Ads
Ads
臨近Paris,同Budapest一樣,條路同隔離highway夾埋咗,突然成個節奏變得勁快,啲司機係咁呠我,嚇到我一見到出口就嗱嗱聲逃走。
:^(
明明就唔係highway
進入Paris範圍,感覺呢度同Brussels差唔多,唔通因為大家曾經係同一個國家?但有樣嘢係同我認知嘅一樣,呢度真係比起一般歐洲城市污糟,好多地方都好似好殘舊咁。
:^(
狹窄嘅單車徑
:^(
:^(
Here I am, Paris.
Paris畀我嘅印象有少少差,因為呢度竟然係冇人會尊重單車手,首先車唔會讓,其次係大把人會喺單車徑上面行,我差啲以為自己入咗天水圍。我花咗成粒鐘先入到市中心Warmshowers host嘅屋企樓下。
我個host仲要係女嚟,叫Marie。去到嗰陣,我先記得我冇問到佢屋企係邊個單位!望住大門出面九萬幾個門鐘,冇wifi冇得打電話嘅我棟撚咗喺度,搞乜鳩?咁啱得咁蹺,呢個時候Marie條仔Gael返屋企,見到我身裝束,佢都唔使問啦?直接帶咗我返屋企。
:^(
做乜成日逼人飲酒?
Marie同Gael同居,佢兩個唔算係熱愛單車,只係貪得意玩吓Warmshowers咁,除咗呢餐飯,我留咗喺Paris兩個full day,都冇乜機會再同佢哋接觸,曾經有晚佢哋邀請我去一個好遠嘅地方同佢哋班朋友食飯,不過當時行完成日,又返到屋企有wifi先收到個message,我就婉拒咗。
其實自己真係唔太識做人。
當晚吹吓水,飲吓酒咁,算係好愉快咁渡過呢一晚。第二朝,諗住出發去羅浮宮前,因為Gael話叫我喺佢廚房搵到乜就食乜,咁我見到雪櫃幾支奶,咪拎嚟沖自己啲粟米片。點知,一食完,我就知中伏。
:^(
仆你個街,飲撚晒我先知三月過期?!可能你會話有機會係製造日期,我就特登影埋另外一支,屌你!五月嘅!當時四月尾咋!
過咗期個幾月,仲要係奶類,佢過期嗰日我仲喺土耳其……到今日我仲有命同你鳩吹,可想而知法國連鮮奶都同紅酒一樣,越耐越醇嘅。
Ads