止蝕派契弟 2021-5-6 09:10:05 好辛苦呀
我要文呀

:^(

毒約英格拉姆 2021-5-6 11:13:34 文呢

:^(

馬鞍山鄺俊宇 2021-5-6 12:24:08 好辛苦呀
我要文呀

:^(

良月良月 2021-5-6 12:39:09 第六十一章 我依家最鍾意就係拖住你出街

『『『『『

Athena︰「夠喇，你好走喇，我係唔會理你㗎！」

阿康：「Athena，你……你俾一次機會我啦，你連街都未同我出過一次，你……你就判我死刑！」

Athena︰「我再講多一次，我哋係冇可能㗎，你究竟明唔明㗎？」

阿康：「我唔明呀，你都未……未了解過我，就話我哋兩個冇可能！」

Sophie︰「喂，你真係好煩呀，講極你都唔明！人哋Athena已經好聲好氣請你走，你仲要死纏佢唔放！」

阿康：「我唔係死纏呀，咩死纏者！我打俾你又唔聽，whatsapp你又唔覆，咁我……我知道你嚟呢度同朋友食飯，我咪嚟搵你囉！」

Athena︰「夠啦，鄧逸康，我依家就同你講清楚，我係唔會鍾意你㗎，無論你做啲乜，對我講啲乜，送啲乜俾我，我都唔會鍾意你㗎，依家唔會，將來唔會，呢一世都唔會！」

Chloe︰「Athena都講到咁明，你不如走啦！」

阿康：「點解呀？點解其他男仔你就肯俾機會，係得我冇機會？」

Athena︰「其實我真唔想講，但係……唉！你自己照吓塊鏡先啦，你叫我點樣拖住你一齊出街呀？我唔想俾人笑死呀，我同你根本大纜都扯唔埋，你唔好再嘥時間喇，拜託啦唔該！」

阿康：「Athena呀，我……」

同行男性朋友：「阿先生，你好快啲走喇，如果唔係，你咪怪我對你唔客氣。」

阿康：「Athena，咁我走喇，我過幾日再嚟搵你啦，好冇？」

Athena︰「唔好呀，你快啲躝呀，躝呀，快啲同我消失呀，我就嚟頂你唔順喇！」

』』』』』

這是一段大約在三年前，由Athena的朋友所拍下的片段。當時Athena正跟另外五位朋友在餐廳用膳，阿康擅自前來餐廳找Athena，並希望Athena可以跟他約會。

當時Athena的朋友將片段上載到Facebook，雖然並沒有設定為公開，但標註了Athena和阿康二人，他們的Facebook朋友也看到此影片，令阿康相當難堪。

Athena跟George拍拖之後，在Athena的要求下，她的朋友刪除了這段影片。

不知甚麼原因，這段影片又再次被那位朋友上載到IG。

Athena︰「有冇攪錯呀！」

阿康：「咩事呀？」

Athena沒有回答阿康，並立即打電話給那位朋友。

阿康不認識Athena那位朋友，所以沒有在IG上追蹤他，也看不到影片。

「你做咩又upload條片上去呀？」
「呢啲係我嘅事，你唔好理，亦都唔關你事！」
「原來係咁！咁即係你唔會delete啦！」

Athena和該朋友爭論了好一陣子，終於掛斷電話。

阿康：「做咩呀你，做乜咁激動？」

Athena︰「你…你睇咗唔好嬲喎！」

Athena將影片的縮圖展示給阿康看，阿康一望到，就知道是那條尷尬的影片，立即顯得無奈。

阿康：「點解條片又出現返？」

Athena︰「係Fred攪鬼！佢原來係識拍片嗰個人，佢特登要我同你難堪，所以叫拍片嗰個人再upload條片！」

阿康：「唉，我唔識點形容呢件事，但我冇嘢，亦都冇唔開心。都係嗰句，我擔心嘅就只有你！」

Athena︰「佢要我打俾Fred，先肯delete條片。Fred一定係想玩嘢，因為我令佢喺公司聲譽受損，係都想玩死我！」

阿康：「Athena，其實你介唔介意呢條片存在喺你朋友嘅IG上面，俾其他人見到？」

Athena︰「冇介意過，因為難堪嗰個係你！我以前咁樣話過你，仲講過呢一世都唔會鍾意你，同埋拖住你出街會俾其他人笑之類嘅說話。條片係會hurt到你，我唔想你再為我受到傷害！」

阿康：「唔會，我感覺唔到我受傷害，只要你依家係鍾意我，同埋拖住我出街唔怕俾人笑，我就唔會覺得有嘢！」

Athena︰「我依家最鍾意就係拖住你出街！」

有Athena的肯定，其他打擊他們的事，阿康根本毫不在乎。二人經歷了很多才走到這一步，所以任何挫折、難關，都只會令他們的關係更穩固。

阿康：「咁又使乜煩段片呢？由得佢擺喺IG囉，啲人過幾日就唔記得㗎啦！就算佢將行動升級，要將條片放上去連登又好，其他討論區又好，我都唔會覺得有問題，呢啲無聊po過幾日就沉晒底啦，冇人理㗎喇！只要我哋依家係真心相愛，你又唔介意就得㗎喇！」

「係！」Athena甜笑回應。

當晚，Athena有感而發，出了一個IG story，內容如下：

「最近很多朋友都好擔心我
怕我做錯了決定
猶其某人在IG po了三年前的一段片
是我被一個男人狂追和騷擾
而我亦對那個男人作出了狠狠的拒絕
偏偏那個男人 就是我現在的男朋友」

「我和他經歷了很多
每件和他有關的事
對我來說 都很刻骨銘心
而且他真的真心打動了我……
我之所以喜歡他
並不存在甚麼奇怪原因
只是我純綷喜歡他而已」

「如果是真心朋友
希望你們會祝福我」

「❤️❤️❤️」

出了IG story之後，Athena很多朋友也有DM她，或者WhatsApp問候，為Athena送上祝福。他們二人拍拖的事，漸漸受到朋友們的接納。

**********

在一個平凡的工作日，Athena在完成外出的工作後，特意前往Smartoys找阿康。

Rachel︰「咦，Athena，好耐冇見你喇！你嚟搵阿康？」

Athena︰「唔係呀，我係特登嚟探你哋㗎！嗱，食蛋糕啦！」

眾人看見Athena前來探班，也喜出望外。這是二人拍拖以來，Athena首次返回Smartoys。最開心的人，當然是阿康。

他們五人圍在一起，一邊吃著Athena買來的蛋糕，一邊細談各自的近況。

Athena坐在阿康身旁。二人「你一口我一口」，互相餵食，十分恩愛，羨煞旁人。

Rachel︰「會唔會太閃呀，好似完全當我哋冇到咁！」

阿康：「OK啦，都唔係太閃者，正常行為。」

肥媽：「唔好咁囂好喎！依家得戚啦，晒命啦，有Athena做你女朋友，羨慕死人啦！」

阿康：「吓，我冇咁諗喎！」

Athena：「嘻嘻，你哋唔好咁啦！我都好開心可以做到佢女朋友㗎！」

說罷，Athena將頭挨在阿康的肩膊上，一副小鳥依人的樣子。

Johnson︰「見到你哋一齊，我都好開心，亦都好放心。阿康，你要對Athena好啲呀，知唔知呀！」

阿康：「知喇！你哋唔好個個都好似覺得我會蝦佢先得㗎！似係佢食住我多啲啦好明顯！」

「邊有喎，我對你好差咩！」Athena扮作生氣地說。

阿康：「梗係冇啦，不知幾好，錫返！」

二人狀作親嘴。

肥媽：「就嚟頂你哋唔順喇！直頭令到我毛管都戙埋！」

眾人也在一片歡樂聲中渡過了這個下午。

**********

晚飯後，阿康和Athena一起乘搭那架阿康最喜歡、晚上九時開出的33號巴士。二人選擇坐在阿康最喜歡的上層中間右排座位。

Athena將頭挨在阿康的膊頭之上，而阿康則望著Athena。

Athena︰「做乜偷望我呀？」

阿康：「Athena，不如我哋買車啦好唔好？」

Athena︰「做乜無端端買車？」

阿康：「唔想你陪我迫巴士。」

Athena︰「個位好寬敞呀，一啲都唔迫！」

阿康：「唔係迫唔迫嘅問題呀，你坐慣私家車嘛！」

Athena︰「你鍾意搭巴士嘛，我陪你一齊搭，真係冇所謂喎！」

阿康：「知你對我好喇，咁我都想你出入可以舒服啲，唔係吓吓都同我迫巴士㗎嘛！」

Athena︰「你有車牌咩？」

阿康：「讀完書就考咗啦，不過考咗牌之後都未揸過者！」

Athena︰「唔坐你車，咁危險！」

阿康：「買咗車之後梗係去補返兩堂先揸啦！」

Athena︰「都係唔使喇，唔好嘥呢啲錢啦！」

阿康：「橫掂我仲有成球喺銀行，呢啲錢唔怕使！」

Athena︰「咁都唔可以亂用啲錢㗎嘛，要諗吓點樣使錢，點樣儲錢，點樣投資去增加你嘅錢。其實我都要開始儲錢，以前太大使，媽咪之前出事我都幫唔到手，覺得好慚愧。我哋都要一齊諗吓我哋嘅將來㗎嘛！」

阿康：「咁快就同我諗將來㗎喇！」

Athena︰「衰人，係咪追到我，自己爽完，就唔諗我哋嘅將來㗎喇！」

Athena扁起嘴，裝作生氣。

阿康：「梗係唔會啦，我似係啲咁嘅人嚟㗎咩？」

Athena︰「有冇車都唔緊要啦，我哋可以坐巴士，間中坐吓的士同uber又得，唔一定要自己有車。」

阿康：「多謝你呀Athena！」

阿康立刻抱住Athena。他清楚知道，Athena是為了自己而作出遷就，而Athena也對自己很認真，想和自己有將來。他決心要盡最大努力，對Athena付出所有，令她成為世上最幸福的女人。

吾艾屎大 2021-5-6 12:46:13 糖尿病了

:^(

奶樽 2021-5-6 12:48:09 而家越甜，之後越

:^(

吞娜乳 2021-5-6 12:50:54 最好就唔好再有咁多波折
講佢地點樣plan 未來
點解解決曰常矛盾個啲會好啲

:^(

綠茶綠茶 2021-5-6 12:53:02 Push

揸緊信念 2021-5-6 13:01:48 仲有成十幾章，咁快就甜到咁
一陣實仆街

:^(

希望黎多個危機就完左佢仲好
咁樣bbq式完都算最好

風之使徒 2021-5-6 13:02:10 好可能相處得好好，其他人插針都插唔入，Athena朋友都欣賞呢個好男人，阿康朋友都開始叫Athena做阿嫂，兩口子間中鬧交即日和好，2年後阿康求婚成功，3年後結婚，END

:^(

睇操女教練 2021-5-6 13:07:45 好甜蜜，之後

:^(

Chiuu 2021-5-6 13:12:20 樓主預計70章姐 有可能唔洗70章都完到
但照咁睇落 如果真係要多個危機既話
好大可能fred會因愛生恨 對Athena或者阿康做d好過分既野

超級菇 2021-5-6 13:12:49 呢個ending最正 希望係咁

:^(

:^(

:^(

超級菇 2021-5-6 13:13:19 有啲似tvb

:^(

關唔關你事呀 2021-5-6 13:25:44 諗起鄭俊弘

:^(

:^(

:^(

喂你冷靜D 2021-5-6 13:33:02 阿fred癲到搵把刀插阿康，點知Athena以身阻擋，都係果D

:^(

風之使徒 2021-5-6 13:34:00 我覺得Athena都要對阿康有返付出，而唔係永遠都係阿康付出，長久以來都係阿康對Athena付出，而我諗感情要長久，雙方關係要對等，雙方都要對呢段關係有投入及付出

:^(

所以如果係我寫，我會寫今次到阿康遇到危機，Athena仆心仆命咁為佢

:^(

超級菇 2021-5-6 13:35:28 好膠

:^(

:^(

:^(

阿康：係我害咗你 如果唔係我堅持同你一齊........

:^(

athena:同你一齊係我呢世人做過最啱嘅決定

喂你冷靜D 2021-5-6 13:42:36 講就好慘，但最尾緊係唔死得啦，Fred坐監，阿康迎接Athena做新娘，RACHEL帶埋個樣好似阿康既男朋友黎，ESTHER接到花球，王婆婆係隔離推住紙皮車老懷安慰，BBQ大結局

:^(

重治 2021-5-6 13:46:11 燒左王婆婆d 紙皮

:^(

:^(

30cm的黑人 2021-5-6 14:07:17

:^(

腩朋友 2021-5-6 15:32:30 上面D人

:^(

:^(

係唔係TVB編劇走哂出黎

:^(

鬼球加西亞 2021-5-6 15:37:07 我都想咁講

:^(

:^(

前前前世 2021-5-6 15:53:35 可以安排Sophine嫉忌
然後色誘男主搶走佢
睇修羅場

有冇牛油 2021-5-6 16:00:35 支持康哥買架GTR返黎

:^(

:^(