怡紅墨魁 2021-5-10 18:33:58 吸收教訓

:^(

，唔敢太深，唔咁大口氣叫自己恐怖故，同埋唔敢改標題做XX師

:^(

出到（六）啦

皆大歡Hei 2021-5-10 21:34:50 查完維基見到Yamāntaka係大威德金剛，藏傳密宗認為祂係文殊菩薩嘅化身，會唔會話「文」師傅就係文殊菩薩？但係仲未好get到飛髮定剃頭同死亡個關係。

:^(

怡紅墨魁 2021-5-11 18:01:14

:^(

上網查埋資料！多謝巴打咁認真睇故

:^(

飛髮剃頭嘅意義逐啲逐啲就會揭曉

怡紅墨魁 2021-5-12 17:58:16 樓豬為了寫故，留鬚留頭髮親身約了呢幾日去廣式剪髮，剃刀剃鬚好緊張

:^(

怡紅墨魁 2021-5-16 00:38:40

（真人剃頭故）

加插一個遊記先，樓豬為咗寫故事，就約咗一間廣東理髮鋪，宜家剪完係度寫吓感想

:^(

話說我接觸呢間理髮舖果時已經有啲好笑，我為咗寫剃頭故，係咁搵網上資料，睇吓睇吓，突然俾我睇到一篇文章，講香港有間廣式理髮舖會做埋放血服務

:^(

！

因為我本身做過資料蒐集，所以本身知咩叫放血！

:^(

:^(

以前西方相信放血係一程保健醫療手段，病咗放血就會好返，真係一刀拉埋去，就射啲血出嚟一地都係，高檔少少仲會拎個碗仔裝住添，咁以前理髮師就包剃鬚同小型手術，有講法話手術刀都係咁嚟，所以放埋血真係唔出奇。

但廣東理髮舖喎！香港地喎！你入人哋巷仔，拉你一頸血，我真係想像唔到

:^(

！於是我去理髮舖個page問老闆，老闆覆我話一時誤會，後尾同老闆面對面傾返，老闆親自覆話果時係個妹妹仔嚟採訪，聽吓聽吓佢一定撈亂咗自己維基嘅資料同訪問內容。

成件事好有上維基交大學paper嘅既視感

:^(

之後我WhatsApp問老細，原先佢巷仔舖之外開咗間分店，飛髮仲有得揀香薰蠟燭，chill到

:^(

，之後疫市生意唔好，就得返舊舖，我個心諗住取材體驗，梗係唔介意巷仔剪啦！

講起巷仔，傳統廣式剪髮舖一般都係靠牆巷仔開舖，而上海理髮公司就會有一個完整舖位，我問過師傅（即係老闆）典解，我唔太聽得明，但至少收到師傅一句「香港人精神，就係能屈能伸。」，我見佢轉轉張飛髮櫈，原來巷仔窄，平時伸唔到腳，到剃鬚果時斜斜地，咁個人就可以訓低，師傅就就佢，理你橫直撇捺，手到刀到，乜鬚都剃到。

為咗約廣式剪髮，由我物色剪髮舖果時就已經留緊頭髮唔肯去剪，頭髮好拮眼都唔肯剪，我電話同師傅講句久仰大名，問佢飛髮幾錢，500蚊，既然寫緊文師傅剃鬚，咁梗係想剃埋鬚，咁我又留咗成面草，問佢500蚊包唔包剃鬚，佢話本身剃鬚另計，不過俾我體驗下，500雜毛都幫我剃下，師傅講笑話，都要睇我啲鬚幾多，成個阿爾蓋達咁就要另計。

我滿懷希望以為即係包剃鬚，我仲同佢講留定鬚等佢，是晚女朋友問我剃唔剃鬚，我話唔啦，留比師傅剃

:^(

。同事影相拉低口罩，佢地笑我無剃鬚，我話自己期待緊星期六去剃鬚，個心真係一啲都唔介意俾人笑架，因為剃完我就是一個講究剃鬚嘅型棍鳥！

到今朝約咗師傅11點，我本身做野做通頂，就索性披頭散髮咗咁直接赴會。師傅話會遲，舖頭又未開，我唔心急，就附近點心舖買個黐飯凍豆漿，樓豬中意食辣，拎起人哋啲辣醬辣油想淋落去，疫情之下搞人啲醬料又唔太衞生嘅，但最尤其應該因為通完頂爛撻撻頭又褸丘，店員西我面話不如佢幫我加，樓豬覺得為咗試一次廣東剪髮，寫故比大家，少少屈辱又算乜

:^(

之後等咗陣，見到老闆（師傅）同老闆媽媽（叫老闆娘啦！）一齊夾手夾腳開舖，前一刻舖頭只係巷仔同畫咗理髮舖塗鴉嘅鐵圍板，下一刻突然變咗間靠牆嘅開放式髮廊，老闆娘拎張木櫈放出街比人背靠舖頭坐，我嚟取材梗係寧願企住睇佢開舖，最後佢地拆走對正街外嘅一塊鐵板，原來板下面係一個細窗，睇入去有窗紗同放剃髮架生嘅玻璃櫃，成件事係幾精緻，我覺得個窗令人眼前一亮，忽然間街頭舊舖嘅嗱渣懷舊就同靚呢個字就共存咗。

師傅遞嚟一包檸檬茶，叫我爽爽先，都幾好招呼！佢話以前上海理髮舖仲會遞煙，我心諗自己雖然無食煙，但俾人遞煙嘅感覺一定ho jeng！

師傅提起連登，我問佢有無睇過剃頭故，佢話無，我就坦白其實寫故嘅係我，想嚟取材，師傅真係好好，有問必答，比我掂佢啲風筒剃刀，我拎起佢把田雞剪夾夾夾都唔介意，又幫我叉手機電等我剪完頭髮可以影相，我問佢可唔可以出相再提佢間舖頭，佢話唔洗，因為連登仔好惡，成日話佢間舖貴，又實會話我係打手，無相貼啦搞到

:^(

，典解你地咁惡

:^(

我話500蚊手藝值，佢話宜家啲90 00後唔會欣賞，我無講其實我都係玖拾後，所以先成日寫濕鳩故

:^(

師傅教落好多廣東剪髮知識，我係剃頭故入面慢慢滲俾大家知。我通過頂所以喺咁訓著，師傅用手指頂住我額頭，根本完全唔影響佢剪，佢話客人訓著係好事，證明信師傅。最尾師傅剪完我個頭set好，就用剃刀幫我刮面，我心諗最期待畫面嚟啦！留鬚嘅屈辱終於可以修成正果，結果師傅真係只刮雜毛，鬚全部留住，咁我留鬚成一個幾兩星期做乜

:^(

最後上網查返佢個價，原來熱巾剃鬚正價計800，哈！我自己自作多情！

不過話時話，佢手刀真係好好，乾剃面毛之下一啲都唔刮，我完全無損，不過我都淆底架，把刀行係頸動脈果陣，我真係不禁諗起以前理髮師係點樣幫人放血，又諗起《魔街理髮店》，把刀拖拖條頸佢，話唔定師傅好靈活果張理髮櫈下面就有機關一嘢Sir滑梯我去對面間西面點心舖，比人剁成肉鬆釀黐飯。

到時樓豬希望佢地都係魚師，因為樓豬怕痛

:^(

***

好，遊記係咁多，最終個頭好睇好靚，只係樓豬宜刻打文都未剃鬚，紳士髮型之下，拉低口罩又係一個麻甩叔叔，最尾最尾，樓豬是次理髮500大元，女朋友話今次體驗由我，下不為例，相信800體驗剃鬚都唔洗旨意過到事頭婆，唯有返去乖乖用我嘅吉列剃鬚刀

話時話，有無老店肯sponsor折扣我呢個阿爾蓋達剃鬚，你唔怕連登仔惡嘅話，我可以出多篇遊記介紹你舖頭架

:^(

師傅雖然你話無連登account，不過有都唔好相認，多謝你，有緣再幫襯你

:^(

怡紅墨魁 2021-5-16 00:42:34 樓豬為咗寫故都有認真準備架，睇咗遊記覺得好睇嘅話，可以留個負皮或者留留言推推佢，好人一世平安

:^(

怡紅墨魁 2021-5-16 13:54:02

:^(

推

心消食堂 2021-5-17 13:50:10 樓主好認真呀
推

:^(

N展撚 2021-5-20 08:48:55 推到有結局

怡紅墨魁 2021-5-20 22:55:54

（七）

客人話無得嬲，也沒有說接受我的道歉，我不再好意思站到這麼近，於是回到一邊的紅皮長櫈坐著，我把那包好在白毛巾的玻璃拿上手，看得痴呆。

「放低佢啦！」師傅說話時望都不望我，我手指握得緊，玻璃角拮破了脹實的拇指根部，我覺得好撚痛。「唔係發吽哣吓話？唔想學剃刀，就幫我開收音機啦！就係你後邊。」

我失住神轉個頭，原來櫈背靠住的牆上用膠貼鈎吊住一個黑色盒仔機，天線都沒有條，大小十足十廟外任人拆盒拎的佛經機，我打開掣，用食指推推上面的黑色齒輪轆，這個是音量掣，電台節目主持人的聲音開始變大，他正開始講一個佛教故事：

從前有一個叫阿含薩的劍俠，早已練到身劍合一的境界，所謂身劍合一，股息一吹就能從舌底下取出寶劍，朝天擲劍就能連劍帶人飛走萬里，每每斬人，劍先聲後人方至，到見到劍俠真人時，大多都是看在落地人頭的眼裡的。

但大多數劍俠仍然只是一個凡人，他們逃不出生命裡的種種苦難，生老病死身心煎熬，劍俠們全都要承受，阿含薩不滿足自己的境界，但他知道在祇園精舍有一位出家太子，叫釋達多，是位聞名八方的大覺者，於是他擲劍下山，尋太子求道去。

阿含薩傾刻間來到精舍，卻發現精舍裡僅有一位浴血僧人在打坐入定，其餘僧人均不知去向，阿含薩多次呼喚血僧，血僧始終不作應答，阿含薩便要擲劍遁走，另尋太子的所在地。突然地上「叮噹」一聲，跌了一把剃刀在地，刀身燒住無色火焰，現出了「閻摩降」幾字，然後耳背就傳來響亮如鐘的人聲，嘆氣道：「這人未斬得。」

劍先，聲後，人方至！阿含薩知道自己定是遇到另一位身劍合一的劍俠，他藝高膽大，不怕被斬，故不立即遁走，站穩原地等待對家現出真身，待他轉過頭來，以為會見到一個人模人樣的劍俠在眼前，但他見到的卻是一個皮膚發紅，長住9張臉，34條握劍手臂，16隻腳，頂生牛角的大惡相之人，阿含薩知道此劍俠修為非比尋常，於是目不轉睛，以免在眨眼的瞬間被飛劍斬頭。

惡相人不停嘆氣，重覆說：「這人未斬得。」然後逐步後行，退至血僧打坐的位置上，坐下打坐，與血僧合二為一，血僧開眼，開口問阿含薩是否在叫他。

阿含薩來到精舍遇見高人，便先入為主以為是見到太子，血僧否認，釋達多太子是佛，血僧自己不過是位無名菩薩而已，不過要指引阿含薩精進修行的方法，血僧在劍藝上的修為境界已綽綽有餘。阿含薩見過菩薩的威武惡相，自然不會質疑菩薩的資格，於是虛心受教。

菩薩教他，要在七天內斬一千個人的頭，斬成了，他便可同樣修成菩薩，斬不成，他此生的修為境界就到此為止了⋯⋯

我聽到戲肉，這時師傅一下上前熄了收音機。「返嚟先聽！」師傅說。

「嘩！剃完啦？」我定睛，客人已經剃好鬚，站在師傅身邊，他的臉孔分裂成七八個部分，但至少沒有了血漿住，由嘴至頸的鬚根亦剃得光滑，客人看我的眼神坦蕩，我心有愧疚，目光就沒能在他的臉龐上半部分停留。

「發完吽哣啦嘛！幫手送客啦！」

「唔該你啦哥仔。」客人對我說。

綁到實一實 2021-5-23 02:06:55 好好睇

:^(

主題好有趣

怡紅墨魁 2021-5-23 13:18:38 出到（七）啦

:^(

蛇夫子 2021-5-23 14:23:42 樓主的對白又真實又生鬼，好正，即係咁：

皆大歡Hei 2021-5-23 14:48:46 有睇呀，每日都專登開返個post出嚟睇吓更新咗未㗎，快啲出（八）啦，加油啊

:^(

怡紅墨魁 2021-5-24 18:22:02 多謝支持啊

:^(

出咗（七）啦

怡紅墨魁 2021-5-24 18:22:52 多謝你，我會勤力寫文架

:^(

搭車企入啲 2021-5-24 19:03:22 新讀者LM

客人係咪去投胎呀？

蛇夫子 2021-5-24 21:25:16 「幫襯就飛髮，搵老襯就剃頭。」

飛髮是投胎？剃頭是搵替死鬼？

:^(

:^(

:^(

怡紅墨魁 2021-5-25 08:30:52

（八）

我起身送客，心想客人幾步走出門口都要送住出，傳統理髮服務真是招呼周到。客人走出舖頭外，就轉頭眼厲厲望住我。

「拜拜！」我對他揮揮手，自知柒下柒下，但搞成咁都唔知有乜好講，總之就是我錯。

「吓？哥仔我唔識行，你帶我路好無。」客人吓了一聲，語氣其實仍然好聲好氣，我賤我身痕，寧願他開口埋口屌鳩我。

「送埋人地去目的地啦好心！」師傅插話提點，又拍了我背脊一下，解釋道：「人地係朗豪坊睇到人賣燈賣地磚，見有好路行所以先識入嚟，宜家要佢走返出去咪有心考人！」

我唔識，師傅點教唯有點做，於是我也跨出門外，這時師傅拆了門鈴下來，叫我繫在腰間，我試探動一動身，連每踏一個碎步鈴鐺都會響一下。師傅唔想客人個破相嚇到人，又拿來一個白膠袋讓客人把頭包住。

「師傅，膠袋遮住咗額頭真係好咩？你又話同我額頭點燈？」客人臨走都要找師傅講笑。

「潤我呀！」師傳笑笑口，踢住腳也走出門口，挨住門框就從衫袋夾支霉霉爛爛的藍嘴煙出來，煙仔在客人膊頭抰兩抰，突然就點著火了，不知想搞甚麼魔術大師，「人人夠話膊頭另外有兩道火唔揞得啦，你老尾咪又個個著衫有袖！」

「哈！唔講啦！呀慧等緊我！」客人照做用膠袋紮好自己的頭，膠袋密實，所以後半句是有回音的：「以後你睇住細佬我啊！」

「老套，咁多我鬼睇到。好行唔送啦吓！」師傅手指彈一下我腰上啷啷，催促我帶客人上路。

叮噹叮噹，我也不知客人要去邊，希望路程不用徒步走太遠，我問他係邊，他同樣不知，我猜一係佐敦一係窩打老道，其實沒揸車行落都是麻煩，不過後者腳程始終短些少。客人蒙住頭，就靠我用電話上網查查，我見到篇篇都未講明目的地，難得才見到幅相影在大門口，估計八九成是在窩打老道那邊，就如實同客人講我得八九成把握。

「去錯最多咪再行，我地敍下舊就唔覺行到辛苦。」客人如是說。

敍舊？放過我！

「其實你係咪好憎我。你可以直接鬧出嚟㗎！」我說過我賤。

「其實無拖無欠啫，只係你見我要結婚先覺得我慘，我衰心急，漏咗戒指想快啲拎返去，我對你都自私㗎。」

「咩自私，我咪仲自私，我純粹唔想讓。」

客人不應，在到達目的地之前一直沒有再說話，我不知自己是慶幸他蒙頭所以不用你眼望我眼，還是在為一路上的無言相伴而焦急更多些。

我們沿住窩打老道轉彎，來到了正門，客人灑灑手，與其係生人路入，不如屈返入登打士街係死人出口道後閘入去，他估這樣會近點。

既然他再開口，我反而厚面皮想問他「敍舊」是不是另有所指，如果不是有心窒我，今日才第一次見，何來有舊好敍呢？

「你記唔記得我地六個人殺完Mandy之後一齊跑落唐樓？」

「痴咗線！」我猛咁頭擰擰。「我幾時殺過人！」

Sexys 2021-5-25 09:38:21 睇完魚師，終於等到新故

:^(

我係iu男朋友 2021-5-25 16:37:23 新讀者lm
btw文呀

:^(

蛇夫子 2021-5-25 16:39:52 Mandy 是隻狗？是條魚？或者其他動物？

心涼自然靜 2021-5-25 20:56:31 Mandy…我諗起魚師故都有個Mandy

:^(

:^(

怡紅墨魁 2021-5-26 08:14:14 多謝支持

:^(

出到（八）啦

怡紅墨魁 2021-5-26 15:02:10 多謝你咁抬舉

:^(