《有一日,我同拍拖十年嘅佢講分手。》/《初戀3650天》
上一頁
第 6 頁
下一頁
新傳閪
2021-5-13 00:22:26
你做咩搶咗我嘅台詞
:^(
Ads
日向阿基德
2021-5-13 00:45:48
臨瞓前一推
:^(
仲要捱多兩日先放假
:^(
若木
2021-5-13 06:58:13
睇到好心酸
:^(
白衣魔鬼
2021-5-14 00:16:19
好期待岀書一定會買
:^(
山區兒童窩巴
2021-5-14 02:21:38
推
白衣魔鬼
2021-5-14 21:53:32
Jessie 幾時出文
:^(
Sumyuyu73
2021-5-14 23:38:47
推
日向阿基德
2021-5-15 00:08:31
推
:^(
新傳閪
2021-5-15 00:10:32
推
:^(
:^(
半糖白咖啡
2021-5-15 00:14:43
推
:^(
30cm的黑人
2021-5-15 08:02:01
Jessie你係邊,好掛住你
Ads
白衣魔鬼
2021-5-15 09:05:19
Jessie睇你ig James係咪揾返你搞到你尋晚瞓唔著
:^(
山區兒童窩巴
2021-5-15 21:49:36
推
神秘的國度
2021-5-15 23:51:55
去左邊
秘密旅行
2021-5-16 00:32:18
Jessie撐住呀
:^(
新傳閪
2021-5-16 00:56:14
其實我真係好想打一獲James
因為呢個人 搞到Jessie成日唔開心
但係其實 James就係我哋嘅周圍
啱啱煲完阿晶果集manner club
佢講到發哥係將佢由地獄拉返上嚟嘅人
但係依家 踢返佢落地獄嘅人都係佢
其實明明一齊之前都應該已經知大家係咩人
又點會一齊之後先話唔適合呢
只不過係自私 覺得以後嘅事以後再算
就算説服自己 説服對方 為咗你好先分手
說穿了都只不過係因為自私 仲要假裝偉大
不過點都好
能傷你最深的人 應得你心
:^(
日向阿基德
2021-5-16 01:30:33
James佢最仆街嘅地方係hurt完Jessie之後仲要因為自己私慾走去搵返人,佢點會唔知道Jessie一定會睬返佢??但係佢都仲係咁做,都要係咁傷害Jessie,我依家好疑惑佢係咪真係愛過Jessie
:^(
唉,平日推開文,今晚反而唔想見到Jessie出文,好似傷口上灑鹽咁
:^(
失戀天后
2021-5-16 02:23:09
我都掛住你地!
失戀天后
2021-5-16 02:23:22
來了來了
:^(
失戀天后
2021-5-16 02:25:09
第二章
https://www.youtube.com/watch?v=sgDTsD3c-8k&ab_channel=gjoealiengjoealien
「愛就愛 哪管身份 吻就吻
如果 她這樣動人」
〈露絲瑪莉〉
四年大學生涯,為了那些自己也不知道自己在寫甚麼的Paper、Tutorial和幾乎沒有範圍的考試,Jessie和Michelle已數不清自己在圖書館渡過了多少個日與夜。
Michelle 享受奮鬥的過程,大概是因為結果都是好的,總能輕易從Prof手上拿到A Grade,可Jessie不論認真或Hea過,結果也差不多,漸漸的,她討厭讀書,只想盡快畢業,找份好工作。
然而,當真的來到畢業拍照的日子,她卻不捨得起來。
「得未呀?畢拍就開始,要行啦。」Michelle看着仍站在鏡前畫眉的Jessie問道。
「好快好快,等多我五分鐘!」Jessie小心翼翼地拿着Excel眉筆在眉毛上緩緩填上顏色。
若要用一種動物形容Jessie,那一定是樹懶,不論是快遲到還是追巴士,她都是一副氣定神閒的模樣,而即使她加快了腳步,也不過是一般人的步速。
身為Jessie好友的Michelle早提醒她早點起來準備,沒想到即使提早了一個小時,Jessie還是未能如時出門。
「鈴鈴鈴!」這時候Michelle的電話響起,拿起來看,是她男朋友打來的。
「喂,你係樓下啦?咁快,」Michelle看着仍在塗唇膏的Jessie,猶豫了幾秒。
Jessie能猜到那是她男朋友的電話,開口道:「唔緊要,你落去先啦,反正James未到,我等埋佢,你去先啦。」
「真係?但都就開始,佢係邊?」
「佢仲未放工。」Jessie抿了抿嘴唇,用指頭把多了的唇膏抹去。
「吓,佢放工先黎?依啲大日子,仲返工?」Michelle驚訝地問道。
「佢得咁少假,無謂曬咗佢啲假啦,放工先黎都一樣姐。況且佢都唔會準時開始。」
「好啦咁,我依家落黎。」Michelle對手機說,「你都唔好遲太多。」
「得啦得啦,快啲落去啦你。」
這天風光明媚,初春的微風吹來,裹着淡淡的花香撫過Jessie的髮梢,吹落一地黃花風鈴木,好不浪漫的景致。Jessie卻無暇欣賞這良辰美景,焦急地站在教學樓前,久久不見James的身影。
「登登!」James把一束以Jessie最喜歡的藍色為主調的乾花遞到她眼前,才從她身後竄出來,主動伸手替她拿裝了畢業帽、相機等的環保袋,續說:「係咪好靚呢?畢業快樂呀!」
「咁遲架你,畢業拍照開始咗,要遲到啦,快啲行啦。」Jessie抱怨道,匆忙地往前走,沒打算接過James手上的乾花,
「我都係為咗幫你拎依扎花先遲咗咋。」
這時候,一位女生經過,手上拿的花束比James手上的要大束得多,此外,手上還捧着一隻戴了畢業帽的公仔,旁邊的男生還為她拿着一顆非常「Igable」的畢業氣球,上面正寫着那女生的名字。
Jessie以羨慕的目光看着那女生,說:「你睇,個畢業氣球好似幾靚呀可。」
「你唔係話好貴咩?」James單純地問道。
事實上,Jessie一個月前便經常提起畢業拍照這對她而言意義非凡的日子,伴隨而來的話題便是畢業氣球、公仔和花束等。Jessie知道愚鈍的James不會主動準備這些東西,於是主動給James看IG Shop上的照片,其實就是在提醒他是時候着手準備了。
可即使如此,James卻仍甚麼也沒有準備,直至幾天前,Jessie忍不住直接問他都訂了甚麼花束和公仔,他才問她要去哪訂花束和公仔。
Jessie生氣,覺得James怎可以甚麼也不準備。可只經歷過中學畢業的James根本不知道畢業原來這麼麻煩,連忙問Jessie想要怎樣的花束和公仔。
「係呀,但畢業一世人得一次,貴都值呀。」Jessie帶點失望地說。
James聽出了Jessie語氣裏的不滿,連忙說:「依啲擺一兩日就無,不如我攞啲錢帶你去食好野好過啦。」
雖然Jessie還是覺得有畢業氣球更好,卻還是不爭氣地被吸引了,問道:「食咩?」
「你話食咩就食咩好無?」
「你終於到啦,系主任啱啱講完野,快啲過黎切燒豬啦。」Michelle從James身旁拉走Jessie,走到用七彩繽紛的氣球扭成的彩虹橋下,和其他師生站在一起,看着系主任和學生代表握着刀柄用力劃過香脆得燒豬皮。
「多謝系主任同畢業代表為我地切過燒豬,緊接落黎係拉彩炮嘅環節。」一位看起來格外幼嫩,應該是一年級的學生拿着麥克風說道。
接着,每位畢業生都手上都握着一個金色圓桶型的彩炮,一聲號令下,「啪!」的一聲,裏面的彩色絲帶和皺紙等劃過蔚藍的天空,彷彿象徵着他們的前程,也能在康莊的道路上綉出錦繡的前程。
原來這就是畢業拍照,James心想。
在Jessie身邊,James經歷了很多遍那些本不屬於他的第一次,如溜進大學圖書館、夜半在教學樓天台觀星、屈蛇、Sit堂⋯⋯其實他並不喜歡,包括在畢業拍照這天來找她,因為他總感覺自己不屬於這裏。
可是,他從沒向Jessie提起過半句。
白衣魔鬼
2021-5-16 02:25:47
Jessie呢刻我feel到我段感情就快來到結尾,竟然剛剛收到你嘅回覆,多謝你陪我渡過呢個晚上
:^(
Ads
失戀天后
2021-5-16 02:26:12
第二章(2)
「幫我地影相呀!」在James百無聊賴得忍不住掏出手機來滑時,Jessie走到James身旁,挽着他的手雀躍地說。
「喔,好呀,你想點影?」James連忙收起手機,掏出那部聖誕時剛送給Jessie不久的相機問道。
「我想影個波波橋呀,記得影得我地靚啲瘦啲喎。」Jessie奪過James手上的花束便和Michelle走回對面的彩虹橋。
等候與彩虹橋拍照的人不少,Jessie和Michelle等了好一會才輪到她倆。
為了如Jessie所願,把她們拍得美點、瘦點,James仔細端詳屏幕的構圖,以及畫面的一草一木,才發現Jessie手上的花束確實小了點,尤其當站在捧着一大束鮮花和公仔的Michelle身旁時更是顯眼。
再瞧瞧身旁的其他畢業生,全都左手一束花,右手一個畢業公仔,有的還拿着氣球和大卡紙,甚至是banner。James好像突然能理解Jessie失望的原因。
「你做咩係到發呆,快啲影啦。」Jessie依然雀躍地說。
James連忙按下快門,接着說:「OK!」
「我又要同你地影!」這時候,一位同樣穿着畢業袍的男生衝到Jessie和Michelle身旁說。
James於是又按動快門,把三人燦爛的笑容鎖進鏡頭之中。
「睇下你影成點。」Jessie急步走到James身旁,看了看照片,說:「嗯,唔錯,Michelle你扎花邊到買架,咁靚嘅?」
「唔知喎,我男朋友買嘅。」Michelle漫不經心地說道。
「哇,隻公仔都係呀?」Jessie羨慕地問道。
「嗯!係呀。」
「得意呀!我都想有一隻。」Jessie失望地說。
「但好曬錢喎,我寧願佢買第二啲野比我啦。」Michelle看着手上的公仔,想起宿舍和家的床也不大,不知何處才可安放這玩意,竟煩惱起來。
「畢業快樂呀,Michelle、Jessie!送比你地嘅畢業禮物,希望我地嘅組媽都可以前程錦繡,然後助養我地,哈哈!」Michelle和Jessie的組仔女走到二人身旁,向她們各自遞上一隻穿了畢業袍和畢業帽,手執畢業證書的小狗模樣的公仔,還有一大束的鮮花。
「哇,好有心思,好可愛呀!多謝你地!」Jessie高興地接過這隻看起來並不便宜的畢業公仔和鮮花,與手上的乾花頓時形成更強烈的對比。
「我地一齊去影相呀!」一位組女提議道。
「好呀!」Michelle回應道,而就在他們準備去拍照時,一位男生突然出現在Jessie身旁,說:「畢業快樂呀,Jessie!」
「咦!點解你會係到嘅?」Jessie轉過身,發現是上年參加Summer Programme時認識的Jacky。
去了一年Exchange的Jacky無法如期畢業,只好Defer一年,可他還是穿了畢業袍以配合大部分快將畢業的朋友。
「咁啱有個Friend係隔離影相,咪過黎探下你,拿,你最鍾意嘅Minions公仔。」Jacky把戴了畢業帽的公仔遞給Jessie。
「哇!好可愛!」比起剛才小狗模樣的畢業公仔,這隻顯然更討Jessie的歡心。
「哇,組媽果然有魅力呀,咁多人送公仔比你。」Jessie的組仔挖苦道。
「邊有呀?」Jessis無奈地說。
「難得有位,快啲過黎啦!」組女對他們喊道。
「幫我影相呀,唔該你。」Jessie對James說。
Jessie和組仔女拍照後,Jacky馬上走到Jessie身旁,對James說:「唔該你幫我地都影張呀。」
二人都穿着畢業袍,頭戴畢業帽,捧着花束與畢業公仔,Jacky的手還很自然地搭在Jessie肩膀上。
James突然覺得畫面的二人很是合襯,而自己卻像個不干事,剛巧被找來幫忙拍照的路人,與這歡樂的氣氛格格不入。
「唔該晒你。」Jacky對James說,又看着Jessie,說:「記得Send返張相比我呀你。」
「放心,一定記得!」
「聽住先啦,成日唔記得覆我Message!」Jacky抱怨道。
「係!?邊有啲咁嘅事,一定係你記錯咗。」Jessie說。
「係呀係呀,我去搵返我個Friend先。祝你畢業快樂呀,快啲搵到份好工!」
「一定會!多謝你嘅公仔!」
看着Jacky的身影走遠,James故作不經意地問道:「你同佢好熟架?」
「OK啦,間唔鐘會成班人食下飯咁囉。」
「你地點識架?」
「上年去歐洲嘅時候囉,咁啱同一組,做咩,呷醋呀?係咪好驚我比人搶走呢?」
「我喎,我洗驚,係都你驚先啦。」James口不對心道。
事實上,他確實怕,怕她有一天會發現自己其實並不值得她為他捨棄這麼多,更怕自己會辜負了她。
「Michelle!可唔可以幫我地影相?」Jessie問道。
「可以呀,不過你咁多紥花,我幫你拎住一紥先?」Michelle從Jessie手上接過相機問道。
「呃⋯⋯」雖然組仔女送的鮮花比較大,可是那束乾花是James送的,使Jessie不禁猶豫起來。
「擺低依紥啦。」James不假思索便把自己送的那束乾花塞到Michelle手上。
「但⋯⋯」Jessie未說完,James便打斷她說:「趁無人,快啲去影啦。」
於是,Jessie拉着James走到彩虹橋下,一邊挽着James的手,一邊捧着公仔和鮮花,專注地看着相機鏡頭,笑容比方才的都要燦爛。James的目光卻落在一個寫有Jessie英文姓名的畢業氣球上,而拿着氣球的是另一位男生。
失戀天后
2021-5-16 02:28:11
圍爐取暖總比獨自傷心好
:^(
希望你安好!
失戀天后
2021-5-16 02:29:18
我唔介意聽你講多次
:^(
白衣魔鬼
2021-5-16 02:29:33
多謝你
:^(
你都係啊!
:^(
上一頁
第 6 頁
下一頁