Ads
你可以試吓拿著香港堆大學的“data science” degree睇吓過到英國揾唔揾到食:^(拿住香港堆大學去英國搵data science已經輸咗啦:^( 點解唔係用當地嘅學歷去搵工 而家係比較科目 你係比較緊大學區域 唔係同一比較點:^( 你試吓拿phy/math去faang搵工 相近大學排名 請個MDS 定phy/math你自己諗下啦
你可以試吓拿著香港堆大學的“data science” degree睇吓過到英國揾唔揾到食:^(
連登同好多人都會同你話要揀搵食科、專科,咪撚讀乞食科,咪撚學人講夢想,第時揸兜無人可憐。
無錯,錢一定係揀科時重要考慮因素之一,收入好影響到未來幾十年的生活。
不過,如果盲目用錢的角度出發,完全忽略其他個人因素,有機會得不償失,所以揀科之前要三思。呢個post絕對唔係叫你唔好揀專科,都唔係話專科唔好,而係揀專科要深思熟慮,唔好盲目跟風,否則幾年之後後悔想返轉頭更加難。
簡單嚟講,呢幾個因素要考慮清楚,到底你match唔match你要讀的科、選擇的行業
1. 出路、未來收入
2. 能力
3. 性格
4. 興趣
先講讀書,唔好以為DSE夠高分入到神科就等於一定搵大把。如果能力、性格、興趣欠奉,專科好難捱過year 1,每年唔少人quit U、轉科。假如你本身討厭對住數字,點讀account呢?討厭密密麻麻的文字,點讀law呢?怕污糟,點讀nursing出ward呢?另外神科都比其他科辛苦,無興趣、無毅力,真係好難撐過未來幾年。
無能力、無興趣,讀得唔好的話,GPA爛,hon爛,影響第日搵工,部分專業需要讀master,GPA爛點拎到入場券?除咗醫療,專業的income inequality可以好大,入到個科唔等於一定發達。
至於工作,你要思考自己性格、能力符唔符合行業的要求,一般分為語文能力同數理邏輯。點解專業唔係人人做得?就係專業要求高,而得小部分人能夠做到,人工先咁撚高。
同埋讀書同工作係兩回事,你讀書咬source搞得掂exam同assignment,去到翻工自然見真章,無得呃人,做唔掂,就係做唔掂。
由此可見,如果盲目望個錢字去揀科,最終都有機會揸兜。因為神科、專業的學歷只係你踏入呢行的入場券,之後係點,就望你做化,唔好以為讀神科就一定發達。
不過呢,如果真係好鍾意某一科,就勇往直前,唔好怕揀錯科,唔對路咪year 1 quit U,再報過JUPAS,或者轉系。唔親自讀過,真係唔知適唔適合自己,唔試就真係後悔。
最後祝大家成績優異!入到心儀的學系!