午夜夢寒 2021-7-12 11:46:59

:^(

我冇整晒捕獸人果堆衫，做完剝皮同研究成就之後已經崩潰咗

:^(

午夜夢寒 2021-7-12 11:48:30

:^(

理解唔到。覺得只有多米諾骨牌叫做好玩少少。二十一點、德州同插手指都好悶。

馬仔～ 2021-7-12 12:12:43 應該可以殺哂全地圖既生物

明里紬 2021-7-12 14:45:43 捕獸人個啲做左小小就冇做，懶

:^(

祖高域 2021-7-12 16:16:48 gta以前都係架車噴過D油避黑警 都係差唔多性質

:^(

Tomzz 2021-7-13 15:22:42

每玩一次都發現到唔同嘅嘢

未玩過嘅真係可以買隻玩下

狗眼看人妻 2021-7-13 15:24:39 此回覆已被刪除

牛仔左輪 2021-7-13 15:55:27 咁又咁講，未有相機之前，全世界都係靠畫像尋人架啦，就算係今日，個犯都唔會企定定俾你影，好多時通緝都係拼圖

:^(

狗眼看人妻 2021-7-13 16:12:26 此回覆已被刪除

大你老母陸 2021-7-13 16:30:06 此回覆已被刪除

操野呀屌 2021-7-13 16:53:10 唔小心舉左槍就嚇走佢

午夜夢寒 2021-7-14 18:14:32

:^(

john畀人認到係因為佢去殺邁卡。然後平克頓一路追蹤到。加上佢起郵局用過真名嘗試取件

午夜夢寒 2021-7-14 18:39:54 設計思路唔一樣。
巫師3係rpg底，主線頂多叫不過不失，話就話威倫、諾城、群島三條線平行，但實際上lv就限制咗你只可以跟順序去，齊裝齊突變開ng+先叫可以自由選擇。最吊詭嘅係，cdpr有為唔跟默認順序嘅人調整過主線同重要配角支線任務令到個故事邏輯上可以成立。而呢三條線完成晒之後其實都係變返大直路到結局。
巫師3真正做得比較出色嘅係支線系統，支線多、密、有趣，世界觀有加成，外加文本對白做得好，所以雖然演出係差幾皮，但浸沉感一樣幾強。

坦白講，因為巫師遊戲系列嘅故事雖然有拎原作情節黎魔改，但名義上係續傳，我以前唔覺得原作小說對cdpr嘅幫助咁大。直至我見到2077

:^(

:^(

事實上原作小說嘅世界觀對巫師3嘅遊戲氛圍有好大影響，雖然眾主角嘅性格、形象都有幾大轉變，變得更大眾口味更討喜，陰暗面幾乎冇晒。

至於rdr2。rdr2係動作冒險類嘅底。最佳體驗方式應該係，跟住主線行，到達一個新營地就起附近做支線(陌生人任務)同挑戰，再穿插主線。唔難發現，rdr2嘅主線，有時候要你遊戲時間等一至兩日先可以繼續。
至於rdr2嘅支線，最重視嘅係代入感，唔會成堆問號擺起你面前，而係特別睇重聽覺上的體驗。所有rdr2玩家一定都試過騎騎下馬聽到特別嘅聲。可能係偽隨機事件，比如強盜準備虐殺平民搶錢，亡命之徒搶劫馬車或者劫囚車，甚至可以係平民之間家暴、有人畀蛇咬親或者被野獸圍攻要你救佢。
亦可能係大型嘅陌生人任務，任務分成幾階段，大多都一定程度反映咗1899年果陣美國嘅人文、社會、文化。
再講講挑戰，rockstar嘅挑戰本質上係引導玩家去體驗遊戲裡面嘅所有系統，跟住做晒，理論上就可以摸熟晒成隻game。當然部分挑戰設計好有問題，只可以靠運氣，但獎勵都算豐厚。

兩個作品嘅人物塑造，起主角方面，其實好易睇到歐美喜愛咩角色

:^(

亞瑟同傑洛特都係果d講嘢勁有骨但帶少少自嘲同風趣嘅中年大叔形象，就算原作白狼唔係咁，都為咗大眾口味改成咁。
但因為故事時代背景關係，亞瑟嘅形象比傑洛特複雜。傑洛特呢個來自小說嘅角色本身有嘅過度自卑、偏執同自尊心完全消失咗，變成一個人見人愛嘅歐美風俠客

:^(

:^(

以上個人淺見。小弟steam上唯三，因為太鍾意所以買埋實體外加全成就嘅game就包括巫師3同rdr2。(題外: 仲有一隻係隻狼

:^(

)

午夜夢寒 2021-7-14 18:43:21

:^(

講漏錯rdr2支線嘅問題。排除陌生人任務，果堆偽隨機嘅支線，如果好似我咁不務正業，成日騎馬亂咁四圍走，去到第四章左右已經會見晒所有偽隨機事件咁濟，之後就係重複出現，比如畀蛇咬嘅人會: 「diu，我又畀蛇咬啦」，亞瑟答佢: 「diu，我都估唔到要求同一個人兩次」

:^(

rdr2嘅支線個呈現方式係好有趣，但豐富程度真係唔夠高。

午夜夢寒 2021-7-14 18:47:16

:^(

1690

狗眼看人妻 2021-7-14 19:12:58 此回覆已被刪除

大你老母陸 2021-7-14 19:19:16 此回覆已被刪除

好想食炸雞 2021-7-14 19:20:07 比蛇咬係會出好多次
去到後期隱約咁透露佢好似比人吸血吸上癮
專登捉蛇咬自己

:^(

午夜夢寒 2021-7-14 19:20:47

:^(

最初曾經去得好遠好偏避風頭，應該係蝕晒亞瑟留低嘅錢先返黎。
同埋john有提過去大溪地架，即刻畀老婆鬧到狗血淋頭。

:^(

起黑水鎮旁邊起牧場係個白痴女人嘅夢想。(雖然其實都係劇情需要)

午夜夢寒 2021-7-14 19:30:45 gow呢集其實反而加入唔少rpg同開放世界成份落去。
其實講開隻狼又講下。隻狼係一隻好特別嘅動作遊戲。因為佢將動作遊戲嘅門檻大幅度降低。
以傳統動作遊戲黎講，gow以前係sell巨大boss、動作血腥爽快，動作game黎講算輕度；dmc，係就係好易爆機，但高手同一般玩家玩嘅根本唔係同一隻game，隻game嘅良好體驗來自華麗連技令怪落唔到地；忍者龍劍傳唔使講，難度非常高。

而隻狼，睇落好似好難，但其他動作game難係難在你chok唔到招同反應唔夠快，chok唔到就係chok唔到，反覆練到chok到要花費大量時間，甚至練完都係得個桔，反應慢同樣難搞。而隻狼，甚至其他魂類遊戲，入門相對容易，難度曲線做得好，會令你有一種慢慢變強嘅錯覺。
呢個其實真係錯覺黎

:^(

玩家只係死得多，開始記得boss嘅招式，而唔係玩家反應練到快咗，chok招連招快咗。
隻狼只係專注起一兩個操作上面，就係招架同攻擊。並將呢一個核心玩法打磨極致。
只要接受到死亡係fs遊戲嘅正常流程，隻狼一周目通關基本上人人做到。

午夜夢寒 2021-7-14 19:31:31

:^(

咁其實都係rockstar用黎粉飾呢類事件唔夠豐富嘅小技巧姐，唔通真係特登set成咁咩

敬畏的寂靜 2021-7-14 19:48:43 我覺得RDR2 有幾問題

1)係支線重覆性太高
就算有劇情嗰啲 黎黎去去做跑腿 搶下野 殺下人

2) 係難度太低 經常 1 vs幾十

3) 係見唔到角色能力上既成長
用咩槍好似都乜影響 第1個鐘同第100 個鐘 既戰鬥好似冇分別咁



反而最好玩係唔理主線 支線 係裏面尻遛遛
打下獵

但打獵打耐左 想推下劇情就會出現我上面講啲問題


我後尾頂唔順skip 支線 快速推完主線算
換左角色之後上youtube 補埋劇情當爆左機

:^(

操野呀屌 2021-7-14 20:01:34

:^(

午夜夢寒 2021-7-14 20:10:15 1) 呢個重複度高唔係劇情問題，係玩法問題。其實連主線都離唔開跑腿、打劫、殺人呢類玩法。只不過隻game一切要素都係為佢嘅敘事去服務，而劇情其實唔重複。
陌生人任務基本上分兩類，一類對亞瑟或者其他幫派成員嘅人物塑造有好大幫助，另一類就係發揮rockstar自gta系列以黎嘅黑色幽默，諷刺時弊，或者玩下彩蛋。

2) 難度太低係因為隻game從來唔係難在過關上面，因為成隻game非常慢熱，玩家要投入係動不動就三四粒鐘掟入去，如果過關難度set得太高，係進一步趕客。
關卡真正嘅難度體現起拎金牌上面

:^(

堆金牌條件其實相當硬核，當然未去到傳統act果種程度，但都真係唔係咁易。比如咩無傷、唔食回血藥一條血打到完、有時間限制、要求暗殺唔畀人發現等等，都係常見嘅限制要素，令到個難度高d同比較有趣味少少。不過極少數關卡係存在金牌條件唔合理嘅問題。比如美國田園風光

:^(

騎馬騎勁耐，要同隊友搶人頭，仲要必爆頭擊殺，咁都算，npc揸馬車快過玩家自己揸，太早殺死車夫就一定超時，但太遲馬車又會飛落山。咁都算，最後伏擊階段，要等隊友返轉頭先可以開鎖

:^(

開死眼嘅時間仲會計時。卡咗我半日。但自此直至所有任務全金牌都冇再卡過。

3) 呢到其實係兩個問題黎。第一，見唔到角色能力上嘅成長。正如前文所述，rdr2根本唔係rpg，係動作冒險，動作冒險類遊戲本身就唔會有太多能力增長，最多只係有技能上嘅解鎖，咁呢點死眼隨劇情升級其實有做到。
第二個問題，用咩槍都好似冇分別。呢點的確係故事模式設計有問題，但唔排除都係向受眾屈服。
槍械性能同時停死眼嘅系統本質上係有衝突架。因為爆頭一定一槍死，開死眼會自動補滿子彈同埋無視距離，標記得到一定射得中。加上傳說背包嘅存在令rdr2可以狂啪蛇油無限時停。如果好似rdr1咁樣只可以靠殺人回死眼，就唔會出現濫用死眼嘅情況。
點解話係向受眾屈服，因為你望下線上模式

:^(

唔同槍超大分別。因為線上模式嘅槍有唔同縮圈時間，開死眼只係省略縮圈，敵人唔會變慢。於是散彈槍、狙擊槍、步槍、手槍都有用武之地，性能差好遠。

馬仔～ 2021-7-14 20:18:53 …..
人地講緊任務重複度高你就拉去講劇情重複度

以PS4 既盃黎睇，得唔夠一半人過第三關（依家唔知仲係咪），大部分人唔係因為難度高低，而係騎馬騎到訓著頂唔順

拎金牌我同意係挑戰黎。但同線性成長冇乜關係

死眼當解鎖能力成長會唔會太窄

:^(

:^(

都係果句，鍾意劇情向當睇片就真係唔錯，如果係鍾意緊湊同玩法新奇玩家就唔好勉強。