好撚灰 2021-6-10 08:55:45 推

馬鞍山鄺俊宇 2021-6-10 13:13:07 樓主考完試未

:^(

萬言 2021-6-10 13:13:26 「死變態！唔好以為我唔知你由頭先開始就係度𥄫我啊！你真係已經病入膏肓啦，我著長褲你都仲可以用一個咁咸濕既眼光嚟望住我。」她一出門口就大力扭著我的耳朵說。

「痛...痛。」我為了減少痛楚，所以頭順著她扭的方向斜傾。

(如果你有比女仔扭過耳仔你就明我講緊咩。)

「哼，邊個叫你成日𥄫我。」她終於放開手。

「我都係望多咗你一眼咁大把啫，對唔住囉。話時話你Daddy都幾鍾意花喎，你地成間屋都係花嚟既？」

「其實鍾意花個個唔係我Daddy，係我媽咪嚟既。」

「係喎，識咗你咁耐都冇見過你媽咪既？」

「佢生我既時候就走咗啦，之後我爸爸就繼續養啲花，直到宜家。」

「唔怪得知啦。」原來啊童是在單親家庭中成長的。

「唔好講呢啲咁Sad既野啦唉。」

「你放心啦，由我同你表白個一刻開始，我就應承過自己要好好咁愛你保護你，所以之後你身邊會多一個人煩著你同愛你。」我握緊她的手，認真地說。

「你係一個好人...」怎料啊童卻在此時向我開了個玩笑，把原本浪費的氣氛破壞掉。

我無言地看著她，然後甩走她雙手，向前離去。

「喂！講下笑咋，唔係咁都嬲呀嘛~」啊童立即笑著從後追上，強行拖著我的手。

「成日話我幼稚，你咪又係咁幼稚~」我把頭擰開，刻意不看啊童。

「係啦係啦，我都幼稚啦...唔好嬲啦~小言言~」她不停搖著我的手，可惜我無動於衷。

就睇下你會點樣氹返我！

「言言~」

「BB~」

「豬豬~」

「好肉麻呀你。」冇錯，佢講咗三句野就搞到我破咗功，笑咗出聲。

呵，原來有時扮下嬲睇吓啊童點氹返我都幾好玩喎。

「所以我地係諗住去邊個年宵市場㗎？」

「仲駛問既，緊係去維園個個啦。」

既然啊童想去維園那個年宵市場，那我也只好陪她去吧。

歷時差不多半個多小時車程，我們便抵達了。

啊童奔奔跳跳地走了進去眼前人山人海的年宵市場中，活像一個小孩子。

不消一會，她便已經消失於人海之中，

我立即上前打算尋回她，

奈何附近的人實在太多，

而且周圍迫得水洩不通，連移動也有困難。

正當我徬徨之際，一隻手篤了篤我的腰部，

怕吱的我差點整個彈起，

不用想也知道，普天下間，

會這樣做的，就只有啊童一人。

我沒好氣地回頭，眼前卻突然出現一串冰糖葫蘆。

「嗱，食啦！」啊童說。

「你去咗邊呀頭先？」我沒好氣地問。

「做咩呀？擔心我~啊？放心喎，冇人好似你咁變態㗎喎。你食得未呀？」啊童略帶不滿地說。

我張口把位處最頂的士多啤梨咬了下來。

「嘩屌...咁L硬既。」我說。

「嘻...估唔到你都仲係咁天真，呢個教訓教訓你唔好人地對啲野比你食你就照食，知唔知。我就唔食住啦~等佢「攤」下先食。」啊童奸笑著說。

經過我不屈不撓地咀嚼，我好不容易終於把那顆士多啤梨吞下肚。



跪求大家Follow我既IG: MaanYin05

山區兒童窩巴 2021-6-10 15:47:05 推

萬言 2021-6-10 20:58:20 下星期四先考完

:^(

橫跨三個星期

山區兒童窩巴 2021-6-11 03:29:08 推

萬言 2021-6-11 08:09:41 啊童拉著我在花市中左逛右逛，來回穿插於人群之中。

「嘩！隻豬仔好得意啊！」啊童被其中一檔的產品，一隻豬公仔吸引著。

她把它拿上手把玩著，久久不願放下。

「小姐，係咪對我地呢隻豬公仔有興趣呢？」職員眼見有生意，立即過來問。

「係呀，好得意啊。」她的目光依然不離手上的豬。

「呢隻係我地今年既王牌商品嚟既，其實仲有另一隻係同佢一對㗎，我攞埋比你睇下吖。」

「好啊！」 糟了糟了，啊童看來是對這隻公仔起了興趣。

「嗱，呢隻就係佢既另一半啦，你手上既呢隻呢，係女仔嚟既，而我手上呢隻呢，就係男仔嚟既。咦，請問身後個位係咪你男朋友呢？」職員問。

「係呀。」啊童不疑有怍，立即回答了她的問題。

「哦，咁就啱啦，男女朋友，一人一隻，你要隻男既，男朋友呢，就要隻女既。仲可以攬住呢隻公仔嚟瞓覺添，好好攬㗎。」不得不佩服這位職員的銷售技巧，成功令到啊童心動。

「幾多錢啊？」

「一隻一百，兩隻一齊買就有折，一九九，寓意長長久久吖嘛。」

啊童聽到後轉頭看著我，用她那水汪汪的雙眼注視著我。

「你好想要咩？」

「唔！」啊童大力點一下頭。

「唉好啦好啦。」最終我也是屈服於她那惹人可憐的樣子之下，拿出銀包付錢。

「多謝兩位。」職員把兩隻公仔包好然後交給我。

「好耶！」未待我放好兩隻公仔，啊童就又拉著我向前行。

行了個多小時後，我們終於走完乾貨區，

之後我們便去濕貨區按周叔叔要求購買了一盆桃花。

回程時，作為一個稱職的男朋友(雖然呢句我唔知講咗幾多次。)

我又怎會忍心要啊童拿那盆桃花，所以這個責任自然就落在我身上了。

幸好那盆花體積不算大，不然我應該在半路中就給累死了。

好不容易終於從花市回到家中了，我捧著那盆花走進啊童的家中，

周叔叔連忙過來接過那盆花。

「知唔知點解我要你地買桃花啊？」周叔叔問我們。

「靚吖嘛，同埋啊童鍾意粉紅色，擺盆桃花係屋企可以裝飾下囉。」我回答。

周叔叔笑著搖了搖頭，然後說，

「桃花代表愛情，同時寓意我地要珍惜眼前人，咁你地啱啱開始拍拖，我希望你地可以好好珍惜對方，就算鬧交都唔好隨便講分手，因為每段愛情都得來不易，好難得兩個人先可以走埋一齊，要趁對方仲健在，仲愛你既時候好好珍惜對方，唔好當佢對你既愛係理想當然，亦唔好認為有得同對方係埋一齊係一件好平常既事。兩個相愛既人，可以係埋一齊，成世唔分開已經好值得開心。」他突然對我們說起教來。

「你無端端講呢啲做乜啫，擺好啲花去啦快啲。」啊童說。

「為咗你地好咋傻女，啲人話初戀好容易分手，就係因為第一次拍拖大家都冇經驗，所以先至易分手。我宜家教定你地，就係唔想你地咁快分手啊，代緊錢落你地袋啊。」



跪求大家Follow我既IG: MaanYin05

難得今日唔洗返學考試
早啲出益下你地

:^(

蛇夫子 2021-6-11 11:09:09 更新了，推。

hS9て6SIhI'E 2021-6-11 12:02:03 三十歲人睇青春故好懷念

:^(

:^(

山區兒童窩巴 2021-6-11 14:20:39 推

山區兒童窩巴 2021-6-11 14:20:52 真

:^(

:^(

NakoYabuki 2021-6-11 17:42:19 新讀者留名

萬言 2021-6-11 20:11:26 多謝支持

:^(

講感情傷感情 2021-6-12 00:59:21 睇到樓主個開頭同埋中段去石澳bbq個時童童話自己有夜盲症可能合盲嘅時候都feel到個故會sad end

:^(

令我諗起墨爸個糖糖故，又係男主身體有問題，就睇下樓主睇你功力深唔深厚寫到個happy ending比言言同童童啦

:^(

萬言 2021-6-12 07:07:59 其實我到而家都唔明點解任行樂會無端端好返

:^(

講感情傷感情 2021-6-12 09:50:21 打完決賽之後對面隊最勁個個打左佢心口幾下

:^(

萬言 2021-6-12 09:52:54 那天回到家後，我好好思索著周叔叔所說的話，

看來他也是一個有故事的人，

才能說出這番話來。 好好珍惜對方...

算了，先不想這個，

我打開日歷看一看距離情人節還有多久。

答案是，只剩四日。

知唔知啫係咩意思？

啫係話我又要諗送咩禮物啊仆街！

真係好L難諗啊啊啊！

諗既過程我唔講，諗咗足足一個鐘之後我就決定好，

要親手織條頸巾比啊童！

但係，呢啲野，

都係先諮詢一下Suki既意見先，

你知啦，啲女就好L古惑既，

一陣間送咗俾佢佢唔鍾意就唔好啦。

「喂Suki。」說時遲那時快，我已經拿起了電話打給Suki了。

「又點啊？如果你係想問情人節禮物送咩好？唔L好問我！係咁，拜9拜。」

「喂喂喂喂喂，唔係唔係，我已經諗好咗，諗住問下你意見啫。」我立即阻止她Cut線。

「咁係乜野啊？」她不耐煩地問。

「我呢，就諗住織條頸巾比啊童當做情人節禮物既，咁你覺得佢會唔會鍾意呢份禮物？」

「嗱我老實講，如果我男朋友織條頸巾比我呢，我就一定會打柒佢既。但係如果你係織比啊童既話呢，我諗佢會好鍾意呢份禮物既。」Suki說。

「得！唔該晒Suki姐。」我恭敬地說。

「拜9拜。」她說完便Cut了線。

「好！咁啫係我可以織頸巾，首先要去買材料。」我自言自語的道。

於是我便去了一間十二蚊店購買毛冷及針，然後便回家開始織了。

幸好之前上家政堂老師曾經教過如何織頸巾，而我大致上還記得，

所以回到家後我連教學影片也不用看就能開始織了。

老實說，織的過程是挺無聊及要花費很多時間的，

但為了啊童，再悶再花時間，我也得做。

連日來日織夜織，終於在情人節前一晚織好了，

我滿足地欣賞著自己的作品，卻比突然走進來的老媽看到。

「嘩啊仔，你做咩織頸巾啊？織比邊個啊？女仔啊？啊童啊？」她連珠炮發的發問方式令我來不及回應她。

「唔好理啦你。」

「又織得幾好睇喎。」老媽一把搶走我手上的頸巾。

「你都覺織得幾好睇啊？」一聽到她讚賞的我臉上立即展現出笑容。

「笑得咁開心...織比啊童啊？」

「關你咩事啫，攞返嚟啦，唔好整爛啊，整爛咗我都唔知點算好，一定趕唔切今晚再織多條。」我珍而重之地把頸巾奪回，再找一個安全的地方放好。

「啫係聽日要用...哦...我明啦！」老媽露出一個意味深長的笑容。

「明就出返去啦。」

「聽日你叫啊童過咗嚟等我俾咗利事佢先啦，之前幾日一直都冇機會俾。」

「好啊。」





跪求大家Follow我既IG: MaanYin05

𨳒𨳊𨶙𨳍閪 2021-6-12 09:55:19 幸運時間

:^(

:^(

萬言 2021-6-12 20:51:58 二月十四，又名情人節， 我自然是約了啊童出街拍拖。

起身後我認認真真地梳洗了一番，

穿上早一晚已經襯搭好的衣服，

務求以最好的狀態去見啊童。

「叮噹」 我剛剛穿好衣服，啊童就到了。

我立即走出去開門。

「估唔到你會準時喎！」我打開鐵閘笑著說。

「食屎啦你！情人節你都要笑我。」她走進來之後大力踢了我一腳。

「啊童你嚟咗啦？」老媽從廚房探頭出來問。

「新年快樂呀Auntie。」

「乖，我去攞利是比你先。」老媽從廚房中走出來拿利是。

「多謝Auntie。」

「你地係咪拍緊拖啫？」老媽失驚無神吐出了這個問題。

啊童看向我求助，我以眼神示意叫她先不要說。

「唔認就只得廿蚊，認咗有五百。」她見我們遲遲未回應，於是以金錢引誘啊童。

「係！我地係拍緊拖！」一聽到有五百大元我立即代替啊童承認。

「衰仔！一日到黑剩係顧住錢，之前問極你都唔肯講，宜家一聽到有五百蚊就即刻認。你睇吓人地啊童，邊有好似你咁咁失禮。啊童我要你親口講。」 啊童再次看向我求助，我當然不斷大力點頭，叫她承認我們的關係。

「係既Auntie，我地係拍緊拖既。」

「咁就乖啦，實乜咁猶豫啫。嗱，呢到係利是，我多謝你呢半年嚟日日都陪個衰仔溫書，佢有你呢個女朋友我都好戥佢開心，之後就要麻煩你繼續幫我照顧個衰仔。祝你身體健康同埋步步高升，唔好因為顧住同我個仔拍拖而拖累自己既學業，幫佢溫書之餘都要顧掂自己啊，知唔知。」老媽把利是遞給啊童。

「知道。多謝Auntie，祝你身體健康，青春常駐，年年有餘。」啊童雙手接過利是。

「仲有，千祈唔好心軟俾個衰仔攞走入面啲錢。」 啊童笑著點了點頭。

「唔阻你地啦，情人節就去拍下拖啦。」老媽說完這句便離開了。

「係喎，唔講都唔記得今日係情人節添。」我裝作不記得。

「唔記得你又會約我出街仲話已經安排好晒活動？你當我傻~㗎？」

「唉呃你唔到添。」原本還期待著能看到啊童失望的表情...

「哼，想呃我？冇咁易。」她接著就伸出手來，把手攤開。

「做咩呀？」我繼續詐傻。

「做咩！？禮物呢？唔好同我講冇準備呀...信唔信我殺咗你吖嗱？我就辛辛苦苦諗咗勁耐，你就舒舒服服係到打機！」啊童的氣勢迫人。

「我信我信，所以我咪準備咗禮物囉。跟我嚟啦。」我招手叫啊童走進我的房間中。

待啊童跟我都進到去後，我便把門關上。

「你既情人節禮物咪就係我囉。」然後我如上次聖誕節般一把抱著她，但卻得不到同樣的回應。

啊童一拳狠狠地打在我的心口位置。

「嘩玩下啫，駛唔駛咁惡啊...認真啦認真啦，我宜家攞出嚟。」說罷我便打開自己的衣櫃，再把我藏在當中的頸巾拿出來。

「登登！」我自毫的向她展示自己的作品。

「嘩...你自己織㗎？好靚啊~」啊童從我心中拿走頸巾，

再放在自己手中細細欣賞，臉上掛著那又驚又喜的笑容。

連日來的努力，如今換到女神一笑，

對我而言一切都值得了。

「快啲纜嚟睇下啦。」啊童聽罷便戴上了頸巾。

「點呀點呀？好唔好睇啊？」啊童興奮地問我。

「緊係好睇啦！話晒都女神喎，著咩都好睇既。」

「算你啦。」她口中雖如此說，但臉上的表情卻已經藏不住她內心的喜悅之情。

「I Love You。」她輕輕地在我臉頰上留下一個無形的印記。

「I Love You too。」我把啊童輕摟入懷。

「等等先！」我突然想起了一件事，於是便推開了啊童。




跪求大家Follow我既IG: MaanYin05
加更

蛇夫子 2021-6-12 21:02:30 更新了，推。

馬鞍山鄺俊宇 2021-6-12 21:29:45 突然加更ge

:^(

萬言 2021-6-12 21:47:46 呢到都過一百正評啦，所以咪加更囉

:^(

絕對唔係因為IG Fol過250所以先加

山區兒童窩巴 2021-6-13 02:22:14 推

小灰塵 2021-6-13 02:58:42 驚喜文

:^(

:^(

愛言言

萬言 2021-6-13 09:21:40 「做咩呀？」啊童不解地問。

「你.個.份.禮.物.呢？」

「哦，咁咋，仲以為你做咩事無端端推開我。」啊童笑說。

「等一等我啦，我宜家出去攞比你。」說罷她便走出了我的房間。

不消片刻她便又回來了，手上拿著兩個盒子。

「咩嚟㗎？」

「嗱，呢個係你既，呢盒係我既。」

她把其中一盒遞給我，奇怪奇怪，

明明兩個盒子完全是一樣的，她究竟是如何分辨的呢？

我把盒子接過來，旋即把它拆開。

「手錶？」

「正確啲嚟講係情侶手錶，有我地個名係上面㗎，你個隻係黑色既，而我呢隻就係白色既。之後我地就可以戴同一款錶返學啦！」

老實說，去到最後那幾句我已經沒有空聽啊童說的話，

因為我只掛著把玩那隻手錶。

「喂！你有冇聽我講野啊？」

「有...緊係有啦，多謝你份禮物，隻錶好靚。」我隨即把那隻錶戴上手。

「咁就好啦。點呀？我地出去未呀？」啊童問。

「行囉。」一早已經計劃好今天行程的我說。

「所以我地今日去做咩？」待我們出了門口後，啊童便急不及待地問。

「時鐘酒店。」我平靜地吐出這四隻字。

「喂呀！認真答我！」她把我的頭扭過來，使我的雙眼比迫看著她。

「唔得！我要保持神秘感，總之你唔會有事啦。」

「大概係做啲咩㗎一陣？」啊童不放棄堅持追問下去。

「運動。」

「溜冰？」啊童問。

我呆了看著她，完全沒有料到過她一猜便猜中了我想了整晚的活動。

「哈，都話你有乜野都瞞唔過我㗎啦，少年你真係太~年輕啦。」她向我做過鬼臉。

「仆...仆你個街，你知唔知我諗L咗幾耐啊呢個活動？一晚啊！宜家你一句就估到啦，咩驚喜都冇晒。」我哭著臉說。

「唔緊要啦，知道咗咪重開心，我宜家已經期待緊啦。」難為我要啊童反過來安慰我。

「話說你識唔識溜冰？」我問。

「唔識，你識㗎可？」 我搖了搖頭。

「吓？你認真㗎？你唔識你又揀呢個活動？」

「我...我以為你咁全能，我諗住你實識溜冰可以教我㗎嘛，點諗過你係唔識㗎啫...」

「唔緊要，我有辦法，我地宜家上網睇下啲教學，到時再試下就應該ok㗎啦，溜冰應該唔係好難㗎啫。」真佩服啊童永遠能這麼樂觀。

於是我便在坐車途中上網找教學片段看。

我成個月既數據就咁冇晒，仲有十日要捱...

唉，屌，又講遠咗。

「好！我諗我地應該都明既...」啊童站在溜冰場前說。

「唔明都冇辦法㗎啦，唯有入到去之後再睇吓人地點溜囉，我去買飛先。」我說。

「好啊。」



跪求大家Follow我既IG: MaanYin05