新傳閪 2021-5-30 00:50:21 推

山區兒童窩巴 2021-5-30 03:17:54 推

企定定喺度 2021-5-30 10:19:10 推

神秘的國度 2021-5-30 10:44:11 推

迷你老味 2021-5-30 10:52:11 推

揸兜師 2021-5-30 11:08:18 點解無更

:^(

虛擬國度 2021-5-30 11:35:30 追完等update💪

秘密旅行 2021-5-30 22:47:43 推

情慾辣椒醬 2021-5-31 00:02:17

:^(

:^(

日向阿基德 2021-5-31 00:54:00 推

山區兒童窩巴 2021-5-31 02:43:45 推

30cm的黑人 2021-5-31 15:21:21 Jessie你喺邊啊，好掛住你

:^(

:^(

失戀天后 2021-5-31 23:31:16 第三章（3）

「Surp⋯⋯」Jessie話還未說完，竟發現James身邊還有一位身材嬌小的女生，與他並肩而行，腳步也隨着James停下來。

那女生留着一頭及眉的齊瀏海，與眉毛為鄰的是一副圓圓的金色幼框眼鏡，佔據了她接近半張臉，卻無掩她的大眼睛，餘下半張臉則被口罩所覆蓋。戴的雖是白口罩，但肌膚之白晳，完全不輸那口罩半分，倒顯得她更白。

那女生看看Jessie，又看看James，很快便猜到眼前人大概就是James提起過的女朋友。

「你做咩黎咗嘅？」James驚訝地問道。

「有原因先可以黎搵你架咩？」Jessie問道。

「唔係，你之前無講過要黎呀嘛。」

Jessie的眼光不時落在James旁邊的女同事身上，顯然地，女同事也感受到，害羞的她眼神有點閃縮，不知該安放在何處，也不知該說些甚麼好，突然一聲不發的從James和Jessie身旁走過，徑自乘電梯離開了。

「你地唔係準備一齊出去食野架咩？佢做咩自己走咗？」這次換Jessie有點驚訝。

Jessie以為那女同事至少會和自己打個招呼才走，或是一個禮貌的微笑點頭，沒想到她卻是不辭而別。

「咁佢見到你黎咗呀嘛。」

「我黎咗都可以⋯⋯打個招呼？」Jessie不解地問道。

「求其啦，你想食咩呀？」James牽起Jessie的手往前走。

「你同嗰個女仔咩關係？！」Jessie瞇起雙眼看着James問道。

「同事囉，之前同你提過好蠢嗰個呢，咪佢囉。」James理所當然地說道。

Jessie在腦海搜索了一會，才在記憶的角落找到這女同事的身影，想起James確實提起過這個女同事，印象中是個年紀比她還要小兩年，初出茅廬的小姑娘。

「你地做咩一齊行？」

「一齊買飯盒返去食囉。」

「你平時唔係會帶飯架咩？」

「琴晚呀媽無煮飯呀嘛。」

「其他同事呢？你唔同其他人食？」

James聽得出來Jessie語氣中的不滿與擔憂，耐心解釋道：「啱啱陪佢見客見晏咗呀嘛，同事早就出晒去食啦。佢咁多甩漏，又咁蠢無計啦，當我唔好彩，唔好呷醋啦。」James牽起Jessie的手，續說：「行啦，你想食咩？」

「我邊有呷醋！我只係唔鍾意啲咁蠢嘅女仔！」Jessie嘟着嘴巴說，雙腿跟着James走到電梯間。

尤其係扮蠢嘅女仔！Jessie心想。

「係囉！我都唔鍾意，我鍾意啲好似你咁聰明嘅。」

「都唔知係咪嘅，你地啲男仔一定最鍾意依種睇落細細粒，又蠢嘅女仔。」Jessie的嘴巴愈嘟愈長。

突然一個與剛才那女同事極相似的身影從腦海掠過。

雖然那身影已隨年月逝去變得模糊，那段曾經刻骨銘心的過去卻永遠不可能抹去，只是這麼多年來她選擇把它封印在角落，彷彿只要她忘掉了，它就不會再發生。

「吓，佢成日搞到我OT，又咁遲先有得食飯，成日要幫佢執屎，咁都好？」James牽着Jessie的手步出電梯，問道：「你想食咩？」

「真定假架？」Jessie竟無視了James這如此重要的問題。

「真架，你做咩唔信我？我之前都同你講過佢幾蠢架。」James苦笑道。

你又點會唔知點解我會唔信你？Jessie盯着James的雙眼，心想。

若他真的有意要欺騙自己，再問下去也不會找到真正的答案。所以Jessie要做的並不是尋找真相，而是選擇是否繼續相信他的話。

「我要食台灣野。」

「好好好，最緊要你開心。行啦行啦，我好肚餓。」James緊握Jessie的手走往二樓一間台式餐廳。


「想食咩？」

「想食魯肉飯，但又想食酥炸豬排同紅燒牛肉面。」Jessie糾結地看着餐牌說。

「全部都叫晒囉。」

「吓，邊食得晒。」

「我食牛肉面，你食魯肉飯，炸豬排好少姐，你食到嘅。」

「萬一食⋯⋯」

還未待Jessie說完，James已把侍應叫了過來，說：「一個牛肉面，一個魯肉飯，另外要份炸豬排，再要杯珍珠奶茶，少甜走冰。」

「無問題。」侍應說，然後把桌上的餐牌收起。

雖然口說擔心吃不完，可是當James把Jessie想吃的都點了，Jessie卻不自覺的樂得眉頭都往上揚。

這麼多年了，她的快樂還是一樣簡單。

「係呢，你今日做咩無啦啦黎搵我？」James問道。

「黎突擊你囉。」

「哇，咁好彩我無做衰野姐。」James配合地說道。

「講笑咋，邊個咁得閒。我今日有個天大嘅好消息！」

James想也不用想便猜到，瞪大雙眼期待地問道：「佢請咗你呀？」

「嗯！佢竟然請咗我！」屢屢被拒的Jessie本已作最壞的打算：隨便找份工作，再考公務員，就像她身邊的同學那樣。

而當她已不抱任何希望時，機會卻自動找上門來。

「仲有仲有，就係你公司附近咋，以後我可以等埋你先放工！佢仲無壓我價！」Jessie興奮地說道，彷彿能從她的瞳孔看到煙花在盛開。

無壓價，姐係幾錢？James內心盤算了一下Jessie的薪水，是他的兩倍，也是他所認識的同齡人之中，僅有薪水最高的一、兩位。

「哇，咁你咪好犀利，一出黎就咁高人工。」James驚嘆道。

「OK啦，我身邊嘅人仲犀利。」然而，這對Jessie而言不過是基本，像是長跑比賽，本來落後了，後來即使發力加速，也不過是僅僅追上了前面的人，真正厲害的，是一直跑在前頭遙遙領先的那位。

而她沒有信心能超越，所以面對James的驚嘆，她只感到不配。

可是，對James而言，若這也不算厲害，那他算甚麼？

「係呢，我同Michelle決定咗下個月要去我地嘅Grad trip！」

「咁突然，去邊？」James問道，先前從來沒聽她提過。

不過這麼多年來，她也是想到甚麼就做甚麼，衝動卻又充滿活力，與他截然相反的性格，也正是吸引他的地方。

「歐洲！」

「法國，德國嗰啲？你唔係去過啦咩。」

「Nono, 有無聽過邊到係波黑？」

「嗰到啲波係黑色架？」James疑惑地看着Jessie。

「咩呀，係一個地方黎架，係Balkans嗰邊，有座古橋，好靚好靚，好似童話故事啲仙境咁架！」Jessie說得眉飛色舞，彷彿自己已身在其中。

Balkans是哪James沒概念，也不是James最在意的事情，他在意的是Jessie又要離開他多久，問道：「去幾耐？」

「大半個月左右啦，返去就開工，啱啱好！」

「唉，你去啦去啦，唔洗理我架啦嗚嗚⋯⋯」這次換James嘟起嘴巴賣可憐。

「哎呀，半個月好快過咋嘛。調返轉呀，你咪趁我唔係到做埋啲衰野就真！」

「你dum低我，仲咁諗我，嗚嗚⋯⋯」

看着賣萌的James，Jessie總是輕易被收服，說：「哎呀，最多我去買多啲野食、手信比你啦。」

吃貨Jessie還真以為世人都像她一樣貪吃，可以用美食收買對食物興趣從來不大的James。

James搖搖頭，帶點邪魅的笑容，說：「我．要．你。」

「我？」Jessie很快便猜到James的意思，帶點害羞地說：「無喎，邊有依個Option架。」

二人坐的是闊落卡座，James突然坐到Jessie旁邊的空位。

「做咩呀你？」Jessie不明所以地看着James問道。

「趁仲有得癡住你，緊係要癡得有咁實得咁實啦。」James突然摟着Jessie的腰，把自己的頭埋在Jessie肩膀上，像個撒嬌的小孩，說：「又dum低我咁耐，我真係可憐，仲唔快啲補償我，嗚嗚⋯⋯」

向來受軟不受硬的Jessie，看見這樣的James，心都要融化了，說：「哎呀，好啦好啦，你話點就點啦，你想點補償呀？」

James連忙抬起頭，挑了挑眉頭，幽幽地在她耳邊說了一句話，邊說邊吐氣，癢癢的，聽得Jessie頓時臉紅耳赤。

失戀天后 2021-5-31 23:31:49 咁快手，你會後悔咁快追晒

:^(

失戀天后 2021-5-31 23:32:07 邊個唔鍾意

:^(

失戀天后 2021-5-31 23:32:30 Sor呀，太耐無出文

:^(

失戀天后 2021-5-31 23:47:19 咁耐無出文，感激大家仲肯推文，今個星期會努力出返多少少

:^(

Maradona 2021-6-1 00:00:54

:^(

新傳閪 2021-6-1 00:12:28 唔係趁Jessie去咗旅行偷食吖嘛

:^(

香城首富 2021-6-1 00:48:42 食還食
食同事真係搵自己笨

:^(

日向阿基德 2021-6-1 00:59:34 雖然話喺度食唔好喺度屙，不過出咗嚟做嘢之後其實結識異性嘅渠道比起讀書係少咗好多，唔係點會咁多辦公室戀情

:^(

山區兒童窩巴 2021-6-1 02:43:02 推

法國總統馬克龍 2021-6-1 02:58:27 好sweet 單身狗哭了

:^(

Sumyuyu73 2021-6-1 17:26:59 推推

熊為冰 2021-6-1 20:53:09 妖 真係好撚佢條仔