呢個真
唔同生理病好難話好就好
日子耐左點都會攰

利申 有情緒病朋友都難頂 想像唔到情侶會點

過來人，要逐樣細節拎出黎講，內容應該夠出書。

:^(

當你另一半有情緒病，一開始佢對你未太依賴，仲可以戴住個面具控制到自己，不過當佢同你越close，發現你會忍佢，就開始失控將啲情緒射晒去你身上，而情況多數只會不斷惡化。
你好快會覺得自己同佢嘅關係唔對等，自己只係一個情緒沙包。佢未必係特登對你衰，問題在於佢根本冇足夠嘅心智去同你建立健康關係。
去到呢個位，你對佢嘅愛就會不知不覺俾責任感，罪惡感，恐懼感取代晒。
直至有一日你突然望返轉頭，發現你一開始鍾意嗰個人已經唔再存在。

受氣其實好小事，你同正常人相處都會受氣，但係正常人有衝突，交流完之後係會去解決件事，然後move forward。
情緒病人會係同一個問題不斷loop，就算你軟硬兼施，佢都依然卡係個思考盲點走唔出黎，然後你又要同佢一齊承受。
你真係湊女嘅話，佢過幾年大個女都會成熟識諗。但係湊住個情緒病人，佢好大機會一世都係咁。
一個3歲小朋友發癲係可愛，一個30歲成年人發癲係可怕。
人嘅忍耐力係有極限，你頂到一個月，一年，五年，十年，五十年？

好多情緒病人根本面對唔到自己。
佢地唔少都講得出自己有咩表徵，不過硬係睇唔到自己個真正盲點係邊。
好多身邊人講埋俾佢知問題核心係邊度，佢地都會用好多藉口去合理化自己，或者呃自己已經＂識諗＂＂好返"。
事實上佢地心底就係改唔到，一有情緒就失控。

簡單黎講，佢地嘅病好大程度係長年累月嘅思維同行為模式。
基本上，佢過去成個人生都係用呢個模式運作，你要佢改即係要破壞佢原有世界，談何容易？

如果有情緒病的人唔係真心想好番，只係想做受害者，身邊人真係好慘。

他們對身邊人最「差」，覺得不用以禮相待，連基本禮貌都沒有。他們因為自己病而隨心發脾氣，覺得自己好慘，別人要遷就他們。有時候會想，是否他們本身性格有問題，但他們習慣用情緒病來掩護? 同時，又覺得自己咁諗好衰。

結論係，無論情人或朋友，當對方人身攻擊，要留意和尊重自己感受。不要自己死忍難忍。