VantaBlack 2017-6-18 03:05:04 下一秒,當然是Cherry姐姐的發狂,畢竟我在她面前親手開槍殺了她的妹妹。

果然如此,但是在她剛要動的時候,我的槍口已經壓住了她的眉心:「你試下亂黎?」

發燙的槍口使她馬上後退掩住額頭,現在我才看清她的樣子,根本上和Cherry一樣,但是頭髮更啡,而且是長髮,雙眼紅腫,如果不是這樣還算眉清目秀。

「你...你...」

「人係我殺既,但係如果依加唔殺,等陣佢變成喪屍,總要有人落手。如果要有人做奸角,我唔介意個個係我。」

老實說,我沒甚麼感覺。對我而言,她只是剛剛識的陌生人。可惜是可惜,但未至於痛哭的程度。

她又驚又怒,同時傷心和不知存不存在的感恩之情同時在她腦中出現,大量的情感使她沒法處理,只能呆住用通紅的眼睛瞪住我。

氣氛變得彊硬,似乎沒法化解的時候--

「阿貓,放低槍。」

雙雙溫柔地搭住我的手。

「小姐...你..點稱呼?」

「高兒。」

「高兒,你冷靜D,係我叫佢開槍既。」紅姑娘走到高兒背後,輕輕搭住她的肩,「對Cherry黎講,係一種解脫,而且佢一個人既行動,救左好多人,佢死得光榮。」

「但係...但係....」這是甚麼表情,情緒崩潰?

紅姑娘看準時機,一把將她拖入懷中:「盡情喊啦,會舒服D。」

「嗚嗚!!!」

我把槍收起來,低頭沉聲道:「雙雙,你唔會怪我?」

「我...我唔知。」她和戰鬥時,判若兩人。

「唔緊要,我亦...」

我想說我不在乎。

但馬上我就知道這是在自欺欺人。

我很在乎她怎樣看我。

「.......我亦唔知點睇自己。」

我倆都只能沉默。

蒙混過去吧。

戰場的收拾工作馬上展開,被咬到的人都被「處決」掉,再以防萬一分屍扔到不同地方,恐防屍變,當然我們沒有和高兒說。這是後話,表過不提。

世界是多麼的扭曲。

人類,也只能跟隨扭曲。

大人已沒有童謠 2017-6-18 16:06:32 此回覆已被刪除

VantaBlack 2017-6-18 16:55:44

寫得好好

:^(

:^(

多謝巴打

海上撈 2017-6-18 17:04:17 lm 呢個主角正好多

:^(

VantaBlack 2017-6-18 17:26:38 誤會總是一層一層地加深,當你去試圖解開誤會時,誤會總會如鬼魅一樣死纏不放。

在看過我們的表現後,營地的人至少可以肯定我們和喪屍的敵對,換句話說我們是站在人類這種。

終於在營地安頓下來,感覺很累。

吃著由德華反抗戰線運來,碎掉的威化餅和檬茶,突然覺得很唏噓。

紅姑娘說高兒一見到我還是會情緒失控,作為不受歡迎人物,我也自己去睡車子。

細小的擋風玻璃可以令我看著天上的銀河....

銀河.....?

香港看到銀河?!

漆黑的天幕,如恆河沙數的星星在閃爍著,一條淡淡藍色的光帶貫穿星空,如上帝也在以瞳孔凝視這塵世。

我..我多久沒有認真看過天空?

有人在接近。

我流暢地拔出手槍,指向腳步聲的方向:「邊個,出黎!」

「嘩嘩嘩冷靜D,我無惡意,我係呢度既話事人,呃,算係話事人啦。」

「名?」

一個人影高舉雙手從暗處走出來:「D人叫我做高隊長。」

「又係姓高?所以你係黎為你妹妹報仇?」我拉動手槍把子彈上膛。

「痴線架咩..我..我唔係呀救命,你放低槍先啦,你係咪對個個都咁有敵意架啫?」

我瞇眼打量這傢伙,方臉,中等身材,三七分界,大頭仔,看來沒有惡意。

暫時來說。

我把手槍收起:「高隊長,搵我有咩事。」

「我係..黎同你傾下計..」

我冷笑一聲:「傾計?定係想套話?」

「你對每個人都係咁既態度?」

好像是。

我不發一言,高隊長也自己接話:「我地呢度設立既目標,係阻止D人沖去送死。過左呢度,就係所謂既無人帶,個度係喪屍既領域,為左防止有人用車沖過去,我都都設好路釘陣,真係估唔到有人會揸運鈔車沖過....」

「我都估唔到自己差D死係人類手上。」

「......代佢地講聲對唔住,但係其實我地呢度都冇咩系列,我都係名義上既話事人...因為新界東呢邊喪屍太多,我地都只係打遊擊,定期由唔同既遊擊隊黎呢度當值防止有人沖入去送死,而我就係長留呢度..」

「點解你要長留呢度?」

他低頭道:「因為我既遊擊隊隊員,除左我之外,都死晒。」

原來是這樣。

「...唔好意思。」

「唔緊要..至少,佢地唔係白死..佢地死個時,都係同岩岩一樣。」

「同岩岩一樣?」

「一個黑衣人出現,發出好尖既音頻,然後喪屍暴走發狂。」

「你地都遇到過?」

「係..我就係唯一活落黎既人...一向弱勢既喪屍突然變成怪物咁強...」

「你知唔知佢地係咩人?」

高隊長苦笑一下:「我就係想黎問你呢樣。」

​

VantaBlack 2017-6-18 17:26:59

lm 呢個主角正好多

:^(

巴打有睇我上一個故?

:^(

VantaBlack 2017-6-18 17:44:16 「我有小小猜測。」我遞給他一盒檬茶。

他接過:「猜測?」

「簡單既推理啫,佢地可以點控制喪屍,即係話佢地了解喪屍,喪屍係人為製造,所以佢地同產造者有關連,甚至有可能就係製造者本身。」

「...嗯嗯,之後呢?」

「喪屍會被聲音吸引,而咁岩佢地都係用聲音控制喪屍,可見佢地好了解喪屍。而今日件事係突然發生,佢地都出現係現場,佢地點解咁快會到現場?」

「用車?」

我搖搖頭:「可以,當佢用車,但係佢地點樣知道呢度發生事件?製造者,佢地點樣知?或者係話,佢地搞到咁大件事之後.用咩角度睇緊成件事既進展?我未諗透。」

即使想通了,我也不想和其他人說。

因為答案本身,就不可以和任何人說。

製造者,恐怕已經混進了我們之中,唯有這樣,事件發生時他們才能馬上出現,穿上黑衣,控制喪屍。

這事只有我一人知道。

高隊長頓一頓:「.......的確..阿貓,你好聰明。」

我揮揮手;「下?係人都諗到啦。再者我都未諗到最後答案....」

「又唔好咁講,例如我就諗唔到...俾D信心自己。不過,我諗天光之後你地要走啦。有D人對你地仲有誤會,我好難做。」

「明既,我地都重有地方要去,你唔會欄我地?」

「點會。」

「..多謝。」

「好啦,今日都辛苦晒你地,架車...搞成點?」

「換左車軚,應該冇問題。」

高隊長拍拍我的肩:「黎啦,呢度邊訓得人,我有多個營,黎我呢邊訓。」

「不了,我訓唔夠生保..」

「咁樣,好啦,我俾個睡袋你,至少軟D。」

「多謝。」

看來是個很細心的人。

「個邊有瓦遮頭,你可以去個邊訓,有時半夜會落雨,拿唔好推我OK?你假假地都用消防車打爆晒D喪屍,英雄點可以訓車尾,俾面去個邊訓。」

那我就不推卻了。

在你背後 2017-6-18 18:21:29

:^(

VantaBlack 2017-6-19 16:16:34

:^(

VantaBlack 2017-6-19 18:24:56

:^(

葡提子 2017-6-19 21:01:43 黑衣人就係高隊長

:^(

VantaBlack 2017-6-21 02:22:08

黑衣人就係高隊長

:^(

:^(

VantaBlack 2017-6-21 02:22:20 第二天早上。

一陣氣息吹到我臉上。

從睡處中猛然嚇醒的我拔出背後的槍指向前方,一陣個人影隨著尖叫聲向後急撤:「痴線架你?!」

是...是紅姑娘?

「紅姑娘?你..?」

「有靚女叫醒你,你第一時間係拔槍?你GAY架?」

我失笑道:「對唔住,神經有D過敏。」

「睇得出,成日啦埋口臉,揸住拳頭咁。」

我把槍插回腰間:「我地..依加去邊?」

「繼續行啊,仲要去數據中心。」

我站起來伸一個懶腰,在開始踏入旱季,洗澡是一件自殺的行為,有水也只能用作注入水槍中攻擊喪屍,我昨晚也只是換過衣服。不過在這種喪屍末日下,一身男人味也沒幾個人介意吧。

「安仔,搞成點?」

紅姑娘和一個小伙子打招呼,他一身油污從運鈔車車底滑出來:「搞掂,CHECK好晒,性能冇問題,係冷氣弱雞左D,可能呢架車唔係FOR嘆世界用,哈哈。早晨,你就係阿貓?」

「無錯。」

「我叫安仔,係附近幫唔同遊擊隊搞下裝備之類,識少少機械整車個D,高隊長叫我黎幫你D CHECK車。」

「唔該。」

「啊,好冷淡....」

華DEE從旁走出來:「唔好意思啊,阿貓佢係咁,冇惡意架。」

說不定有啊,你怎可以幫我代言。不過這次真的沒有就是。

「由呢度再東進,就係無人帶,得喪屍,你地....你地.....」

「有野就講。」剛起床心情正不爽。

「一路好走..?」

我白他一眼,他回我一個鬼臉就離開。

「雙雙呢?」

「車上面,今日我同華DEE繼續坐前面,你可以繼續坐後座,雙雙去後面戒備。」

「唔使啦,後座有2個位。」

「冇位啦。我多左個人。」

多左...?

「高兒,會同你坐後座。」

「下?!?!」我大叫一聲,引來附近幾個人的目光,「我去坐後面算,你俾雙雙同個乜撚野高兒坐後座算啦!」

「唔得,雙雙負責警戒後面,一定要後面。」

「咁我同佢坐後面。」

「唔得,要搵人陪住高兒。」

「我唔排除行到一面同佢互相撕殺啊!」

「阿貓,」紅姑娘搭我肩膊,「聽多我一次講OK?」

我拍開她的一對粉色的手:「唔OK,今次點都唔OK,條白痴港女到依加仲覺得我係殺佢細妹既兇手,行到一半隊我一刀點算啊,唔得唔得!」

「唉,咁樣,華DEE同佢坐啦,雖然帶路唔方便。」

關我撚事啊。

座位安排就這樣定下來,我們由四人小隊變成了五人小隊。

雙雙.....

尋日情不自禁抱了她一下,應該不會被殺掉吧。

東部防線每天九時和六時各自開啟一次,當天要出去/進來的遊擊隊和人都要在那時間進出,然後防線就會密閉到下一次。這兒因為是接近無人帶,有雙重防線,穿過內部防線後,內部防線就會關上,接著外部防線開啟,好像是水下海洋科研基地潛水員進出的方式船,這聽說是安仔的傑作。

「你睥夠過未呀。」剛剛穿過內部防線,防線正在關上的時候我發現後座的高兒一直透過倒後鏡瞪住我。

「唔得啊。」

「死MK妹,白痴港女...」

除了我們的車後,旁邊還有兩架客VAN和一架貨車,前面的有輪貨櫃滑開後,就是喪屍的領土-無人帶。

「隆...」

「叮噹叮噹叮噹叮噹叮噹叮噹!!」這兒也有警報聲。

前面防線開始打開。

「好啦,一人少句。高兒,記唔記得尋晚我同雙雙同你傾過咩?」

「記得...」

「你到底跟黎做咩啫?要報仇就落車隻抽。」痛痛快快,別一直在這兒纏住我。

「我唔會殺你住,阿貓...」

「呵呵,多謝你大恩大德啊。」

外部防線完全打開,車子低鳴一聲向前駛出。

VantaBlack 2017-6-21 02:23:48 如果你睇緊,就是但做D野俾我知你睇緊,每一個ICON都係一種支持

:^(

在你背後 2017-6-21 18:05:22

:^(

平衡哥 2017-6-21 19:33:16

:^(

日日上高登 2017-6-21 19:57:24

如果你睇緊,就是但做D野俾我知你睇緊,每一個ICON都係一種支持

:^(

:^(

越唔自在越有意外 2017-6-22 12:58:11 睇緊啦 柒頭
快D出故啦

:^(

:^(

停頓迷宮 2017-6-22 13:57:11 Here

VantaBlack 2017-6-23 01:55:49

:^(

VantaBlack 2017-6-23 02:16:31 附近的車子馬上向不同方向駛去,很快就在廢墟之中消失。

沒錯,是廢墟。

喪屍在沒有狂化時,很弱,人類可以輕鬆壓制,香港處於這種狀態只是他們不想去和牠們戰鬥。所以在市區等人多的地方,你可以看到市面上大都是完整的樣子。

可是過了遊擊隊營地後,就不大一樣,喪屍出現的量明顯比之前多和密,還好我們現在能用車子以速度甩開牠們。

正當我心中這樣想的時候,事情就發生了。

「隆....隆....」

運鈔車發出陣陣怪聲。

「咦..?咦..?」紅姑娘猛踏幾下油門。

華DEE探頭道:「做咩事?」

「架車..架車好似..冇油但係個儀錶板又話有油架..」

我心中猛然一驚!車子昨晚有一段時間,我是離開了去睡覺的,在那段時間內,如果潛伏在遊擊隊營地的黑衣人有心....

「返轉頭!架車俾人搞過黎!」

車子速度明顯下降,引擎發出陣陣雜聲!

「冇理由架,安仔佢係好人黎架!」高兒發表不知目的是甚麼的言論。

「收聲啦白痴,再咁落去會死架!」

紅姑娘猛扭軚盤,用對講機:「雙雙,架車有問題,我地要返去,小心附近喪屍!」

我一把搶對講機過來:「除左水槍,準備好同人類戰鬥既準備!」

「人類..?」高兒一面不解,「你又想殺人?!」

「我地唔殺人,人地就會殺我地,呢個世界係咁架啦!」

「唔得呀,冇油呀!」

車子已經幾乎慢到彈動不了,發出急促的「達達達達--」聲音。

「點...點算呀!」高兒只會無意義地叫,在團體中她到底有甚麼利用價值?除了胸大。

「靜啦你老味,再叫會引把喪屍黎架!」

通常在連登那些九流小說,這時一定會下一場雨封住所有喪屍的行動,使我們能逃回營地吧!

我抬頭望天--

藍天白雲,刺眼的陽光在漸漸變冷的大氣中照射著。

喪屍開始從四方八面出現,我們如變成一個罐頭,任運鈔車再堅固,於牠們的猛攻下,總有被擊破的一刻..

窗外已經看到差不多一百頭喪屍在逼近。

黑衣人...這陷阱,簡直是完美。

這種生死關頭,我竟然這完美的奸計感到佩服。

​

VantaBlack 2017-6-23 02:16:50 度橋中,盡出

日日上高登 2017-6-23 08:00:41

:^(

VantaBlack 2017-6-23 13:30:03

:^(

大人已沒有童謠 2017-6-23 16:19:31 此回覆已被刪除