讀文科乞食 2021-8-28 18:07:16

:^(

微風吹過是答話 2021-8-28 19:45:48 等出文

:^(

愛聞魚籽 2021-8-28 21:23:29 都係戈句，有文無文推左先理

:^(

:^(

小月月 2021-8-28 22:26:53 十四、生死

「出完街點呀？」Miss Yung問。

Miss Yung和我坐在她選的餐廳食著飯，我和她常常也會約食飯，她每次都在抱怨著教育界的黑暗，說著上級的可惡。大概，她也知道我沒有其他人可以說出去，才會把這些不能和同事說的話對我說。

「無點。」我說。

「咩無點！無點你會係到偷笑？」她看到了我的笑容。

「咁你覺得可以點？」我反問。

「你無亂摸人嫁呵？」

「手算唔算？」我說。

「你覺得呢，你試下摸我隻手，我同你講，一定東區裁判法院見。」她說。

「咁憶洛唔係你。」

「咁你點摸呀？」她問。

「拖住囉，唔通我會好似吉川卓咁奶咩。」我說。

「人哋吉川卓好溫柔嫁，點似你。」她說。「咁她用咗幾多秒甩開你隻手？」

她打定輸數憶洛不會讓我拖手。

「唔……一萬四千幾秒左右。」我算了一算四個小時是幾多秒。

「唉，憶洛個傻妹，被你呢啲花靚倞氹兩氹，連手仔都被人拖。」Miss Yung嘆息。

「唔止，佢重應承咗同我一齊添。」我說。

「估到啦，所以呢餐你請。」Miss Yung笑說。

「點解呀，你拍咁多次拖都無請我食飯。」我回應。

「技術上，係三次姐。」她糾正。

「唉，小虹個傻妹，被啲花靚倞氹兩氹，連手仔都被人拖。」我模仿Miss Yung的語氣。

「挑，拖手咋嘛，friend都拖得嫁。」她反駁。

「好彩憶洛唔係你。」我說。

「唉，總之，憶洛係好女仔，你唔好亂嚟。」

「姐係你唔係好女仔？」我又把話題帶回她身上。

Miss Yung狠狠瞪了我一眼。

「你唔好同其他老師亂講嘢。」她知道我不會。

「咁你都唔好同其他老師同學講喎。」我說。

「咁你個睇你表現啦。」她說。

我反了她一個白眼。

————————————————————————————

「你同Miss Yung講咗啦？」楊憶洛牽著我的手。

自我表白之後，已經過去了三個星期，也開始了暑假，憶洛說想要學急救，我們就一起報讀了急救課程。

「係呀，你唔想我講？」我說。

「唔係呀。」她笑說。「佢應該好欣慰，令佢最擔心嘅毒撚都有女朋友啦。」

「唔覺囉，佢淨係話你好傻，中咗我嘅美男計。」我用手指點了她的鼻頭。

「佢一定唔係話美男計囉。」她搖了搖頭。「不過我想係好傻。」

「點解呀？你後悔呀？」我問。

「係呀。」她皺眉。

我心頭一沉。

「後悔咁遲先同你個傻仔一齊呀！」

她拉著我向課室走去。

—————————————————————————

「好悶呀個呀sir。」憶洛在我旁邊輕聲地說。

「楊小姐，係你話想學急救嫁喎。」

「都係姐，佢真係好悶呀嘛。」她伏在桌上。

「陣間好似係包紥，應該無咁悶嘅。」

「希望啦。」

「一係我變個魔術畀你睇。」我提議。

「好呀。」

「你伸隻手出嚟先。」

她照辦，我用手抓了把空氣，然後放到她的手上，然後把她的手合上。

「變！」我在她的手上施法。「你打開隻手呀。」

「喂，入面咩都無喎，你變咗啲咩？」她不滿。

「我變得更鍾意你。」我抄襲了網上的撩妹話術。

「好無聊呀你。」

憶洛口中雖然抱怨，但她的臉上仍是止不住地泛紅。她低頭笑了。

「係真嫁！我真係變得更鍾意你。」我說。

「知啦傻仔。」她似是害羞得沒有看我。

「我都係。」她貼在我的耳邊說。

「好，跟住我哋練包紥，兩個人一組，最好就同性啦，廢事尷尬。」急救呀sir說。

「同性喎，你要唔要搵過個呀？」我不是在疑問。

「你好想搵過個咩？」她瞪了我一眼。

「點會呢，我淨係想同你一……組。」我說。

「哼，聽住先啦。」

「我哋依家練三角手掛，記得點包嫁嘛，包完就叫我嚟check啦。」呀sir說。

「你幫我包先啦，我唔記得。」憶洛坐下來。

「頭先上堂又唔專心。」我打開了三角巾。

「你記得咪得囉。」她笑說。

我把憶洛的手放在她的肩上，然後把三角巾披在她手上。

我抬頭，憶洛的臉就在我前方十公分，接近得能從她清澈的眸子中看見我漲紅的臉。

雖說已是情侶關係，但這樣近的距離看她的機會亦不多。與之前看她不同，之前我會猜揣摩著她的想法，擔心著我與她的距離會否過於接近。但現在，她是我的女朋友，我確確切切知道，她也是喜歡著我。

「喂。」

「喂！你望夠未呀？」憶洛紅著臉小聲地抱怨。

「Sorry, Sorry。你靚呀嘛。」

我找藉口掩飾著自己的失態，然後繼續為憶洛包紥。

「都唔使望咁耐嫁。」她嬌柔地說。「再望都落堂先啦。」

她用另一隻手的手指點了我的額頭一下。

「同學，唔得喎呢到。」呀sir指著憶洛上臂下方的布尾。「呢到你要伸隻手入去佢隻手後面先得嫁，唔係唔穩陣嫁。」

「知道，我要包過。」我說。

可是，這個情況十分尷尬，憶洛的指尖貼著肩膀，整個上臂都貼著她的胸，要是伸手進去的話，那必然會碰到她的胸。

我再次包紥，但仍然沒有伸手進去，只是在上臂下面的位置再整理好一點。

「都係鬆喎，得唔得嫁。」憶洛提著那些布尾。

「無計喎，你咁樣，我點伸隻手入去喎。」我說。

憶洛似乎也意識到這個問題，然後把手肘抬起，輕輕鬆鬆地在她的上臂與身體中間打開了一個空間。

「咁咪得囉。」憶洛無奈地說。「唉，你個腦都唔知成日諗埋啲咩呀。」

「我邊有……」我無辜地說。

「一個月都未夠，就係到亂諗嘢。」憶洛似乎有點不滿。

我真係無諗呀……

「係都遲啲先啦……」

憶洛在我貼近她的臉時輕聲地說，然後別過臉去。

「咩話？」我聽不清楚。

「無嘢啦，包啦你。」她漲紅了臉。

—————————————————————————

「個呀sir好奇怪呀。」

我和憶洛一同回家。

「少少啦，佢話成日係街見到有人暈低，我咁大個人都未見過。」我說。

「咪係囉，同埋佢講得好恐怖，好似樣樣嘢都會死人咁。」她說。

「可能人真係咁脆弱呢，佢可能經驗豐富。」

「你好衰呀，咁講人。」憶洛把頭貼在我的肩上。

我享受著她的重量，這份壓在我心上的重量。

「喂，我第時要做死先嗰個。」她抬頭認真地看著我的眼。

「無啦啦講呢啲。」我疑惑。

「你應承我先，你要遲過我死。」她舉起尾指。

「點解……」我沒有勾上。

「因為……留低嗰個人好慘，死咗就話無感覺姐，但留低嗰個要成世都傷心喎。」她說。

「邊有咁早死呀，你同我廿歲都未夠。」

我不想談論生死的話題，這個話題過於沉重，不應該是我們這個年紀要面對的事。

「點知嫁喎，你應承我先，你要長命過我，我唔要做傷心嗰個。」她再次舉起尾指。

「好，我應承你盡量。」我勾上了她的尾指，並貼上姆指。

「我死咗十年之後先准搵過第二個喎。」她盯著我說。

「我有多十年命再算啦。」我笑說。「到時我都七老八十啦，你都係老婆……婆啦。」

「你先係老公……公呀。」她甜笑著靠在我身上。「我永遠都係美少女。」

「係啦係啦，七十歲嘅美少女。」我緊握著她的手。

我想起夏蕙姨。

「係二十加五十歲。」她也用力地回握。

何事我會妒忌我會擔心魔鬼搶走你
何事我每次都不知不覺越來越想你
腦袋不停為你轉到企不起
我想你笑 我想你跳 我想識法術 想留住你

Ekids——開始戀愛
https://www.youtube.com/watch?v=EHFUbtNYCN8

小月月 2021-8-28 22:27:10 出了，多謝支持

:^(

小月月 2021-8-28 22:27:23 多謝巴打

:^(

小月月 2021-8-28 22:34:57 今日睇STR嘅徐乃麟炎上，遲咗出文，唔好意思

:^(

小月月 2021-8-28 22:35:21 如果大家鍾意嘅話，都可以follow我IG，都有短文睇

:^(

當然呢到都會繼續更

:^(

佟本月
IG：_mono___tonee
https://www.instagram.com/_mono___tonee/

偏偏喜歡你 2021-8-28 22:37:51 係咪有人會死

:^(

M.Kuzminskas 2021-8-28 22:38:53 Ekids

:^(

:^(

讀文科乞食 2021-8-28 22:59:49 推

偏偏喜歡你 2021-8-29 00:00:39

:^(

陳曉彤 2021-8-29 00:25:08 此回覆已被刪除

午前二時 2021-8-29 00:54:00 應該會好撚sad

:^(

留個名

讀文科乞食 2021-8-29 01:09:50 推

宮園花 2021-8-29 01:57:10 皮已正

:^(

樓主加油

山區兒童窩巴 2021-8-29 02:49:34 推推

山區兒童窩巴 2021-8-29 02:53:21 推推推推推推推

讀文科乞食 2021-8-29 10:16:05 推

偏偏喜歡你 2021-8-29 12:30:17

:^(

:^(

微風吹過是答話 2021-8-29 13:51:43 憶洛係咪知道咗身體有啲問題 所以先咁講

:^(

小月月 2021-8-29 16:56:49 ekids fans，睇嚟巴打都同我一樣有返啲年紀

:^(

小月月 2021-8-29 16:57:08 多謝巴打支持

:^(

小月月 2021-8-29 16:57:22 多謝絲打支持

:^(

小月月 2021-8-29 16:58:33 廢事劇透，劇情留言我就唔參與討論啦。

:^(

多謝大家支持。

:^(