時間線進入1934年8月,南京紫金山天文臺建成,中央研究院天文研究所由鼓樓遷入紫金山,紫金山天文臺設於南京東北海拔267米嘅紫金山第三峰天堡峰上,主要觀測儀器有大型反射望遠鏡、折射望遠鏡等等。進行恒星光譜、光電測光同小行星量觀測等工作,1938年後,中日戰爭爆發,部分先進儀器亦都一同遷往雲南昆明。紫金山天文臺係中國自己建立嘅第一個現代天文學研究機構,係中國近現代天文學嘅發祥地,被譽為「中國現代天文學的搖籃」。政權易手後,1950年5月20日國立中央研究院天文研究所更名為中國科學院紫金山天文臺(Purple Mountain Observatory,
Chinese Academy of Sciences)。80年代末起,南京夜間光污染嚴重,紫金山天文臺嘅晚間專業觀測功能受到嚴重影響,此外受到灰霾影響,天文臺需要更為頻繁花費大量經費擦拭鏡頭,又考慮到紫金山天文臺主要觀測工作,已由青海德令哈等外地優良觀測台址承擔,紫金山天文觀測項目逐步減少,除僅保留一些太陽黑子、太陽無線電、太陽光譜等白天進行觀測項目,主要以開放遊客參觀,擔當天文博物館的功能。1996年,國務院將紫金山天文臺以國立紫金山天文臺舊址名義列入第四批全國重點文物保護單位。
常公子
2022-4-27 19:15:30
9月11號,第五次大圍剿大局已定,行政院決定撤銷豫、鄂、皖3省邊區嘅「剿匪總司令部」。9月15號,鐵道部與當時嘅香港總督簽訂港九鐵路聯運合同。當時嘅香港總督係貝璐爵士(Sir William PEEL,1875-1945),從1930年5月9日至1935年5月17日履任香港總督,在任5年零8天。9月15號,由孔祥熙(1880-1967)任董事長,宋子文(1894-1971)任總經理嘅中國國貨銀行大樓落成,該銀行由官僚資本控制,為「四小行」之一,孔祥熙同宋子文係政府高級官員,又可以自己開銀行,抄寫近代史,喺30年代嘅中華民國金融世界,佢兩位嘅名字出現嘅次數實在太頻密,好似關於錢、資本嘅嘢,都同佢哋有關係,孔祥熙個老婆係宋靄齡(1889-1973),宋靄齡有兩個妹,宋慶齡(1893-1981)同宋美齡(1897-2003),宋慶齡係孫中山老婆,宋美齡係蔣介石老婆,宋子文係宋靄齡同宋慶齡細佬,the answer is 宋家皇朝蔣天下。