On the other hand,MMC一直都係接受本地教育,背景中產,唔識打扮,唔買名牌,上大學之前都係埋頭苦幹咁讀書,唔會接觸到英國嗰批頂層留學生。本來喺香港係要風得風嘅尖子,去到英國之後,喺留學生嘅社交權力架構入面,MMC只係淪為一個平庸普通嘅路人甲,喺社交地位高嘅人眼中,佢同其他讀書好叻入到牛劍嘅香港中產nerds冇分別 —— 頂層權貴係唔會知道佢會考10A,即使知道,都唔會appreciate攞10A有幾叻,有幾難,因為佢哋中學全部都係讀boarding school或者國際學校。同埋每年其實有好多港人入讀牛劍,喺眾多牛劍學生裏面,你係唔會被人以成績區分,而係以樣貌、打扮、有錢程度等區分。所以喺SC嘅光芒底下,MMC只係一個透明人,唔會受到社交圈子裏面最受歡迎嗰群人關注。
大學畢業之後,MMC預料即使自己入大公司,有高薪厚職,成世人都應該只係一個生活無憂嘅中環精英,始終冇辦法成為世人嘅焦點。加上當時投考嘅公司有唔少都唔收佢 (e.g. McKinsey, various law firms),MMC於是決定take a risk去選黨姐,佢相信即使選唔到冠軍,都可以因為自己嘅亮麗學歷而得到名氣同關注,為自己建立真正屬於自己嘅社會地位及人脈。
Sabrina由細到大個人生目嘅就係要塑造一個令人以為係無可挑剔嘅完美人生。
不論學歷、家庭背景、樣貌、身材,就連老公(亦會影響埋佢未來仔女嘅品質)都係以作為佢人生裝飾品為大前提去揀。
淨係睇佢自己一手策劃成個求婚,買埋戒指比自己扮係條仔買,再扮到好surprise,好幸福感動,就知佢係一個所有嘢都係做俾人睇嘅人。
其實好多人以為Damon係紅二代,或者大陸有錢人,但係其實佢只不過係一個普通中產ABC,成家係大陸知識分子後代,好多年前移咗民去美國。其實佢啱啱嚟到香港嗰陣時,只不過係一個鄉下佬,成世人未見過好似Sabrina啲朋友過開嗰啲紙醉金迷嘅生活。
Damon係神童,鋼琴彈得好勁,讀普通美國公立中學之後入哈佛,靠自己係金融界撈得幾好,加上算得上係高大靚仔,所以Sabrina先會覺得佢嘅條件符合做佢人生裝飾品,同埋未來仔女嘅基因提供者。
Damon冇家底,呢樣亦都係Sabrina覺得美巾中不足嘅地方,因為佢覺得自己deserve一個所有外在條件都完美嘅人做老公。但係好彩佢係美國華僑,Sabrina啲friend唔會太考究佢家庭背景夠唔夠資格同佢哋玩,淨係focus喺佢學歷嗰度。如果只係一個讀書好叻嘅香港中產,Sabrina係絕對唔會睇得上眼。
Sabrina如果想嘅話,相信都可以嫁到入頂級豪門,但係通常啲豪門富二代都係甩皮甩骨,做唔到佢嘅裝飾品,同埋好多時啲有錢仔脾氣好臭,唔會受佢擺佈(例如四太個仔)。所以Damon只係佢喺平衡各因素,包括自己青春有限,所揀出嚟嘅最optimal裝飾品。
利申:識佢哋兩個,唔熟
Credit:習近平思想巴打