Ads
Ads
去到第二日(瞓撚到成點幾鐘)，正式開始我哋嘅行程，話晒都已經養精蓄銳左成晚，又食左咁多蝦，唔周圍行吓放放電又點得呢。
酒店旁邊其實已經有地方可以租電單車，一日大概係 150,000 VND (HKD 50)，需要留低Passport作為抵押，先俾第一日錢，剩低嘅去到走一次過俾錢。
當然，呢度係冇人理你有冇電單車牌的
WFC
我哋本身呢搵咗一間餐廳，我哋去旅行搵餐廳嘅原則係有一條公式的
Trip advisor 排名頭1/8 (12.5%)內，距離又比較近嘅會優先去試，當然如果行過有嘢得意都會想去食啦
咁我哋就好勇地， 租左兩架電單車，一個負責癡車坐嘅同時，負責睇地圖帶路。剩低嗰一個就係後面跟住行。
作為一個貪生怕死嘅肥仔，我當然係負責帶路啦。 雖然其實曾經係大陸做半年野，都係電單車咁渣左半年。
對過路程，需時大概20分鐘，直接出發！
點知意外就係咁樣發生
峴港 嘅馬路係幾容易行同埋搵， 佢有啲似係一個大嘅長方形，中間不斷有好多細路。佢係靠住唔同嘅大迴旋處去疏導交通，一般來講一個迴旋處，至少會有四條線。
係渣左唔夠10分鐘嘅時候， 我哋發現後面嗰個唔見咗，初初都只不過係覺得係咪我哋揸得太快。點知等左5分鐘， 都唔見佢， 我哋就逆線沿路搵人。
係呀你冇睇錯，越南啲馬路可以逆線架，係個撚個都係咁樣，逆線就靠左行， 唔好問我點解
揸揸吓突然間係路邊有人發出 "有震撼性嘅聲音" ，其實即係廣東話
停低一睇， 今次仆街啦，成隻左腳都係血，佢話係迴旋處有架大車面對面來， 佢一驚個下比錯油，就失控沖左上行人路，個人飛咗落車
不幸之中嘅萬幸係， 佢似只係磨姜傷左， 唔似斷骨， 其他車又冇碌過左佢。
路邊嗰啲檔仔嘅大叔好好人， 即刻沖出嚟扶佢坐低，幫佢推埋部電單車，拎支水俾佢，搵嘢整埋花咗凹咗嘅地方，幫佢清理傷口用消毒藥水洗一洗先。仲要唔肯收錢，只係收返整電單車嗰少少顏料錢。真係好多謝佢，希望佢一切平安 :^(
係呢啲咁危險(?)嘅關頭，我哋即刻車佢返酒店，一入酒店大堂，成間酒店啲人沖出嚟，即刻已經有兩個人扶住佢， 可惜係男嘅。問佢洗唔洗去醫院，又幫佢去咗買紗布，消毒藥水。即場幫佢處理左傷口先，睇佢個死樣都應該冇傷筋動骨。酒店都話可以搵人陪佢去醫院，最後佢決定休息一晚睇下情況先。
同時俾我哋不斷恥笑佢
呢個故事教訓我哋
做事唔冷靜
屎都有得食
你怕未信主迴旋處一路行囉，點會唔等姐
Ads
今無叫雞？
有*
無，但爭啲
無諗住叫但伏左，後面會講
巴打返左香港未？
我依家係峴港係咁比司機Suggests 我地去叫雞
由於各種政治因素，人愈大就愈難同巴打去旅行，所以每次可以齊人岀動都係一場未必有下次嘅冒險。去之前其實都上網搵下有無咩參考，發現有幾個地方可以update 下:
Q1. 簽證落地整定香港整？
A: 我哋係喺香港整定簽證，原本怕就算快證都要四至五個工作天，可能趕唔切，原來而家已經可以即時搞掂，只需要俾錢就得啦。印象中即時拎走嘅簽證係HKD 700，領事館係有埋鉸剪膠水俾大家，可以將證件相癡落份表格度，好user friendly
Q2 . 係咪需要係護照入面放錢，先入到境？
A: 完全冇啲咁嘅事，反而係排隊嗰時，啲字有分本地人遊客唔同line ，但係實際上根本就個個亂咁排
Q3. 點解唔整落地簽證，明明平啲
A. 當初係考慮到我哋去到當地已經夜晚六點鐘左右，整得來唔知搞到幾點，而實際上係啱嘅，我哋嗰班機一去到，得壹個窗口處理落地簽證，已經有二十幾三十個人喺度排隊，仲未計我自己排入境，嗰一刻覺得＄700係值嘅
Q4. 上網點安排？
A. 小弟自己係做上網電話卡生意，所以有電話卡，價錢其實差唔多，喺機場買七日無限數據大概係港幣60至70 。佢哋會有埋支針幫你搞，最好現場試咗用到先好走。因為我哋喺條街行左幾日，好似唔係好覺邊度買到電話卡。如果唔係就要用返酒店wifi啦
Q5. 唱錢應該去邊度唱？
A. 係峴港機場一岀已經有一部匯豐櫃員機，我哋係喺嗰度拎錢嘅，rate 大概係 1HKD : 2900 VND ，留意番每一日有最高限額，印象中係拎5.2 M VND左右，大概 HKD 1800。 我哋都唔知點解，明明開通左海外提款個額係高好多
酒店都有得唱錢，大概係 1 HKD : 2750 VND，大家可以參考下
Q6. 住邊間酒店？有冇安排機場接送？
A. 我哋係有安排機場接送，因為費事同的士司機講價，反正我哋有三個人。接一程係 VND 375,000 (HKD 125)，回程去機場坐番的士 價錢都係平少少，大概 VND 280,000 (HKD 94)
住係a la carte da nang beach hotel，酒店嗰個人都好好好熱情，由於旅程途中遇上意外，佢哋都好幫手。詳情遲啲再講。
我哋去旅行嘅大原則，係瞓到自然醒，盡量都周圍搵好嘢食，景點一般，希望會識到當地人一齊去玩，所以我哋冇去好多景點。主要都係嘆世界為主。
送上一幅飛機圖開始