5月9號,上海《申報》副刋《自由談》 因為多次刊登魯迅等左翼作家雜文,主編黎烈文(1904-1972)被迫辭職。黎烈文係湖南湘潭人,1926年進入東京第一高等學校預科;後前赴法國第戎柏根蒂大學(University of Burgundy)就讀並獲得文學學士學位,復於巴黎大學取得(堅)文學碩士學位。1932年返回中國,與嚴冰之結婚,12月應史量才(1880-1934)邀請,任《申報》副刊《自由談》主編。1934年5月,離開《申報》,與魯迅(1881-1936)、茅盾(1886-1981)、黃源(1906-2003)等組織譯文社,從事外國文學作品翻譯工作,1936年負責主編《中流》半月刊;同年,佢響魯迅出殯之日,係其中一個扶靈者。1939年抗日戰爭期間,黎烈文應福建省主席陳儀(1883-1950)邀請至當地從事文化及教育工作,並創辦由福建省政府經營的「改進出版社」等文化事業,期間主編過《改進》、《現代文藝》,且翻譯咗不少外國名著。1946年應陳儀邀請來到臺灣並出任官方媒體《台灣新生報》之副社長,1947年轉往國立臺灣大學擔任教授,開授法語和法國文學等課程,此外佢兼任臺灣省訓練團講座,1972年病逝於臺北市。
5月13號,中國五四時期著名女作家廬隱(1898-1934)喺上海大華醫院因難產去世,終年36歲,廬隱著有短篇小說集《海邊故人》、《靈海潮汐》,中篇小說《歸雁》及《廬隱自傳》等,內容以描寫愛情為點,文筆清新婉約,廬隱曾與冰心(1900-1999)、林徽因(1904-1955)齊名,稱為「福州三大才女」。2003年美國哥倫比亞大學出版嘅《女作家在現代中國》(Writing Women in Modern China)之中,與蕭紅(1911-1942)、蘇雪林(1897-1999)和石評梅(1902-1928)等人並列為18個重要嘅現代中國女作家之一。
♊ 今集內容談及邵氏兄弟嘅影視事業,早響1925年,邵仁枚在新加坡成立邵氏機構(Shaw Organisation),後來邵逸夫加入參與經營多間戲院及電影發行。同年,邵氏三兄弟長子邵醉翁、次子邵邨人、三子邵仁枚在上海創辦天一影片公司,建立了電影發行基地。1930年,邵逸夫與邵仁枚在新加坡成立邵氏兄弟公司,經營多間戲院及電影發行。1932年,上海局勢不穩,天一影片公司於1934年在香港設立分廠,1937年改名為南洋影片公司。1958年,邵逸夫於香港成立邵氏兄弟(香港)有限公司。之後,邵氏兄弟 更重電影走進電視,成立咗電視廣播有限公司,即TVB,徹底主宰咗香港嘅影視事業多年。
♐ 邵氏兄弟嘅故事,正好反映出香港嘅位置同角色,由19世紀末期開始,上海成為東南亞最重要嘅金融中心,華洋混雜,其實係當時亞洲最具經濟活力嘅大城市,無數人才同資金集結其中,我哋對民國嘅印象,其實就係對上海嘅印象。之後抗日戰爭爆發,繼而國共內戰,政權易手。上海嘅資金同埋人才紛紛找尋出路,選擇追隨蔣介石到臺灣另謀發展,大概唔係一個最理想嘅選擇; 於是乎上海嘅資金同埋人才好多都選擇去咗香港發展,於是就打造咗香港成為另一個上海,另一個國際大都會,另一個重要嘅金融城市。香港嘅發展,其實同上海息息相關。
♈ 邵氏兄弟只係其中一環,無數嘅企業家資本家,將佢哋嘅資金轉移到香港,香港喺時代嘅夾縫中得到最大嘅好處,可以講係幸運,亦都可以講係偶然。個人嘅能力響大時代面前,其實微不足道。如果冇一場國共內戰發生,香港大概永遠都會祇不過係一個中型城市,係大英帝國響東南亞嘅一個小小補給港同貿易中轉站。歷史嘅機會窗口向香港打開,令香港成為咗歷史舞臺上一個重要嘅角色,不過機會窗口唔會永遠開啟,世界上唔會有長贏嘅賭徒。
🎦https://youtu.be/ST6pUWN5gMU