既然寂寞,點解我哋唔可以一齊?//《不如相愛》
上一頁
第 14 頁
下一頁
呂爵安(準時)
2021-6-23 02:18:20
伊嵐始終係靚女 憎唔落
:^(
:^(
佢既故事令我諗起周爸首守口如瓶
長年在駐守縱未夠運氣開口
暗中傾慕你也是我有的自由
相反青青份人都幾討厭
好似想做Playgirl做仆街
但係又做唔起
本身外在條件唔好 骨子裡又自卑
不過真係要讚樓豬 性格刻劃做得好
:^(
:^(
Ads
-,-快D好番
2021-6-23 03:07:43
支持呀行繼續勇往直前
:^(
:^(
:^(
:^(
-,-快D好番
2021-6-23 03:09:22
無勇氣又要眼紅青青 話自己惦過青青但懦弱
口話鐘意呀行但又唔敢面對又係度不停玩鳩其他男朋友 算鳩數啦
:^(
:^(
-,-快D好番
2021-6-23 03:10:23
青青都係on99 佢唔係想做playgirl
佢係想人對佢好 即係收兵
:^(
:^(
:^(
天在做人在看
2021-6-23 03:15:54
又唔係憎佢嘅
:^(
伊嵐選擇咗同阿行做朋友
但其實又唔甘心只係做朋友
只係覺得呢個性格都幾煩
青青就優柔寡斷
想試又要縮咁 另一種煩
不過覺得阿行同伊嵐定青青一齊都唔係咁好
前者應該會就哂佢 後者會令阿行好攰
好似兩個matching都令到段感情好畸形咁
:^(
拼命無恙
2021-6-23 05:23:15
呢種覺得無以為報而給予他人嘅行為,其實都係施捨嘅一種。愛一個人根本就無打算要得到啲咩,你可以避、可以拒絕,但唔好咁樣施捨我。寧願你話自己飲醉咗酒,起嘛大家無拖無欠。
曾經經歷過呢啲事,因為咁簡單嘅施捨而瓦解咗自己,覺得自己價值低到只配他人可憐,又會覺得為何對我無意又要獻我一吻,又或者一直我都被你仼意玩弄。
山區兒童窩巴
2021-6-23 05:58:20
:^(
:^(
:^(
:^(
DVD_ROM
2021-6-23 06:52:52
唉,點解要有愛情,點解要愛上一個唔愛自己嘅人。
Ryan 先最慘,名都無,又係真心被當狗肺
:^(
新傳閪
2021-6-23 09:49:48
青青出事在誤將一個同佢性格上夾嘅朋友 收咗兵
朋友應該係有來有往 但係佢單方便咁接受阿行嘅好
唯有用自己嚟報答佢 咁成件事就出曬事
佢好清楚自己唔想 亦都唔敢拍拖 佢淨係想有人陪自己 令自己開心
收嗲同我跳舞
2021-6-23 10:42:06
青青之前話過睇怕伊嵐之後會比故事青青得人鍾意好多,追live又真係好多人都對青青睇唔過眼
:^(
:^(
比較唔鍾意伊嵐評價青青時流露出既妒意。青青自己都掙扎緊,只係佢答阿行又真係hurt既......
偏偏喜歡你
2021-6-23 13:16:42
差7個正皮就有加更!!
嚟!!!
畀我一次過出多啲啦
:^(
Ads
白果
2021-6-23 13:59:19
青青咁樣都可以做playgirl
:^(
尋覓愛的哪一個人
2021-6-23 15:51:08
留名。
你的依賴 還在胸懷
我無法輕易推開 我無法隨便走開
感情中專心的人容易被傷害
天在做人在看
2021-6-23 16:38:29
204正皮
:^(
文呀 我要文呀
:^(
wtfcfw1030
2021-6-23 17:13:24
過200 有加更鳥?
:^(
拼命無恙
2021-6-23 17:34:45
其實我真係唔明點解青青覺得一定要回報返阿行,鐘意你係我自己嘅事,要咁樣回報我可憐我其實咪貶低咗我嘅愛
:^(
覺得值得去愛先會愛你,唔值得嘅自己會走㗎喇,從來都無諗住要啲咩回覆
轉圈轉圈哈姆共你
2021-6-23 18:24:07
幾日無入嚟,好多文
:^(
雖然青青咁樣都係收兵,但講真係幾吊癮
:^(
新傳閪
2021-6-23 19:14:14
其實係
不過接受愛意嘅人會覺得過意唔去
偏偏喜歡你
2021-6-23 22:27:36
她深愛了很久的男生,不應又被玩弄於股掌之中。
*
阿行等到要上課的日子,一進課室,便看見青青;課室也就得他們二人,距離正式上課,還有十二分鐘。
「做咩唔理我?」他主動地問。
「幾時?」她逃避。
青青的冷處理似將二人的關係都放進冰格,隨便由它結冰,硬邦邦也不理,柔情似水才難以擱擋。
「你唔覆我message喎,我send咗好多嘢畀你㗎。」阿行向她展示對話紀錄,全部都是他在自言自語,便故作委屈:「搞到好似我係痴漢咁,係咁騷擾你。」
這是冷暴力吧。
還有欲擒故縱嗎?
「Hi女學霸。」她左顧右盼。
「冇錯,就係仙氣!」他接話:「咁你做咩唔理我?」
青青深呼吸:「再係咁落去,我真係會鍾意你。」
阿行呆一呆,青青突如其來的告白,殺他一個措手不及。他發現自己總是猜不到她的下一句話。
如果這是遊戲,她在佔領上風。
「咁咪好囉,然後我哋一齊。」他將語氣放得很軟。
「我唔想同你拍拖。」
她的行為完全是在收兵,給自己套上觀音的光澤,卻無大慈悲心;他想起伊嵐說的、關於她的所有罪名。
「點解?」
「你唔夠投入咁鍾意我。」她定神看他。
青青細細思考,總覺得他的喜歡是「試着喜歡」,眉頭額角之間是很想追到她,卻不是一定要愛她。
她說中了他的真心話。
阿行忽然整個身體都定格,無言以對。
半晌,他說:「但我好投入咁追你。」
他承認了,他是喜歡她,卻不敢十分喜歡;然而追求她的欲望,亦隨求之不得和相處日久而漸漸濃重。
青青詫異於他的回答:「鍾意同追,係唔同概念㗎喎。你唔投入咁鍾意我,你有所保留。」
阿行覺得她貪得無厭,無法理解她的苛求:「你又唔鍾意我,如果我咁投入,我會好蝕。」
「冇錯。」她洩氣:「但係,我唔會同唔夠鍾意我嘅人一齊。」
青青不是迷信「有愛萬歲」,然而,相信如果不夠愛,講什麼都沒有用。
她有自我防衞機制,成年之後,她未曾深愛不愛她的人。變得越來越膽小的她,同樣更加考慮自己,於是目中無人,要求對方首先投入。
見慣不同男生手段的她,不會輕易投入關係,即使動心。可能因為如此,所以,她沒有拍過短拖。
他沒有再說話,只拿出電腦,隨便上網;她見狀,亦不再說話,二人一同靜靜地等老師來。
課堂開始。
老師說:「今日我哋講恐懼,集中喺一啲情感上面嘅懼怕——例如心結、陰影等等。嚟個熱身先,抽張代表到自己心結嘅牌,然後同隔籬位講吓,自己有啲咩係好驚嘅嘢?」
老師派發了幾張卡牌,同學一人拿了一張。
阿行和青青對視,二人有心結,雖然並不懼怕對方。
剛才的尷尬仍然籠罩他們,眼見老師快行到過來,青青便說:
「我好驚人嚟咗又走。好多人都講過鍾意我,但係好短暫,或者其實只係輕輕咁有好感,但又成日講到好鍾意、好愛;有時咁啱我都對對方有啲嘢,但發現人哋個世界好大,有好多其他女仔,我就會好失望——即使我哋咩關係都未有。所以,唯有對方鍾意我、好鍾意我,我先會相信對方短時間內都唔會離開我。」
青青的每一句話都是向阿行說的,緊緊握住畫着沙漠的卡。
二人親吻之後,她靜下來,不斷反思;最近,她和他說話的語氣已經變化了很多,她比以前嬌嗲和時時歡笑——唯有她的愛人才會見過這一面,因而自知已經喜歡了他。
遲來的目成心許。
阿行靜靜地聽,然後說:「你講嘢好人性化。」
「但好唔appropriate,」她分神看一看老師,說起悄悄話:「如果畀其他人知道我同你嘅事,一定會畀人鬧爆。」
論到阿行講,關於「恐懼」。
「我覺得,自己冇畀人真心鍾意過。」他凝神看她,向她展示黑黑灰灰的毛熊卡牌:「其他人鍾意我,都係鍾意我對佢哋好。我唔敢再投入咁多……好坦白同同學你分享一件事吖。」
他一動不動地正眼看她:「我而家有鍾意嘅人,佢好得意、好醒目,細我兩年;我追佢,佢唔受,但又成日同我玩。我覺得佢玩緊我,我唔敢再好似以前咁——付出太多。」
她怯怯地笑:「你鍾意嘅女仔真係衰。」
他滿不在乎:「係咩?但我諗,呢種事情,總要有一個人做勇敢嗰種,我唔介意——」
「好,夠鐘!」老師說。
阿行的說話被打斷了一次,二人變回鄰座座位後,他在青青耳邊說:「我唔介意真係投入更多,令你更相信我。」
她瞟一㬓他,淺淺地笑,看向老師。
休息時間,她打開電話,回覆了他的訊息,逐個逐個。
阿行偷偷和青青自拍一張,傳給她。
之後,他們去吃飯,不着邊際地隨便閒聊。
偏偏喜歡你
2021-6-23 22:28:05
阿行說:「我就嚟辭職。」
青青問:「點解?唔係做得好穩定?人工又高。」
「係嘅,但係,佢要我宣誓……」
「噢。」
「屋企人叫我繼續做,始終好工難求喎。」
「咁你點諗呢?」她專心看他。
「唔做,唔撚做,做失業人士算。」他忽然氣餒,又扮作亢奮。
「工冇咗可以再搵過份嘅。」
「啱嘅,伊嵐叫我直頭認真讀書就算,唔返工啦、咁辛苦。」他抓了抓手肘:「佢咁有錢,當然可以唔使做,但我手停口停。」
伊嵐時常心疼阿行需為區區幾百元奔走,她覺得錢沒有重要到要犧牲青春。
「叫佢包養你囉。」她笑笑。
「我有問過佢養唔養狗,識自己去廁所嗰種,但佢話佢只會養男人。」
「你都幾叻,咁耐以嚟都自己養自己。」
青青會過很多同齡人,多多少少也需靠家中零用錢幫補生活。每次,她認識能夠自己應付生活的人,都會感到十分佩服。畢竟,他們還是全職學生。
「唔係點啊?」
阿行不以為然,從十五歲已是這種生活模式的他,認為這便是「唔會死」的方法。
「好似好辛苦,返足一世工咁,會唔會?」
個個都當他是異類,身邊的同學、朋友,多數家境優渥,然後勸他不要再上班了,趁年輕,享受一下年輕應有的玩樂志趣。
但是,沒有辦法。
「提早適應啫,冇嘢喎。」他故作輕鬆。
如果他的父親沒有破產,母親不用辛勞工作,他本人也不會倔倔地將時間大把大把地花在上班。一切非他所願,但不可能逃避生活。
阿行轉換話題:「喂,如果追唔到你,我哋係咪冇朋友做?」
「點做朋友,咁尷尬。」青青快速地答。
「咁其實幾時先會知你哋公司請唔請我㗎?」他連續眨眼。
「我哋行政比較慢啲嘅,唔好意思,最快由面試起,都要等三個月。」她慢熱得似在精心熬製一鍋老火湯。
「咁都係剩返半個月就有結果啦?」
「係啊,無謂耽誤你前程,如果唔請你,都係盡快搵下一份新工好過。」她起來,與他一同將廚餘倒在筲箕:「東家唔打打西家,世界有咁多工。」
「可惜囉,同你咁夾,如果衰咗連friend子都冇得做。」
「冇計。唔肯定自己心意嗰陣就話啫,諗清楚之後仲同鍾意自己嘅人做朋友?以為仲有機嘅話,對大家都唔好。」
「明明就係因為你懶處理人際關係。」他篤穿她。
她朝他打了一個「咁你咪好醒」的眼神。
他們一同行路下山,話題又轉。
「有啲、有啲人有錢,就會睇唔起人。」青青不屑地說。
她的父母都從事薪金微薄的體力勞動工作,每日回到家,都已經十分疲累。多年來將一切看在眼內的她和弟弟,都在心裏發誓將來要好好報答父母。
但有些人,因為她的家境瞧不起她。
在同一個學府的人,笑過她來自不知名學校和屋邨,她滿面溫婉笑容,語氣和善地回覆:「你有錢過我咁多,有咁多教育資源,仲要考得差過我,係咪代表你真係廢啲?」
即使,她是一個自卑而時常比較的人,卻並不介意物質生活的缺失。
一分一毫都來之不易,小時候她都沒有玩具,自那時起,她便覺得吃喝玩樂的花費不是必須。她身穿中三時買的五十元的白色紗裙,出席謝師宴,別人以為那是貴價貨。所以,其實,安心便可。童年的慣性使她在物質方面不與人比較。
「啱啊,但人哋有錢又真係吹佢唔脹,好彩佢只能用錢睇人唔起。」
阿行說起,曾經有富家女追求他,說如果二人交往,她會保障他衣食無憂;更說他辛勞一生,也不及陪她逛街數天。
一個人富有的時候,連愛情都可以拍賣。
身價低者趨之若鶩。
「有錢女媾你?仲話肯包你?行哥仔有啲料到。」青青挑眉。
偏偏喜歡你
2021-6-23 22:29:40
「如果佢靚啲都可能可以。」阿行饒有趣味地說:「伊嵐知道之後係咁笑柒我,話佢可以出更高價錢畀我做佢屋企嘅maid maid。」
他常常都覺得,自己需要「有錢」,才能平等地接觸愛情。
這不是真理,卻是他成長當中的教訓。
Jenny說過,母親查問身為「朋友」的他,住在哪裏、在讀什麼;
結論是:「唔好同佢咁close,影衰你啊。」
別人一知道他要不斷上班,也猜測到他有金錢需要,原本相交甚歡的女生都與他疏遠。
這不是誰的錯,只是,他的「條件」未能令人愛上。
「So sad。你係我阿媽會鍾意嗰種囉,自己搵自己使。」青青說。
她的母親四歲時,已在印尼凌晨三時替家裏碌蝦、打蝦肉;常常都說,女兒一定要好好讀書。
母親手指的關節位發腫發大,像一顆打不開的核桃,令她越來越明瞭世界規則。
但是,青青知道,母親十分欣賞年紀輕輕便分擔家累的人,即使,這非任何人所願。
「咁奇怪?」
「大家都窮慣,所以知係咩滋味,咪好佩服。」
她記得,有次,有男生送她生日禮物,然後,禮物裏面裝了一疊現金,生日卡上寫:以後她可以過富裕的生活,只要願意和他牽手。當時,她一打開,便莫名鼻酸,隨後哭了出來,一發不可收拾地不斷抽泣。
她覺得屈辱。
別人以為她窮困,便會因金錢而跪下、替他舔舔睾丸和吞下整根陰莖。
她退回禮物、現金,只留住那張字寫得歪歪曲曲的生日卡,提醒自己。
之後,與對方再無聯絡。
她不討厭富人,當然也羨慕他們掌握資源。但是,她滿意現在的生活,有些事情慣了,便不會覺得有問題。
「希望之後可以有錢啲。」阿行說。
「係!」青青點頭。
他們都不追求物質生活,然而,窮困會被看不起。被低看的感覺,怎樣都是不好受。
「向資本主義低頭囉。」
「資本主義萬歲!」
阿行忽然䆁懷,寬心地地笑了起來,青青和他是一路人,二人無高低之分,他不需要變得「有條件」,才能繼續與她友好——唯一的指標,只是喜歡與不喜歡。
所以,她明白他。
他因而覺得,真好。如果她真是什麼觀音娘娘,那麼他也心甘情願,要是有女生不花他分毫,卻理解和聆聽他的心思,那點感情,就送給她吧。
「唔躺平了!」
「做韭菜!」
青青與阿行繼續圍着未圓湖散步,環迴了一圈又一圈,以為這是度假風景。
和他,是否散步,亦是真正聊天。
Ads
偏偏喜歡你
2021-6-23 22:30:16
嚟嚟嚟
進你邊忽俊
2021-6-23 22:41:13
多啲!!!!!!!!!!!
:^(
:^(
偏偏喜歡你
2021-6-23 22:41:47
下次加更係250正皮
:^(
多謝大家留言同正皮,亦感謝live咗/對故有感受嘅每一位。
希望巴絲仍然安好,極權展視咗,短短不足一年,甚至不足一星期,就收咗一間上市公司/營運廿六年嘅媒體皮。世上未必有準確嘅身同感受,然而此刻嘅痛苦連結緊人與人,想同此刻感到難過絕望嘅人講聲辛苦了,唔使加油都可以。我不認為多講幾句正面嘅說話事情就會變好,但係,相信每一位喺呢個世道下能夠互相扶持。
希望我今次呢個故雖然唔長、唔講大道理,但能夠令大家暫時輕鬆一下。飲多啲水,(我發緊燒,所以相信身體好緊要;最近都落雨凍咗少少,唔好病啊),希望大家身體健康,注意休息。
歡迎follow~
Instagram:@chingceciii(有文睇)
https://instagram.com/chingceciii?r=nametag
中佬三九
2021-6-23 22:59:29
留名。保重,多休息
上一頁
第 14 頁
下一頁
佢既故事令我諗起周爸首守口如瓶
長年在駐守縱未夠運氣開口
暗中傾慕你也是我有的自由
相反青青份人都幾討厭
好似想做Playgirl做仆街
但係又做唔起
本身外在條件唔好 骨子裡又自卑
不過真係要讚樓豬 性格刻劃做得好