渣你大波波
好正呀喂
:^(
Ads
taiwan
真係好撚平
講開又講，有邊個香港人平時唔係頸緊膊痛丫， 所以其實我一到埗呢，已經為大家book咗做Spa架啦
我做Spa係參考返trip advisor 嘅ranking 然後睇價錢，我一睇，屌你間間都平到咁
仆你個街做70分鐘body + hot stone 都係大概USD 11 (HKD 88) ， 我記得90分鐘係俾左HKD 120左右。我所講嘅價錢係講緊排名頭10嘅spa ，已經即刻狗衝book 定
但係由於有朋友仔腳傷，佢完全做唔到，所以最後決定我哋三個一齊出去食飯，之後送佢返酒店剩低兩個出去嘆下琴日食咗一個檔仔印象幾好， 今日又係揸住電單車行到邊食到邊。 :^(
離遠見到有個檔仔，即刻停車，問題又來啦。今次真係完全溝通唔到，然後佢又冇英文Menu， 再一次出動我嘅身體語言，終於有好西食
Food food ? 扮扒飯
然後佢打開個飯煲該指住啲白飯，對住我舉起隻手指公
然後佢就指住檔仔入面啲雞肉，魚，菜，豆腐之類，我估計佢應該問我想食邊樣
其實係咪即係越南碟頭飯
作為一個暴發戶，其實係咩都想試吓
我同佢講全部都要
然後佢都係聽唔明
我唯有用手指指晒咁多樣嘢
佢望住我哋個樣好似望住啲餓死鬼投胎咁樣
但係，好多年冇試過係啲小木枱，沙地上面食嘢，其實我覺得咁樣食幾有風味
細檔真係細檔， 佢唔使2分鐘已經上枱，最特別係佢會比碟豉油你撈飯食，個時候我試咗一試，發現佢入邊應該有用雞油，同埋都係甜，佢唔似星加坡嗰一隻咁稠，似係我哋平時廣東豉油再加埋熟雞油，入口甜而且香。
佢哋嘅碟頭飯同我地食開有啲唔同，可能佢哋天氣比較熱，一般來講佢哋食嘅飯唔會太過熱，會係微暖，甚至乎係凍嘅。
先講味道，佢地嘅豆卜比較硬身，但係咀嚼之下會有一股天然嘅豆味岀黎，比較淡，橙色嘅係一種酸甜汁，加埋一齊食會覺得好鮮，而且係有股回甘。佢哋啲酸菜同我地食開嘅冇咁鹹，反而比較好送飯。雞肉同我哋食開講求滑係唔一樣，其實都幾撚鞋但重點在於，may姐教落，食雞要有雞味，呢舊雞唔使落雞汁，都已經有好濃郁嘅雞味。有理由相信雞係新鮮雞。透過燒嘅方法，加埋啲甜燒汁，同埋入口嘅嗰一股炭香， 伴隨着一陣陣嘅微風， 雖然好撚大塵。 :^(
加埋前面提過嘅甜豉油
嗰股東南亞嘅風味湧撚晒上嚟
果舊魚就真係好彩只係叫咗一碟，睇個樣同食落去似係青魚。點樣去形容佢呢，有啲似係咬完嘅蔗渣，乾撚到搵我啲口水索返入去咁撚樣雖然燒左係好香，但係我寧願佢燒啲小魚干應該好食啲， 真係真正嘅多舊魚 :^(
碗湯又有少少on9，由於就咁食真係有啲乾，我問佢有冇嘢飲
Drink ? 然後拎起隻碗扮飲嘢
屌佢老母佢攞咗一碗節瓜湯黎
我心諗我平時都唔撚飲湯架啦，但係無辦法真係口乾，即管飲
一飲，發現人哋碗湯係凍嘅，有節瓜嘅天然甜味，又幾解渴， 唔知係咪順便下火，佢哋食太多燒烤野
到埋單嗰一刻，我地發現
每人係盛惠HKD 9
我咁撚大個人都冇試過唔使＄10食一餐飯
仲要個嬸嬸係超級友善，雖然大家語言不通，佢在場仲有個應該係佢孫女嘅小朋友， 我地同佢打招呼say hi ，佢會叫個小朋友同我地打返招呼
然後小朋友怕生寶向後跑
佢鬧個小朋友唔知咩，最後個小朋友係咁喊
搞到非常之唔好意思
就係咁，我哋食完餐非常道地嘅飯之後，正式向spa 岀發
真係好撚平
Ads
Ads