是咁的,我同女神做咗鄰居
上一頁
第 28 頁
下一頁
DVD_ROM
2021-7-9 18:34:58
:^(
Ads
萬言
2021-7-9 19:18:25
:^(
DVD_ROM
2021-7-9 20:44:46
:^(
夢幻步法
2021-7-9 20:52:15
試過long d就知道,唔係一般煩
萬言
2021-7-9 21:14:20
:^(
萬言
2021-7-9 21:14:31
唔好意思我冇試過,會點?
英國特工
2021-7-10 00:25:47
Hello, 請問呢個故進度去到幾多呢?我之前見你話,啊童嗰朋友嘅男友會係一年之後就會知道,唔知樓主你是否記得?若果係咁,是否而家嗰故都仲係好前段呢?
山區兒童窩巴
2021-7-10 02:26:10
推
夢幻步法
2021-7-10 05:44:27
點樣比到安全感同care條女已經好撚攰
萬言
2021-7-10 08:09:29
小心劇透呀!!!
:^(
:^(
萬言
2021-7-10 08:11:37
啊童乃天庭下凡之女神,豈能與俱俱凡夫俗子相提並論?
:^(
Ads
萬言
2021-7-10 10:51:04
「冇呀。」我別過臉去,不讓啊童看見我紅腫的雙眼。
自我回來之後我也沒有開過燈,所以現在全屋仍是黑漆漆,希望啊童剛才看不清楚吧。
「咔」啊童把大廳的燈全開了。
我心裏明白若啊童在光線充足的情況下看見我的臉,我剛才大哭一事必定會被揭露。
所以我轉身打算走到廁所中,關上門好好整理一下。
「喂,去邊呀你。」啊童拉住我。
「去廁所。」我聲細如絲,這樣才不會比啊童發覺。
「你望住我。」她喝住我。
於是我側面看著她,盡量令她看不到我的臉。
「正面呀。」她用手把我的頭扭過去,強迫我看著她。
「做咩呀?」
「我問你係咪喊完嚟呀,誠實答我。」
「都話冇咯,你要我講幾多次你先至肯信我呀。」我把啊童的手甩開,然後自己走進廁所。
我大力把門關上,再不忿地一拳打到門上,發出「砰」的一聲。
「喂,你做咩呀!我地唔係講好咗㗎咩,有咩事要講比對方知吖嘛,我係你女朋友嚟㗎,你有唔開心我都唔會開心㗎,你出返嚟,有咩事我地一齊拆掂佢啦,你唔好自己匿埋係個廁所到先啦。」啊童在出面拍門。
「我都話我...冇野咯。」我坐在地上,眼淚再次奪眶而出,但我只能強忍著哭聲,不讓啊童聽到。
「你邊忽似冇野呀,我好擔心你呀,你出返嚟先啦,有咩事我地都可以一齊解決㗎。」啊童再次拍門。
只是這次,我再也不能回應她,越聽她說我就越內疚,我恨自己這麼自私,想要把啊童留在自己身邊。
我不敢開口,因為我一旦開口,啊童就必然能聽出我正在哭。
過了一會後,
「咔嚓」原本鎖著的門竟然比啊童打開了,我呆若木雞的看著啊童手上的一蚊硬幣。
「仲話無喊...」啊童跪在地上抱著我。
「對唔住。」我好不容易把這幾隻字吐出。
「係我對你唔住至啱,但係去外國讀書係我由細到大既夢想,原本只係諗住大學先過去,但係咁啱Daddy間公司想Daddy過去英國拓展業務...所以先會提早咗,對唔住呀...」我倆再次哭成淚人。
「點解你頭先要扮無野呀!係海旁既時候仲笑住咁安慰我...我竟然無察覺到。」
「我...唔想你唔開心吖嘛。」
「點解你要咁傻呀...如果唔係我Daddy叫我再過嚟睇下你點,咁你係咪會匿埋自己一個係到喊足全晚...一日都係我唔好,竟然咁都冇發現到你唔開心...仲要你安慰返我轉頭。」
我不再說話,只緊緊的抱著她,把言語化為行動。
那一晚,我們彼此抱著對方,痛哭了許久...
「你講㗎嘛,我地要開開心心咁過埋呢段日子,仲有就係...無論發生咩事都好,我地都要互相扶持,以後有咩事你都要同我講,由其是係我唔係到既日子,唔準你一個人自己經歷呢啲咁唔開心既野,我想同你一齊去經歷,知唔知?」啊童注視著我雙眼說。
「唔...」我笑著點一點頭。
「嘻,等我影低你呢個樣先,同你一齊咁耐都未見過你喊。」啊童把電話拿出來,打算拍下我現在的樣子。
「挑,好似講到得我一個喊咁,明明你自己都有喊。」我把她的電話搶過來,然後跟她自拍了一張。
「快啲返過去啦你,你啱啱病好要多啲休息㗎。」
「我想見多你一陣喎...」啊童思索了一下後說。
「咁...好啦,玩唔玩Overcook?」我提議,總不能整晚都坐在廁所吧。
「好呀,我地要係我走之前爆機!!!」她笑著興奮地說,把剛才的不快一掃而空。
跪求大家Follow我既IG: MaanYin05
斯文敗類固醇
2021-7-10 12:11:29
睇咗幾日終於追到live
:^(
:^(
btw樓主加油
:^(
萬言
2021-7-10 12:32:29
多謝支持
:^(
蛇夫子
2021-7-10 14:31:42
:^(
山區兒童窩巴
2021-7-11 02:36:39
推推推推推
萬言
2021-7-11 08:31:48
個一日,可以話係改變咗我成個人生既一日,知道咗啊童即將要去英國讀書,
唔可以再係我身邊。
咁我可以點喎,唔通綁L坐佢唔俾佢走咩,
唔得㗎嘛。 一齊唔開心過,
喊過,之後就要抹乾啲眼淚,
繼續企返起身向前行㗎啦,最緊要係有佢陪住我。
經一事蔡一智啦,原來有時有啲野大家係應該攤開嚟講,
而唔係自己一個匿埋係度喊。
當然,個一日之後,我就更加更加,
珍惜我地仲可以一齊既日子。
時間嚟到四月十二,即係星期一。
我同啊童再次一齊返學,不過心情已經唔再係以前咁輕鬆,
好難控制自己唔去諗,唔去數住啊童仲有幾多日就要走。
返到去之後,我啲兄弟同Suki自然就圍住啊童關心下佢啦。
「我...有啲野想同你地講。」啊童說。
「咩呀?你有咗呀?」Suki問。
「屌唔L係。」我反了反白眼替啊童回答。
「點知你地啫。啊童你快啲講啦,講完陪我落去買野飲。」Suki挽著啊童的手臂說。
「我遲啲會去英國讀書。」就如早幾天她告訴我時一樣,大家臉上均露出了震驚之色,
久久未有人發一言,除了我之外,
其餘人都在消化著啊童所說的話,尤其是Suki。
「啊童應該暑假就會走,所以我地要趁佢未走之前約多幾次。」我說。
「屌,你兩個係咪夾埋呃我地㗎,好可疑喎你地。」Suki的反應跟我一樣,大概心底裏都是害怕啊童會離自己而去。
「你係我係呢間學校入面最好既朋友。」啊童張臂抱著Suki說,話中話就是她真的要離開,否定了Suki的猜測。
Suki聽到後不發一語。
「對唔住呀Suki,我都知你聽到呢個消息會好唔開心,但你放心我地都仲有幾個月時間,我應承你,我呢幾個月會盡量抽時間同你出街行街Shopping,總之你想做乜我都會陪你。同埋我之後長假期都會返嚟㗎嘛,啫係我地可以每三個月就見一次面,都唔係好耐啫係咪?」啊童繼續安慰Suki。
「咪就係得返幾個月囉。」Suki不滿地說,然後竟把啊童推開,轉身離去。
「喂!」啊童立即追上去。
但Suki卻連看也不看啊童,自己加快腳步離去。
「俾佢自己靜下啦。」我對啊童說。
「但係...佢好似好唔開心咁...」
「佢呢種女仔,唔會想係人面前唔開心㗎,你俾佢自己一個消化下先啦。」
「咁...好啦。」啊童扁了扁嘴說。
直到小息完結了要上課Suki也未回來。
之後那一堂的老師自然有問過Suki去了那裏,
我們隨便幫她作個藉口說她不舒服,
幸好老師也沒有追問下去,不然就麻煩了。
跪求大家Follow我既IG: MaanYin05
賽格(躺平)
2021-7-11 10:59:21
言言早
:^(
一起身就有文睇
:^(
山區兒童窩巴
2021-7-12 00:45:54
推推推推
萬言
2021-7-12 12:01:26
終於,在轉堂的時候Suki回來了。
雙眼明顯才剛哭完,回來後獨自趴在桌上,不發一語。
啊童示意我關心一下她,(如果大家仲記得嘅話佢係坐我前面。)
於是我便拍一拍她的背脊,
「你點呀?」
「點解...點解啊童唔可以早啲同我講...我唔明囉!」她激動的說。
「我都係早你兩日知咋嗱,唔關我事㗎,我都唔明點解啊童要咁遲講㗎。」
咦...咁樣好似唔算安慰...似係同佢一齊鬧啊童多啲喎,是但啦,
我都唔明點解啊童要咁遲先講。
「嬲呀!」Suki再次趴在桌上。
我對著啊童聳了聳肩。
反正我是猜不透Suki在想甚麼,大概是在嬲啊童為何不早點跟她說這件事吧。
對我而言,比起憤怒,更多的是擔心,擔心啊童之後不再我身邊,很容易感情變淡然後分手。
「鈴鈴鈴」想著想著,又上完一堂,又到了小息,又要做和事佬為啊童跟Suki調解。
啊童在落堂後立即走過來關心Suki。
「唔好嬲我啦Suki,我都唔想同你分開㗎。」啊童說。
「屌那星...你真係八婆嚟...世界上得你一個可以搞到我咁喊法...屌。」Suki站起來抱著啊童。
「對...對唔住呀Suki,你係我喺呢個學校入面最好嘅朋友,我都唔想同你分開㗎。」啊童開始眼濕濕。
唉仆街,望到呢個咁感人嘅畫面搞到我都有啲感動添。
「好啦!我地唔好再講啲咁感人嘅說話啦,我驚再講多幾句你地又喊過,我地不如諗啲開心啲嘅野,諗下去邊到玩好過啦係咪?」冇其實純粹係我想約佢地去玩。
「屌你,你唔識講野就收嗲啦,係呢啲咁感動嘅位你走去講呢啲,你是On9嗎?」
「咁你唔想去玩咩?緊係要趁啊童仲喺度嘅時候玩多啲啦。」我說。
「咁你有咩高見吖?」啊童問。
「錦鯉無高見,因為錦鯉係一條魚。」
啊童聽到後反了反白眼,一副想打我的樣子。
「唔好打我唔好打我,有冇興趣去愉景灣?」我認真給出建議。
「嘩好提議喎,嗰度好似好靚㗎,估唔到你件廢柴都比到啲有用嘅建議喎。」Suki說。
Suki贊成我的提議當然是好事,但更重要的是啊童喜不喜歡,所以我看向啊童,
「愉景灣...有咩特別㗎?我就無所謂嘅。」啊童說。
「冇㗎,得個靚字囉,去打下卡都幾好吖,反正我地又搵唔到地方去。」我說。
兄弟們當然沒有異議,反正我地出街很多時都係男仔自己隨便搵個地方坐低打機,
女仔就自己影相,咁我當然就要幫佢地影無得同兄弟打機啦,不過是但啦。
跪求大家Follow我既IG: MaanYin05
蛇夫子
2021-7-12 13:13:00
:^(
Ads
小灰塵
2021-7-13 06:27:21
追到live
:^(
:^(
:^(
愛言言
萬言
2021-7-13 09:39:11
細節呀,約既野就唔講啦,總之就係約咗星期三,點解係星期三?
因為星期三係我地復活節假既第一日,(係度提一提個啲返緊工既讀者,學生既復活節假係長過你地好多㗎,有成十日。)
所以我地就決定星期三係中環坐九點船入愉景灣啦,魚蛋好似有反對過既,
不過就是但啦,反正都係嘔幾分鐘啫,又唔係我嘔,佢辛苦咪辛苦啦,關我L事咩。
我同啊童就例牌一齊食咗早餐先出去,又係中環碼頭等。
「嘩,你知唔知上次同你地嚟既時候我係幾~咁緊張呀?」在碼頭等候其他人時,我重臨此地有感而發。
「點解呀?有咩緊張呀?」啊童不解地說。
「你唔係呀嘛,咁都唔記得,上次嚟既時候我係準備緊表白喎,你知你㗎啦,一陣又拒絕我就唔好啦,係人都會緊張啦大佬。」我說。
「唓,仲以為有咩特別,原來係咁咋。拒絕你係因為無誠意,同你未證明到你拍拖唔會影響學業,咁你之後做到呢兩樣野,咪溝到我囉。」啊童說。
「唉,唔知下次再同你一齊嚟呢到係幾時呢,應該你走之前我地都唔會再嚟中環碼頭㗎啦。」我嘆了口氣說。
「我咪講過囉,我長假期會返嚟㗎嘛,聖誕啦,聖誕返嚟我地再入多次長州。」
「嗱你話㗎,一定要返嚟呀,如果你唔返既話我嬲死你。」我說。
「得啦得啦。」
之後佢地都陸續到齊,咁就搭船入去啦,訓個覺就到。
魚蛋一落船就嘔,大家都已經習以為常,無點理佢,佢嘔完就會追返上嚟㗎啦。
落船後,兩位女生的眼球就迅間俾那沙灘吸引著,於是我們便應她們要求跟著她們走過去。
直行不久後我們便到了沙灘,她們以迅雷不及掩耳的速度衝了過去玩沙,
我們男生只好找將長椅坐下等待她們。
「喂啊言,過嚟陪我玩吖。」啊童向我招手。
「唔好啦掛,我對沙敏感㗎,唔掂得沙,我睇你地玩吖。」一想到全隻鞋,全身都是沙...我就不想過去玩了。
我可不願在整天餘下來的時間都跟沙子作伴。
「妖男人老狗驚啲沙,過嚟啦屌你,女朋友叫到你都唔肯過嚟。」Suki起身走過來把我推過去。
「喂唔好啦,我唔想對鞋入沙呀。」
「一陣倒返出嚟咪得囉on9,快啲過去同啊童玩啦。」
「唉你等我除鞋先。」我唔想對靚靚白色Converse鞋入晒沙。
我看過去兄弟那個邊向佢地求救,希望佢地當中有人可以講幾句野解救我,
但佢地一個二個就坐係個邊望著我陰陰嘴笑。
我屌,我好相信如果有一日我就嚟死佢地都唔會救我。
跪求大家Follow我既IG: MaanYin05
尋覓愛的哪一個人
2021-7-13 09:51:25
朝早有文,推推先
山區兒童窩巴
2021-7-13 13:17:10
推
上一頁
第 28 頁
下一頁