Ads
Ads
就你想講嘅幾句
有部份內容我覺得有係有失偏頗嘅
講因為肥/瘦/普通而被欺凌,男仔一樣會。
呢一點我係贊成嘅
無論性別大家都係會被欺凌嘅,但同時地女性因為外表而被欺凌嘅比率比較大亦都係事實。甚至女性第一次來月經嘅情況下,出現漏M又或者尷尬嘅情況都會成為被欺凌嘅原因呢啲都係無可否認嘅事實。
甚至有陣時唔係因為你嘅外表或者行為,僅僅係因為作為女性。小學嘅時候大家都會試過比男仔掹頭髮,揭裙,求其搵啲嘢嚟取笑。
當然上述可能係我嘅經歷,我唔否認男性都會被欺凌。
女仔生得矮,都唔會因為咁冇男仔要;男仔生得矮,係死症。
呢點我就唔係特別贊同
雖然我開post笑過一個追過我嘅男仔(比較矮),但係最後佢都溝到我
雖然散得好快 :^( :^(
女性係喺生物學來講,佢哋係比較注重內涵嘅。呢個都係比較神奇嘅。你見有好多MK仔點解可以溝到女,其實佢哋都唔靚仔唔高大,甚至部份仲矮個女仔。
從演化心理學(evolutionary psychology)角度來說,兩個人的相愛的目的是為了繁殖後代,所以一個人是否吸引和她肉體上的吸引力(physical attractiveness)很有關係。從1970年代開始,已經有很多一致性的研究指出什麼樣的女生(包括樣子和身體比例)會讓男生覺得更有吸引力。至於男生更具吸引力的原因一般都不在外在樣貌及身材。
所以如果你認為自己係因為身高問題溝唔到女,其實可以檢討吓內涵方面。
而女仔因為太高而搵唔到男朋友呢樣嘢,都係確實存在嘅現象 :^( :^( :^(
所以大家不妨去溝下啲高妹 :^(應該會馬到功成 :^(
話就話男女都可以,你覺得男定女做到既機會大?就算做到,男定女邊個會受既較多(應該話多好多)既道德譴責?你自己答自己好了。
男人搵過有錢個自己既女人,就叫一朵鮮花插在牛糞上;調返轉就叫灰姑娘童話式愛情故事,甘比都係公屋妹(顯徑邨)出身,你幾時見過有人話佢襯唔起佢個有錢佬老公?
其實道德譴責呢一方面,男女所受嘅都係一樣㗎。
雖然聽落去可能有啲荒謬。
你幾時會見過男人搵過有錢過自己嘅女人會日日見報,俾人追擊擺上連登?你講嘅所謂嘅灰姑娘童話式愛情故事,又出自嗰邊嗰把口?女人搵過有錢過自己嘅男人,唔係俾人話包起就係雞,東窗事發之際一定會俾人追擊。唔理你係自由戀愛定係點總之一定係雞 :^( :^( :^(
所以男女性所承受嘅道德譴責冇話邊邊多個邊邊 :^( :^( :^(
但係我都想有人可以包起我
阿姨我不想工作了
香港有邊份工,會因為你係女人而人工少D,而又唔會收平機會律師信?
同酬不同工就大把,同一份工,一樣人工,有D粗重/危險/厭惡工序,或者開夜,女仔唔使做,人工就一樣。我以前做過散工,請人時就話「輕便包裝」,結果幾十女幾男,幾十女就喺冷氣倉貼貼紙,幾個男就做搬運工,我就仲精彩,被踢去鏟車片來片去既廠廈上落貨處拉唧車,拉左十幾廿板貨!人工?同D喺冷氣倉貼貼紙既女人樣25蚊粒鐘。
CCTVB新聞部算係異類,試過報導打風現場,女記者做戶外,男記者做錄影廠,結果大把人嘈話點解咁編,應該調返轉。
至於同工不同酬呢方面
我就直接出啲新啲啲嘢數據啦 :^( :^(
政府統計處公佈的《香港的女性及男性──主要統計數字(2020 年版)》,2019 年女性每月就業收入中位數為 $14,300,而男性則有 $20,000,差距達 28.5%。
報告有就主要工作所屬職業與性別劃分。在「同工」的情況下,男女每月入息相差最大的是「工藝及有關人員」,薪金中位數差異高至 $6,700;而「經理及行政人員」之差異亦達$4,100 ( 男:$45,000、 女 $40,900) ,幾乎就與上述的事例看齊。
但其實以上同工不同酬嘅情況已經比其他地方好好多 :^( :^( :^(
在歐美國家問題就更嚴重,如比利時、西班牙等歐盟國家,男士每小時平均工資比女士多 1 至 2 成不等。
但最後一點我係贊同嘅
識異性朋友,女性係易過男性,上面分析左香港男女比例,唔再重覆。
:^( :^( :^( :^( :^(
Ads