Ads
Ads
Ads
「係李中啊!李中著火啊!救命啊!」李浩突然發狂尖叫。
「點解咁夜仲有學生!點解會著火架!」李浩的行為就似是自己家中發生火災一樣。
「哼,係報應啊!」父親冷笑了一聲。
「點算好……都唔知仲有冇學生係入面……」李浩自言自語。
凡間一事一物已與李浩無關,就算他的學生還在學校,他又能做什麼?
「對唔住……」李浩放下碗筷,猛地飛奔到門口。
但他始終逃不過門前把守的鬼差,降威棒架在李浩的脖子上。
「阿浩!同我番黎!」父親語帶憤怒。
「我要去幫班學生……」李浩不斷重覆。
李浩父親已經淚流披面,雙手緊握拳頭,揮向空氣,把心中的悲傷與怒火幻化成力量全盤發洩。
他的母親卻沒有發洩,仍然維持一貫哭泣的聲線。
「浩仔,雖然你冇成功自殺,但就被人買兇殺死……你放心,我一定要幫你報仇!」父親的眼神充滿怒火,像是言出必行。
凡人怨怨相報何時了呢?報了仇,同時亦埋下雙方交惡的惡果。
「阿爸,千奇唔好衝動!我希望呢個社會幫我搵到真相,還我一個清白,而唔係要以怨報怨。」李浩走近父母。
「你比人買兇殺死,你比人屈你非禮女學生,我地個仔白白冇左清白,仲要冇埋條命,身為父親仲可以點容忍?」父親大力拍案。