Ads
「某程度上，佢都係有意義咁死。」但係，我連佢死咗去邊都唔知。
「嗯‧‧‧？」
「關於張嵐嘅，你可唔可以講更多俾我聽。」我望住佢。
「唔‧‧‧」佢望一望我，打量咗一陣：「跟我嚟。」
大半夜，佢就帶咗我去張嵐以前讀個間中學。
「爬入去。」莫沉言同我講。
「直接入去就得。」我直接走去推開學校大門。
「正常應該鎖咗‧‧‧‧‧‧」莫沉言向我招手：「by the way‧‧‧跟我嚟。」
莫沉言首先帶咗我去間學校嘅其中一間班房：「呢到，係我哋以前嘅班課。」
「幾殘舊。」
「其實，喺你最低潮嘅時期‧‧‧有個人走入你嘅世界，重生點亮番你個世界，會係一件好浪漫、好有希望嘅事。」莫沉言望住以前自己嘅座位。
「但同時，有啲人個世界會因此變得扭曲。」我雙手放袋，說：「點亮還點亮，唔好令對方太過依賴至係上方‧‧‧‧‧‧否則佢一失去你嘅光芒，就會比死更難受。」
Ads
Ads