我和鄰居大姐姐的故事(10)
上一頁
第 10 頁
下一頁
M巴就MBra
2021-6-13 18:02:02
謝德謙都穩既,但點解唔出渣古?
Ads
黑色熱浪
2021-6-13 19:12:59
推下先
:^(
:^(
:^(
小你個大老母
2021-6-13 19:44:03
Pushhhh
葉開葉開
2021-6-13 19:57:38
係兩戰
:^(
sor自膠
:^(
葉開葉開
2021-6-13 19:58:01
二百零四
雖然熱身果陣秋兒姐姐仲未到,但當球員們由球員通道步出球場既時候,我終於見到秋兒姐姐同Kitty姐姐坐左響看台上面既一角。
佢都留意到我了。
我同秋兒姐姐目光接觸,相視而笑。
全身充滿力量!
秋兒姐姐既笑容,就係我既力量泉源!
啊,原來淇淇佢地都到左!爭啲留意唔到添。
畢竟,只要秋兒姐姐在場,我既眼光就會不自覺咁比佢吸引左過去…
*
「贏埋日本…我地就可以晉身決賽週!」我地響自己半場圍圈既時候,隊長豪歌鼓勵大家:「對馬拉果場忘記佢喇,今場贏左我地就榜首,ok?」
「好!」
「預備…一、二、三…」
「香港!!!!」大家鳩叫。
*
球員散開…
響行返龍門位既時候,阿謙冷不防比阿必大力摵左屎忽一下…
屌我企響中圈度睇撚到晒,打左個冷震。
諗起阿必成日扮女人…
…
…
…
阿必其實係咪基架?
「嘩!撞鬼你咩!咩事?」阿謙真係無啦啦比呢一下摵屎忽嚇撚死。
「咪幾好,唔好一副愁眉苦臉既樣。」阿必笑嘻嘻地道:「記住,你唔係阿輝既代替品,你係阿謙,今日香港隊既正選龍門,做好自己得架喇。」
「咁都唔駛搣我蘿友架…」我感覺到阿謙既括約肌係縮左一下既…
「耶~都係一下之嘛…」阿必又扮女人…
屌…冇眼睇…
*
正如賽前預料,一開波我地已經瘋狂受壓,個波差唔多未離開過我地半場。
除左我之外既所有既進攻球員都加入到防守之中。
我就係因為戰術需要,所以並冇加入防守。
劉sir希望反擊既時候可以活用我既速度同技術,再配合我既射術去爭取入球。
所以點解今日會揀我做正選,而大舊佬做後備就係咁解。
講到尾,其實即係要我單打獨鬥。
同中一當年首戰對綠社,黑熊所用既戰術,好似冇乜撚野分別…
但老老實實,我都幾撚得閒…
因為個波都冇真係成功解圍過。
不過我地今日既防守非常出色,而且阿謙唔知係咪因為比阿必搣左下屎忽,成個人醒神晒,全場左飛右撲,竟然踢出不下於熊輝既表現。
所以我真係好專心響前面等波到。
我希望可以響秋兒姐姐面前一顯身手,取得入球。
但係…
就算吹完半場…我都係冇乜機會。
雖然係有零星既反擊,但個波未到中場就已經斷。
控球率我諗日本應該超過90%,但佢地依然未能取得入球。
至少,我地真係可以頂住半場。
上半場結束,香港 0-0 日本。
果陣真係好想贏波,但其實大個之後睇返,對住日本半場可以唔失波,已經係一個好大既成就。
*
畢竟係實力上既差距,劉sir其實都冇乜對策可言。
而單單係上半場要死守,除左我同阿謙之外既九位隊友已經消耗左好大量既體力。
「阿熙,你繼續留響前場,唔好返後,信任你既隊友。」劉sir既對策就係以不變應萬變:「你等緊既,係一個機會。」
我應道:「係!」
「阿顧,你下半場開始熱定身。」劉sir向大舊佬道:「打和既話都係要出局,我地必要時會踢三箭頭同佢地搶攻。」
盧家顧都應道:「係!」
「Keep住個勢,有波就進攻,冇波就防守!」劉sir又黎金句:「聽唔聽到!?」
但佢個樣同語氣真係好惡,我地唔敢唔應:「聽到!」
*
下半場既形勢其實繼續係一面倒。
有人話香港隊既穩守突擊好勁,但今場我地淨係穩守,都冇乜機會突擊。
而且上半場成大半隊人已消耗左大半體力,防守都開始散亂。
響下半場十三分鐘,日本由禁區頂開始猜波,我地既防守球員已經開始跟唔到個節奏,終於比日本既8號一個直線穿過達叔同豪歌,日本13號後上入攝近門撞入。
日本隊既球員開心到全部攬埋一齊,相反我地既士氣大受打擊,兩個中堅仲跪左響地呆望住網入面個波。
終於,香港 0-1 日本。
(待續)
輸劍因愁鹿
2021-6-13 20:13:11
心上人第一次來睇就輸波好似係一件正常既事
:^(
萬言
2021-6-13 20:31:50
P牌正評唔到
:^(
孤獨的覓食家
2021-6-13 21:21:07
又係十三號,睇嚟十三對香港唔係咁老嚟
:^(
暈雲云
2021-6-13 21:24:56
有秋ny安慰,輸都唔緊要喇
wtfcfw1030
2021-6-13 21:52:14
世事邊有咁完美
:^(
瓦努阿圖達文西
2021-6-13 22:05:35
好記得當年東亞運動會,香港贏咗日本攞金牌嗰嘢嘅興奮
Ads
英國特工
2021-6-13 22:23:48
其實呢,可唔可以講少D足球?上個星期都已經講咗五日足球,而家係咪又要講第二場波,即係嚟緊嗰五日又講足球。
其實點解你當初唔寫200篇就算,你而家已經開咗第十個連登post, 但仲係寫緊主角而家係中二。
真心希望樓主改善
瑞士山區肺(有花)
2021-6-13 23:32:26
下回:92分鐘單刀撻Q 完場太sad搵kitty出火
:^(
夜凪景
2021-6-13 23:32:32
講下波先正
成日屌西屌到悶
歲月長衣裳薄
2021-6-13 23:52:05
講踢波真係冇乜問題,呢個係葉開熙自傳,响中學初期來講,足球真係佔據熙熙好重要嘅比重喎,寫吓踢波都好合理啫,總好話有啲故剩係一味講屌閪,屌個閪都寫十篇八篇吖
:^(
不過我同意進度係慢,我覺得節奏可以快返少少,例如Betty表姐再返嚟原來同熙熙冇再翻啅嘅,咁就真係唔使再花太多篇幅講佢返嚟呢件事
綠茶綠茶
2021-6-14 00:20:40
Push
華記(正撚樣)
2021-6-14 00:51:58
你覺得講波悶 我覺得講波好睇喎
人地自傳就梗係講番佢覺得係回憶既事
你覺得悶咪唔好睇 skip左佢囉
P.Lahm
2021-6-14 03:19:56
其實呢,可唔可以講少D屌閪?上個月都已經講咗十五日屌閪,而家係咪又要講第二條女,即係嚟緊嗰五日又講屌閪。
其實點解你當初唔寫100篇就算,你而家已經開咗第五個連登post, 但仲係寫緊主角而家係中一。
真心希望樓主改善
非gay佬
2021-6-14 03:20:47
推
:^(
山區兒童窩巴
2021-6-14 03:31:38
推推推
張郎
2021-6-14 04:10:52
樓豬獨愛十三號
Ads
輸劍因愁鹿
2021-6-14 07:53:43
中學除左踢波打波(興趣/專長)同溝女屌閪(如有)之外仲有啲咩丫
:^(
唔通要講讀書點樣記Org Chem/做acc. Bar唔到/寫幾版長既西史ans.咩
老子棒棒很愛你
2021-6-14 16:14:14
你中學咪又係咁,只係你冇女屌炸嘛
毛兔筆寬
2021-6-14 18:34:08
推
nicetomeetyous
2021-6-14 18:50:59
此回覆已被刪除
上一頁
第 10 頁
下一頁