勾洋鎮華 2021-6-7 02:09:51 對中亞好撚好撚有興趣

:^(

樓主更快D

:^(

仲有好期待波羅的海國家
新疆嘅監控真係痴撚線，好撚恐怖

:^(

去嗰陣有冇覺得好壓抑好想快啲走？

大喼送細喼笑到仆街

:^(

馬拉申科上尉 2021-6-7 02:12:03 oДо

施詩 2021-6-7 14:33:58 以上就係火車嘅內部，呢個火車全部都係得軟臥

而且個格局仲好過大陸其他火車嘅軟臥，可能始終都要出國，所以係特別訂做。

呢班車由於貴（巴士：烏魯木齊400，霍爾果斯180，正常人睇到1000蚊已經卻步，唔會再諗咩邊境轉車，比著話比你聽有直達平啲你都已經唔會考慮啦）
而且一個禮拜先得1班
真係冇乜人買飛，我遇到嘅大多數都係霍爾果斯上車
基本上如果佢錯配左你上舖都可以照瞓下鋪
反正冇乜人理
係中國呢邊係直接係霍爾果斯火車站大堂已經係出境口岸，佢地當時應該係第二三次接觸，所以個大粒野都係度brief佢地香港人係要用回鄉證，過關都叫順利，行李過機就搞掂，直接上車就得啦。

中國呢邊影相都係比較敏感，所以都無點影低，火車嘅野過左去哈薩克我點影你都吹我唔漲啦~

大約開咗20分鐘就離開國境進入哈薩克
通常接壤嘅邊境都係:
A國 | <--緩衝區--> | B國
通常都係咁嘅構造，“嗰一棟”可以係普通嘅鐵絲網
如果係重要嘅邊境關口，雙方係會整個國門嘅野
霍爾果斯整左喺公路口岸
滿洲里同二連浩特整左喺鐵路上面
滿洲里對住嘅俄羅斯外貝加爾斯克係咁嘅樣(未去過)
二連浩特對住嘅蒙古國扎門烏德係咁嘅樣(2016去過)
會有一個細細地嘅建築物
就係邊境所在地同埋負責過關嘅關口

我上年嚟過，因為要換哈薩克車(邊境轉車)
所以直接喺個建築物入邊過關
上年換哈薩克車舒服勁多

:^(

係西班牙製Talgo

由於依家係一架車直過所以就唔使咁繁複

關員會直接上車收Passport
然後會派一張入境紙俾你填，千祈唔好唔見
如果你要喺哈薩克停留超過五日的話
要攞住張紙去警察局登記
不過每一次我來哈薩克都係唔停留超過五日
所以直接出境遞紙就得

然後會有人上嚟查行李
上次我好彩純粹開一開行李就得
今次我係所有行李連書包、斜孭袋都全部打開晒
而且每一個角落都查得清清楚楚冇任何遺漏
我個朋友帶咗DV
結果佢每一張相同埋片都翻查過晒
我唔知係隨機抽查定係每一個都係咁
總之唔好影啲對佢國家不利嘅嘢或者裸照或者軍人啦
你地平時睇開啲AV就麻煩你收埋佢

:^(

成個關口都算係好輕鬆嘅

搞掂之後繼續向前開
開始見到鐵路辦公室
同埋都因為真係重要關口
好多中歐貨卡停左係到


到達哈薩克邊境城市 - 阿騰科里站
同大陸嘅火車站即刻截然不同
國外絕大部分火車站都係開放
仲有啲長凳比你純粹坐係度chill下都得
成個月台就係停一架火車
果種視覺同埋感覺嘅衝擊
令到你成個人都好興奮
因為終於到達異國喇嗚呀屌你

車頭哈薩克嘅但係仲印着上年世博嘅嘢

:^(

其實連個入境章都仲有EXPO2017嘅字眼

:^(

仲有個國徽真係好撚柒
個個國家都係用一個好似雕塑嘅嘢咁樣掛喺度
佢就用張貼紙貼喺到

:^(

施詩 2021-6-7 15:12:51 哈薩克有兩個時區
一般主要城市好似Almaty同埋Nur-Sultan係GMT +6 (真正東哈薩克六區)
西哈薩克 Kostanay, 裏海海邊 Aqtau 等嘅城市係GMT +5
去到自動減兩個鐘

哈薩克有好多沙漠化緊嘅地方
烏茲別克嘅話我諗就來7788
就算好似有唔少嘅綠洲

但係對比一年前面積細左唔少

基本上遲早都乾塘

:^(

始終中亞地區
除非吉爾吉斯同埋塔吉克(中亞綠洲，帕米爾高原)
否則大部分地區都偏乾燥同埋炎熱，降雨量少
因為呢種氣候，去到夜晚溫度會驟降
所以保暖衣物必須要帶（唔洗抵禦嚴寒，起碼唔會攝親就夠）



中途站 Жетыген
留意返 哈薩克雖然常用俄文
但係官方文字係哈薩克語同哈薩克文，雖然都係用西里爾字母，但係係有唔同架


哈薩克時間 22:34 （香港凌晨12點）
準時到達阿拉木圖2站 第二次黎阿拉木圖

:^(

阿拉木圖有兩個車站1同2
1算係中途站

負責來往首都Nur-Sultan (in the name of former president, 前身叫Astana,再前身Akmola)同埋Shymkent兩邊方向嘅客務
距離市中心7-8公里
(攝於2017)

2係倔頭路，始發站 & 終點站，喺正市中心位置
之前2017年架車因為會直去Astana，所以靜係停1站
落車搭巴士，搭左我30分鐘先開到阿拉木圖2炸

屌那星 搵左好鳩耐都搵唔到銀行㩒錢
香港啲卡主要靠銀聯
宜家虛擬銀行盛行，應該無我呢個問題
因為我張銀行卡改左做銀聯晶片，唔係舊format
搞到哈薩克好多銀行例如HALYK BANK（上年我未換卡都可以攞到錢）
寫撚住銀聯都唔比㩒出黎，話有問題
有問題果個係你部機呀屌你

:^(

最後直接去超級市場買啲野食
又係得抓飯

:^(

不過好在佢有得用銀聯 QuickPay 比
起碼食飯都有著落

今次我地來到哈薩克
係 無 提前買電話卡
之前試過買過一張叫OneSIM嘅美國卡，全球漫遊data
點知佢得最高128kbps
慢到傻，而且佢得14日/30日可以揀
我出行咁多日，一來唔划算
二來咁慢，你用埋我嗰份啦好無
所以我地都決定去到當地先買
時間係晚上11點，所以咩卡都唔會買得到架喇
因為全程無上網
我地都係靠OFFLINE MAP
銀行提款機來講真係搵到絕望
因為9成都唔得
唯一寄望就係西伯利亞銀行 СберБанк
有名你叫，佢就係西伯利亞最大嘅銀行
業務係哈薩克，烏克蘭等國家都有發展
所以我諗佢真係我地嘅最後希望
櫃員機大約咁嘅樣
俄文 банкомат （讀音: 扮架乜）

行返去火車站果陣終於見到1公里外有西伯利亞銀行嘅蹤影

:^(

雙眼發亮 因為係最可靠嘅銀行
禁左一千蚊港紙出來(好好用架喇)

有錢係萬能 無錢係萬萬不能

:^(

有錢嘅感覺係好好
成個人都定好多

:^(

牙痛不是病 2021-6-7 15:48:13 lm

牙痛不是病 2021-6-7 16:40:18 有plan過去中亞，但怕食到胃唔舒服

利伸：垃圾胃

施詩 2021-6-7 23:42:47 返到火車站就準備上車

因為我係網上面訂左飛
所以直接可以喺火車站嘅自動售票機攞飛
為咗方便大家，個網址係tickets.kz

大約收2至3%commission fee
因為官方嗰個網好似淨係接受CIS countries嘅信用卡同埋銀行咭
我試咗好多次用自己嘅Visa同Master都做唔到payment
宜家官方網站好似更新左，甚至可以用英文search
大家可以試下，不過唔保證得
我prefer tickets.kz係因為佢可以一次過搵7日
而且容易管理訂單(取消訂單禁個制)

打啱咗護照號碼同埋訂單號碼就可以印出黎俾你
就算唔印都好
其實你只要喺手機度比到張電子車飛嘅PDF俾佢睇就得啦
情況就好似你係歐洲搭巴士
都可以直接喺手機度比QR code或者PDF佢睇
不過因為我想留念
加上有張火車飛可以大大方便個工作人員驗票同埋早啲上車搞床舖嘅嘢
雖然宜家人人都有一部上到網嘅手機
佢地都仍然有一半人都係Motorola或者Nokia咁款嘅手機咋

呢張飛都幾靚
成張野好似Boarding Pass咁，佢會搣走右邊


留意番無論係中亞定係俄羅斯定係烏克蘭等等嘅臥鋪
（其他國家我唔清楚，因為我未搭過其他嘅臥鋪，大陸係唔使）
只要係臥鋪的話
佢就會派發一袋被具袋
入面有枕頭袋、兩張床單同埋一條毛巾
床係要你自己鋪嘅
臨落車之前都要將成張床還原
所有嘢都要還返俾佢
養成自己鋪床自己執床 良好習慣

今日搭嘅車係去俄羅斯
係 你無聽錯
終點站係俄羅斯嘅Саратов
其實CIS國家來講，都真係大把CIS國家之間嘅國際列車
大多數都係同俄羅斯之間對開
e.g. Irkutsk - Ulaanbaatar, Petropavlovsk - Moscow etc
少部分CIS國家對開 e.g. Nur-Sultan - Kiev, Tashkent - Almaty, Bishkek - Tashkent etc
所以國際列車十分常見

施詩 2021-6-7 23:45:15 垃圾胃嘅話
真心奉勸 少飲奶
事關我都係垃圾胃
但我成日挑戰自己飲奶
結果最後痾到仆街

當地無乜一棵棵嘅菜食
而且周街都係食肉
只可以靠自己食生果同埋食青椒
盡量盡量保持均衡飲食

:^(

施詩 2021-6-8 11:24:08 到埗阿拉木圖之後即刻搭火車·走去下一個城市
中亞絲綢之路交匯處 - Shymkent

點解我地唔直接stay喺阿拉木圖呢
原因係因為我地兩個嘅吉爾吉斯電子簽證都要後日先生效
所以好似時間唔少
而且我地當時唔知阿拉木圖市郊都可以玩一日
唯有隨便浪費

:^(

大家慢慢就會發覺
其實我去旅行真係無特別點plan
長期都本著船到橋頭自然直
除非係啲好大好重要嘅景點
否則我都唔特別提前計劃 想比自己去旅行舒服啲
最多咪馬死落地行，唔得咪下次再來過

:^(

趁宜家得閒講下經班門弄斧一下
哈薩克語入面
阿拉木圖呢個名都係有意思的
另外阿拉木圖呢個名都係有意思的
Алматы - Алма係蘋果咁解
同埋阿拉木圖周邊都有種植好多野生蘋果
所以阿拉木圖 又名蘋果之城

темір жол 解 Railway
темір係鐵
жол / жолы 解道路

哈薩克語打招呼係用Сәлем Salam
e.g. Сәлем достар Hello friends
見到salam唔知大家知唔知
其實係阿拉伯、波斯、穆斯林地區嘅打招呼用語
哈薩克大約有70%人信奉伊斯蘭教
所以來到哈薩克甚至係其他中亞國家
大家唔洗諗豬肉了，基本上唔存在的
我進入新疆之後
我啲friend日日都係度dm我
問我幾時食豬肉

:^(

一路奔波其實就好容易訓著
經歷左一晚之後
一朝早嚟到Шу 楚城

其實開得真係好慢，5個鐘行左唔夠300公里
不過鬼叫佢平咩
70幾蚊嘅硬臥訓一晚，抵到爛
1HKD : 42.6 KZT (July 2018)


中亞人早餐食咩好呢
燈燈燈凳~係布林餅! Блины
感覺其實只不過係甜嘅班戟餅，薄薄地一塊
正常就咁食，可以加yogurt同埋肉入去
1蚊1塊 我要左1包 大約4塊

中亞呢啲氣候最適合種瓜得瓜

:^(

各種西瓜、蜜瓜都有
尤其係中亞蜜瓜真係好多款式

:^(

好食過西班牙/洪都拉斯蜜瓜架
同埋今年(2018)係豐收嘅季節 一街都係
當時初黎貴境嘅我
見到呢啲好似南瓜咁樣嘅蜜瓜覺得好新奇但係唔敢試
之後先發覺其實係極品

:^(

遍野仍無盡星火 2021-6-8 13:54:53 輕輕一推

:^(

晴天公仔 2021-6-8 14:34:04 推

施詩 2021-6-8 15:23:26 通常哈薩克嘅火車佬都係啲阿叔同埋靚仔
或者係靚女
我真係未見過哈薩克火車係有阿嬸(應該未遇到only)
反而俄羅斯同埋烏克蘭火車90%都係阿嬸

火車繼續開 下一站 Тараз
宜家大約11點左右
個車廂開始熱
留意翻 中亞車大多數都係前蘇聯已經整好
所以大多數長途車都係無冷氣
特別宜家係7月夏天
車廂隨著時間慢慢開始變做火爐
迫住我地要落車買補給品 因為水已經飲曬
火車上面都有水，不過係滾水

:^(

比我地搵到магазин 小賣部 (讀音magazine)
賣緊一隻傳統雪糕 московский пломбир
姐係莫斯科雪糕咁解
係傳統嘅俄羅斯雪糕
佢嘅口感有啲似食雪左嘅cream
好醇厚嘅口感，而且有雲呢拿嘅香氣
越食越停唔到
加上佢好易溶，食要食得好快
結果往往就會食多1條

:^(

呢度係100 Tenge
姐係$1.25一條炸大佬嗚嗚嗚嗚嗚

大家如果想整可以去呢條link，佢有唔同subtitle

:^(

https://www.youtube.com/watch?v=VUK0Utxr-TU
好多生果一箱箱咁擺喺月台兜售
最遠嘅就係中亞蘋果
我想講 酸到仆街

:^(

無咩事唔好買
佢重要係一個蘋果有齊青紅兩種顏色 重要好分明
睇落去好似一個落左毒嘅蘋果咁
食完可以變白雪公主

:^(

中亞火車雖然話唔可以再上車兜售
不過我都發覺有hawker係上左車嘅
兜售唔同嘅衫、生果之類
我諗佢地都有比錢bribe列車員先可以上車
同埋佢地都係搭一個站，大約個鐘車程
要走勻19卡車廂(有啲火車仲長，25卡都有)
為左生計
直情誇張到直接掛喺人地床尾

:^(

先再行勻全車廂兜售
不過我地都無興趣啦

中亞車好係好在
大家訓醒覺，下鋪嘅人會自動坐起身
然後等上鋪嘅人都可以坐落來
一齊傾下計，交換下食物
我下鋪就有一個女仔
哈薩克人，主動撩我地傾計
我都坦言我俄文半桶水 - немного, чуть-чуть
佢嘅英文都係半桶水，所以勉強溝通到
佢住喺Актобе，哈薩克北部，今次係翻去放暑假
佢對我地嘅畢業旅行好有興趣
因為佢去過嘅國家就最多只有俄羅斯
所以話香港人真係好幸福

:^(

最後同佢交換左IG contact
我地得閒都會互相聯絡下交換近況
盡量都會用俄文溝通
去到我真係詞窮佢都會就翻我用英文

:^(

好開心旅行可以遇到咁好嘅朋友

:^(

Тараз站上咗個俄羅斯籍大嬸
佢見我哋係香港黎
又可以同佢傾到計（我俄文勉強溝通到

:^(

）
佢就問我地中唔中意中亞，行程點樣行
特登教我地簡單嘅俄文
因為佢靜係識俄文，所以有咩我力盡嘅時候
個哈薩克姐姐會幫我地翻譯

:^(

言談之間
俄國大媽突然攞咗佢啲珍藏出嚟！
竟然係前蘇聯嘅銀紙

:^(

以及哈薩克啱啱獨立之後所使用嘅錢

:^(

當下其實我哋都好想要返一張留念
不過始終一睇就知道係珍藏
有得欣賞已經好開心

點知佢話我地是但攞張我哋嘅貨幣出嚟同佢交換就得

:^(

我地一開始係拒絕左(好多次) 話曬都係珍藏
結果佢話無問題架！
你地攞你地嘅貨幣出來交換！




最後我哋攞咗張$10嘅膠幣同佢換張4張

:^(

因為有兩張佢話”佢唔需要”

:^(

好霸氣
我地覺得好慚愧架

:^(

大佬啊10蚊膠筆就諗住同人換珍藏

:^(

佢質疑左好耐究竟我哋比張膠嘅嘢係咪真係流通嘅貨幣

:^(

不過最後都好愉快合照左一張

:^(

開心

加拿大人 2021-6-8 15:55:06 LW支持

:^(

加拿大人 2021-6-8 15:55:25 手殘...LM

施詩 2021-6-9 10:39:52 其實搭臥舖都咁平
最主要嘅原因就係冇冷氣
可以話呢一個係大大減低票價嘅因素

早前講過哈薩克以及中亞地區好多車都係舊時蘇聯已經遺留落來
所以大多數都無冷氣
係近10年新整左一批有冷氣嘅同款車卡
票價會大約貴1倍
始終冷氣真係好緊要 中亞咁熱點頂

通常係主要路線好似Almaty去Nur-Sultan, Nur-Sultan去Kostanay大城市之間嘅火車先有
另外亦都有新式嘅臥舖車
引進西班牙技術嘅Talgo (тальго)
票價係舊式車嘅4倍
(Almaty去Nur-Sultan
普通車5100T
冷氣車8100T
Talgo 17000-21000T

當然亦會相對快啲，大約少原先3分之1嘅時間
不過以我經驗，神要你delay，你必須delay
上次坐TALGO去到Nur-Sultan足足遲左180分鐘

:^(

中亞搭火車真係唔好plan得咁緊

翻翻黎
中亞始終係內陸地區而且又好晒
去到接近中午時份車上已經係一個焗爐嘅狀態
唯一嘅通風口除咗廁所同埋連接位之外就係臥鋪上面嘅窗仔
只要架車嘅速度有返咁上下都會好涼爽
只限訓上鋪，訓下鋪可以熱撚死人
不過只係三分之二嘅機會個窗係真係開得嘅
因為另外三份一嘅機會就係緊急逃生窗
亦即係代表隻窗除咗緊急嘅時候先可以開之外
其餘時間都係緊閉

:^(

就黎熱死你估下係咪緊急呀拿？

中亞真係有好多自然景觀
風吹草低見牛羊 馬都有

:^(

坐左13個鐘 終於喺當地時間3點半
到達Шымкент! 中文譯名叫奇姆肯特真係好難聽

:^(

英文係Shymkent

施詩 2021-6-10 09:28:57 由進入中亞開始
乳製品可以話係普通野平到癲
人地大大片廣闊草原 有牛有馬有羊
所以除左牛奶出名之外，馬肉都好出名架

當香港吹捧到3.6、3.7牛乳係極品嘅時候
呢度根本笑你都費事
3.5係基本奶
4.0叫做貴小小但係都係350-400T就有500ml

今日搵到呢個最癡線
加左5-10%植物成份
CHOK高左小小
超濃縮牛乳製品 - 7.5%

你可能會大大聲講：


果種醇滑個口感同埋油脂嘅香味
繞樑三日，回味無窮
北海道3.6可以收收皮先
呢個，係阿拉木圖7.5

:^(

由於到左民宿之後放低野都5-6點
都夠鐘填飽自己
畢竟由中午到落火車到呢一刻都未有正餐落肚
決定搜羅下附近有咩出名嘅餐廳
搵到有間聽講小貴但係好好食嘅餐廳
二話不說馬上去
反正2個人SHARE張單有咩好怕喎

:^(

大家都睇到佢個LOGO有個喼
呢個就係名為「喼餐廳」嘅 Ресторан 《Чемодан》

連個MENU都係喼嘅形狀
你就feel到真係有心思 (姐係貴)


上年黎哈薩克
忘不了的一定係馬肉腸
送酒或者fruit soda啱曬,感覺有小小似牛展
於是就叫左個奇異果青檸梳打，馬肉拼盤同炒牛肉

黎到即刻屌那媽

:^(

事關我地極度抗拒薄荷落入食物中
因為同飲漱口水食牙膏無分別
當然呢個係人地調嘅野唔應該屌人
以後自己唯有醒水記得走薄荷
（呢個醒水好緊要，因為之後先發覺啲人真係極度熱愛放薄荷落野飲，sorry我真係接受唔到）

留意，中亞人、俄羅斯人、蒙古人真係好食得甜
成樽野好似飲緊糖水咁
最後我地飲到大半之後要叫水飲
再再再留意返，水係要錢，佢地會比樽裝水比你
佢亦會問你要有氣定無氣
有氣 газированная вода(gaziravanaya vada)
無氣 негазированная вода(nigaziravanaya vada)
你想簡單啲就講Gaz或者Nigaz就得，佢地會明

率先登場嘅係馬肉雜錦拼盤
最右手邊夾雜住小小脂肪嘅就係馬肉腸
食落去係無任何腥味羶味

:^(

其他有脷、馬肉版紅腸等等
全部唔會過鹹，啱啱好，好啱用黎送飯送酒
拼盤盛慧6000T 大約150蚊


牛肉算係普通野
中亞可能係土壤問題，好難食到一棵棵嘅菜
eg生菜、菜心等等
主要食一個個嘅野好似紅蘿蔔番茄青瓜三色椒洋蔥等
唯一一樣菜都係椰菜
呢個送之後我就知，原來可以見面見得咁密

:^(

呢個係Ган Фан上面嘅toppings
Ган Фан 中文係擀飯 大陸人叫做蓋澆飯
姐係煮好個餸然後淋落去個飯
香港人應該係叫碟頭飯
呢個擀飯都係得呢一種餸，就係青紅椒薯仔燜牛肉
史上最簡單嘅餸，大家可以上網search下食譜
唔洗用腦嘅餸

施詩 2021-6-10 09:55:15 頭先upload漏左一張相
食多左個Казан-кабоб
烏茲別克菜，羊肉粒配薯仔
先炸後燜，定型之後再入味
好好食真係



嘢飲來講，作為一個大肥仔當然要試吓呢度啲汽水
呢一支係咖啡味汽水，咖啡嘅味同雀巢咖啡一樣
但係佢冇完全搶晒可樂嘅味道，啱啱好大家五五波
而且唔使怕肥，因為佢都係用甜味劑
因為咖啡味存在關係
佢冇ZERO果種好強烈嘅假糖味道

而且中亞嘅汽水幾特別，係特別在勁多氣
飲落喉嚨好舒服
好後悔當初冇買多幾支，因為淨係哈薩克有

:^(

價格150T，姐係4蚊一支左右






喺現今21世紀大家都係靠上網睇地圖、或者靠電話網絡去搜尋一齊嘅嘢包括點樣搭車點樣買飛等等等等。電話卡絕對係不可或缺嘅嘢。香港就已經有得買哈薩克嘅電話卡，奈何極度昂貴嘅價錢根本令人卻步，所以我依家都會去到當地嘅國家先開始買電話卡，一嚟夠平（我心諗點都會平過喺自己國家買掛？FYI 哈薩克298蚊一張 14日任用）既然今季而且我又唔係留咁多日，加上我仲要玩好多個國家冇可能係香港比千幾蚊買齊咁多個國家嘅電話卡。

哈薩克基本上最好用嘅都係TELE2或者BEELINE，基本上係龍頭公司咁滯，BEELINE除左全中亞之外俄羅斯亦係電信界大佬之一。今次我就揀咗BEELINE

哈薩克買電話卡唔需要實名認證，亦即係話你只要一手交錢佢就會一手交貨

因為我留嘅時間唔長，所以我哋買咗七日有效期2GB嘅卡，盛惠500T
如果你想要再多啲數據或者更長時間你直接同佢講就得㗎啦，而且係哈薩克來講唔使喺專門店買，街邊啲小賣部都有


好好地瞓咗一覺之後第二朝就開始遊覽呢個城市，下圖係巴士站，大家唔使旨意係呢個巴士站到搵到關於任何路線嘅任何訊息，貼喺塊板上面嘅除咗招聘廣告就係尋人廣告。

而且而且而且，係中亞地區GOOGLE地圖除咗認路之外，搵公共交通係無用武之地，大家即管試吓搵任何短途嘅距離，根本就唔會出到任何關於公共交通嘅路線出嚟。

所以點算呢？

最有用嘅地圖APP係名為2GIS (音two gits，唔係jits)，佢可以下載整個國家或者某個城市嘅離線地圖。呢個對於喺入一個國家之前對任何路線或者任何地方點樣去而無頭緒嘅你或者我都係極度大幫助。呢個地圖係哈薩克同埋吉爾吉斯都好有用，烏茲別克嘅話就遲啲再講。因為唔知點解烏茲別克並冇支援

施詩 2021-6-10 15:05:20 其實點解搭一日車過嚟第日又要返返去呢？
原因就係自己on9

:^(

將簽證嘅開始生效日期教得太後
所以逼住要搵一個地方消磨時間
而且阿拉木圖又唔係一個好值得深入去玩嘅地方
（講緊城市唔係市郊）

一早搭車嚟到火車站又做乜鳩呢？
當然就係將行李寄存喺火車站入邊先
然後出去玩一日之後黃昏翻返嚟搭車走
中亞甚至俄羅斯每個火車站都有一個行李寄存處
甚至周圍啲小賣部都可以寄存
每一件行李收費係500T


甘心情願俾啦屌
冇乜可能拖住個喼去周圍行而且又唔貴
我曾經試過朝早10點鐘拖住個喼玩到夜晚11點
(因為朝早落車嘅火車站同夜晚嘅火車站相差10公里)
除咗周圍嘅人用奇怪嘅眼光望住我之外
其實自己都好撚辛苦、拖上拖落
動作經專人訓練
唔好輕易嘗試啊大家

:^(

下面5項係
身份證number
Issued by
簽名
座位
經手人

但係佢鳩填

:^(

佢都無跟住details填
其實已經7月3號 佢填左6月3號
2 сумка <-- 2 bag 應該寫做 2 сумки 覆數



嚟到Шымкент火車站法國自助取票機壞鳩左
由於我過分擔心究竟啲人信唔信電子車飛
（始終唔係一個好先進嘅國家唔敢亂來）
結果我去窗口問吓佢點
結果佢指住張電子飛（即係我電話）
同我講話一行字講到明話呢張電子車飛係有效嘅
不過佢最後都印咗一張白紙如下圖
清楚列明車票日期時間同埋席位
仲揼咗個火車站嘅印等我哋心安少少
搞掂晒之後就係去周圍行嘅時候喇

:^(

施詩 2021-6-10 15:19:40 出火車站嘅時候諗住睇一睇個鐘幾點
點知一睇6:15 ，我記得我八點鐘先喺hostel出門口

:^(

如果一個趕車或者冇帶錶嘅人望到呢個鐘真係分分鐘會崩潰
仲係一個火車站中心位置嘅一個鐘
出門口記得戴錶呀各位



呢一個城鎮嘅交通就係小巴仔 係70T
我仲記得我數左20個1T銀仔比個收銀細路
佢笑柒我地

:^(

搖左下頭就收左

FYI 1T係同1毫子一樣大細


都係多得上面講嗰個地圖app - 2 GIS
順利去到第一個景點
獨立公園Парк Независимости
（講緊係戰後，當然我知道哈薩克一早就加入左蘇聯）
慶祝1991年哈薩克獨立
2011年並唔係代表呢一年先獨立
而係代表一個獨立公園嘅開幕年份

:^(

因為今日係星期二
個個都去曬翻工 唔會好似我地咁無啦啦去散步行公園
哈薩克人都算係勤力嘅
公園幾乎人影都冇一隻
因為之後啲國家 特別係吉爾吉斯
我經常都見到好多人瞓係草地
好似唔使憂心要開飯咁樣 我都想咁自在

由於佢係哈薩克文寫嘅
所以一丁點我都睇唔明

:^(

連續奔波左咁耐，行下公園吹下微風
有助舒緩疲勞
Tight Schedule雖然啱我
但係屌頸都要抖氣

:^(

施詩 2021-6-10 15:28:38 沿着頭先嘅獨立公園行出嚟
就會有條路直落去呢個獨立紀念碑
Жер Ана (俄語 Мать Земля)
呢個係哈薩克文
意思係地球的母親或者大地的母親

中亞人好中意去呢啲地標度影結婚相
有啲歷史性



呢一個咁嘅劣質Minion嘅招牌放喺馬路斑馬線邊
當你以為佢係想同你講小心過馬路嘅時候
佢上面嘅字嘅意思係a place for your advertisement

:^(

作為一個回教國家，城市內起碼都有一個清真寺🕌️
不過哈薩克嘅清真寺比較普通
要睇嘅話去烏茲別克靚仔好多


老實講呢個城市嘅景點就真係唔係咁好睇
除咗頭先我比嘅之外都冇乜野值得睇
例如呢一個公園完全係一個充滿着貴價餐廳嘅地方
佢寫得真係岩
Family Park歡迎一家大細入去俾佢搶錢

行左咁耐我地先發覺朝早無食早餐
然後宜家餓到仆街 11點半喇屌

:^(

Jitter_doll 2021-6-10 15:36:19 留名

:^(

呀支呀左摩洛哥 2021-6-10 16:25:21 Live 左 加油樓主想繼續睇

:^(

施詩 2021-6-10 16:40:49 中午餓到暈喇 要食飯喇

:^(

加上中亞到中午真係好撚曬又熱 33度
唔知點解，一踏入中亞（以至往後）
泰國、台灣、俄羅斯等等只要一飲奶就好易肚痛柯爛屎
反而香港大陸啲奶飲完係無事
所以我成日懷疑係咪假架啲奶

:^(

不過最近先知 所謂香港製造嘅奶
製造果Part只不過係消毒、加工、調整成分(脫脂,加鈣)、包裝
原產地，係中國
唔怪得飲落去咁假又稀
我推薦大家買來自泰國嘅明治紅盒奶，有成4.5咁高
而且係經巴士德消毒嘅新鮮奶
市面上嘅3.6 3.7 日本製牛乳無記錯係用UHT
因為係用UHT，營養、味道同質感都有流失
比咁貴都仲係唔夠好味
咁就無謂啦 要飲就飲最好

:^(

所以 我中午就開始肚痛
入左餐廳第一句唔係叫野食
而係Где Туалет? (俄文，邊度係廁所)

:^(

呢間餐廳個廁所都算係世界級
坐廁無門

:^(

好在有分男女姐
不過你喺咁嘅情況如廁都唔會暢通得去邊
佢就算成個男廁都無門
所以你成日聽到人地係出面來來回回咁行
疴到一半聽到有人入
你又要緊張然後夾斷佢
屙得我好辛苦 不過有得屙算係咁

:^(

午飯叫左：
羊架 2500T
蘑菇汁牛肉 1500T
雖然佢羊架寫兩人份
但係我地覺得叫多個送好似開心啲
點知就真係有啲後悔喇...
始終唔係阿拉木圖同埋唔係高級餐廳(尋日果間算係架喇)
物價都好平 而且大件 真正大件夾抵食

兩碟餸好似完全唔洗本咁
啲肉係咁比阿比
比左5-6舊大骨，啲肉又唔係鞋喎燜得好入味
佢側邊有啲生洋蔥 (灑左Paprika)
其實真係要配生洋蔥送肉
中亞、巴基斯坦、中東都好中意咁樣嘅配搭
一來消滯Refreshing
二來清一清口腔果陣濃濃嘅肉汁味

另外中亞真係好鍾意蘑菇汁煮肉
基本上好好送飯，可惜好飽
所以今餐食肉就飽唔好再亂叫

:^(

小小孜然 配埋個汁

:^(

爽呀屌你

施詩 2021-6-10 17:16:51 sor呀屋企部電腦可能燒壞左底板/CPU
我盡量更新快啲！！！

關於新疆:
反而自己係想睇多啲影多啲
但係又唔夠膽咁樣

其中一個最深刻嘅片段係2017年
離開烏魯木齊去霍爾果斯嘅時候
係烏魯木齊南站check-in
過安檢嘅時候佢有兩條隊
一條寫"安檢通道" 另一條寫"ئۇيغۇر قانىلى"之類嘅維吾爾文字
正常人只會諗到
哦 漢字同維吾爾文對照姐
我求其排左維吾爾文嘅嗰條隊
結果比個公安喝住 叫我排翻過隔離
我當下百思不得其解
然後留意到果條隊
全部都係維吾爾人...

先前先話到明咩各個民族分不開之類嘅bullshit
宜家就種族分明

點解安檢都要分類？
因為我再認真留意果邊嘅安檢程序
係要刷身份證
全身thorough scan
翻箱倒櫃檢查隨身行李
...可以話 黎新疆一次 心UP一次
雖然我只係來左2次
但係真係成個人都會沉左落來...

施詩 2021-6-10 17:20:23 啱啱最新嗰層覆咗你

:^(

頭先唔知點解撳完回覆冇反應