萬言 2021-6-18 22:46:51 八點前冇得睇好似周身唔聚財咁

:^(

好彩瞓前咁啱睇到

:^(

推呀！！！

暈雲云 2021-6-19 00:30:57 自卑感反而係累事

低劣的水 2021-6-19 01:23:15 此回覆已被刪除

非gay佬 2021-6-19 01:29:36 推

:^(

加速

:^(

加甜

巧 2021-6-19 14:57:05 兩位主角係時候錫返嗒啦

綠茶綠茶 2021-6-19 15:00:16 Push

Hinsonk 2021-6-19 17:24:13 1日追哂 快啲出啦

RachelLiang 2021-6-19 17:26:19 係咪準備埋牙的前奏

:^(

山區兒童窩巴 2021-6-19 18:41:41 推推推

李逍遙 2021-6-19 19:13:11 Push

葉開葉開 2021-6-19 19:17:32 萬言巴咁比面，多謝

:^(

葉開葉開 2021-6-19 19:17:57 所以佢都仲係一隻小學雞

:^(

葉開葉開 2021-6-19 19:18:42 多謝支持，希望鍾意

:^(

葉開葉開 2021-6-19 19:18:58 總會有甜既

:^(

葉開葉開 2021-6-19 19:19:24 冇咁快

:^(

葉開葉開 2021-6-19 19:19:35 綠茶巴

:^(

葉開葉開 2021-6-19 19:19:52 我會加油，多謝

:^(

葉開葉開 2021-6-19 19:20:17 山區巴

:^(

葉開葉開 2021-6-19 19:20:31 二百一十

不過就算個蛋糕廉價都好，畢竟都係每一年慶生必備環節既一部分，希望秋兒姐姐會照樣鍾意喇。

講起上黎，唔知係咪真係因為小學比其他同學歧視得多，所以我好在意人地覺得我屋企窮。

連Kitty姐姐果陣都係咁睇唔起我。

但而家因乜解究我連對秋兒姐姐竟然都有呢種顧慮呢？

唔應該有呢種感覺架喎！

一方面我又知道秋兒姐姐一定唔會表現得唔鍾意，但另一方面我又驚佢響出黎做野之後眼界闊左，而開始嫌棄呢啲廉價既蛋糕（即使唔會表露出黎）…

我搖搖頭，細聲自言自語道：「痴線，你咁唔信秋兒姐姐既咩？」

我捧起個蛋糕行出廳，慢慢向秋兒姐姐行過去。

…

唔知係咪返工真係太攰，而我屋企又冇電視睇，秋兒姐姐竟然坐左響疏化恰著左。

我入左廚房都唔係好耐啫。

我行到去佢面前停低，猶豫緊好唔好叫醒佢。

…

…

…

秋兒姐姐真係好靚。

就算恰著左都真係好靚。

我…有種莫名既衝動…

想錫佢塊面一啖…

我慢慢咁烏低身…

慢慢…

慢慢…

慢慢…

將個頭靠過去…

…

…

…

秋兒姐姐塊面突然郁左一下！

嘩，佢唔係發現左下嘛！

我嚇到即刻成個人踏後一步。

同時個人即刻冷靜落黎…我啱啱究竟想做乜野！？

「嗯…熙熙？」秋兒姐姐伸一伸懶腰，伸一伸脷笑道：「訓著左添。」然後望住我手上面捧住既雜果忌廉蛋糕，甜甜一笑：「我都估你會買呢款蛋糕架喇。」

太好喇，秋兒姐姐好似發現唔到我啱啱既舉動。

「估到？」我即刻扯開話題先。

「係呀，年年都係食呢款架喇。」

「係咪唔夠妳個經理送比妳個蛋糕靚呀？」我擔心地問，驚秋兒姐姐鍾意經理送果個藍莓芝士蛋糕多啲。

「點會呢？」秋兒姐姐企返起身，同我一齊行去餐枱坐低，甜笑道：「我都係覺得生日一定要食呢款細細個既雜果忌廉蛋糕先似過緊生日。」

因為習慣左年年都係食呢款蛋糕？

「點解既？」我問。

「唔知呢…感覺呱？」秋兒姐姐轉身走入廚房拎碟：「咦熙熙，你仲未洗碗？」

「係呀，我諗住食埋蛋糕先洗。」

秋兒姐姐拎住兩隻碟同餐具行出黎，再望一望個鐘，笑道：「哈哈，我仲以為自己訓左好耐添，原來十分鐘都冇。」

「妳駛唔駛休息多陣？」我問。

秋兒姐姐都真係攰既。

「唔駛，我想同你食蛋糕。」秋兒姐姐向我甜笑道。

呢句野加埋秋兒姐姐既笑容，令我心入面甜一甜。

「咁我去點蠟燭先。」

*

只係普普通通咁熄燈吹蠟燭再許願。

不過我覺得秋兒姐姐既笑容比起佢下晝拎左碟芝士蛋糕出黎既時笑得真摯同高興。

呃…我係唔知佢響staff room點樣喇…

秋兒姐姐甜笑住咁食件蛋糕：「我生日都係鍾意食呢款蛋糕多啲。」

「點解既？」今晚秋兒姐姐第二次咁講，而睇佢既表情又唔似門面說話，所以我都好奇想知：「件芝士蛋糕唔好味咩？」

我就覺得好好味。

「件蛋糕係幾好味既…」秋兒姐姐諗左一諗：「只係我覺得…生日食雜果蛋糕好似啱feel啲…哈哈。」

「係咩？」

「係架！」秋兒姐姐真係食得津津有味。

似乎第三關都順利過埋。

*

「真係唔駛我幫手洗碗？」食過蛋糕，秋兒姐姐問。

「唔駛，呢度我屋企黎架嘛，比我威下囉，壽星女。」我執緊果兩隻碟入廚房。

秋兒姐姐諗左一諗，笑道：「好喇。」

「我去個廁所先。」我扮去廁所，然後我走返出黎走入房，將果部用報紙包住既手提電話拎出黎，擺響背後。

咁我屋企冇包花紙吖嘛！但就大把報紙！

「熙熙，你唔係去廁所咩？」秋兒姐姐見我響房入面走出黎，於是問我。

我神秘兮兮咁行過去秋兒姐姐身前，然後將份禮物同一張寫定既生日卡拎出黎，笑道：「秋兒姐姐生日快樂！」

呢個係第四關。

（待續）

即是咁 2021-6-19 19:28:28 其實熙熙咁都唔明自己對秋兒個心係點 同埋點解秋兒特別喜歡痴返埋熙熙嗰度 真係死蠢到不得了

:^(

:^(

原諒他吧 2021-6-19 19:35:19 400正評

:^(

:^(

:^(

樓主 聽日繼續加油

おみく 2021-6-19 20:15:58 好慘，又正評又爆po，葉開威幾耐冇唞過

:^(

:^(

李逍遙 2021-6-19 21:02:18 唔好俾佢停!
推到秋兒一齊

:^(

wtfcfw1030 2021-6-19 21:02:22 細路仔仲係覺得係姐弟型習慣

:^(

暈雲云 2021-6-19 21:07:32 傻熙熙咁都唔錫落去