是咁的,我同女神做咗鄰居
上一頁
第 13 頁
下一頁
蛇夫子
2021-5-28 17:13:45
樓主,你想人follow IG,最好留埋網址連結,現在的人超級懶。
:^(
:^(
Ads
萬言
2021-5-28 19:37:56
https://www.instagram.com/invites/contact/?i=89dwqb7jmgig&utm_content=ksjpbrk
萬言
2021-5-28 19:38:19
https://www.instagram.com/invites/contact/?i=89dwqb7jmgig&utm_content=ksjpbrk
萬言
2021-5-28 19:38:38
快啲fol唔該
萬言
2021-5-28 22:00:54
仆街原來擺錯Link
自膠
:^(
呢條先啱
https://www.instagram.com/maanyin05/
傻瓜青娃
2021-5-29 00:13:37
Lm
萬言
2021-5-29 09:51:55
為了不再比她打,所以我主動牽起她的手來,
才繼續向前走。 不出數十秒,我們便已經到達了洞穴的另一邊,
亦即出口。
我捉著鋼梯向上排,
上到去後,我便打算轉身拉啊童一把,
怎料她已經自行握著鋼梯爬上來了,
差點忘記了她也是一個運動員, 可不是甚麼弱小女子。
「返得去啦。」剛出來的啊正說。
「肥強呢?」我問。
「佢L過到中間個段路咩,返咗去啦。」魚蛋說。
「哦,咁好啦,我地過去搵返Suki啦。」我說。
於是我們便沿著山路走回去,幸好這裏都算是香港的景點,
所以指示尚算清晰, 我們按著路牌走便順利回到去了。
「咦,肥強,你點解係度既?」我裝傻說。
「食屎啦你,個窿咁窄,點L樣過啫。」
「唉,一早就同咗你講㗎啦,又唔聽我講。」我搖了搖頭說。
「你明知自己肥就好似我咁,咪L落去啦。」Suki說。
「此言差矣,下面不知幾好玩。」我說。
「你咪聽佢講啊,佢就緊係好玩啦,係度嚇我。」啊童扁著嘴說。
「嘩!乜你咁過份㗎,走去嚇自己條女,今鋪真係唔抵幫,啊童我地唔好理佢,我地走!」Suki拖起原本應該屬於我,啊童的纖纖玉手,然後轉身下山。
「喂!還返個女朋友比我啊!」我朝她們大叫,卻慘遭無視。
「邊個叫你蝦佢呀?」Suki向我做個鬼臉。
「我蝦佢關你咩事啫。」我不服氣。
「哼,佢係我既好姊妹,理得你係佢邊個,總之我唔會比佢比人蝦!我話你知啊...如果你之後走去偷食被我知道咗既話,我切咗你條L啊。」Suki恐嚇我。
「嘩條女痴L咗線,我怕怕走先,你地慢慢。」我一想起空洞洞的下體就感到害怕。
「你咁講啫係你會偷食啦!你唔係諗住自己會偷食既話你駛乜驚啫。啊童!快啲分手啦,佢渣男嚟㗎原來。」Suki說。
「喂唔...」我百口莫辯。
「得啦你唔駛講啦,啊童唔好再成日痴住佢啦。」Suki繼續說。
「算啦唔好玩佢啦Suki,我地走啦。」啊童挽著Suki的手臂離去。
我無奈之下,只好和兄弟一起走,跟在她們後面。
我們一路走到了碼頭附近,朝著旅館走。
沿路我們途經一幅滿掛著鎖的牆,細看之下鎖上原來全是一對又一對戀人所寫上的情話。
此時前面的兩位女生停了下來,
短暫交談了一下後,啊童便轉身看著我。
想也不用想,她自然是想掛一個上去。
「啊言呀~不如我地都買把鎖,寫啲野跟住掛上去吖。」
果不其然...
「好啊!」作為一個愛錫女朋友的人,當然不會拒絕她的要求,
於是我便跟她走進了售賣許願鎖的店舖中。
「你想要咩色啊?」我問。
「粉紅色?」
「好啊,你諗定寫乜野上去啦,我去俾錢先。」
「唔!」啊童愉快地點了一下頭。
待我符完錢後,我們便拿著筆,看著那把鎖發呆。
「點呀?你諗到寫咩上去未啊?」我問。
「未呀。」啊童苦惱地搖了搖頭。
「唓,仲以為你有咩想寫上去,原來未諗到既。」我說。
「一係...我地乜野都唔好寫上去吖。」啊童提議。
「吓?俾咁多錢買把鎖,但係乜都唔寫上去?」我不解地問。
「係呀,因為我地對彼此既愛係唔可以用言語去形容㗎嘛,係未?」啊童笑了一笑。
「你幾時學咗我講埋晒呢啲肉麻野㗎?」我笑著問。
「咩學呀?我真心㗎。」啊童一臉認真地說,當然,這句也是在模仿著我。
「係啦係啦,咁我地剩係寫個日期上去,做個紀念好冇?」
「好啊。」
「我寫個日子同月份,你寫個年份上去啦。」啊童聽罷點一點頭。
於是便由我寫了日子跟月份,
而她則在接過筆後,在鎖上寫上年份。
「好!搞掂!掛去邊啊?」我問。
「個度。」啊童伸手一指,指著右上角。
「點解要掛個到?」
「因為個度最少人搞,我唔想比其他人掂到我地把鎖!」啊童像個小孩子般,不準他人碰到自己的玩具。
「好啊,你鍾意啦。」我順她意把鎖掛在那裏。
跪求大家Follow我既IG: MaanYin05
傻瓜青娃
2021-5-29 19:07:27
:^(
:^(
我就是高達
2021-5-30 03:00:49
終於追哂,感覺樓主本來打算sad end而家慢慢改緊,不過真係好有真人真事feel,加油。不過作為大學生,雖然呢幾年仲有得玩,不過真係同中學無得比,係回不去的歲月,好好珍惜,唔好以後後悔,真係遇到阿童記住去馬
:^(
:^(
利申:有fol ig
山區兒童窩巴
2021-5-30 03:05:51
推
萬言
2021-5-30 07:11:27
多謝你既支持
:^(
以下內容小心劇透
:^(
Ads
萬言
2021-5-30 09:40:31
我們之後便租了幾輛單車,沿著海邊一路踩,
而令我出奇的是, Suki竟然懂得如何踏單車,
這對於一個不太喜歡運動的港女來說, 何謂是一個奇蹟。
而啊童就當然懂得如何踏,
不用我操心,男生們就更不用說,
好像不要命般,速度快得令人擔心。
「嚟,我地嚟比賽,睇吓邊個最先去到個盡頭。」魚蛋說。
理所當然地,我們男生全都參加這個比賽...
「好啊,驚你啊?」Suki竟然會參加這個比賽!?
作為一個男生,我有捍衛男性尊嚴的義務,
不容Suki勝出是我的目標, 正當我磨拳擦掌,
已經準備好要大展身手時...
「喂不如你唔好參加啦,好似好危險咁喎。」啊童欲阻止我參加。
「吓,有幾危險啊?Suki都參加啦。」
「我唔想你受傷呀...」啊童扁著嘴,用她那水汪汪的雙眼看著我。
她的這個樣子,實在是我見猶憐,
不忍心拒絕她的請求,心頓時軟了下來。
「唉好啦好啦,咁我陪你啦。」我作出妥協。
「喂,我唔玩啦,你地比啦。」我對他們說。
「吓點解啊?咁好玩既野你都唔玩?」Suki愣然地問,想必她沒有想過我會不參加。
「屌,你個好姊妹唔俾我玩啊。」
「佢話唔俾你就唔玩啦?唉,你真係廢到爆,咁驚女朋友。」Suki說。
「你估我想㗎咩,一陣被佢打就唔好啦。」我先捉著啊童的雙手,之後才說出這番話,以免她聽到後有所不滿,我可不想再受皮肉之苦。
但正所謂道高一尺,魔高一丈,
我話畢時已經感受到啊童眼神上的轉變,
奈何我實在是太年輕,沒有防範到她會用腳踢我。
「你!講!乜!野!啊!」她一腳大力踢過來。
被她這樣一踢,失了平衡的我從車上跌了下來。
「咔嚓」Suki不知何時拿出電話,拍下了這一幕。
「喂!又影!?」
「比賽宜家開始!走Luuuu~」Suki秒速逃離現場。
其餘人則緊跟在她後面。
「起身啦廢柴。」啊童走過來扶起我。
之後我們便慢慢踩過去終點處會合他們。
我們一路踩,直到中午要吃午餐才停下來。
求其進了間餐廳吃完飯後,我們便回到旅館執拾物品準備退房。
「唉,兩日一夜咁就玩完,後日又要返學啦屌。」Suki說。
「有得玩兩日你仲想點啫,唉講真我都幾期待返學。」我說。
「你會期待返學!?」啊正問。
「有得見到女朋友,佢又坐我隔離,想傾計就傾計,不知幾開心。」我滿懷期望地說。
「你地仲得閒傾計既?快啲啦,趕唔切班船啦!」啊童說。
在啊童的催促下,我們加快手腳,幾分鐘內便執拾好所以物品。
「跑啊!趕唔切啦!」啊童對著正氣喘如牛的Suki說。
我看一看手錶,一分鐘,只剩一分鐘。
我們全速向前跑,離遠看到那艘船已經泊好在碼頭,
乘客逐一上船,於是我們唯有加快腳步。
「屌。」我坐在碼頭旁邊的長椅,
看著正駛離的船,脫口而出說了一隻完美表達出的內心心情的字。
「咁都無辦法㗎啦,等多半個鐘囉唯有。」啊童說。
我們那天就這樣呆坐在長椅,等了半小時,才成功上船。
跪求大家Follow我既IG: MaanYin05
傻瓜青娃
2021-5-30 23:31:01
:^(
:^(
山區兒童窩巴
2021-5-31 02:41:30
推
杜撚特
2021-5-31 12:04:38
推啊
係我問題定點 Suki做咩唱k之後仲話同個男仔出去既 定我睇錯
我就是高達
2021-5-31 13:01:30
唔係你問題,樓主講過之後會再講
:^(
萬言
2021-5-31 14:02:00
「鈴鈴鈴」鬧鐘響起,把正熟睡的我吵醒。
今天是星期一,是全香港學生及打工仔的惡夢,
但對我來說,卻是我期待已久的一天。
因為...我終於可以牽著啊童的手上學,牽著啊童的手上課,
甚至偷偷地在學校...嘻嘻...
仆你個街你估我唔知你班友諗咩呀?
諗太多啦你地,我只係想係學校到錫下佢咋,
絕對...係絕對冇諗過你地期待緊既野。
在啊童家門外等待她時,
我腦裏思考著待會見到周叔叔應該如何做,
應不應該告訴他我已經成為了你女兒的男朋友?
抑或應該裝作無事?
「咔嚓」大門緩緩打開,把我的思緒切斷了。
「早晨。」我立即對我未來外父打招呼。
「早晨啊啊言,考試成績點呀?」他問。
「哦,有啊童日日幫我補習,所以成績好咗呀。」
「有冇收返錢啊?」他轉身問啊童。
「吓...冇喎。」啊童呆了一呆,想必是沒料到周叔叔會問這個問題。
「我宜家比返錢吖。」我立即把錢包拿出來。
「嘿,講下笑咋嘛,駛唔駛咁驚啊?我個樣有咁惡咩?」他掛上笑容。
「喂呀,乜你地啲男人一個二個成日都做埋晒呢無聊野㗎,好煩啊。」啊童說。
「男人係咁㗎啦。」我跟周叔叔相視一笑。
「行啦,再唔行就遲到㗎啦。」啊童決定不再糾纏於這個話題上。
跟周叔叔分別後,我便牽起啊童的手,
跟她走回學校。
「你打唔打算比你老豆知我地拍緊拖㗎?」我問。
「呢啲野...順其自然啦。你呢?你打唔打算比Auntie知我地拍緊拖?」啊童反過來問我。
「我啊?未諗啊,同你一樣啦可能,順其自然,到佢發現既時候先再算。」我說。
「喂,放手啦,差唔多到學校,一陣被老師同啲同學見到就唔好啦。」啊童說。
「哦...」縱然心中萬般不想放開啊童,但理智告訴我她說的話是對的,所以我唯有百般不捨地鬆手。
「嚟啦唔好咁啦,成世流流長,有排你拖啦。」
可能是我臉上的表情已經把我心底的說話一字不漏地寫了出來,
又或者是啊童實在太了解我,所以啊童在我放開手後立即安慰我。
「你跟我嚟吖。」已站在校門外的我靈機一動。
我帶著啊童走到學校的後樓梯,
因為那裏基本上是沒有人會行的,
所以在那裏,我就能光明正大地拖著啊童的手上去課室,
不用怕比人看到。
走到一半時,
啊童已經猜到我內心的想法,
「咁都比你諗到,都係拖少一陣啫。」啊童搖了搖頭說。
「喂大佬,幾好拖啊你隻手,又軟又滑,我恨咗拖你隻手恨咗半年啦,宜家終於拖到唔係唔拖多啲下嘛。」我說。
「你真係冇變過,又始至終都仲係咁鍾意抽我水。」
「咩抽抽聲咁難聽啫,掂下女朋友都唔得咩?如果我有一日唔掂你你就驚啦。」已經到達後樓梯的我一把握住啊童的手對她說。
「行啦咸濕佬。」啊童沒好氣地說。
跪求大家Follow我既IG: MaanYin05
我就是高達
2021-5-31 14:09:50
推
:^(
我巴西架
2021-6-1 00:23:01
推
山區兒童窩巴
2021-6-1 02:13:37
推
音樂之鬼
2021-6-1 03:29:27
平安夜但係會熱得濟着熱褲
:^(
Ads
落豉油唔食燒賣
2021-6-1 03:46:41
Do not quote please
:^(
萬言
2021-6-1 07:11:11
講真
今年平安夜凍咩???
之前同個女仔frd聖誕節個段時間出街
佢都係熱褲t shirt
小灰塵
2021-6-1 07:20:52
言言我唔得啦
:^(
:^(
:^(
:^(
萬言
2021-6-1 07:24:54
塵塵你可唔可以唔好咁肉麻
:^(
:^(
:^(
:^(
上一頁
第 13 頁
下一頁