不敗丹尼爾 2017-6-27 23:06:23

丹巴 純粹好奇問下

:^(

而家籌左四皮幾野
出版商會印幾多本 左右

:^(

因為依家想做全彩，頁數又比之前預計多，呢層要佢哋計咗數先
佢哋又畀好大自由度我，加加埋埋成本都好撚高

:^(

眾籌夠唔夠cover條數

會睇住條數食飯
當然條數越大，會花多啲落去印刷同宣傳上面
揀得眾籌，就係因為商業考慮會低好多，可以整一本自己想要嘅書，希望會同一般嘅唔同

無止境的冗 2017-6-27 23:39:07 丹丹等錢洗?
又接多廿個客

:^(

不敗丹尼爾 2017-6-28 00:12:16

丹丹等錢洗?
又接多廿個客

:^(

接多十個呀數學家

不敗丹尼爾 2017-6-28 00:12:52 2015年4月28號朝早六點，我喺法國最後一站、海港城市Calais嘅Jeremy屋企瞓醒，準備出發前往碼點，登上七點半嗰班駛往英國Dover嘅大輪船。


剛剛日出嘅Calais

同Jeremy食過早餐，執好嘢，出發嗰陣已經係六點八。雖然Calais好細，但我亦不禁心急起嚟，怕錯過班船，唔能夠準時踩到London。向住碼頭進發，離遠見到一條條貨車長龍，我就知道冇嚟錯地方。


排隊入碼頭登船嘅車龍

對於我哋香港人嚟講，揸車搭船呢樣嘢似乎比較陌生。實情係，喺西方國家，揸車上去更加大型嘅交通工具係非常常見嘅事，例如荷蘭、比利時等地都有大船畀車上，渡過英法海峽去英國；而法國亦有Eurotunnel，畀車上去喺地下隧道運行嘅列車，來回英法。


穿過車龍，尋找出境處

原來貨車群有貨車群嘅路，我行埋去，其實係行錯路。花咗啲時間離開車隊，終於到達Calais碼點嘅office，點知職員話唔係呢度出境！畀佢哋叫我直接去排隊離境，好彩呢度唔係用咗好多時間。

喺Calais呢度，離開法國國境之後，係即時有另一個好似過隧道畀toll咁嘅counter入英國境。問題就出喺呢度喇，嗰陣都唔知英國海關放人入境係幾咁嚴格，問九十幾條問題咁，基本上我朝早以後嘅節奏就係喺呢環被打亂。


英國入境

喺counter度，英國海關問咗我好多問題，例如我點樣嚟、諗住喺英國留幾耐、點解拎咗visa咁耐先入境等等，因為我行事光明磊落，根本冇嘢隱瞞，所以佢哋都冇懷疑過我。唯一嘅問題係，佢哋對比我護照個樣，望住我依家個乞衣樣，根本就唔相信我係護照嘅持有人！

我費盡唇舌同關員解釋，佢哋仍然唔打算信我。最後關員問我：「你有冇其他證件證明到你嘅身份？」


讓開一邊，等候答覆時唔好阻住後面

我隨身攜帶嘅係得身分證同歡樂卡，當然第一時間係拎張身分證出嚟啦！當時我都打定輸數，佢見到我張十八歲影嘅身分證一撚定唔收貨，吖屌你老鼠！竟然畀我過喎……

即係咁呀，個樣會唔會仲差得遠呀？

管家仔 2017-6-29 01:30:55 竟然無人留名

:^(

留名睇你由dover踩去london

:^(

告一段落 2017-6-29 01:31:23

:^(

陳皮 2017-6-29 06:35:42 留番個靚名先

GnMit 2017-6-29 08:12:51

:^(

Found404 2017-6-29 11:45:14 LM 先

亞克路 2017-6-30 14:04:04 睇完丹尼爾個遊記搞到我都著左魔

:^(

對單車認知白紙一張咁踩緊去西藏

:^(

而家到麗江

:^(

:^(

:^(

不敗丹尼爾 2017-6-30 14:10:50 喺等候英國海關放行嘅同時，關員似乎唔係好相信我一路喺香港踩單車過嚟，但面對住我passport上面一個個簽證同印仔，佢又冇得唔信。

其實我覺得英國海關係有條policy叫佢哋唔可以咁輕易放行，點都要問多啲問題chok吓你。就好似明明佢哋唔識分亞洲人嘅樣，都要我拎多張身分證出嚟，驚死我真係偷人passport用，唔會有多項證明咁。

「Enjoy your stay in the UK.」收到呢句，我就進入我旅程中最後一個國家──英國。當時係七點二十分，照理我係可以上到我book嗰班船，點知啲海關同碼頭職員喺對講機講完一輪之後，叫我唔好上呢班，上下一班。

「下一班係幾時？」我問。

「十點半。」咩話？三個鐘後？

其實我唔介意等佢三個鐘，但一嚟我唔知喺碼頭點樣度過呢段時間，二嚟有位睇我page嘅讀者Tony同佢太太Angela喺佢哋London嘅屋企預備咗今晚同我打邊爐，如果我遲三個鐘先上船，我點趕都係會遲到。

但，我又可以點呢？境都入埋，又唔使補錢，唯有一陣踩快少少，等Tony兩公婆唔使等咁耐囉。

實在太眼瞓，走咗去廁所出面嘅休息區坐住地下、懶理其他人嘅目光咁瞓到十點，之後就出咗去職員講嘅其中一個碼頭等上船。


當時我以為係呢架

等咗陣發覺唔係好對路，點鳩解得我一個喺度等？截停一個工人問，佢望一望我手頭上張船飛個站台編號，都係示意我繼續喺度等。等到十點三十五分，眼前嘅船依舊冇動靜，離遠見到船上有個船長咁嘅人行出嚟，我即時大嗌：「喂排隊搵伯母係咪呢班船呀？」

「等錯船喇戇鳩仔！」

嘩屌你！唔撚係又miss一班船吓話？

不敗丹尼爾 2017-6-30 14:11:28

睇完丹尼爾個遊記搞到我都著左魔

:^(

對單車認知白紙一張咁踩緊去西藏

:^(

而家到麗江

:^(

:^(

:^(

麗江，充滿回憶嘅麗江

:^(

賭神3.3 2017-6-30 14:31:05 本書有冇你個靚仔樣

:^(

未諗到個名呀 2017-6-30 15:41:20

:^(

等錯船喇戇鳩仔！

:^(

不敗丹尼爾 2017-6-30 17:52:42

本書有冇你個靚仔樣

:^(

冇可能有

:^(

賭神3.3 2017-6-30 18:48:39

本書有冇你個靚仔樣

:^(

冇可能有

:^(

冇得j

:^(

撒哈拉的故事 2017-6-30 18:52:44 書展7月中 搞唔搞得切架

:^(

星宿間的喵 2017-6-30 20:03:38

書展7月中 搞唔搞得切架

:^(

會好趕但唔係唔得

撒哈拉的故事 2017-6-30 20:10:13

本書有冇你個靚仔樣

:^(

冇可能有

:^(

冇得j

:^(

書展有冇得j

:^(

不敗丹尼爾 2017-7-1 03:04:29 嘩一日冇出公海睇post
依家瞓唔着碌吓先知原來自己係幾咁幸運，你班撚屌一直以嚟都錫晒我，冇屌我

:^(

:^(

:^(

I love you all

:^(

:^(

:^(

ITon99 2017-7-1 10:35:38 有實力同無實力嘅分別

:^(

留名等書

:^(

亞克路 2017-7-1 12:35:41

有實力同無實力嘅分別

:^(

留名等書

:^(

:^(

:^(

:^(

d mk5p故點同丹尼爾比

:^(

:^(

:^(

不敗丹尼爾 2017-7-2 02:07:25 情急起上嚟，我已經顧唔到方向，唔理東南西北，唔理站台號碼，離遠見到有架船上緊啲貨車，我即刻踩過去，截停一個處理緊上車秩序嘅職員，同佢講我嘅情況。

我知道咁樣係好唔禮貌，但我真係冇辦法。如果我再上唔到船，我今日唔使旨意到London！

職員好冷靜咁叫我等等，等佢完成手頭上嘅工作，佢會再幫我。焦急如焚咁等咗三四分鐘，職員終於搞掂晒手頭上嘅嘢，拎過我張船飛，同對講機講咗一陣，就同我講：「Follow me.」然後跑上架私家車，叫我跟佢車尾。

原來十點半班船根本就唔喺原先個站台！

爆到盡咁跟住架私家車去到碼頭嘅另一邊，已經見到啲車陸陸續續咁上緊船。全靠嗰位職員幫手，我終於有驚無險咁登上呢班原定十點半喺另一個站台、但去到十點八都未上完客而且仲要去到山卡拉咁遠嘅渡輪。


要上斜嚟上船……

今次係我唯一一次心甘情願搭其他交通工具，屌冇計啦，唔通學Hamburg嗰個Axel咁，改裝架單車喺長江度踩咁踩過英法海峽咩？

唔係唔想，閪識咩？個人又懶。


搞咗成朝，要醫吓肚加使埋啲歐羅

喺同一班船上，有一對年約五十幾嘅夫婦單車客，同佢哋一齊泊完車喺專屬區域之後，順理成章我哋坐埋一齊，了解吓對方。


船艙

夫婦嚟自澳洲，叫Graeme同Kerry，因為有段長假期，就飛過嚟西歐，兩公婆踩單車遊覽吓，佢哋仲講喺Paris參加咗一啲單車tour，有導遊同佢哋踩單車周圍兜，介紹吓啲名勝咁，聽落都幾好玩。


停車場嘅一角

從Calais去Dover只需要一個鐘，當有人傾偈，呢一個鐘好快就過。趁住佢哋去廁所，我自己走咗出去甲板，感受吓呢個相隔住英國同法國兩個傲慢而自大嘅國家嘅海。


咪又係水


遠處嘅……係英國？

呼……終於要到喇，英國。


澳洲夫婦

仆街 2017-7-2 02:09:02

:^(

ITon99 2017-7-2 02:48:02

:^(