與我同屋嘅女同學打到帽我嘅ex躺平//《同居女孩》
第 1 頁
下一頁
綠嶺
2021-8-15 17:25:26
故事簡介:
男孩失戀嘅時候女孩搬到佢屋企,兩人由此開展同居生活。校園欺凌、家庭糾紛、自我懷疑、校園生活嘅苦樂,二人嘅相遇會編織出點樣嘅故事?
--------------------------------------------------------------------------------------
每30正評加更,每日大概有一千字左右嘅文。Penana每30like都會加更。兩邊會同步更新。
同上個故唔同,今次每一話會拆到比較短去寫,唔會再有萬幾字先一話嘅情況。
:^(
另外,我今次會校對完先出文,可能會出得比較慢同夜啲先出文。大家嘅意見我收到嘅,希望今次可以畀到讀者好啲嘅閱讀體驗,所以會認真咁改進一下錯別字嘅問題。
如果要OT搞到出唔到文會係到講聲,請大家一齊屌鳩我老細。
:^(
最後,請推post、正評!
--------------------------------------------------------------------------------------
關於作者:
IG:littlemanhkg
本故事嘅Penana link:
https://www.penana.com/story/84900
舊故:
我青梅竹馬同咗個死MK仔一齊//《不懂愛的青梅竹馬們》
Post 1:
https://lihkg.com/thread/2583136
Post 2:
https://lihkg.com/thread/2656487
Ads
綠嶺
2021-8-15 17:26:21
【序】
放學後嘅班房,夕陽嘅餘暉灑落係班房四周,燈光無一例外地關上,室內嘅唯一嘅光源就係窗外嘅陽光。
班房內只有五個人,當中得兩個人企直係到,另外有三個面容扭曲嘅女仔瞓咗係地下蠕動。佢哋微弱加痛苦嘅呻吟聲同冷氣嘅「轟轟」聲成為咗佔據室內靜默空氣嘅唯二聲音。
呢三個係地上蠕動嘅女仔都係畀企咗係我面前、與我同居嘅女同學打到咁。
喺我面前企係到嘅係與我同居嘅女同學,而喺我身後瞓咗係地下、一面驚恐嘅就係畀帽我戴嘅前女友。
我企係二人中間將佢哋分隔,我當下覺得自己有啲似將海洋分開嘅摩西。
「當我求下你,可唔可以收手?」我竟然坦護畀帽我戴嘅前女朋友。
我前女友手腕有個非常明顯嘅鞋印,而呢個鞋印就係我眼前嘅女仔踩出嚟。佢身上仲有其他傷痕,全部瘀傷無一例外地由我眼前嘅女仔打出嚟。
「我只係連本帶利還畀佢。」我身前嘅女仔講。
係我思考嘅期間,同居女同學係我身邊行過,再用腳面拉弓踢落我前女朋友塊臉。
連叫痛嘅時間都未有,我前女朋友就已經暈咗。
到底點解會變成咁?
綠嶺
2021-8-15 17:26:55
【第一話 女孩來襲】
「你好,我係阮倩兒,由今日起我會係你屋企寄住。」一個身材高挑而且皮膚雪白嘅單馬尾女孩係我門口自我介紹。
阮倩兒見到開門畀嘅係我嘅時候有一下露出咗驚訝嘅表情,但係下一秒又擺返個臭臉(aka閪面)出嚟。
我一面不可思議咁掃視阮倩兒,點解會係佢?有冇咁橋呀?
我叫梁諾衡,身高差唔多一米八,因為長期留係室內所以皮膚好白,但我會打下拳同健身所以手腳都唔算太幼,身體都叫有啲肌肉。
「係你!?」我細聲地自言自語,然後就陷入沉思。
阮倩兒係我嘅同班同學,條女係班入面嘅邊緣人,我未見過佢朋友一齊玩,每一日都獨來獨住。
阮倩兒係典型嘅書蟲樣,一副金絲眼鏡同一條黑色馬尾,老套又典型嘅陰沉讀書女仔樣。
雖然阮倩兒個樣好唔起眼又係邊緣人,但係我對佢係有啲印象。
某一次嘅巧合,我見到除咗眼鏡同放下長髮嘅阮倩兒,絕對可以稱作美女。
雖然未到驚艷嘅程度,但係都不遠矣。係呢次巧合之後,我就對阮倩兒美貌刻骨銘心。
我試過起阮倩兒底,不過出乎意料地,我搵唔到阮倩兒嘅社交媒體,倩兒冇同任何人做朋友,所以我無從入手。阮倩兒就連班嘅通訊群組(TG group)都無加入,所以我連傳訊息畀佢都做唔到。我唯一知道嘅就係阮倩兒讀書成績好好,長期居於全級頭十。
雖然好在意呢個女仔,不過我一直都無辦法去接近佢。隨時間推移,我已經經歷咗拍拖同分手。
呢一刻嘅我正經歷失戀嘅死去活來,老實講,我唔係好想見到人。
「我可以入嚟未?」仲企緊係門口嘅阮倩兒唔耐煩咁問,同時打斷咗我嘅回憶。
「可以。」我有啲唔確定咁答,因為我仲猶豫緊係咪要同眼前嘅妙齡女子同居。
我講完之後退後一步,讓啲空間畀拖住行李箱嘅阮倩兒走入嚟屋內。
阮倩兒入屋之後問:「你著返條褲先得唔得,淨係得底褲有啲嘔心。」
阮倩兒講完之後,我先發現自己淨係穿住條底褲同一件純白U記恤衫,於是我急急腳走返房著返條面褲。
啱啱起身就聽到門鐘聲嘅我根本唔記得自己淨係著底褲瞓,結果我褲都無著就去咗應門。
出返客廳之後我仔細打量阮倩兒,阮倩兒穿住白色嘅直間小背心,下身就係藍色嘅牛仔短褲,胸係有啲料到,脹卜卜。阮倩兒有對長腿,無乜贅肉而且白白滑滑,我都唔知要望佢對波定對腳好。
「你望夠未?」阮倩兒語帶厭惡。
「對唔住⋯⋯」我尷尬咁道歉,畀人斷正𥄫女真係好柒。我拿拿聲閂門再叫阮倩兒去飯檯坐低先。
「淫蟲。」阮倩兒唔留情咁講,畀我打量全身嘅佢好似有啲唔舒服。
「唔⋯⋯」我唔知點否認,畀同班女同學話係淫蟲,個心好受傷。
「點稱呼?」阮倩兒問。
「我叫梁諾衡,叫我阿衡得啦。」
「我識你。再講多次,我叫阮倩兒,無花名。」
「咁我叫你倩兒啦。等等!你識我?」唔通佢認得我?
「點解咁多垃圾都唔扔?」阮倩兒無答問題,反之佢提出疑問。
我呢排都係食外賣度日,雖然我有將食完嘅外賣盒放入垃圾袋同綁好,但係就無拎出屋外扔,結果成間屋都係黑色垃圾膠袋。
「er⋯⋯」我又畀條女收我皮,呢個唔熟嘅女同學、今日開始同居嘅女仔講嘢都幾兇狠。
「點都好,我今日開始就會係到住,打攪晒。我同世伯傾好咗,我會幫手照顧你嘅起居飲食,你唔洗再食啲唔健康嘅外賣。」阮倩兒指住堆垃圾講。
因為無交租,阮倩兒唔想白住人哋地方,所以佢搬入嚟之前就決定咗會幫忙照顧呢個同居男孩嘅起居。
「吓?」我有啲不知所措,無啦啦照顧啲乜,我老豆明明無提過呢點。我依家唔識叫外賣呀?
「我間房係邊?」阮倩兒又無視我。
「等陣先,你真係要係到住?」雖然佢有我老豆首肯,但係我始終覺得孤男寡女共處一室唔係太好。話就話我失戀,但係男人都係鹹濕,如果我畀性慾控制嘅話,我可能就要洗定八月十五去坐監。
「我依家已經返唔到屋企,如果你唔收留我,我就無地方可以去。」阮倩兒輕描淡寫咁講。
我唔覺得阮倩兒講緊大話,無根據嘅直覺。
我好想問點解佢返唔到屋企,但係關係唔係太熟嘅我問啲咁私隱嘅問題有啲失禮,所以我努力壓抑住好奇心。
我嘆口氣然後指住一間房:「咁好啦,你住係間工人房啦。」
我點會捨得要一個都叫做認識嘅女同學流落街頭,加上我屋企又有空房,再加上係我老豆嘅命令,我就唯有收留咗呢個女仔。其實我本來就無反對嘅餘地。
就係咁,喺暑假嘅最後一個月,我就同阮倩兒展開咗屬於我哋兩個嘅同居生活。
急凍鳥
2021-8-15 17:37:06
做咩又開左新post?
綠嶺
2021-8-15 17:38:35
本身用第三人稱寫,依家改做第一人稱
:^(
G史奶蓋
2021-8-15 18:06:43
此回覆已被刪除
馬鞍山鄺俊宇
2021-8-15 18:31:03
lm gchi
:^(
機
2021-8-15 18:36:22
lm
:^(
年燈辛會然
2021-8-15 20:14:48
推推推
阿木(炒咗車)
2021-8-15 23:08:20
Lm
:^(
法官大人我屌
2021-8-15 23:32:07
Lm
Ads
石大浸中仔
2021-8-16 00:55:28
Lm
下下下
2021-8-16 04:50:39
LM
三J萬能俠
2021-8-16 09:07:16
推
:^(
:^(
余生餘生食魚生
2021-8-16 09:58:56
係新故呀!推
:^(
綠嶺
2021-8-16 11:55:28
【第二話 父親的請求】
時間回到一日前。
雖然係暑假,不過啱啱失戀嘅我就好似一個漏氣嘅氣球,每一日都攤喺床上面度過大部分時間。
今日喺我瞓緊覺嘅時候,身處外國嘅老豆突然打咗個視像電話過嚟。
係床攤緊嘅我出盡九牛二虎之力先落到床,再拎起放係檯面嘅電話聽。
雖然我唔係太想聽老豆電話,但係佢係我金主所以我點都要聽。
呢個將我扔低係香港再走去外國工作嘅老豆,老實講我對佢無乜好感。
「食咗嘢未呀仔?」
食咗又點?未食又點?
「食咗。」為咗唔好煩,我揀咗個佢無咁多嘢可以追問嘅答案。
「食咗咩呀?」都係有嘢可以追問。
「白汁雞皇飯。」
「記得食啲菜呀!營養要平均啲!」
「OK。」
「係喎,聽日會有個女仔搬嚟同你一齊住。」老豆講。
「是但啦。」我唔太在意,反正應該係啲阿嬸。
「個女仔同你差唔多年紀,應該幾靚女。同埋佢都係讀你間中學。」老豆補充。
如果唔係失戀無耐,我都唔介意有條女同我一齊住,但係我依家真係極度唔想見到差唔多年紀嘅人。
我怕會觸景傷情。
「咁點解你要畀個後生嘅女仔同你呢個後生嘅兒子一齊生活呀?你唔驚會出意外咩?」我都係隨口問下,我依家唔係太想見到人。
「你諗都唔好諗,佢係我好朋友個女嚟。人哋屋企有啲事,無地方住,我先叫佢搬過嚟,你好好地咁照顧人呀。」老豆叮囑。
「你真係唔擔心?」我唔敢直接話唔想同人住,我只係想獨自抑鬱一排,所以我嘗試旁敲側擊令老豆放棄呢個念頭。
雖則話同相同年紀嘅女仔一齊生活係好吸引,但係一來我啱啱失戀,唔想接觸其他女仔住,二來我唔知呢個女仔靚唔靚,所以都係保持兩秒距離比較好。
「人哋老豆朋友個女嚟㗎,要幫手好正常。反正我哋有多間空房,你咪當多個house-mate。」老豆講。
「一男一女喎。」
我想再拒絕,但老豆心意已決:「總之人哋聽日就會嚟,你好好睇住人哋啦!」
我知道無得反抗,唯有放棄:「明白,早抖。」
收線之後,我就將老豆嘅說話抱諸腦後,然後叫個外賣醫肚。
係床上等緊外賣嘅我腦海中浮現咗唔同嘅AV情節,然後就忍唔住係到偷笑。
啲瘋狂做愛嘅情節出曬嚟,依家希望嚟嘅會係一個靚女。
就算無AV情節,都可能會有啲酸酸甜甜嘅戀愛喜劇由此展開。
雖然唔想同人同居,但係米已成炊,我開始瘋狂FF。
青春期嘅男生,對女生就係有無限嘅幻想。
但係幻想嘅途中,我前女朋友嘅樣貌突然浮現,將我嘅幻想全數破壞。
「屌!」個心好似畀人揸到實一實咁,痛到好似全身就嚟撕裂,然後我又喊起上嚟。
急凍鳥
2021-8-16 18:40:55
文呢!
三J萬能俠
2021-8-16 19:46:07
推
:^(
:^(
下下下
2021-8-16 20:24:53
推到有文出
G史奶蓋
2021-8-16 23:18:13
此回覆已被刪除
綠嶺
2021-8-16 23:20:48
30正評加更
:^(
【第三話 離家女孩】
同樣一日前嘅上晝,將軍澳醫院某病房。
「你唔洗成日嚟探阿媽喎。」一個中年、穿著病人裝嘅長髮中年女子坐係病床到講。
「邊有成日呀。同埋依家暑假,唔嚟探你我都無嘢做。」坐係病床旁邊嘅阮倩兒講。
「你咁硬頸都唔知遺傳邊個。」中年女人笑住講。
「邊到硬頸呀我。」阮倩兒唔同意母親。
「傻女。咳⋯⋯咳⋯⋯」中年女人突然咳嗽。
「媽!你冇嘢呀嘛。」阮倩兒為母親掃背。
「喝水⋯⋯濁親⋯⋯」中年女人邊咳邊講,佢喝咗啖水但唔小心濁親。
「我今晚留係到陪你啦。」阮倩兒提議。
「病房點會畀你係到過夜呀。」咳完嘅中年女人講,佢望住自己個女再講:「你係咪唔想返屋企呀?」
內心嘅想法畀老母睇穿咗,雖然無做錯嘢,但係咁樣令阮倩兒有啲心虛。
「係呀,因為⋯⋯er⋯⋯」阮倩兒無講出唔想返屋企嘅原因。
「女呀⋯⋯」
「唔洗講啦,你唔會改變到我對嗰個人嘅睇法。」阮倩兒態度非常堅定。
「真係鬼死咁硬頸。」阮倩兒媽媽嘆口氣再講:「你係咪真係唔想同佢住呀?」
「係。我依家瞓緊麥當勞。」阮倩兒喺媽媽入咗醫院之後,已經無返屋企咗兩日。
「唉,真係無你符。阿媽有個朋友可以收留你嘅,不過唔知你肯唔肯姐。」阮媽媽提議。
「人哋肯就得!好過做麥難民!」阮倩兒二話不說就同意呢個提議。
「你聽埋阿媽講先。人哋地方就有房畀你嘅,但係間屋得佢個仔自己住。佢個仔同你一樣讀緊中學,你要去住就孤男寡女架啦。」睇嚟阮媽媽一早已經問過朋友借房畀自己嘅女兒。
「點都好過四海為家!」阮倩兒道。
「真係得?孤男寡女喎?」雖然係自己提議,但阮倩兒媽媽都有啲擔心。
「唔洗擔心,我識保護自己。」阮倩兒去意已決。
「咁好啦。」阮倩兒媽媽知道個女好硬頸,唔會改變到心意。不過,有個瓦遮頭點都好過要個女瞓街,所以佢就有啲擔心咁幫女兒安排新地方住。
於是,阮倩兒同梁諾衡係各自嘅父母牽引下,開展咗佢哋嘅同居生活。
Ads
馬鞍山鄺俊宇
2021-8-16 23:31:56
push
G史奶蓋
2021-8-16 23:45:40
此回覆已被刪除
綠嶺
2021-8-16 23:46:16
每30正評或penana每30 like都會加更
:^(
三J萬能俠
2021-8-16 23:47:17
推
:^(
:^(
第 1 頁
下一頁
男孩失戀嘅時候女孩搬到佢屋企,兩人由此開展同居生活。校園欺凌、家庭糾紛、自我懷疑、校園生活嘅苦樂,二人嘅相遇會編織出點樣嘅故事?
--------------------------------------------------------------------------------------
每30正評加更,每日大概有一千字左右嘅文。Penana每30like都會加更。兩邊會同步更新。
同上個故唔同,今次每一話會拆到比較短去寫,唔會再有萬幾字先一話嘅情況。
另外,我今次會校對完先出文,可能會出得比較慢同夜啲先出文。大家嘅意見我收到嘅,希望今次可以畀到讀者好啲嘅閱讀體驗,所以會認真咁改進一下錯別字嘅問題。
如果要OT搞到出唔到文會係到講聲,請大家一齊屌鳩我老細。
最後,請推post、正評!
--------------------------------------------------------------------------------------
關於作者:
IG:littlemanhkg
本故事嘅Penana link:https://www.penana.com/story/84900
舊故:
我青梅竹馬同咗個死MK仔一齊//《不懂愛的青梅竹馬們》
Post 1: https://lihkg.com/thread/2583136
Post 2: https://lihkg.com/thread/2656487