是咁的,我同女神做咗鄰居
上一頁
第 15 頁
下一頁
萬言
2021-6-2 21:54:36
未試過既野好難描寫出嚟喎Ching
雖然我未拍過拖都可以寫到呢個故
同埋呢個故純愛故嚟㗎嘛,廢時加甜啦
Ads
查頓辛祖(待轉會)
2021-6-3 01:48:03
有無Link
連登同紙言都Del左
:^(
:^(
傻瓜青娃
2021-6-3 05:08:25
:^(
:^(
萬言
2021-6-3 07:03:22
我最後一次開係幾個星期之前
宜家我都搵唔到
:^(
下一站金鍾
2021-6-3 09:36:45
Penana 得翻頭果七十章 我好想睇埋個結局佢
:^(
萬言
2021-6-3 13:30:51
「你想點呀咸濕佬。」啊童雙手護胸。
「冇啊,諗住叫你過嚟玩.下.咋嘛。」
「我警告你呀...唔好諗住對我做啲咩啊!死變態!」
「喂,我同你講我屋企冇人,一遍好心諗住叫你嚟玩下,你自己諗歪咗,跟住就走去話我係變態佬,有冇搞錯。唉,你呢啲人,思想污穢,明明人地都唔係咁既意思,自己諗咗去第二度仲要話返人轉頭,我對你好失望,你俾Suki教壞晒啦。」我連珠炮發地說,令啊童一時之間反駁不了。
「你...食屎啦你!明明一開始你就係諗緊個啲野!」她舉手欲打下來,卻比早已有心理準備的我一把捉著。
「哈,打我唔到。我去俾錢先。」我放下她的手,向她做個鬼臉,然後把錢拿給文姨。
符完錢我們便步出門口,
「喂,攞隻手嚟拖下啦。」我對正翹起雙手的啊童說。
「唔比呀!邊個叫你頭先蝦我啫。」啊童用她水汪汪的大眼瞪著我說。
「講下笑咋嘛...」 既然啊童不讓我拖她的手,那我唯有...轉為搭著她的膊頭。
啊童看似被我這一舉動嚇了一嚇,看了我一眼之後才繼續前行。
「估唔到你唔只會拖我手,仲會搭住我膊頭行喎。」
「咁無手拖就搭膊頭㗎啦,有幾出奇啫。」我笑說。
很快我們便回到我們家所屬的樓層,
原以為啊童會就此回家,怎料她卻和平時一樣,
跟在我背後,而不是回到自己家中。
「做咩呀你?你唔係話唔過嚟㗎咩?」我看一看身後的啊童,手上則在銀包中尋找鎖匙。
「咁我見我都冇乜野做,又啱啱考完試,同埋...」啊童低頭害羞地說。
「同埋咩呀?」這句話勾起了我的興趣,令我停下手上的動作。
「同埋...算啦冇野啦,你快啲開門啦。」她欲言又止
「講啦。」
「同埋想見多你一陣...」她聲如細絲地說。
「咩話聽唔到,你試下講大聲啲?」我裝傻。
「唔講啦!聽唔到就算啦。」
「你唔講多次我唔開門㗎。」我說。
「我話我想見多你一陣!」啊童提高聲量說。
「再大聲啲~」
「唔講呀!」
「唉算啦唔玩你啦,比你入嚟啦。」我打開門。
「玩玩玩,玩你個死人頭啊,成日剩係識玩我。」啊童隨便把書包放下。
「冇錯,我剩係識得玩你。」我笑著從後用公主抱式抱起了她。
「嘩!!!放低我呀!」啊童比我突如其來的動作嚇倒。
「嘻...又係你話我剩係識得玩你既,咁我咪繼續玩你囉。」我看著啊童說。
「好幼稚呀你!快啲放低我呀!」啊童的雙腳不斷踢來踢去,可惜任她再大動作,她也不可能成功反抗。
「知唔知呢個動作叫咩啊?」我直接無視了她的說話。
「公主抱吖嘛...」啊童紅著臉說。
「無錯啦!你就係我既公主啦,咁宜家請問公主殿下你想去邊呢。」我問。
「你真係好鬼無聊啊,快啲放返低我啦。」啊童反了反白眼。
「Dee dee!呢個答案係不被接受既,請重新講過另一個答案。」
「唉是但啦,去你間房啦。」
「收到,請公主捉住我條頸,以策安全。」 啊童無奈之下唯有配合我,雙手輕輕地箍著我的頸。
我小心翼翼地把她抬了進去,然後再在床上放下...
咳...講笑,
唔好學啊童咁諗歪。
我將她放在平時她坐的那張椅上。
「請問公主你有咩想做呢?」
「我宜家好想打你!」
「公主唔可以成日郁手郁腳㗎,公主你行完咁耐返到嚟隻腳應該都攰㗎啦,不如由小人同你按按佢?」我說。
「大膽奴才,竟敢試圖抽本公主水?本公主已經看穿你既意圖,乖乖束手就擒,等候發落。」啊童強忍著笑說。
「小人不敢,小人不敢,小人一心只想幫助公主,並無他意。」就看看誰面皮較厚。
「哼,諒你也冇如此膽量,就替本公主按按,警告你不要毛手毛腳。」她把雙腳放在我的腿上,供我為她按摩。
「係,小人知道。」我聽到她肯讓我為她按摩後大喜,立即開始為她按摩。
「你真係好變態囉,都係比隻腳你按摩下啫,你睇下你個樣衰到,成個猥瑣咸濕佬咁樣。」啊童沒好氣地說。
「痴線,我絕對冇諗過要抽你水。我只係一盡我男朋友既職責。」我一本正經地說。
「你望下你隻手,仲唔係抽緊我水!?Hi下Hi下咁,扮都扮得似啲吖大佬。」
「Sorry Lor,驚整痛你吖嘛。」我說。
「開Overcook嚟玩啦,之前考試好耐冇玩過啦我。」啊童說。
「小人遵命。」
跪求大家Follow我既IG: MaanYin05
杜撚特
2021-6-3 15:09:15
拿 記得寫到佢哋結婚生仔啊 唔好寫佢地分手啊
好sweet ar
:^(
:^(
:^(
:^(
我就是高達
2021-6-3 15:21:58
如果其他故九成九加甜
:^(
萬言
2021-6-3 15:26:57
「周樂童,可唔可以嫁俾我?」我跪在地上,背對著夕陽,
手上拿著早已準備好的戒指。
此時的啊童雙手捂著臉,但任憑她的臉比手擋住了一大片也好,
都掩蓋不了她的喜悅之情。
她的眼淚一滴一滴地流下來,感動得不能說話。
「就俾我兌現自己當時既承諾,俾我照顧你一世,好冇呀?」我繼續說。
穿著白色裙,猶如天使般的啊童輕輕地點頭...
我求9奇寫下咋,寫得唔好勿屌
萬言
2021-6-3 15:28:59
話說我仲未打完今日個一千字,但係聽日就考中文,
我仲要未背好幾篇範文
:^(
點算好
:^(
我就是高達
2021-6-3 15:39:54
樓主加油,啲範文真係幾煩
:^(
:^(
Ads
丸走睪飛(一粒)
2021-6-3 16:11:17
你咁努力讀書為咩 就係為考大學
考大學為咩 就係為左搵好工
搵好工為咩 就係為左搵錢
搵錢為咩 就係為左買快樂
你而家唔溫書 做自己鍾意做嘅野 一樣咁快樂
仲唔洗溫書添
.
講笑咋 溫書啦樓豬
:^(
微風帶著你叢林
2021-6-3 16:12:15
啊童表示考完試都要繼續溫範文,聽日個篇咪可以邊作邊背範文
:^(
萬言
2021-6-3 16:14:16
中三溫乜鬼範文
:^(
同埋我而家打緊呢篇應該十六日後先出
我手頭上仲有好多貨仔
萬言
2021-6-3 16:15:20
仲係小學雞既時候已經聽熊仔頭講過啦
懷疑咗好耐人生
最後發現原來都係要努力讀書的
:^(
微風帶著你叢林
2021-6-3 16:29:47
sor 唔記得佢地中三
:^(
咁你都係去溫書啦
nicetomeetyous
2021-6-3 16:59:47
此回覆已被刪除
萬言
2021-6-3 17:06:20
你咁講完我有啲驚
:^(
:^(
nicetomeetyous
2021-6-3 17:37:35
此回覆已被刪除
我就是高達
2021-6-3 20:45:56
其實係有棍姐姐
:^(
萬言
2021-6-3 20:50:05
連登有冇棍絲㗎咩
:^(
Ads
山區兒童窩巴
2021-6-4 02:17:32
連登大把30歲處男寫甜故啦
:^(
:^(
:^(
山區兒童窩巴
2021-6-4 02:19:58
又扮女人
:^(
:^(
:^(
傻瓜青娃
2021-6-4 06:21:02
:^(
:^(
萬言
2021-6-4 13:23:26
我好好珍惜著還能跟啊童一起坐的日子,可惜要來的始終要來,
我最不想發生的事情終究會發生,
星期四的到來,無疑是對我一大打擊,
要知道每天起床可是對意志力的一大考驗,
而這數天以來,一想起能跟啊童一起上課就是我起床的動力,
但今天我起床上想起的卻是,
要!調!位!,
一想到這裏我就不想從床上下來,
至少在夢中我仍能跟啊童一起坐...
可響個不停的鬧鐘,卻在催促著不願起床的我,
不讓我繼續抱頭大睡。
「唉起啦起啦。」我對著煩人的鬧鐘說,然後從床上爬下來。
時間跳到去班主任時間,Mr Wong從門外徐徐步進來,
手上握著將會決定我們生死的坐位表。
「永別啦啊言~」坐在我前方的Marcus裝哭。
我向他回以一隻中指。
「乜你咁㗎,我好心同你道別,換嚟既竟然係一隻中指?你咁冷血既。」
「收皮啦屌你。」
「好啦各位同學,我地宜家調位啦,大個仔啦,都唔駛我逐個調啦,我開個投影機Show張坐位表出嚟,你地自己調啦。」Mr Wong說。
說罷他將我們的「生死紙」投影出來,
唉,我不求能繼續跟啊童坐,
只求能跟其中一個兄弟又或Suki坐...
我在坐位表上尋找著自己的名字,
冇既...冇既...冇...
有啦!
第一行第三個位,
坐我隔離既係...
仆街了,係一個有嚴重公主病,極度自戀,毫無自知之明,
而且比Suki更八掛既女仔,好似英文名叫Michelle。
屌。
咦...Suki坐我前面?
啫係話至少都有條友可以同我傾計喎,
好彩...啫。
咁啊童坐邊呢?
冇...冇...冇......
今次真係仆街了,
啊童坐第八行既第二個位...
隔咁L遠㗎, 坐佢隔離既係...啊正!?
咁都好啲,係碼唔係啲咩MK仔,
係一個我信得過既人。
只不過,隔咁遠我地真係唔會有交流既機會,唉屌,點L解要調位。
「放心啦啊童,我會幫你睇住你條仔,唔俾佢有機會溝其他女㗎啦,監視佢既任務,就包係我身上!」Suki對啊童說。
「唓,你覺得佢夠膽做呢啲野咩,佢咁廢。」啊童恥笑我。
「你仲笑得出既...我地隔咗成個班房咁遠喎。同埋,你話邊個廢啊?你唔記得前幾日係邊個抱起咗你,你連反抗都反抗唔到㗎?」
「妖!女仔唔夠男仔大力有幾出奇啫?」啊童大力踩了我一腳。
「不過其實調咗位都好吖,起碼你可以專心啲上堂,身邊冇人同到你傾計。」啊童說。
「痴L線㗎你,要同男朋友分開你仲話好既。」我張開雙手打算來個Goodbye hug。
「死開啦。」卻比啊童一臉厭棄地推開了。
「各位同學如果冇問題既話就可以開始調位啦。」我們的對話就此被Mr Wong打斷了。
毋忘
大家加油
上一頁
第 15 頁
下一頁
雖然我未拍過拖都可以寫到呢個故同埋呢個故純愛故嚟㗎嘛,廢時加甜啦