩兒。
最壞嘅情況已經出現。
都合理,何老師知道雅妍三人一直欺凌緊倩兒。
課室內一片寂靜,無人想劃破呢個鴉雀無聲嘅空間。
我望向陳浩然,佢點點頭。
何老師環視四周,同學們無一例外地避開老師嘅視線,即使自己係無辜,但無人想受到懷疑。
何老師嘅視線最後再次落喺倩兒身上,喺緊張嘅氛圍下,我背脊不停湧出冷汗。
「阮倩兒同學,你知唔知呢?」
何老師將焦點準確地放落倩兒身上,我一額冷汗流到好似落雨咁。
「唔知。」倩兒企起身再簡短地答。
「真係?講大話嘅後果好嚴重。」何老師半威脅咁講。
陳浩然企係起:「何老師,你唔好係到單單打打喎。你係咪懷疑阮倩兒打人呀?係就照直講啦!單單打打係唔係男人嚟?」
「陳浩然!你依家咩態度呀!依家我係老師定你係老師?我係懷疑阮倩兒呀,咁點呀?」老羞成怒嘅何老師聲音都高咗幾度。
「上星期五,我幾乎全日都同阮倩兒一齊,放學我哋又去咗食嘢,我哋有相為證。」陳浩然刻意避過啲嘢無講,但佢講嘅說話係無謊言係入面。
綠嶺
2021-9-7 17:12:36
「拎嚟睇下。」何老師語畢,陳浩然就張手機入面嘅相展示出嚟。
何老師拎起陳浩然嘅手機睇兩睇,然後袋咗入褲袋。
「我見唔到有證據。另外,學校玩手機係要沒收嘅,放學我先會畀返你。」何老師使出卑鄙嘅一著。
「你⋯⋯」㷫過火屎嘅陳浩然指出何老師想破口大罵,但佢谷氣到一句說話都講唔出口。
「陳浩然,你坐返埋位先,你嘅事我陣間先再處理。阮倩兒,我再問你一次,你有冇頭緒係邊個打人?」何老師正言厲色地問。
「無。」倩兒繼續保護自己。
「你當老師傻㗎?我知道係你做。」何老師講完呢句之後,班房嘅氣氛變到更緊張。
「證據?」倩兒問。
「你唔需要知。我依家係問你承唔承認。」
睇唔過眼嘅我就企起身:「你唔好咁過份喎,無證無據就屈人。」
「請問關你咩事呢,梁諾衡同學?」
「我睇唔過我你拎唔出證撲都要屈人嘅做法姐。」我理直氣壯咁講。
「老師唔洗畀證據你睇,我話係就係。」
87歲(入冊)
2021-9-7 18:37:30
此回覆已被刪除
魚蛋粉加蛋
2021-9-7 18:57:43
個老師
:^(
:^(
綠嶺
2021-9-7 19:13:51
阿Sir 做嘢唔使理教
九龍城巴菲特
2021-9-7 19:18:35
有冇監獄篇
:^(
綠嶺
2021-9-7 19:25:53
阿Sir 做嘢唔使你教
有冇監獄篇
:^(
睇落去
:^(
Ads
Haloitsme
2021-9-7 19:57:51
快啲出!
隨波不逐流
2021-9-7 20:00:40
相要被刪除了
落豉油唔食燒賣
2021-9-7 20:02:24
「海錦體唔會係失戀嘅時候。」
海綿?
海綿體係唔會有失戀嘅時候?
:^(
觀塘道
2021-9-7 22:06:50
「我睇唔過
我
你拎唔出
證據
都要屈人嘅做法姐。」我理直氣壯咁講。
上一頁
第 19 頁
下一頁
將軍澳地鐵站落車之後,我就拔足狂奔返屋企。
但係跑到一半我又覺得唔可以就咁返屋企,於是我就走咗去富康買碗腐竹蛋糖水畀倩兒食。
雖然唔貴重,但係我想同佢講,我唔會再背棄佢,我會好好咁支持佢。
我已經抹去緊道德潔癖,我會支持你去到最後一刻。
明明話過會支持佢、話過會同佢齊上齊落嘅係我,我點可以因為少少嘅道德潔癖而離棄佢?
喺路上全速奔跑嘅我滿腦子都係倩兒,我欠佢一個道歉。
買完糖水嘅我就租咗㗎藍色共享單車再踩返屋企。
我想盡快見到倩兒。
我想畀佢知道我係支持佢。
我好似一個癲佬咁係單車徑疾走,好快我就返到屋企。
一入屋,仲喘緊氣嘅我就敲倩兒房門:「我⋯⋯我⋯⋯買咗⋯⋯糖水⋯⋯一齊食。」
倩兒隔住門回應:「我唔餓,同埋想休息下。」
「腐竹蛋糖水喎。」我知佢鐘意食。
下一秒,房門微微打開,有一隻手係入面伸咗出嚟。
「你畀我,我係房食。」
「點解唔同我一齊食?」
「因為你對我反感。」
「我無呀。」係時候要講清楚,我續道:「對唔住,明明之前話過會支持你,但係我竟然係事後質疑你。真係十萬個對唔住。我已經諗清楚,未來無論咩事我都會係你身邊,支持你同陪伴你,我唔會再令你孤身一人。雖然我唔能夠明白你嘅痛苦,但係我會一直都做你嘅後援去支持你。」
倩兒嘅復仇係無可能受到法律同社會道德嘅認可,但係即使如此都唔代表佢係錯。
倩兒都知到呢一點,所以佢嘅心理壓力好多,如果畀人揭發佢係兇手,真係監都有機會要坐。
所以佢一定係好不安。
倩兒無回應,所以我再講:「我知道你可能好不安,你知道你做過嘅嘢係有風險,但係絕對唔會係錯事。我知道你好需要有人係精神上支持你,我想話畀你知我係非常樂意做呢個人。我會喺你身邊成為你嘅支柱,所以你已經唔再係自己一個人。」
我要掃走倩兒嘅不安。
無論再多困難我都會陪佢走過。因為呢個女仔需要一個咁嘅人。
門慢慢被推開,紅都臉晒嘅倩兒眼泛淚光。
佢突然攬實我,抱咗十秒到再推開我。
「蠢材!」
倩兒講完就一手搶咗碗糖水返房食。
而呆咗咁企係原地嘅我就紅都臉晒。
【第二十七話 完】