識得愛人嘅入嚟

柳家掛機2021 2021-7-22 11:45:02 岩，每個人性格都唔同。

有人大男人，鐘意養女人；

亦有男人希望女方同樣共同付出；

無對與錯，只係適唔適合。

如果同對方唔適合，自然會分開。

兩腳極力子 2021-7-22 11:59:21 我諗絲打你而加應該好猶豫不決
介唔介意講下因為事會搞成咁

放棄人類 2021-7-22 12:19:16 唔知邊度講起。

本身外國同居，番左香港佢要我融入佢既世界間接令到我本身嘅世界崩潰左。中間佢變左好多，由視我如己去到係危機時刻只顧自己嘅安全同因為錢令到我好唔開心。即使同居翻，冇咗以前果種期待同幸福反而係焦慮同不安。去左做催眠therapy想知自己仲愛唔愛佢，淨係知道呢個問題令我心塞同心酸。但係諗起分手反而令我平靜。

由頭到尾可能我都知佢唔適合但希望愛可以克服

:^(

不吃貓的魚 2021-7-22 14:16:48 推呀推

兩腳極力子 2021-7-22 15:29:19 睇完都覺得有 d 心酸，又有少少共嗚咁

:^(

我上一段感情果時有 d 似你男朋友咁，不過無佢咁嚴重。
因為我個 ex 身體有 d 狀況 (天生嘅，但好輕微，唔知會唔會惡化), 但諗起要照顧佢我就好焦慮，之後咁樣就覺得自己好不負責任，之後就更焦慮，焦慮到有時會食唔落野，仲去埋睇輔導，希望可以解決到呢個問題。
最後我個 ex 頂唔順就分左手。睇返果段經歷，我好憎自己，所以嚟左呢個 po, 想學下點樣愛
絲打要加油，無論點你都會行到出嚟架

黃丸三（橫演姍） 2021-7-22 15:58:32 同意

柳家掛機2021 2021-7-22 16:28:33 愛係會磨滅，唔好為自己繫上道德枷鎖，

世上所有物質能量都係有限，逃唔過物理嘅定律，
愛都係。

迫自己鐘意佢，自己呃自己。

不吃貓的魚 2021-7-22 16:32:33 愛唔係質能，唔係有限

放棄人類 2021-7-22 17:37:41 咁點搵番？

不吃貓的魚 2021-7-22 17:38:37 向內尋找

不想打工的人 2021-7-22 17:56:45 認同,容許我借用小小佛教的講法
最愛的人其實是你自己認同你之前POST既講法,
眼前之物/人都我有互動一黎有呢個機會(譬如遇上)然後互動
呢個互動是你某類特質觸動到佢佢某類特質又觸動到你內在的部份->咁究竟你是愛佢定你自己呢?(強調一下冇話過從此唔再愛人)而是事情只是咁發生。

至於去到第二PART 流轉,由愛到唔愛/冇咁愛->當初不也一樣由不愛到愛?
心理學都有講你食第一啖鐘意既野到第一百啖個幸福感是會不斷遞減
呢個好~正~常,(要重申唔是從此做渣男渣女)不過呢個就是心既運作

去到第三PART 點樣搵番,嗯我都答唔到你點樣由愛一個人到唔愛再到番愛.我都不過是塵世中一隻9 UP的A0...不過向內尋找(只是一個比喻)唔是話真是找D乜野而是靜番落黎感受你既呼吸脈搏社會環境氣溫聲音一切皆可是你安心的方法,面前有一杯茶你是咁攪佢會是咁愈濁
但當你靜下心來原來可以咁清澈->原來我已經唔鐘意呢種模式/佢已經變左/我地已經唔夾冇所謂對錯只有合適與否.緣份到了 TIMMING過了要move on了,呢一刻仲愛佢既感謝佢,唔愛佢了都感謝佢
套戲完左了我地要番屋企了(NOT感建分 depends on you guys)

上面講果堆野 -心識流轉-色即是空空即是色已經有好多好多既答案~有興趣研究下
我都夠鐘收工了

:^(

祝福大家都平安健康幸福

:^(

不吃貓的魚 2021-7-22 18:38:46 臨收工推一推

不吃貓的魚 2021-7-22 19:08:01 再推

不吃貓的魚 2021-7-22 20:57:30 推

不吃貓的魚 2021-7-23 04:10:53 做醜人都係愛嘅一種

:^(

自high100 2021-7-23 06:47:44

:^(

白金黑水 2021-7-23 07:05:54 你用得催眠就自己心入面有答案

白金黑水 2021-7-23 07:14:02 同埋你未免參考得太多哲學

於我角度哲學有各家各派，各有所長，抄埋一碟只會令自己無所適從。而且哲學唔係腦內遊戲，而係生活踐行。係要真係做到出黎。

每當同人勸解既時侯都會對對方問以下問題：

1.當初一齊既初心是什麼？
2.初心是否恰當？（我見過一個當初純粹是攝時間，結果搞到出晒事）
3.初心大家是否還在？
4.初心將來是否能維持下去？
5.現在是否舒服？
6.如果佢有何問題，對方將來能否改善？我是否有問題同樣要改善？

其實答案心知，但要重拾理性。

非人類基因統合體 2021-7-23 07:58:46 人地係因為對你既外表産生吸引
你肥，走左樣
咪無左一致性，無左吸引力輸出

人地想走就唔怪得人

以上只係比如，不係只得一個原因。

非人類基因統合體 2021-7-23 08:17:24 拎起個杯好熱既水覺得痛但又唔低，係因為沉没成本
但真係痛到一個點，都係放要低

到尾回歸問題原點。吸引力條件+沉没成本-痛苦，你覺得贏唔到咪走

Ming仔 2021-7-23 08:33:30

:^(

自己都唔識愛又有咩資格愛別人

不吃貓的魚 2021-7-23 08:46:29 可以追追post先

:^(

，好多人都分享咗好多嘢同問咗好多好問題，我諗都好難一次整理，真係重有疑問先再問

同埋真係想大家可以分享多啲

:^(

Btw發現入嚟呢個post嘅，唔識愛自己多過唔識愛人

:^(

其實係咪個post名改錯咗

:^(

不想打工的人 2021-7-23 10:01:05 岩個杯太熱唔到唔放

:^(

兩腳極力子 2021-7-23 10:18:25 咁唔愛自己又難 d 愛人，其實係相輔相成嘅

不吃貓的魚 2021-7-23 11:07:57 啱嘅
其實似係內功同外功嘅關係
愛自己 - 修練心態、參透愛嘅特質
愛人 - 學溝通、學觀察、學同理心、學讓步、學劃界線

最後都係要練成絕世高手 - 內外都充滿愛嘅人