證據都係睇人點解讀既，當上一代解讀完我哋既文化係中華文化，咪倒落你個腦度，等你覺得都係囉，如果好似你話在地文化，已經獨立發展出嚟，今日香港既文化，一樣同中華一D瓜葛都冇。但客觀上同日本，東南亞，甚至印度既相似性都一樣存在。你唔去解讀，話等人地考古發掘新證據，只係外判左比考古學家姐，但係如果個個考古學家/研究古代發展既人，都好似你咁等，就永遠都唔會有所謂既“新證據”出現。就係有人假設完，向比較容易搵新證據既路發掘，先有新證據。你唔同意人地假設，咪搵佢源自第度，又或者一定唔係源自假設既地方囉。你呢種態度，喺政治範疇仲 work , 為左減低變數嚟維穩，但係喺學術角度，完全係阻礙學術發展。